ARYNews.tv | Urdu – Har Lamha Bakhabar

Tag: ترجمان رینجرز

  • کراچی، رینجرز کی مختلف علاقوں میں کارروائیاں، 16 ملزمان گرفتار

    کراچی، رینجرز کی مختلف علاقوں میں کارروائیاں، 16 ملزمان گرفتار

    کراچی: رینجرز نے شہر کے مختلف علاقوں میں کارروائی کرتے ہوئے 16 ملزمان کو گرفتار کرلیا۔

    تفصیلات کے مطابق رینجرز نے کراچی کے مختلف علاقوں میں کارروائی کرتے ہوئے 16 ملزمان کو گرفتار کرکے اسلحہ اور منشیات برآمد کرلی۔

    ترجمان رینجرز کے مطابق ڈاکس سے حنیف عرف توپی کو گرفتار کیا گیا، حنیف کا تعلق لیاری گینگ وار زاہد لاڈلہ گروپ سے ہے، ملزم بھتہ خوری کی متعدد وارداتوں میں ملوث ہے۔

    ترجمان رینجرز کا کہنا ہے کہ شریف آباد، رضویہ، ماڑی پور اور شارع فیصل سے بھی ملزمان کو گرفتار کیا گیا ہے۔

    واضح رہے کہ گزشتہ روز رینجرز نے کراچی کے مختلف علاقوں میں کارروائی کرتے ہوئے قتل میں ملوث ملزمان سمیت دیگر سنگین وارداتوں میں مطلوب افراد کو گرفتارکیا تھا۔

    مزید پڑھیں: کراچی: رینجرز کی مختلف علاقوں میں کارروائیاں، 8 ملزمان گرفتار، اسلحہ برآمد

    ترجمان سندھ رینجرز کے مطابق سکھن کے علاقے سے قتل کے ملزم سجاد خان کو گرفتار کرلیا گیا۔ پاپوش نگر، سعیدآباد اور گلشن سے اسٹریٹ کرائمز اور ڈکیتی میں ملوث 5 ملزمان گرفتار کیے گئے۔

    ملزمان میں باب الاسلام عرف ٹن ٹن محمد طارق، عارف، سمیر اور نوید عباس شامل ہیں۔

    یاد رہے کہ گذشتہ ہفتے رینجرز نے مختلف علاقوں میں کارروائی کرکے 10ملزمان کو گرفتار کیا تھا، تاج کمپلیکس اور بس اسٹینڈ کے اطراف سرچ آپریشن کرکے مشکوک افراد کو حراست میں لے کر پوچھ گچھ کی گئی۔

  • کراچی: ٹارگٹ کلنگ اور 170 سے زائد ڈکیتی کی وارداتوں میں ملوث گینگ وار کا کارندہ وقاص منجن گرفتار

    کراچی: ٹارگٹ کلنگ اور 170 سے زائد ڈکیتی کی وارداتوں میں ملوث گینگ وار کا کارندہ وقاص منجن گرفتار

    کراچی: رینجرز نے شہر قائد کے علاقے گارڈن میں کارروائی کرتے ہوئے لیاری گینگ وار کے وقاص عرف منجن نامی ملزم کو گرفتار کرلیا جو ٹارگٹ کلنگ کی متعدد وارداتوں میں ملوث ہے۔

    ترجمان رینجرز کی جانب سے جاری ہونے والے اعلامیے کے مطابق کراچی کے علاقے گارڈن نبی بخش میں رینجرز نے خفیہ اطلاع پر کارروائی کرتے ہوئے ٹارگٹ کلنگ،بھتہ خوری اور ڈکیتیوں کی متعدد وارداتوں میں ملوث ملزم وقاص عرف منجن گرفتار  کرلیا۔

    رینجرز کے مطابق ملزم وقاص عرف منجن کاتعلق لیاری گینگ وار سے ہے جس نے سیاسی جماعت کے کارکنان کو قتل کرنے اور مختلف علاقوں میں ڈکیتی کی 170 سے زائد وارداتوں کا اعتراف کیا۔

    ترجمان رینجرز کے مطابق کارروائی کے دوران ملزم سےغیرقانونی اسلحہ،گولیاں اور دیگر مسروقہ سامان بھی برآمد ہوا۔

