کراچی: سندھ رینجرز نے احکام جاری کیا ہے کہ شہرقائد کے شہری اصل شناختی کارڈ ساتھ رکھیں۔
رینجرز حکام نے کراچی کے شہریوں سے ہر وقت اصل شناختی کارڈ رکھنے کی اپیل کی ہے،شناختی کارڈ کی نقل قابل قبول نہیں ہوگی۔
ترجمان رینجرز کے مطابق اصل شناختی کارڈ نہ ہونے کی صورت میں انہیں شناخت تک حراست میں رکھا جاسکتا ہے۔
ترجمان رینجرز کا کہنا ہے کہ قانون نافذ کرنے والے ادارے جرائم پیشہ افراد کے خلاف آپریشن میں مصروف ہیں۔
رینجرز شہر میں قیامن امن کے لیے کوشاں ہے،عوام بھی رینجرزکے ساتھ تعاون کریں۔
کراچی: ترجمان رینجرز کا کہناہے قانون نافذکرنےوالےاداروں صرف جرائم پیشہ افرادکیخلاف کارروائی کرتےہیں،ایک سیاسی تنظیم کی جانب سےلگائےگئےالزامات حقائق کےمنافی ہیں۔
ترجمان رینجرز کے مطابق ایک سیاسی تنظیم کےالزامات کامقصدملکی سلامتی کےلیےجاری آپریشن کوناکام بنانا ہے، دہشت گرد اورجرائم پیشہ افرادجولبادہ اوڑھ لیں رینجرزآپریشن کاہدف رہیں گے۔
رینجرزسندھ اپنےآپریشنزبلاتفریق،رنگ ونسل جاری رکھےگی، گزشتہ چندروزمیں گرفتارافرادٹارگٹ کلنگ سمیت کئی جرائم میں ملوث ہیں۔
قاتلوں اوربھتہ خوروں کےلیےہمدردانہ سوچ رکھنےوالےذہن نشین کرلیں آپریشن جاری رہےگا۔
ترجمان رینجرز نے عوام سےاپیل کی فرقہ وارانہ دہشت گردوں کےبارےمیں معلومات رینجرزہیلپ لائن پردیں۔
کراچی: رینجرز نے ٹارگٹڈ آپریشن کے دوران کالعدم تنظیم اور لیاری گینگ وار سے تعلق رکھنے والے تیرہ دہشت گرد گرفتار کرلیے، ملزمان سے اسلحہ بھی برآمد ہوا ہے۔
ترجمان رینجرز کے مطابق رینجرز نے سپرمارکیٹ، سہراب گوٹھ، ماڈل کالونی، اور پٹھان کالونی میں ٹارگٹڈ کارروائیاں کی، جس دوران کالعدم جماعت سے تعلق رکھنے والے نو دہشت گردوں کو گرفتار کیا گیا، ملزمان کے قبضے سے اسلحہ بھی برآمد ہوا ہے۔
رینجرز نے لیاری میں بھی جرائم پیشہ افراد کے ٹھکانوں پر چھاپے مارے, اس دوران چار ملزمان کو گرفتار کیا گیا ہے، جنہیں تفتیش کیلئے نامعلوم مقام پر منتقل کردیا گیا ہے۔
دوسری جانب کراچی کے علاقے شارع نور جہإں میں دو روز قبل پولیس مقابلے میں ہلاک ہونے والا ملزم ٹارگٹ کلر نکلا، جس کی شناخت عدیل کےنام سے ہوئی ہے۔
واضح رہے کہ کراچی میں دو روزقبل شارع نورجہاں کے علاقے میں گشت کے دوران دو مو ٹر سائیکل سواروں کو روکنے کی کوشش کی گئی، جس پر دونوں موٹر سائیکل سواروں نے پولیس پر فائرنگ کردی، جوابی فائرنگ کے نتیجے میں دونوں ملزمان ہلاک ہوگئے۔
