Tag: ترجمان رینجرز

رینجرز کی کارروائی، ایم کیو ایم لندن کا اسلحہ برآمد

کراچی: رینجرز نے لانڈھی میں کارروائی کرتے ہوئے گھر سے اسلحہ اور گولیاں برآمد کرلیں، ترجمان رینجرز کے مطابق اسلحہ لندن عسکری ونگ کے کارندوں نے چھپایا تھا۔

ترجمان رینجرز کی جانب سے جاری اعلامیے میں کہا گیا ہے کہ رینجرز نے لانڈھی نمبر 3 کے ایک گھر میں کارروائی کرتے ہوئے اسلحہ اور گولیاں برآمد کیں، جن میں 7 اور 8 ایم ایم رائفلز، 2 کلاشنکوف، نائن ایم ایم اور ہزاروں گولیاں شامل ہیں۔

ترجمان رینجرز کے مطابق گھر میں چھپایا گیا اسلحہ ایم کیو ایم لندن کے شرپسندوں کا ہے جو شہر میں جرائم کی وارداتوں میں استعمال ہونا تھا۔ رینجرز ذرائع کے مطابق کارروائی خفیہ اطلاع پر کی گئی۔

پڑھیں: ’’ تعلیم یافتہ نوجوان ملک کا روشن مستقبل ہیں ‘ ڈی جی رینجرز سندھ ‘‘

قبل ازیں ڈی جی رینجرز میجر جنرل سعید نے جامعہ کراچی میں طلبا اور ٹیچرز سے خطاب کرتے ہوئے شہر میں جاری آپریشن کو مزید تیز کرنے کی ہدایت کی اور آخری دہشت گرد تک اسے جاری رکھنے کے عزم کا اظہار بھی کیا۔

فروری 7, 2017
عوام سے رقوم بٹورنے والے جعلی رینجرز افسران گرفتار

کراچی: رینجرز نے عوامی شکایات پرکارروائی کرتے ہوئے کورنگی نمبر4 میں جعلی رینجرز افسران بن کر لوگوں کو لوٹنے والے جعلسازگروہ کے3 کارندوں کو گرفتار کرلیا ہے۔

تفصیلات کے مطابق رینجرز نے کورنگی نمبر 4 میں کامیاب کارروائی کرتے ہوئے قانون نافذ کرنے والے اداروں کا روپ دھار کر معصوم لوگوں کو بیوقوف بنا کر بھاری رقوم بٹورنے والے گروہ کے تین کارندوں کو حراست میں لے کر اسلحہ اور جعلی وردیاں بر آمد کر لی ہیں۔

ترجمان رینجرز کے مطابق گرفتار کیے گئے ملزمان میں عطاء الرحمان، عمیرعرف کرنل اور ذیشان گل عرف کیپٹن شامل ہیں جو خود کو سرکاری افسران کےطور پرمتعارف کراتے تھے اور دھونس دھمکی کے ذریعے دکانداروں سے بھتہ وصولی کرتے تھے۔

ترجمان رینجرز کا کہنا تھا کہ گرفتار ملزمان نہ صرف سرکاری نام کاغلط استعمال کرتے تھے بلکہ قانون نافذ کرنے والے اداروں کا نام استعمال کرتے ہوئے علاقے میں خوف وہراس پھیلانےکی بھی کوشش کرتے تھے۔

ترجمان رینجرز کا کہنا ہے کہ زیر حراست ملزمان میں سے ملزم عطاء الرحمان سہولت کارکی حیثیت سےکام کرتا تھا اور اپنے دیگر ساتھیوں کو رہائش، معلومات اور دیگر سہولیات مہیا کرتا تھا۔

رینجرز کا کہنا ہے کہ گرفتار ملزمان سے اسلحہ کے علاوہ قانون نافذ کرنے والے اداروں کی جعلی وردیاں بھی برآمد ہوئی ہیں جو ملزمان کے خلاف ثبوت کے طور پر پیش کی جائیں گی جب کہ ملزمان کو مزید قانونی چارہ جوئی کے لیے پولیس کے حوالے کردیا گیا ہے۔

جنوری 30, 2017
ایم کیو ایم کے عسکری ونگ کا اسلحہ برآمد، رینجرز، کوئی عسکری ونگ نہیں، متحدہ

