Tag: ترجمان سی ٹی ڈی

لاہور: محکمہ انسداد دہشتگردی پنجاب نے خفیہ اطلاع پر آپریشن کرکے لاہور سمیت دیگر شہروں سے 11 دہشت گردوں کو گرفتار کرلیا۔

انسداد دہشتگردی ڈیپارٹمنٹ ( سی ٹی ڈی) ترجمان کے مطابق دہشت گردی کے خدشات پر سی ٹی ڈی نے خفیہ آپریشن میں لاہور سمیت دیگر شہروں سے 11 دہشت گرد کو گرفتار کرلیا۔

ترجمان سی ٹی ڈی کا کہنا ہے کہ دہشت گردوں کا تعلق کالعدم القاعدہ، داعش اور ٹی ٹی پی سے ہے، ملزمان کے خلاف لاہور، بہاولپور،گوجرانوالہ، راولپنڈی، ساہیوال میں 10 مقدمات درج ہیں۔

ترجمان نے بتایا کہ دہشتگردوں میں مہتاب، طارق، گل اعظم، معاویہ، عماد، وارث اور جبار شامل ہیں، دہشتگردوں سے دھماکا خیز مواد، دستی بم، ڈیٹونیٹر، پمفلٹ اور دیگر اشیابر آمد ہوئی۔

ترجمان کا یہ بھی کہنا تھا کہ دہشتگرد نیٹ ورک حساس شہروں میں دہشتگردی کا منصوبہ مکمل کر چکے تھے،  رواں ہفتے آپریشن کے دوران 100 مشتبہ افراد کو گرفتار اور 76 ایف آئی آر درج کیں، ریاست دشمن عناصر کی سرکوبی کے لئے ہر ممکن کوشش جاری رہے گی۔