Tag: تربیلا ڈیم

  • تربیلا ڈیم میں پانی ذخیرہ کرنے کی صلاحیت ختم

    تربیلا ڈیم میں پانی ذخیرہ کرنے کی صلاحیت ختم

    لاہور: فلڈ فورکاسٹنگ ڈویژن نے بتایا ہے کہ دریائے سندھ پر تربیلا ڈیم پانی سے بھرگیا، تربیلا ڈیم میں پانی ذخیرہ کرنے کی صلاحیت ختم ہوگئی۔

    فلڈ فور کاسٹنگ ڈویژن نے بتایا کہ سیلابی صورتحال کے بعد دریائے سندھ پر تربیلا ڈیم پانی سے مکمل طور پر بھرگیا ہے اور مزید پانی ذخیرہ کرنے کی صلاحیت ختم ہوچکی ہے، تربیلا ڈیم میں پانی کی سطح 1550 فٹ ہے۔

    ڈیم میں پانی کی موجودہ صورتحال کے حوالے سے فلڈ فور کاسٹنگ ڈویژن نے مزید بتایا کہ تربیلاڈیم میں اب جتنا پانی آئےگا اتنا ہی خارج کردیا جائےگا۔

    یہ بھی پڑھیں: دریائے سندھ کے بہاؤ میں اضافے کا خدشہ تربیلا ڈیم کے اسپل ویز کھولنے کا فیصلہ

    فلڈ فورکاسٹنگ ڈویژن کا کہنا ہے کہ دریائے چناب میں چنیوٹ کے مقام پر بہاؤ 1 لاکھ 25 ہزار کیوسک ہے جبکہ نچلے درجے کا سیلاب ہے۔

    دریائے چناب میں ہیڈ تریموں جھنگ کے مقام پر بہاؤ 5 لاکھ 50 ہزار کیوسک ہے، دریائے چناب میں ہیڈ تریموں کے مقام پر انتہائی خطرناک حد تک اونچے درجے کا سیلاب ہے۔

    فلڈ فورکاسٹنگ ڈویژن نے بتایا کہ دریائے چناب میں ہیڈ بنالہ کے مقام پر بہاؤ 94 ہزار کیوسک ہے، دریائے چناب میں خانکی بیراج پر بہاؤ ایک لاکھ 36ہزار کیوسک ہے، قادرآباد بیراج پر پانی کا بہاؤ ایک لاکھ 54 ہزار کیوسک ہے۔

    ادارے نے بتایا کہ قادرآباد بیراج پر درمیانے درجے کا سیلاب ہے، دریائے چناب میں خانکی بیراج پر نچلے درجے کا سیلاب موجود ہے۔

    https://urdu.arynews.tv/pdma-issue-alert-extremely-high-flood-risk-in-three-rivers/

  • دریائے سندھ کے بہاؤ میں اضافے کا خدشہ تربیلا ڈیم کے اسپل ویز کھولنے کا فیصلہ

    دریائے سندھ کے بہاؤ میں اضافے کا خدشہ تربیلا ڈیم کے اسپل ویز کھولنے کا فیصلہ

    اسلام آباد: این ڈی ایم اے نے سیلابی صورتحال کے پیش نظر حفاظتی اقدمات کے تحت تربیلا ڈیم کے اسپل ویز کھولنے کا فیصلہ کیا ہے۔

    تفصیلات کے مطابق این ڈی ایم اے نے بتایا کہ آج شام 7 بجے تربیلا ڈیم کے اسپل ویز کھولنے کا فیصلہ کیا گیا ہے، اسپل ویزکھلنے کے باعث پانی کا بہاؤ 2 لاکھ 50 ہزار کیوسک تک متوقع ہے۔

    این ڈی ایم اے نے کہا کہ دریائے سندھ کے بہاؤ میں ممکنہ اضافے کا خدشہ ہے، ملحقہ علاقوں کےمکین آبی گزرگاہوں کےقریب جانے سے گریز کریں۔

    اس حوالے سے این ڈی ایم اے نے تمام متعلقہ اداروں کو پیشگی آگاہ کر دیا ہے، ہدایت کی گئی ہے کہ نشیبی علاقوں کے مکین محتاط رہیں اور انتظامیہ کیساتھ تعاون کریں۔

