Tag: ترجمان دفتر خارجہ

ترجمان دفتر خارجہ شفقت علی خان نے واضح طور پر کہا ہے کہ پاکستان کی روایتی دفاعی صلاحیتیں بھارت کو روکنے کے لیے کافی ہیں۔

ترجمان دفتر خارجہ پاکستان شفقت علی خان نے بھارتی وزیر دفاع کے پاکستانی جوہری ہتھیاروں سے متعلق بیان پر ردعمل دیتے ہوئے کہا ہے کہ بھارتی وزیر دفاع نے اپنے غیر قانونی زیر قبضہ جموں وکشمیر میں پاکستان کے جوہری ہتھیاروں سے متعلق بیان دیا جس کی شدید مذمت کرتے ہیں۔ پاکستان کی موثر دفاعی صلاحیتیں دیکھ کر بھارتی وزیر دفاع کا بیان ان کی مایوسی کو ظاہر کرتا ہے۔

ترجمان دفتر خارجہ نے کہا کہ پاکستان کو بھارت کی طرح خود ساختہ ’’جوہری بلیک میل‘‘ کی ضرورت نہیں۔ پاکستان کی روایتی دفاعی صلاحیتیں ہی بھارت کو روکنے کے لیے کافی ہیں۔ بھارتی وزیر دفاع کے بیان سے واضح ہے کہ انہیں آئی اے ای اے کی ذمہ داریوں کا ادراک نہیں۔

ترجمان دفتر خارجہ کے مطابق گزشتہ سال بھابھا اٹامک ریسرچ سینٹر سے چوری تابکار ڈیوائس کیساتھ 5 افراد کو دہرادون میں پکڑا گیا تھا۔ کیلیفورنیم نامی انتہائی تابکار اور زہریلے مواد کی غیر قانونی ملکیت میں ملوث گروہ پکڑا گیا۔ چوری کیے گئے انتہائی تابکار اور زہریلے مواد کی مالیت 100 ملین امریکی ڈالرز تھی جب کہ 2021 میں بھی کیلیفورنیم کی چوری کے 3 واقعات رپورٹ ہوئے تھے۔

شفقت علی خان نے مزید کہا کہ بھارت میں جوہری اور تابکار مواد کی بار بار چوری کے واقعات پر آئی اے ای اے کو تشویش ہونی چاہیے جب کہ عالمی برادری کو بھارت سے غیر قانونی اسمگلنگ کے واقعات پر بھی تشویش ہونی چاہیے۔

ان کا کہنا تھا کہ سوالات اٹھتے ہیں کہ بھارت نےجوہری ودیگر تابکار مواد کے تحفظ کیلیے کیا اقدامات کیے۔ پاکستان ان واقعات کی جامع تحقیقات کا مطالبہ کرتا اور بھارت سے جوہری تنصیبات اور ہتھیاروں کا تحفظ یقینی بنانے کی اپیل کرتا ہے۔

اسلام آباد: دفتر خارجہ کے ترجمان نے کہا ہے کہ پاکستان نے اقوام متحدہ کے انسانی حقوق کے ادارے کے ریمارکس کا نوٹس لیا ہے، احتجاج کرنے والے عام مظاہرین نہیں بلکہ دہشت گرد تنظیموں کے کارکن تھے۔

ترجمان نے آج جمعرات کو بریفنگ میں کہا کہ احتجاج کرنے والوں کی دہشت گردی کا بڑا ثبوت سول اسپتال کوئٹہ پر حملہ، اور دہشت گردوں کی لاشوں پر قبضہ ہے، یو این ادارے کی پریس ریلیز دہشت گردی کے خلاف سپورٹ کے برعکس، دہشت گردوں کو تقویت دیتی ہے۔

ترجمان نے کہا حکومت اپنے شہریوں کے جان و مال کے تحفظ کی پابند ہے، مذہبی، نسلی پس منظر سے قطع نظر حکومت شہریوں کے تحفظ کے لیے پرعزم ہے، اور دہشت گردوں اور ان کے ہمدردوں کے لیے کوئی رعایت نہیں۔