    مزید پڑھیں: پی ایس پی ٹاؤن آفس پر حملے میں ملوث ایم کیو ایم لندن کا ٹارگٹ کلر گرفتار

    رینجرز کی جانب سے جاری ہونے والے اعلامیے کے مطابق ابتدائی تفتیش میں ملزم نے سیاسی و مذہبی جماعتوں کے کارکنان کی ٹارگٹ کلنگ اور کراچی کے مختلف علاقوں میں ڈکیتی کی 170 سے زائد وارداتوں میں ملوث ہے جن کی تفصیلات درج ذیل ہیں۔

    کارروائیوں کا اعتراف

    الف : 22فروری 2012کو ملزم نے لیاری گینگ وار کمانڈر علی کے حکم پر MQM کے کارکن علی برہان کو قتل کیا اور دوسرے کارکن  وقاص علی کو زخمی کیا۔

    ب: 22جون 2012 کوملزم نے سنی تحریک یونٹ 26کے یونٹ انچارج عمران کے آرڈر پر جوڑیا بازار میں MQM کے کارکن محمد گلریز آسمانی عرف چمبر کو قتل کیا۔

    ج: 28مارچ 2013 کو ملزم نے لیاری گینگ وار کمانڈر علی بلوچ کے آرڈر پر مرچی گلی جوڑیا بازار میں قذافی عرف پپی کو قتل کیااور اس کے دو ساتھیوں وقاص اور عبدالقادر کو زخمی کیا۔

    د: ملزم  نے انکشاف کیا کہ2016 سے لے کر گرفتاری تک اُس نے کھاردار، ایم جناح روڈ ،صدر اور آئی آئی چندریگر روڈکے علاقوں میں تقریباً 170سے زائد ڈکیتی ، موبائل فون اور نقدی چھیننے کی وارداتوں میں ملوث رہاہے۔

    یہ بھی پڑھیں: ایم کیو ایم لندن کے ملزمان کا سیاسی جماعتوں کے دفاتر پر حملوں کا اعتراف

    یاد رہے کہ شہر میں امن و امان قائم کرنے کے لیے قانون نافذ کرنے والے اداروں نے نیشنل ایکشن پلان کے تحت کراچی میں آپریشن کا آغاز کیا تھا جس کے دوران دہشت گردی، ٹارگٹ کلنگ اور بھتہ خوری سمیت ڈکیتی کی وارداتوں میں نمایاں کمی آئی۔

    رینجرز نے گزشتہ دنوں ایم کیو ایم لندن سے تعلق رکھنے والے 8 ملزمان کو گرفتار کیا تھا جو ایم کیو ایم پاکستان اور پی ایس پی کے دفاتر ، محفل میلاد پر حملوں میں ملوث تھے۔

    رینجرز کے کرنل نے پریس کانفرنس میں انکشاف کیا تھا کہ ملزم ایم کیو ایم لندن کے بیرونِ ملک مقیم سلیم بیلجیئم کی ٹارگٹ کلنگ کی ٹیم کا حصہ ہیں اور تمام ملزمان آپس میں رابطے کے لیے موبائل فون کے بجائے واٹس ایپ کا استعمال کرتے تھے۔

  • رینجرز کی مختلف علاقوں میں کارروائیاں، 8ملزمان گرفتار، اسلحہ برآمد

    رینجرز کی مختلف علاقوں میں کارروائیاں، 8ملزمان گرفتار، اسلحہ برآمد

    کراچی: سندھ رینجرز نے کراچی کے مختلف علاقوں میں کارروائی کرتے ہوئے 8 ملزمان کو گرفتار کرلیا، ملزمان کے قبضے سے اسلحہ و مسروقہ سامان برآمد کرلیا گیا۔

    تفصیلات کے مطابق سندھ رینجرز نے کراچی کے مختلف علاقوں میں کامیاب کارروائی کرتے ہوئے 8 ملزمان کو گرفتار کرلیا، سپرمارکیٹ کے علاقے سے گرفتار 3 ملزمان کا تعلق ایم کیو ایم لندن گروپ سے ہے۔

    ترجمان رینجرز کے مطابق ملزمان اسٹریٹ کرائم، ڈکیتی اور منشیات فروشی میں ملوث ہیں، ملزمان کی شناخت نسیم اختر، حبیب اللہ اور حیدر کے ناموں سے ہوئی ہے۔