    دریں اثنا پی ڈی ایم اے نے پنجاب میں سیلاب کی صورتحال کے حوالے سے تازہ رپورٹ جاری کردی، چناب، راوی اور ستلج دریا کے مختلف مقامات پر پانی کے بہاؤ کی تفصیلات جاری کیں۔

    دریائے چناب میں مرالہ کے مقام پر 1 لاکھ 61 ہزار کیوسک پانی کا ریلہ گزر رہا ہے، چناب میں خانکی کے مقام پر 2 لاکھ 3 ہزار کیوسک کا ریلہ گزر رہا ہے۔

    ہیڈ قادر آباد میں 1 لاکھ 60 ہزار، چنیوٹ پل پر 4 لاکھ 18 ہزار کیوسک کا ریلہ گزر رہا ہے، جسڑ پر 91 ہزار، راوی سائفن پر 1 لاکھ 14 ہزار کیوسک کا ریلہ گزر رہا ہے۔

    پی ڈی ایم اے کا کہنا ہے کہ ریواز پل پر خطرناک حد 526 فٹ ہے، پانی 523.6 فٹ تک پہنچ چکا ہے، تریموں کے مقام پر 1 لاکھ 45 ہزار کیوسک کا ریلہ گزر رہا ہے۔

    علاوہ ازیں بلوکی کے مقام پر 2 لاکھ 23 ہزار، سدھنائی کے مقام پر 3 لاکھ 47 ہزار کیوسک، جبکہ گنڈا سنگھ پر 2 لاکھ 53 ہزار، سلیمانکی پر 1 لاکھ 54 ہزار کیوسک کا ریلہ گزر رہا ہے۔

    https://urdu.arynews.tv/chenab-river-flood-targeted-jhang/

  • این ڈی ایم اے کا تربیلا ڈیم کے اسپل ویز آج کھولنے کا فیصلہ

    این ڈی ایم اے کا تربیلا ڈیم کے اسپل ویز آج کھولنے کا فیصلہ

    اسلام آباد (25 اگست 2025): این ڈی ایم اے نے تربیلا ڈیم کے اسپل ویز آج کھولنے کا فیصلہ کیا ہے۔

    این ڈی ایم اے سے جاری اطلاع کے مطابق آج تربیلا ڈیم کے اسپل ویز کھولے جائیں گے، جس کے باعث 2 لاکھ 50 ہزار کیوسک تک پانی کے بہاؤ کا امکان ہے۔

    اسپل ویز کھلنے سے دریائے سندھ میں پانی کے بہاؤ میں اضافے کا خدشہ ہے، اس لیے قریبی علاقوں کے مکینوں کو محتاط رہنے کی ہدایت کر دی گئی ہے۔ این ڈی ایم اے نے تمام متعلقہ اداروں کو پیشگی آگاہ کر دیا ہے۔

    این ڈی ایم اے کا کہنا ہے کہ نشیبی علاقوں کے مکین آبی گزرگاہوں کے قریب جانے سے گریز کریں، اور مقامی انتظامیہ سے تعاون اور احتیاطی تدابیر اختیار کریں۔

    کلاؤڈ برسٹ سے مکئی کی فصل کو شدید نقصان

    محکمہ انہار کے مطابق دریائے چناب میں قادر آباد کے مقام پر پانی کی سطح میں بتدریج اضافہ ہو رہا ہے، قادر آباد بیراج کے مقام پر پانی کی آمد 108724 کیوسک ہے، اور پانی کا اخراج 91724 کیوسک ہے۔

    سیالکوٹ کی ضلعی انتظامیہ کے مطابق دریائے جموں توی میں پانی کا اخراج 18 ہزار 467 کیوسک ریکارڈ کیا گیا ہے، سیلابی صورت حال میں 18 موضع جات متاثر ہونے کا خدشہ بڑھ گیا ہے، ممکنہ سیلاب میں 5 ہزار 47 افراد کے بے گھر یا متاثر ہونے کا خدشہ ہے، سیلاب سے ندالہ، سید پور، چک سلہریاں، ابدال، چک بالو صالح پور زد میں آ سکتے ہیں۔

  • مسلسل بارشیں ، تربیلا ڈیم مکمل بھر گیا

    مسلسل بارشیں ، تربیلا ڈیم مکمل بھر گیا

    اسلام آباد : تربیلا ڈیم میں 57 لاکھ 66 ہزار ایکڑ فٹ پانی ذخیرہ کر لیا گیا، ڈیم میں پانی کی سطح ایک ہزار550فٹ ہے۔