ترجمان نے بتایا کہ نائب وزیر اعظم کی ہدایت پر نمائندہ خصوصی محمد صادق نے کابل کا دورہ کیا، 21 مارچ کو محمد صادق کی افغان عبوری وزیر خارجہ و وزیر تجارت سے ملاقات ہوئی، پاکستان اور افغانستان نے اعلیٰ سطح پر رابطے برقرار رکھنے پر اتفاق کیا، پاکستان اور افغانستان کے درمیان سفارتی ذرائع سمیت کئی سطح پر جامع بات چیت ہوئی ہے، امریکا یا کسی بھی ملک کے ساتھ تعلقات افغانستان کا اپنا معاملہ ہے، بگرام ایئر بیس کے حوالے سے اطلاعات محض قیاس آرائیاں ہیں۔

گوادر : کوسٹل ہائی وے پر مسلح افراد نے 6 مسافروں کو قتل کردیا

دفتر خارجہ کے ترجمان نے کہا پاکستان روس اور یوکرین کے درمیان محدود جنگ بندی کا خیر مقدم کرتا ہے، امید ہے موجودہ اقدامات سے مستقل اور پائیدار جنگ بندی کی راہ ہموار ہوگی، ترجمان نے کہا پاکستان مقبوضہ کشمیر میں حریت قیادت کے گھروں پر چھاپوں کی شدید مذمت کرتا ہے۔

ترجمان نے کہا پاکستان امریکی ایوان نمائندگان میں متعارف بل سے آگاہ ہے، پاکستان آزادی اظہار، انسانی حقوق اور آئین پر عمل درآمد کرتا ہے، ایوان نمائندگان میں آنے والا بل ایک رکن کا بل ہے جسے ابھی کئی مراحل سے گزرنا ہے، پاکستان سمجھتا ہے کہ مجوزہ بل امریکی انتظامیہ کی پالیسی نہیں ہے۔

ترجمان نے کہا حکومت پاکستانی صحافیوں کے دورہ اسرائیل کی اطلاعات سے آگاہ ہے، پاکستان کا پاسپورٹ اسرائیل کے لیے کارآمد ہے نہ پاکستان اسرائیل کو تسلیم کرتا ہے، دہری شہریت کے حامل شہری کسی دوسرے پاسپورٹ پر سفر کر سکتے ہیں، تکنیکی طور پر پاکستانی پاسپورٹ پر اسرائیل کا سفر ممکن نہیں۔

اسلام آباد : ترجمان دفتر خارجہ کا کہنا ہے کہ جعفر ایکسپریس پر حملے کے دوران افغانستان سے رابطوں کا سراغ ملا ، حملہ بیرون ملک بیٹھی قیادت نے کرایا۔

تفصیلات کے مطابق ترجمان دفترخارجہ شفقت علی خان نے ہفتہ وار میڈیا بریفنگ دیتے ہوئے کہا کہ پاکستان اپنی سرحدوں کے باہر سے پلان کی جانے والی دہشت گردی کا شکار ہے، جعفر ایکسپریس پر حملہ بھی بیرون ملک بیٹھی قیادت نے کروایا،افغان عبوری حکومت سےمطالبہ کیا دہشت گرد گروہوں کواپنی سرزمین استعمال کرنے سے روکے۔

ترجمان کا کہنا تھا کہ پاکستان دہشت گردی کے حوالے سے ثبوت افغان حکام سےشیئر کرتا رہا ہے، جعفرایکسپریس حملہ انتہائی سنگین تھا، ابھی صرف ریسکیو آپریشن مکمل ہوا ہے۔

انھوں نے کہا کہ پاکستانی حکومت کثیرالجہتی حکمت عملی پر گامزن ہے، افغانستان پرہماری بنیادی ترجیح دوستانہ وقریبی تعلقات کا فروغ ہے، بہت سے دوست ممالک نے جعفرایکسپریس دہشت گردی کی مذمت کی ہے۔

شفقت علی خان کا مزید کہنا تھا کہ ہماری پالیسی میں کوئی تبدیلی نہیں آئی، جعفرایکسپریس واقعہ کے دوران ٹریس شدہ کالز میں افغانستان سے رابطوں کا سراغ ملا ہے۔

پاکستان پر سفری پابندی کے حوالے سے انھوں نے بتایا کہ امریکا میں پاکستانی شہریوں کے داخلے پر پابندی کی باتیں قیاس آرائیاں ہیں۔

ترجمان کا کہنا تھا کہ پاکستان امریکاسے رابطے میں ہے، وزارت خارجہ اور امریکا میں ہمارا سفارتخانہ امریکی حکام کے ساتھ رابطے میں ہے، سفری پابندی کے حوالے سے اب تک ایسی کوئی معلومات نہیں دی گئی۔