کراچی: قانون نافذ کرنے والے اداروں نے گرفتار ملزم کی نشاندہی پر اورنگی ٹاؤن میں واقع رحیم شاہ قبرستان میں کھدائی سے دوران اسلحے اور گولیوں کا بڑا ذخیرہ برآمد کرلیا، ترجمان رینجرز کے مطابق اسلحہ ایم کیو ایم کے عسکری ونگ کا ہے، رابطہ کمیٹی نے کہا ہے کہ متحدہ کا کوئی عسکری ونگ نہیں ہے۔

ترجمان رینجرز کی جانب سے جاری کردہ اعلامیہ میں کہا گیا ہے کہ گرفتار ملزم کی نشاندہی پر رینجرز نے رحیم شاہ قبرستان میں کھدائی کی جس کے نتیجے میں اسلحے اور گولیوں کا ذخیرہ برآمد ہوا۔

رینجرز کے مطابق برآمد ہونے والے اسلحے میں ایس ایم جی، رپیٹر، بلٹ پروف جیکٹس کے علاوہ دو ہزار سے زائد گولیاں بھی برآمد کی ہیں، رینجرز اعلامیے میں کہا گیا ہے کہ اسلحہ سیاسی جماعت کے عسکری ونگ کا ہے اور اسے شہر میں بدامنی، ٹارگٹ کلنگ کے لیے استعمال ہونا تھا۔

علاوہ ازیں رینجرز نے مختلف علاقوں بن قاسم، ملیر اور لیاقت آباد میں ٹارگٹیڈ کارروائیاں کرتے ہوئے پانچ ملزمان کو حراست میں لے کر اسلحہ برآمد کرلیا جبکہ لیاری کے علاقے عیدو لین سے گینگ وار کے 2 کارندوں کو گرفتار کیا گیا جن کا تعلق عذیر بلوچ گروپ سے بتایا گیا ہے۔

دوسری جانب ایم کیو ایم لندن نے جاری کردہ اعلامیے میں برآمد ہونے والے اسلحے سے اظہارِ لاتعلقی کرتے ہوئے کہا ہے کہ ’’ ایسے کسی بھی اسلحہ کو ایم کیو ایم سے منسوب کرنا کسی بھی طرح مناسب نہیں، رابطہ کمیٹی نے عسکری ونگ کے الزام کی بھی سختی سے تردید کرتے ہوئے ایک بار پھر واضح الفاظ میں کہا کہ ایم کیو ایم کا کوئی عسکری ونگ نہیں اس بارے میں لگائے جانے والے الزامات سراسر جھوٹ اور بے بنیاد ہیں‘‘۔

جنوری 10, 2017
تلاشی کے دوران مذہبی مقامات کے تقدس کا مکمل خیال رکھا جاتا ہے، رینجرز

کراچی : ترجمان رینجرز کا کہنا ہے کہ تلاشی کے دوران مسجد و امام بارگاہ کے تقدس کا پورا خیال رکھا جاتا ہے عوام اس حوالے سے پھیلائی جانے والی منفی افواہوں پر کان نہ دھریں۔

تفصیلات کے مطابق ترجمان رینجرز کا کہنا تھا کہ رینجرز تلاشی کے دوران مساجد،امام بارگاہ اور دینی مدارس کے احترام کا مکمل خیال رکھتے ہیں تا ہم سوشل میڈیا پر حقائق کے منافی تصاویر کا اجراء کرکے غلط تاثر دیا جارہا ہے جس کا مقصد صرف آپریشن کی راہ میں رکاوٹ ڈالنا ہے۔

رینجرز حکام کا کہنا تھا کہ سوشل میڈیا پر رینجرز کے خلاف مہم چلائی جا رہی ہے،ایسا مواد شائع کرنے والوں کے خلاف قانونی کاروائی بھی کی جائے گی۔

ترجمان رینجرز نے شہریوں سے کسی بھی پروپیگنڈے پر یقین نہ کرنے کی ہدایت کرتے ہوئے کہا کہ پاکستان کے عوام کسی بھی مشکوک حرکت اور شر پسندوں کی اطلاع رینجرز کی دی گئی ہیلپ لائن پر دیں۔

یاد رہے کہ گزشتہ روز رضویہ سوسائٹی میں ایک مذہبی مقام کی تلاشی کے دوران کی منفی تصاویر کچھ شرپسند عناصر کی جانب سے بڑھا چڑھا کر سوشل میڈیا پر پھیلا کر ایسا تاثر دینے کی کوشش کی گئی تھی جیسے رینجرز مذہبی مقامات کی بے حرمتی کر رہی ہو۔