    تفصیلات کے مطابق مسلسل بارشوں کے باعث تربیلا ڈیم مکمل بھرگیا، ڈیم میں پانی کی سطح ایک ہزار550فٹ ہے، تربیلا کی جھیل میں اس وقت 57 لاکھ 66 ہزار ایکڑ فٹ قابلِ استعمال پانی موجود ہے۔

    تربیلا ڈیم میں پانی کا اپنی پوری صلاحیت کے مطابق بھرنا زرعی شعبے اور کم لاگت اور ماحول دوست بجلی کی پیداوار کے لئے نہایت خوش آئند ہے۔

    تربیلا ڈیم اپنے قیام سے ملکی معیشت اور معاشرتی ترقی کے لئے اہم کردار ادا کر رہا ہے۔ اس منصوبے سےزراعت کے لئے پانی کی فراہمی، سیلاب سے بچائو اور کم لاگت پن بجلی پیدا کی جاتی ہے۔

    تربیلا، منگلا اور چشمہ کے آبی ذخائر میں آج پانی کی آمد و اخراج، ان کی سطح اور بیراجوں میں پانی کے بہاؤ کی صورت حال حسب ذیل رہی:

    دریا :

    سندھ (تربیلاکے مقام پر): آمد 2 لاکھ 56 ہزار400 کیوسک اور اخرج 2 لاکھ35 ہزار600کیوسک، کابل(نوشہرہ کے مقام پر): آمد 66 ہزار400 کیوسک اور اخراج 66 ہزار 400 کیوسک، خیرآباد پل:آمد 2 لاکھ99 ہزارکیوسک اور اخرج 2 لاکھ 99 ہزار کیوسک،جہلم (منگلاکے مقام پر):آمد25ہزار800کیوسک اور اخراج10 ہزارکیوسک، چناب (مرالہ کے مقام پر): آمد 62 ہزار700کیوسک اور اخراج 38 ہزار300 کیوسک۔

    بیراج :

    جناح: آمد 3 لاکھ 46 ہزار 500کیوسک اور اخراج3 لاکھ 41 ہزار200 کیوسک، چشمہ: آمد 3 لاکھ 85 ہزار300 کیوسک اوراخراج 3 لاکھ 49 ہزار400 کیوسک، تونسہ: آمد 3 لاکھ 90 ہزار200کیوسک اور اخراج 3 لاکھ 80 ہزار200 کیوسک،گدو :آمد3 لاکھ81 ہزار کیوسک اور اخراج 3 لاکھ81 ہزار کیوسک، سکھر: آمد 3 لاکھ 84 ہزار800کیوسک اور اخراج 3 لاکھ 71 ہزار کیوسک، کوٹری:آمد 2 لاکھ 22 ہزار300کیوسک اور اخراج ایک لاکھ 87 ہزار500کیوسک،تریموں: آمد 91 ہزار900کیوسک اور اخراج 82 ہزار 700 کیوسک ، پنجند: آمد 56 ہزار800کیوسک اور اخراج 56 ہزار800کیوسک۔

    آبی ذخائر:

    تربیلا: ریزروائر کا کم از کم آپریٹنگ لیول 1402 فٹ ،ریزروائر میں پانی کی موجودہ سطح 1550 فٹ ،ریزروائر میں پانی ذخیرہ کرنے کی انتہائی سطح 1550 فٹ اورآج قابلِ استعمال پانی کا ذخیرہ 5.766 ملین ایکڑ فٹ۔

    منگلا: ریزروائر کا کم از کم آپریٹنگ لیول 1050 فٹ ،ریزروائر میں پانی کی موجودہ سطح 1213.80.فٹ ،ریزروائر میں پانی ذخیرہ کرنے کی انتہائی سطح 1242فٹ اور آج قابلِ استعمال پانی کا ذخیرہ 5.169 ملین ایکڑ فٹ۔

    چشمہ: ریزروائر کا کم از کم آپریٹنگ لیول 638.15 فٹ،ریزروائر میں پانی کی موجودہ سطح 643.60 فٹ ،ریزروائر میں پانی ذخیرہ کرنے کی انتہائی سطح 649 فٹ اور آج قابلِ استعمال پانی کا ذخیرہ 0.102 ملین ایکڑ فٹ۔

