تربت: ایف سی اور حساس اداروں کے مشترکہ آپریشن میں کالعدم تنظیم کے اہم کمانڈر سمیت تیرا دہشت گرد مارے گئے، دہشت گرد تربت میں مزدوروں کے قتل میں ملوث تھے۔
تربت میں سیکیورٹی فورسز کے ایکشن میں غریب محنت کشوں کے قاتل انجام کو پہنچ گئے، ترجمان ایف سی کے مطابق حساس اداروں اور فرنٹئیر کانسٹیبلری نے تربت میں دہشتگردوں کی موجودگی کی اطلاع پر مشترکہ آپریشن کیا۔
ایکشن میں کالعدم بلوچ لیبریشن فرنٹ کے اہم کمانڈر سمیت تیرہ دہشت گرد ہلاک اور متعدد زخمی ہوگئے، کارروائی میں ایک اہم کمانڈر کو بھی گرفتار کرلیا گیا ہے۔
ترجمان ایف سی کے مطابق ہلاک دہشت گرد بیس مزدروں کے قتل میں ملوث تھے۔
آئی جی ایف سی شیر افگن نے کہا کہ بے گناہ شہریوں کے خون کے ہر قطرے کا حساب لیا جائیگا۔