    ادھر بلدیہ اتحاد ٹاؤن، سعید آباد سے 5 ملزمان کو گرفتار کیا گیا ہے، گرفتار ملزمان اسٹریٹ کرائمز کی متعدد وارداتوں میں ملوث ہیں، ملزمان سے غیرقانونی اسلحہ، مسروقہ سامان، منشیات برآمد کرلی گئی ہے۔

    ترجمان رینجرز کے مطابق تمام گرفتار ملزمان کو مزید کارروائی کے لیے پولیس کے حوالے کردیا گیا ہے۔

    مزید پڑھیں: رینجرزکی لیاری میں کارروائی‘ ملزم فیضودادا گرفتار

    دوسری جانب اندرون سندھ میں پانی چوری کے خلاف محکمہ آبپاشی، پولیس، رینجرز نے مشترکہ آپریشن کرتے ہوئے گھوٹکی میں ببلی کینال، سب برانچ آر ڈی تیس تا آر ڈی 78 تک کارروائی کی اور غیرقانونی کنکشنز، موگھے، نکوں کے خلاف مشترکہ آپریشن کیا گیا۔

    ترجمان رینجرز کے مطابق مجموعی طور پر 17 مقامات سسے پانی کے غیر قانونی کنکشن ہٹادئیے گئے، پانی چوری میں ملوث 9 افراد کے خلاف متعلقہ تھانوں میں مقدمات درج کیے گئے ہیں۔

    واضح رہے کہ 12 جنوری کو رینجرز نے لیاری میں کارروائی کرتے ہوئے سیکیورٹی اداروں پر حملوں میں ملوث مطلوب ملزم فیضو دادا کو گرفتار کیا تھا، ملزم کا تعلق ٓبدنام زمانہ گینگ غفار ذکری گروپ سے تھا۔

  • کراچی، قائد آباد سے لاش ملنے کا معمہ حل، 2 ملزمان گرفتار، اسلحہ برآمد

    کراچی، قائد آباد سے لاش ملنے کا معمہ حل، 2 ملزمان گرفتار، اسلحہ برآمد

    کراچی: شہر قائد کے علاقے قائد آباد سے 18 دسمبر کو لاش ملنے کا معمہ حل ہوگیا، رینجرز نے الآصف اسکوائر سے قتل میں ملوث 2 ملزمان گرفتار کرلیے۔

    تفصیلات کے مطابق 18 دسمبر کو قائد آباد سے لاش ملنے کا معاملہ رینجرز نے حل کرلیا، الاصف اسکوائر سے قتل میں ملوث 2 ملزمان گرفتار کرلیے، ملزمان سے اسلحہ بھی برآمد کرلیا گیا ہے۔

    ترجمان رینجرز کے مطابق ملزمان نے نمروز کو قتل کرکے لاش ملیر ندی کی جھاڑیوں میں پھینک دی تھی، مقتول کوئٹہ کا رہائشی تھا اور چمن سے کراچی چلنے والی بس کا ڈرائیور تھا۔

    ترجمان رینجرز کے مطابق گرفتار ملزمان کی شناخت عبدالصمدد اور پردیس خان کے نام سے ہوئی ہے۔

    مزید پڑھیں: رینجرز نے ڈکیتی میں مزاحمت پر فائرنگ کرنے والے ملزمان کو گرفتار کرلیے

    دوسری جانب سے رینجرز نے مختلف علاقوں میں کارروائیاں کرتے ہوئے 22 ملزمان کو گرفتار کرلیا، ملزمان ٹارگٹ کلنگ، اسٹریٹ کرائم کی وارداتوں میں ملوث ہیں۔

    ترجمان رینجرز کے مطابق مبینہ ٹاؤن کے علاقے میں کارروائی کرتے ہوئے ملزم محمد اسلم عرف پروانہ کو گرفتار کیا گیا، ملزم بھتہ خوری اور اسلحہ کی خریدوفروخت میں ملوث ہے۔

    بغدادی، عید گاہ سے لعل محإد، حسین نیازی اور کامران کو گرفتار کیا گیا، چاکیواڑہ، میٹھادر، گارڈڈن، بلوچ کالونی، مبینہ ٹاؤن، سکھن سے 18 ملزمان کو گرفتار کیا گیا۔