    تربیلا اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد اور اخراج 24گھنٹے کے اوسط بہاؤ کی صورت میں ہے جبکہ دیگر مقامات پر پانی کی

  • تربیلا ڈیم سے بجلی کی پیداوار بند

    تربیلا ڈیم سے بجلی کی پیداوار بند

    لاہور: تربیلا ڈیم میں سلٹ آنے سے بجلی کی پیداوار بند ہوگئی، سلٹ سے مشینری کو نقصان پہنچنے کا خدشہ ہے، لاہور سمیت پنجاب بھر میں غیر اعلانیہ لوڈشیڈنگ پہلے ہی بڑھ چکی ہے۔

    تفصیلات کے مطابق تربیلا ڈیم میں سلٹ آنے سے بجلی کی پیداوار بند ہوگئی، ذرائع کا کہنا ہے کہ سلٹ سے مشینری کو نقصان پہنچنے کا خدشہ ہے۔

    ذرائع کا کہنا ہے کہ ملک میں بجلی کا بحران شدت اختیار کر چکا ہے، تربیلا سے 3 ہزار میگا واٹ پیداوار میں کمی کا سامنا ہے۔

    ذرائع کے مطابق مجموعی شارٹ فال 6 ہزار میگا واٹ سے زائد ہوگیا جس کے بعد لاہور سمیت پنجاب بھر میں غیر اعلانیہ لوڈشیڈنگ بڑھ گئی ہے۔ تربیلا سے پیداوار آنے میں 2 دن کا وقت لگے گا۔

    لیسکو حکام کا کہنا ہے کہ لیسکو میں بجلی کی طلب 5 ہزار میگا واٹ سے تجاوز کر گئی، بجلی کی سپلائی 4 ہزار میگا واٹ کے قریب ہے۔

  • تربیلا ڈیم میں کشتی الٹ گئی، 50 سے زائد افراد ڈوب گئے

    تربیلا ڈیم میں کشتی الٹ گئی، 50 سے زائد افراد ڈوب گئے

    ہری پور: خیبرپختونخوا میں واقع تربیلا ڈیم میں مسافروں سے بھری کشتی الٹنے سے متعدد افراد ڈوب گئے، ہلاکتوں کا اندیشہ ہے ، پاک فوج کی ٹیم ریسکیو آپریشن کے لیے روانہ ہوگئی۔

    تفصیلات کے مطابق یہ واقعہ آج بروز بدھ صبح 11 بجے کے قریب ناڑہ امازئی تھانے کے حدود میں برگ کے مقام پر پیش آیا۔ مقامی انتظامیہ کے مطابق ڈوبنے والی کشتی پر 50 سے 60 افراد سوار تھے جن میں عورتیں اور بچے بھی شامل ہیں۔

    انتظامیہ کے مطابق ڈوبنےوالےمسافروں کونکالنےکیلئےپاک فوج کی مددطلب کرلی گئی ہے، ریسکیو ٹیم غازی بیس سے ہیلی کاپٹر کے ذریعے جائے وقوعہ کی جانب روانہ کردی گئی ہے۔

    پولیس کے مطابق یہ کشتی طورغر سے ہری پور جا رہی تھی اور راستے میں ممکنہ طور پر بھنور میں پھنس کر الٹ گئی۔ پولیس حکام کے مطابق ڈوبنے والے افراد مقامی دیہات سے تعلق رکھتے ہیں۔

    کشتی الٹنے کے بعد مقامی افراد نے اپنی مدد آپ کے تحت دس کے قریب افراد کو بچایا ہے جبکہ تین افراد کی لاشیں بھی نکال لی گئی ہیں جن ایک دس سالہ بچی بھی شامل ہے۔

    خیال رہے کہ طورغر اور اس کے قریبی علاقوں کے لوگ موسمِ گرما میں تربیلا ڈیم میں پانی آنے کے بعد ہری پور تک رسائی کے لیے کشتیوں کا استعمال کرتے ہیں کیونکہ پانی پر سفر کا دورانیہ سڑک کے مقابلے میں کم ہے۔ ان کشتیوں پر لوگ اپنے مویشیوں کو بھی خریدوفروخت کی غرض سے ساتھ لے جاتے ہیں اور ابتدائی اطلاعات کے مطابق ڈوبنے والی کشتی پر بھی مویشی موجود تھے۔
    جس جگہ کشتی ڈوبی اس کے اردگرد پہاڑی علاقہ ہے اور وہاں تک کا زمینی راستہ بہت دشوار گزار ہے جبکہ کشتی میں بھی وہاں پہنچنے میں چار سے پانچ گھنٹے کا وقت درکار ہے۔