تا ہم رینجرز حکام کی جانب سے ایسی مذموم کوشش کی مذمت کے ساتھے ساتھ درست تصاویر کو شائع کر کے اصل حقائق عوام تک پہنچا دیے ہیں۔

نومبر 6, 2016
رینجرزکا چھاپہ، متحدہ اورنگی سیکٹر سے اسلحے کا ذخیرہ برآمد

کراچی: رینجرز نے مصدقہ اطلاع ملنے کے بعد اورنگی ٹاؤن ایم کیو ایم سیکٹر ون اے میں کارروائی کرتے ہوئے اسلحہ اور ایمونیشن برآمد کرلیا۔

ترجمان کی جانب سے جاری کردہ اعلامیے میں کہا گیا ہے کہ ’’رینجرز نے مصدقہ اطلاع پر ایم کیو ایم کے سیکٹر ون اے اورنگی ٹاؤن میں کارروائی کرتے ہوئے بڑی تعداد میں اسلحہ برآمد کر لیا جو دکان کے خفیہ خانوں میں چھپایا گیا تھا‘‘۔

پڑھیں: عزیز آباد کا اسلحہ فوج سے لڑنے کے لیے خریدا گیا، گورنر سندھ

کارروائی میں برآمد ہونے والے اسلحے میں 3 عدد ایس ایم جی، 3 عدد 8 ایم ایم رائفل، 4 عدد سیون ایم ایم رائفل، 1 عدد 22 بور رائفل، 1 تیس بور رائفل، ماؤزر، رپیٹر، 3 عدد 30 بور پسٹل، 2 عدد 32 بور پسٹل، 10 عدد راکٹ آر پی جی سیون، 12 آر پی جی سیون پریمیئر جبکہ 1840 جی تھری کی گولیوں کے علاوہ 12960 ایس ایم جی ، 8250 ایل ایم جی سمیت دیگر اسلحے کی گولیاں برآمد کی ہیں۔رینجرز اعلامیے میں کہا گیا ہے کہ یہ اسلحے شہر میں بد امنی اور ٹارگٹ کلنگ کے لیے استعمال ہونا تھا۔

مزید پڑھیں: اسلحہ برآمدگی کیس، جے آئی ٹی تشکیل، متحدہ قیادت سے تفتیش کا امکان

یاد رہے کہ رواں ماہ کراچی کے علاقے اور ایم کیو ایم کے مرکز نائن زیرو کے قریب خالی گھر کے ٹینک سے کراچی کی تاریخ کا اسلحے کا سب سے بڑا ذخیرہ برآمد کیا گیا تھا، جس کے بعد تفتیشی اداروں نے خدشہ ظاہر کیا تھا کہ شہر میں اور بھی ایسے مقامات ہیں جہاں اسلحہ چھپایا گیا ہے۔

اس ضمن میں سیکیورٹی اداروں کو متحرک کیا گیا تھا اور سیکیورٹی اداروں نے بھی اسلحے کے ذخائر کی کھوج لگانے کا کام شروع کردیا تھا۔

قبل ازیں عزیز آباد سے برآمد ہونے والے اسلحے کی تحقیقات کے لیے جے آئی ٹی تشکیل دی گئی تھی جس میں متحدہ قیادت کو بھی شاملِ تفتیش کرنے پر غور کیا گیا تھا۔

اکتوبر 19, 2016
محرم الحرام کے جلوسوں کی نگرانی کی جائے گی، ترجمان رینجرز سندھ

کراچی: ڈی جی رینجرز کی زیر صدارت رینجرز افسران اہم اجلاس ہوا جس میں محرم میں سیکیورٹی، محرم الحرام کی سیکیورٹی کے انتظامات کا جائزہ لیا گیا، پولیس نے بھی محرم کی سیکیورٹی کے لیے پلان تشکیل دے دیا ۔

ترجمان رینجرز کے مطابق محرم الحرام کی آمد سے قبل کراچی اور سندھ میں سیکیورٹی کے معاملات پر ڈی جی رینجرز کی زیر صدارت اہم اجلاس ہوا، جس میں محرم میں سیکیورٹی کے انتظامات کا جائزہ لیا گیا۔

اجلاس میں دہشت گردی سے نمٹنے کیلئے مربوط لائحہ عمل وضع کیا گیا، محرم میں سیکیورٹی کیلیے انسداد دہشت گردی ایکٹ کے تحت فوری کارروائی کی جائے گا۔