    ترجمان رینجرز کے مطابق ملزمان اسٹریٹ کرائم اور ڈکیتی کی متعدد وارداتوں میں ملوث ہیں، ملزمان سے اسلحہ، ایمونیشن، مسروقہ سامان بھی برآمد کرلیا گیا۔

    رینجرز کے مطابق گرفتار تمام ملزمان کو قانونی چارہ جوئی کے لیے پولیس کے حوالے کردیا گیا ہے۔

  • لیاقت آباد، مزار کی چھت پرچھپایا گیا اسلحہ برآمد

    لیاقت آباد، مزار کی چھت پرچھپایا گیا اسلحہ برآمد

    کراچی : لیاقت آباد کے علاقے حاجی مرید گوٹھ کے قبرستان میں رینجرز نے کارروائی کرتے ہوئے مزار کی چھت سے اسلحہ اور گولیاں بر آمد کرلیں۔

    تفصیلات کے مطابق خفیہ اطلاع پر کارروائی کرتے ہوئے سندھ رینجرز نے لیاقت آبد میں واقع حاجی مرید گوٹھ کے قبرستان میں دہشت گردوں کی جانب سے چھپایا گیا اسلحہ برآمد کرلیا۔

    ترجمان رینجرز کے مطابق اسلحہ اور گولیاں مزار کی چھت کے اوپر چھپایا گیا تھا جسے خفیہ اطلاع پر چھاپا کارروائی کر کے برآمد کرلیا گیا،  ضبط شدہ اسلحہ میں ایک 7 ایم ایم رائفل،ایک 8 ایم ایم رائفل اور 555 بور پستول شامل ہیں۔

    ترجمان رینجرز کے مطابق برآمد اسلحے میں مختلف اقسام کی پستول، 8 میگزین اور 348 راؤنڈز بھی شامل ہیں جنہیں دہشت گردی کی واردات میں استعمال کیا جانا تھا تاہم بروقت کارروائی سے دہشت گردوں کے عزائم ناکام ثابت ہوئے۔

    ترجمان سندھ نے شہریوں سے دہشت گردی کی روک تھام کے لیے سیکیورٹی اداروں کا ساتھ دینے کی اپیل کرتے ہوئے کہا ہے کہ عوام مشکوک سرگرمی میں ملوث عناصر کی اطلاع فوری طور پر رینجرز کی ہیلپ لائن پر دیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • عوام زکوٰۃ وفطرہ مستحق افراد کودیں، رینجرز

    عوام زکوٰۃ وفطرہ مستحق افراد کودیں، رینجرز

    کراچی : سندھ رینجرز نے عوام سے اپیل کی ہے کہ زکٰوۃ و فطرہ مستحق افراد کو دیں، جبری فطرہ وصولی میں ملوث عناصرکی سرکوبی کے لیے شہری رینجرز کا ساتھ دیں۔

    تفصیلات کے مطابق کراچی اور اندرون سندھ جرائم پیشہ افراد کی سرکوبی میں مصروف سندھ رینجرز کے ترجمان نے عوام سے اپیل کی ہے کہ وہ ماہ رمضان میں اپنے مال میں سے زکٰوۃ اور فطرہ اور خیرات مستحق افراد کو دیں اور اس موقع پر اس بات کا خاص خیال رکھیں کہ آپ کی رقم ملک میں دہشت گردی کے لیے تو استعمال نہیں ہورہی؟

    ترجمان کا مزید کہنا ہے کہ شہری جبری فطرہ اور زکٰوۃ کی وصولی میں ملوث عناصر کی سرکوبی کے لیے رینجرز کا ساتھ دیتے ہوئے ان کی نشاندہی کریں۔

    ترجمان کا کہنا ہے کہ اگر کوئی فرد یا تنظیم جبری طور پر فطرے کا تقاضا کرے تو اس کی اطلاع فوری طور پر رینجرزہیلپ لائن 1101 پر بھی دی جاسکتی ہے۔

    ترجمان رینجرز کا مزید کہنا ہے کہ عوام ایسے عناصر کی اطلاع قریبی رینجرز چیک پوسٹ کو بھی دے سکتے ہیں۔