  • تربیلا چوتھے توسیعی منصوبے سے بجلی کی پیداوار دوبارہ شروع

    تربیلا چوتھے توسیعی منصوبے سے بجلی کی پیداوار دوبارہ شروع

    اسلام آباد: تربیلا ڈیم کے چوتھے توسیعی منصوبے سے بجلی کی پیداوار دوبارہ شروع ہوگئی، اس منصوبے کی کُل صلاحیت 1410 میگا واٹ ہے۔

    تفصیلات کے مطابق واپڈا کی طرف جاری اعلامیے میں کہا گیا ہے کہ تربیلا ڈیم کے چوتھے توسیعی منصوبے نے بجلی کے پیداواری عمل میں اپنا حصہ ڈالنا شروع کر دیا ہے۔

    واپڈا کے مطابق تربیلا کے یونٹ نمبر 16 سے پیدا ہونے والی بجلی نیشنل گرڈ کو مہیا کی جا رہی ہے، اس کے دوسرے گیٹ کو بھی آج اٹھا لیا گیا ہے۔

    واپڈا کا کہنا ہے ’دوسرا گیٹ لفٹ کرنے کے بعد بجلی کے پیداواری عمل کا از سرِ نو آغاز کیا جا چکا ہے، چند روز میں باقی 2 یونٹس سے بھی بجلی کا پیداواری عمل شروع کر دیا جائے گا۔‘

    خیال رہے کہ رواں سال فروری میں تربیلا ڈیم کے چوتھے توسیعی منصوبے کے پہلے یونٹ سے بجلی کی پیداوار شروع ہوگئی تھی، یہ منصوبہ 92 کروڑ لاگت پر مشتمل ہے جس کی کُل صلاحیت 1410 میگا واٹ ہے، یہ اضافی سستی پن بجلی کا منصوبہ ہے۔


    یہ بھی پڑھیں:  تربیلا ڈیم بھر گیا، مزید پانی ذخیرہ کرنے کی گنجائش ختم


    واضح رہے کہ حالیہ بارشوں سے ملک کے دریاؤں اور ڈیموں میں پانی کی مسلسل آمد کی وجہ سے تربیلا ڈیم مکمل طور پر بھر چکا ہے، تربیلا ڈیم میں پانی کی آمد دو لاکھ 25 ہزار 100 کیوسک فٹ ہے جب کہ پانی کا اخراج دو لاکھ 24 ہزار 800 کیوسک فٹ ہے۔

  • پانی کا بحران شدید: تربیلا ڈیم میں پانی کی سطح ڈیڈ لیول پر برقرار

    پانی کا بحران شدید: تربیلا ڈیم میں پانی کی سطح ڈیڈ لیول پر برقرار

    لاہور: ملک میں پانی کا بحران شدت اختیار کر گیا ہے، تربیلا ڈیم میں پانی کی سطح ڈیڈ لیول 1386 فٹ پر برقرار ہے۔

    تفصیلات کے مطابق دریائے سندھ میں تربیلا کے مقام پر پانی کی آمد 1 لاکھ 21300 کیوسک ہے جب کہ پانی کا اخراج 1 لاکھ 20600 کیوسک ہے۔

    ذرائع کا کہنا ہے کہ تربیلا ڈیم میں پانی کی کمی سے پنجاب اور سندھ کو پانی کی فراہمی میں کمی ہوگی، جس کی وجہ سے ملک میں پانی کا بحران مزید شدید ہوگا۔

    ذرائع کے مطابق تربیلا کے علاوہ دیگر ڈیموں میں بھی پانی کی کمی ہے، منگلا ڈیم میں پانی کی آمد 39300 کیوسک جب کہ اخراج 55 ہزار کیوسک ہے۔

    دریائے چناب میں ہیڈ مرالہ کے مقام پر آمد 53200 کیوسک ہے جب کہ دریائے چناب میں ہیڈ مرالہ کے مقام پر اخراج 21100 کیوسک ہے۔

