کراچی : کے ایم سی کے قبرستانوں میں تدفین کا عمل بند کردیا گیا ہے، جس کی وجہ سے کراچی میں موجود غیر معمولی حالات میں تدفین کرنے میں شہریوں کو مشکلات کاسامنا ہے ۔
بلدیہ عظمیٰ کراچی کے حکام کے مطابق پرانے قبرستانوں میں پہلے ہی جگہ نہیں تھی جس کی وجہ سے انھیں بند کیا گیا ہے۔ بلدیہ عظمیٰ کرچی کے ڈائریکٹر میونسپل مسعود عالم کے مطابق دو سو سینتیس قبرستانوں میں سے بانوے قبرستان کے ایم سی کی حدود میں آتے ہیں، اور ان کی ذمہ داری بلدیہ عظمیٰ کراچی کے پاس ہے۔
بلدیہ کراچی کے مطابق سخی حسن،سوسائٹی،یاسین آباد،عظیم پورہ ان قبرستانوں میں تدفین کیلئے جگہ ختم ہوچکی ہے ، جس کے باعث ان قبرستانوں میں اب مزید تدفین نہیں کی گنجائش نہیں ہے تاہم شہر کے مختلف قبرستانوں میں گنجائش نہ ہونے کے باوجود باآسانی گورکنوں کے ذریعے قبرتیار کروائی جاسکتی ہے۔
تاہم اس کے پیسے ہزاروں میں طلب کیے جاتے ہیں۔ بلدیہ عظمیٰ کراچی نے بھی اس صورتحال کا نوٹس لیا، اور ضلعی انتظامیہ کو ہدایت دی ہے کہ وہ اپنے اپنے اضلاع میں آنے والے قبرستانوں کی صورتحال کومانیٹر کریں اور قواعد کی خلاف ورزی پر متعلقہ عملے او ر گورکنوں کے خلاف کارروائی کی جائے ۔
ڈپٹی کمشنر سینٹرل نے محمد شاہ قبرستان نیو کراچی اور صدیقہ قبرستان میں کیمپ قائم کردیئے گئے متعلقہ افراد فی قبر پانچ ہزار آٹھ سو پچاس روپے مقرر فیس ادا کریں۔