  • رینجرز کی کارروائی، ٹارگٹ کلنگ اور بھتہ خوری میں ملوث7ملزمان گرفتار

    رینجرز کی کارروائی، ٹارگٹ کلنگ اور بھتہ خوری میں ملوث7ملزمان گرفتار

    کراچی :سندھ رینجرز نے مختلف علاقوں میں کارروائیاں کرتے ہوئے ٹارگٹ کلنگ، بھتہ خوری اور منشیات فروشی میں ملوث 7 ملزمان کو گرفتار کر لیا ہے۔

    تفصیلات کے مطابق رینجرز نے کراچی کے مختلف علاقوں میں کاروائیاں کرتے ہوئے 7 ملزمان کو حراست میں لے لیا ہے جب کہ ان ملزمان کے قبضے سے اسلحہ اور منشیات بھی برآمد ہوا ہے۔

    ترجمان رینجرز کی جانب سے جاری اعلامیہ کے مطابق چھاپہ مار کاروائیاں شاہ لطیف ٹاؤن اور شریف آباد میں کی گئیں اور وہاں سے گرفتار ساتوں ملزمان کو مزید کارروائی کے لیے  متعلقہ تھانے کی پولیس کے حوالے کردیا گیا ہے۔

    ترجمان رینجرز کا کہنا ہے کہ علاقے سے کالعدم جماعت کا ملزم قاری سجاد کو گرفتار کیا گیا جو دہشت گردی، بھتہ خوری اورسہولت کاری میں ملوث رہا ہے۔

    علاوہ ازیں شریف آباد سے ایم کیوایم لندن کےعسکری ونگ کے کارندوں احسن کمال اورعبدالحمید کو حراست میں لیا ہے دونوں ملزمان ٹارگٹ کلنگ اوربھتہ خوری میں ملوث رہے ہیں۔

    ترجمان رینجرز کے مطابق شریف آباد سے ہی مذہبی جماعت کےعمران عرف باب کوگرفتارکیا گیا ہے جو کہ فرقہ وارانہ فسادات میں ملوث رہا ہے۔

     

  • رینجرز اور رکن قومی اسمبلی پر حملے میں ملوث ایم کیو ایم لندن کا کارکن گرفتار

    رینجرز اور رکن قومی اسمبلی پر حملے میں ملوث ایم کیو ایم لندن کا کارکن گرفتار

    کراچی : رینجرز نے کھوکھرا پار کے علاقے سے ایم کیو ایم لندن کے کارکن کو گرفتار کر لیا ہے ملزم اپنے ہی رکن قومی اسمبلی پر قاتلانہ حملے اور مخالف جماعتوں کے کارکنان کی ٹارگٹ کلنگ میں بھی ملوث ہے۔

    تفصیلات کے مطابق رینجرز نے کراچی کے مختلف علاقوں میں آپریشن کرتے ہوئے 12 ملزمان کو گرفتار کرلیا ہے جن سے بھاری مقدار میں اسلحہ، دستی بم اور منشیات برآمد ہوئی ہے جس کی بنیاد پر ملزمان سے مختلف مقدمات کے سلسلے میں تفتیش کی جا رہی ہے۔

    ترجمان رینجرز کے مطابق گرفتار ملزمان میں سیاسی جماعت کی عسکری ونگ کے کارندے، ڈکیت اور منشیات فروش شامل ہیں جب کہ کھوکھرا پار سے گرفتار کیئے گئے ایم کیوایم لندن کے کارکن نے اپنے ہی رکن قومی اسمبلی ملزم ساجد احمد پر حملے کا اعتراف کر لیا ہے۔

    ترجمان رینجرز کا کہان ہے کہ ملزم ایم کیوایم حقیقی کے کارکن کی ٹارگٹ کلنگ میں بھی ملوث ہے اور 2014 میں رینجرز پرحملہ مقدمے میں بھی مطلوب تھا جس کی گرفتاری بڑی کامیابی سمجھی جا رہی ہے۔

    ترجمان رینجرز کے مطابق دیگر گرفتاریاں لیاقت آباد سپرمارکیٹ، سعید آباد، نیو کراچی اورسرجانی سے عمل میں لائی گئی ہیں جن میں اسٹریٹ کرایم میں ملوث دو ملزمان اور 6 منشیات فروش بھی شامل ہیں۔

  • کراچی: جماعت الاحرار کے کارندے سمیت 6 گرفتار

    کراچی: جماعت الاحرار کے کارندے سمیت 6 گرفتار

    کراچی: سندھ رینجرز نے شہر قائد کے مختلف علاقوں میں کارروائیاں کرتے ہوئے جماعت الاحرار کے کارندے سمیت 6 ملزمان کو گرفتار کرلیا۔