    واضح رہے کہ ملک میں پانی کا شدید بحران ہے لیکن ڈیموں کی تعمیر ایک عرصے سے سیاست کا شکار ہے، گزشتہ دنوں چیف جسٹس آف پاکستان نے اس مسئلے کو اٹھایا۔

    مسلح افواج کا ڈیموں کی تعمیر کے کار خیر میں بڑھ چڑھ کرحصہ لینے کا اعلان


    چیف جسٹس نے متعلقہ اداروں کو ڈیموں کی تعمیر کی ہدایات جاری کرتے ہوئے اس کے لیے ایک فنڈ بھی قائم کر دیا ہے، جس میں انھوں نے پہل کرتے ہوئے دس لاکھ کا عطیہ دیا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تربیلا ڈیم میں قابل استعمال پانی کا ذخیرہ ختم

    تربیلا ڈیم میں قابل استعمال پانی کا ذخیرہ ختم

    اسلام آباد : ملک کے سب سے بڑے ڈیم تربیلا میں پانی کا قابل استعمال ذخیرہ ختم ہونے کے بعد پانی کی سطح ڈیڈ لیول ایک ہزار 386 فٹ پرآگئی ہے۔

    تفصیلات کے مطابق ملک میں پانی کی کمی مزید شدت اختیار کر گئی اور ملک کے سب سے بڑے ڈیم تربیلا میں پانی کا قابل استعمال ذخیرہ ختم ہونے کے بعد پانی کی سطح ڈیڈل لیول پرآگئی ہے۔

    ملک میں بارشوں کی کمی اور گلیشیرز کے نہ پگھلنے سے ملک کے آبی ذخائر جولائی میں بھی بہتر نہ ہوسکے اور آئندہ چند روز میں بارشیں نہ ہوئیں تو صورت حال مزید سنگین ہوسکتی ہے۔

    فلڈ فار کاسٹنگ ڈویژن کے مطابق آج تربیلا میں پانی کی آمد ایک لاکھ ایک ہزار اور اخراج 95 ہزار 500 کیوسک ہے جبکہ منگلا میں پانی کی آمد 39 ہزار اور اخراج 69 ہزار 127 کیوسک ریکارڈ کی گئی ہے۔

    ڈیموں میں پانی کی کمی کے باعث صوبوں کو ملنے والے پانی کی مقدار میں بھی کمی آئے گی اور صرف سندھ کے گڈو، سکھر اور کوٹری بیراج میں پانی کی قلت 40 سے 50 فیصد تک پہنچ جائے گی جس کے باعث چاول سمیت مختلف فصلوں کے متاثرہونے کا خدشہ بڑھ گیا ہے۔

    پاکستان میں سالانہ 25 ارب روپے کا پانی ضائع

    یاد رہے کہ گزشتہ سال جولائی میں واٹر اینڈ پاور ڈویلپمنٹ اتھارٹی (واپڈا) کے چیئرمین لیفٹننٹ جنرل (ر) مزمل حسین نے انکشاف کیا تھا کہ پاکستان میں ہر سال 25 ارب روپے کی مالیت کا پانی ضائع کردیا جاتا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

     

  • ہری پور : ٹی فور منصوبے کی شٹرنگ گرنے سے 3چینی انجینئرز ہلاک

    ہری پور : ٹی فور منصوبے کی شٹرنگ گرنے سے 3چینی انجینئرز ہلاک

    ہری پور: ٹی فور منصوبے پر کام کرنے والے افراد پر شٹرنگ گرنے سے تین چینی انجینئرز ہلاک اور بیس افراد زخمی ہو گئے.

    تفصیلات کے مطابق تربیلاڈیم کے توسیعی منصوبے پر کام کرنے والے افراد پر شٹرنگ گرنے کے نتیجے میں کام کرنے والے کئی افراد زخمی ہوگئے.

    حادثے میں زخمی ہونے والے افراد کو ریسکیو اہلکاروں اور مقامی افراد نے طبی امداد کے لیے اسپتال منتقل کردیا،جہاں زخموں کی تاب نہ لاتے ہوئے تین چینی انجینئردم توڑ گئے.

    ڈاکٹرز کے مطابق واقعے میں 20ا فراد زخمی ہوئے ہیں جن میں سے بعض کی حالت تشویشناک ہے،حادثے میں زخمی ہونے والے افراد کو تربیلا غازی اسپتال منتقل کر دیا گیا جہاں ان کو طبی امداد دی جارہی ہے.