رینجرز کراچی اور اندرون سندھ جلوسوں کی نگرانی کرے گی، اجلاس میں سیکیورٹی کو یقینی بنانے کے لیے اینٹی ٹیریرسٹ ایکٹ کے تحت فوری اور سخت کارروائی کا کا فیصلہ کیا گیا ، اس ضمن میں شر انگیز تقاریر کرنے ، مواد چھاپنے یا نشر کرنے پر مکمل پابندی ہوگی، اس کے علاوہ ہوائی فائرنگ اور کسی بھی قسم کے اسحلے کی نمائش پر پابندی ہوگی۔

محرم کیلئے پولیس نے بھی سیکیورٹی پلان تشکیل دے دیا، آئی جی سندھ کی زیرصدارت اجلاس میں سیکیورٹی فول پروف بنانے کی ہدایت کردی گئی۔

ترجمان سندھ پولیس کے مطابق پولیس کی نفری کے علاوہ اضافی نفری کے طور پر 3400 افسران اور جوان فراہم کیئے جائیں گے، اضافی نفری میں ایس آر پی کے 1800 ,آرآرایف کے 600 ,ایس ایس یو کے 500اورٹریننگ برانچ کے 500 افسران اور جوان شامل ہیں ۔

ستمبر 24, 2016
سندھ رینجرز کی کارروائی، ایم کیو ایم کے زیراستعمال مدفون اسلحہ برآمد

کراچی: سندھ رینجرز نے کہا ہے کہ مشرف کالونی میں مصدقہ اطلاع پر کارروائی کرتے ہوئے ایم کیو ایم کے زیراستعمال مدفون اسلحہ اور ایمونیشن کی بڑی کھیپ برآمد کرلی گئی ہے۔

ترجمان رینجرز کی جانب سے جاری کردہ اعلامیے میں کہا گیا ہے کہ ’’رینجرز نے مصدقہ اطلاع پر کارروائی عمل میں لاتے ہوئے مشرف کالونی سے ایم کیو ایم کے زیر استعمال مدفون اسلحہ برآمد کرلیا ہے جو شہر میں بدامنی اور ٹارگٹ کلنگ کے لیے استعمال ہونا تھا‘‘۔

پڑھیں: رینجرزکااورنگی ٹاؤن میں چھاپہ،زیرزمین چھپایا ہوااسلحہ برآمد

اعلامیے میں کہا گیا ہے کہ ’’کارروائی کے دوران اسلحے اور ایمونیشن کی بڑی تعداد برآمد کی گئی ہے جن میں 3 عدد رائفل، 7 ایم ایم کی 4 عدد رائفلز ، چار ایس ایم جیز، ایک عدد 30 بور پستول اور سینکڑوں گولیاں برآمد کی گئیں ہیں‘‘۔

مزید پڑھیں: کراچی آپریشن کسی خاص جماعت یا گروہ کیخلاف نہیں، ترجمان رینجرزکی وضاحت

رینجرز اعلامیے میں دعویٰ کیا گیا ہے کہ ’’زیر زمین مدفون اسلحہ ایم کیو ایم کے زیر استعمال تھا اور یہ شہر میں ٹارگٹ کلنگ، بدامنی کے لیے استعمال کیا جانا تھا‘‘۔

علاوہ ازیں رینجرز کی بھاری نفری کی موجودگی میں ناظم آباد عید گاہ کے قریب واقع ایم کیو ایم کے یونٹ 83 کو بعد نمازِ جمعہ مسمار کردیا گیا ہے، کارروائی کرنے والے افسران کا کہنا ہے کہ ’’سیاسی جماعت کا دفتر سرکاری اراضی پر غیر قانونی طور پر تعمیر کیا گیا تھا جسے سندھ حکومت کے احکامات پر مسمار کیاگیا‘‘۔

ستمبر 23, 2016
کراچی آپریشن کسی خاص جماعت یا گروہ کیخلاف نہیں، ترجمان رینجرزکی وضاحت

کراچی : سندھ رینجرز کے ترجمان نے ایک سیاسی جماعت کے رہنما کے بیان کو حقائق کے منافی قرار دے دیا۔ ترجمان کا کہنا ہے کہ کراچی آپریشن کا مقصد کراچی میں دیرپا امن قائم کرنا ہے۔

تفصیلات کے مطابق سندھ رینجرز نے وضاحت کی ہے کہ کراچی آپریشن کسی مخصوص جماعت یا گروہ کیخلاف نہیں، قانون کو مد نظر رکھتے ہوئے کراچی آپریشن کیا جارہا ہے۔