    ترجمان رینجرز کی جانب سے جاری کردہ اعلامیے میں کہا گیا ہے کہ رینجرز کی مختلف علاقوں میں  کارروائیوں کے دوران 6 ملزمان کو گرفتار کیا گیا، گرفتار ملزمان ٹارگٹ کلنگ ، بھتہ خوری ، منشیات فروشی  میں ملوث ہیں۔

    رینجرز کے مطابق کیماڑی جیکسن مارکیٹ میں کارروائی کے دوران فیصل عرف اوکشہ کو گرفتار کیا گیا جس کا تعلق جماعت الاحرار سے ہے، ملزم نے افغانستان سے دہشت گردی کی ٹریننگ یافتہ ہے۔

    شہر قائد کے دیگر علاقوں سے گرفتار  ہونے ملزمان کا تعلق کالعدم تنظیموں اور سیاسی جماعت کے عسکری ونگ سے ہے، ملزمان بھتہ خوری منشیات فروشی سمیت جرائم کی دیگر وارداتوں میں ملوث تھے۔

    یاد رہے سندھ رینجرز کی جانب سے انٹیلی جنس بنیادوں پر مختلف علاقوں میں کارروائیاں کی جاتی ہیں جس کے نتیجے میں اب تک سیکڑوں ملزمان گرفتار ہوچکے ہیں، گزشتہ دنوں رینجرز نے لیاقت آباد میں کارروائی کرتے ہوئے تین افراد کو گرفتار کیا تھا جو خود کو جعلی رینجرز آفیسر بتا کر اور میڈیا کا نمائندہ ظاہر کرکے شہریوں سے رقم بٹورتے تھے۔

  • عزیز آباد سے اسلحے کی کھیپ برآمد

    عزیز آباد سے اسلحے کی کھیپ برآمد

    کراچی: رینجرز نے عزیز آباد میں کارروائی کرتے ہوئے خورشید میموریل کے قریبی مکان سے اسلحہ برآمد کرنے کا دعویٰ کیا ہے۔

    ترجمان رینجرز کی جانب سے جاری اعلامیے میں کہا گیا ہے کہ رینجرز نے انٹیلی جنس بنیادوں پر موصول ہونے والی اطلاعات کے بعد خورشید میموریل ہال سے 150 گز کے فاصلے پر موجود مکان نمبر 512 سے بھاری تعداد میں اسلحہ برآمد کرلیا۔

    رینجرز کے مطابق متعلقہ مکان محمد عامر نامی شخص کا ہے اور یہاں لندن کے شرپسندوں نے اسلحہ کا ذخیرہ مکان میں موجود اسٹور روم کی عارضی دیوار کے پیچھے چھپایا گیا تھا۔

    عارضی دیوار کے کھدائی کے دوران وہاں سے اسلحے اور ایمونیشن کا بڑا ذخیرہ برآمد کیا گیا، برآمد ہونے والے اسلحے میں 20 ایس ایم بمعہ 29 میگزین، 2 ایل ایم جیز ایک میگزین، ایک تھری جی، ایک سیون ایم ایم ، 3 اسنائپر رائفلز،  ایک عدد 22 نور پستول، 10 عدد بلٹ پروف جیکٹس اور مختلف اقسام کے 10 ہزار راؤنڈز شامل ہیں۔

    یاد رہے کراچی میں گزشتہ 3 برس سے آپریشن جاری ہے اور اس دوران شہر کے مختلف علاقوں سے قانون نافذ کرنے والے اداروں نے اسلحہ برآمد کیا ہے، گزشتہ برس عزیز آباد کے ہی علاقے سے اسلحے کی بڑی کھیپ برآمد کرنے کا دعویٰ کیا گیا تھا اور ڈی جی رینجرز نے اس اسلحے کا مقصد جنگ کرنا بتایا تھا۔

    عزیز آباد اسلحے کا مقدمہ درج کر کے کیس انسداد دہشت گردی کی عدالت میں بھیجا گیا تاہم تفتیشی افسر نے کچھ ماہ بعد کیس بند کرنے کی درخواست دی جس کے بعد عدالت نے اس کیس کو بند کردیا۔