یہ ملزم پولیس اہلکاروں اور ڈاکٹرز سمیت متعدد افراد کےقتل میں ملوث تھا، ملزمان کا ایک ساتھی چند روز قبل گرفتار ہو چکا ہے جبکہ دیگر کے لیے چھاپے مارے جا رہے ہیں۔
کراچی: ڈی جی رینجرزرضوان اختر کی زیرِ صدارت آپریشنل کمیٹی کےاجلاس میں شہرمیں ہونے والی ٹارگٹ کلنگ کے واقعات پرغورکیا گیا، ڈی جی رینجرزنے گورنرسندھ سے بھی ملاقات کی۔
ڈی جی رینجرز کی زیر صدارت ہونے والے اجلاس میں ایڈیشنل آئی جی، سیکٹرکمانڈر ،ڈی آئی جی ایسٹ، اے آئی جی سی آئی ڈی کی نے شرکت کی ۔ڈائریکٹر آئی بی اور رینجرز کے سینئرافسران بھی اجلاس میں موجود تھے ترجمان رینجرز کے مطابق اجلاس میں ٹارگٹ کلنگ کے حالیہ واقعات پر تفصیلی غور کیا گیا۔
ڈی جی رینجرز نےگورنر سندھ ڈاکٹر عشرت العبادسے بھی ملاقات کی جس میں امن وامان کی صورتحال پر تبادلہ خیال کیا گیا ، ڈی جی رینجرز نے گورنر سندھ کو بتایا کہ رینجرز کراچی سمیت سندھ بھر میں بلاتفریق اورکسی بھی دباو کے بغیر کام کر رہی ہے۔
رینجرز کے ترجمان نے کہا ہے کہ کراچی میں فرقہ وارانہ ہلاکتوں کے پیچھے ایک سیاسی تنظیم کے ملوث ہونے کے شواہد ملے ہیں۔
ترجمان رینجرز کا کہنا ہے کہ فرقہ وارانہ ٹارگٹ کلنگ امن وامان کی صورتحال خراب کرانیکی سازش ہے اور ٹارگٹ کلنگ میں ملوث ملزمان کو جلد گرفتار کرلیا جائے گا۔
ترجمان رینجرز کے مطابق جمعے کی رات سے بڑھی ہوئی فرقہ وارانہ ہلاکتوں کے پیچھے ایک سیاسی تنظیم کے ملوث ہونے کے شواہد ملے ہیں، جو شہر میں امن و امان کی صورتحال خراب کرنے کی سازش کا حصہ ہے، اہل تشیع اور اہل سنت میں مکمل ہم آہنگی پائی جاتی ہے۔
کراچی کے علاقے گارڈن اور گڈاپ میں قانون نافذ کرنے والے اداروں کی کاروائی کے دوران سنگین جرائم میں ملوث تین ملزمان کو حراست میں لے لیا۔
کراچی میں جرائم کے خاتمے کے لئے قانون نافذ کرنے والے اداروں کی کاروائیاں جاری ہیں، گڈاپ کےعلاقے اللہ داد گوٹھ میں رینجرز نے چھاپہ مار کاروائیوں کے دوران سنگین جرائم میں ملوث دو ملزمان کو حراست میں لے لیا۔
ترجمان رینجرز کے مطابق ملزمان کے قبضے سے اسلحہ اور منشیات برآمد کر لی گئی، دوسری جانب رات گئے پولیس نے گارڈن میں جرائم پیشہ افراد کی موجودگی پر چھاپا مارا، کاروائی کے دوران پولیس اور جرائم پیشہ افراد کے درمیان فائرنگ کا تبادلہ بھی ہوا۔
پولیس نے مقابلے کے بعد ایک ملزم کو گرفتار کرلیا تاہم ملزم کے دو ساتھی بچ نکلنے میں کامیاب ہوگئے، پولیس کے مطابق ملزم نے ابتدائی تفتیش کے دوران ٹارگٹ کلنگ سمیت متعدد وارداتوں کا اعتراف کیا ہے۔