ترجمان رینجرز نے اپنے بیان مٰں کہا ہے کہ ایک سیاسی جماعت کے رہنما نے ڈی جی رینجرز کو مخاطب کرکے یہ منفی تاثر دینے کی کوشش کی کہ کراچی آپریشن کا ہدف کوئی خاص فرد یا سیاسی جماعت ہے۔

انہوں نے کہا کہ رینجرز سندھ میں قانون کی بالادستی کو مدنظر رکھتے ہوئے کسی خاص جماعت یا گروہ سے مبرا جرائم پیشہ اور دہشت گردی میں ملوث عناصر کے خلاف آپریشن کررہی ہے، کراچی آپریشن کا مقصد شہر میں دیرپا امن کا قیام ہے۔

ستمبر 18, 2016
سندھ رینجرز کی کارروائیاں، 4 افراد گرفتار

کراچی: سندھ رینجرز کی لانڈھی، کیماڑی اور ناظم آباد میں کارروائیاں 2 ٹارگٹ کلرز سمیت 4 ملزمان کو گرفتار کر کے تفتیش کے لیے نامعلوم مقام پر منتقل کردیا گیا۔

ترجمان رینجرز سندھ کی جانب سے جاری کردہ اعلامیے میں کہا گیا ہے کہ ’’کراچی کے مختلف علاقوں لانڈھی، کیماڑی اور ناظم آباد میں مصدقہ اطلاعات پر رینجرز کی کارروائیوں میں 4 ملزمان کو گرفتار کیا گیا ہے‘‘۔

پڑھیں: لانڈھی اور گلشن اقبال میں‌ رینجرز کے چھاپے، اسلحہ برآمد

ترجمان رینجرز کا کہنا ہے کہ ہے ’’گرفتار ملزمان میں 2 ٹارگٹ کلرز اور بھتہ خور شامل ہیں ملزمان کے قبضے سے اسلحہ بھی برآمد کیا گیا ہے‘‘۔

مزید پڑھیں: اے آر وائی کے چینل پر حملے میں ملوث ملزمان گرفتار،ڈی جی رینجرز

رینجرز کی جانب سے شہریوں سے اپیل کی گئی ہے کہ ’’شرپسند عناصر پر کڑی نظر رکھیں اور اپنے ارد گرد ہونے والی کسی بھی مشکوک سرگرمی کی اطلاع رینجرز ہیلپ لائن، واٹس اپ یا پھر ای میل ایڈریس پر دیں۔ ترجمان رینجرز نے اعلان کیا ہے کہ ’’اطلاع دینے والے افراد کا نام صیغہ راز میں رکھا جائے گا‘‘۔

ستمبر 6, 2016
رینجرز کی کارروائی، اسلحہ ترسیل کرنے والے 2 مبینہ ملزمان گرفتار

کراچی: رینجرز نے کیماڑی میں کارروائی کرتے ہوئے سیاسی جماعت کے عسکری ونگ سے تعلق رکھنے والے 2 ملزمان گرفتار تفتسش کے لیے نامعلوم مقام پر منتقل کردیا گیا۔

ترجمان رینجرز سندھ کی جانب سے جاری کردہ اعلامیے میں کہا گیا ہے کہ ’’رینجرز نے کیماڑی میں کارروائی کرتے ہوئے سیاسی جماعت کے 2 ملزمان کو گرفتار کیا ہے جن کے قبضے سے بھاری تعداد میں اسلحہ اور بم برآمد کیا گیا ہے‘‘۔

پڑھیں: افغان خفیہ ایجنسی کراچی دہشت گردی میں ملوث ہے، ڈی جی رینجرز سندھ

اعلامیے میں مزید کہا گیا ہے کہ گرفتار ملزمان کی شناخت محمد اقبال اور مرناز کے ناموں سے ہوئی ہے، دونوں ملزمان اسلحہ اور گولہ بارود کی ترسیل اور شہر میں دیگر جرائم کی وارداتوں میں ملوث رہے ہیں۔

رینجرز کی جانب سے جاری کردہ اعلامیے میں کہا گیا ہے کہ ’’گرفتار ملزمان کے قبضے سے 2 دستی بم اور ایل ایم جیز سمیت سینکڑوں گولیاں برآمد ہوئی جو شہر میں بدامنی اور ٹارگٹ کلنگ کے لیے استعمال ہونی تھیں۔

اگست 19, 2016