Tag: ترجمان چینی وزارت خارجہ

  • مشرق وسطیٰ کی صورتحال پر گہری نظر ہے، چین

    مشرق وسطیٰ کی صورتحال پر گہری نظر ہے، چین

    ترجمان چینی وزارت خارجہ کا کہنا ہے کہ ایران اسرائیل کو جنگ بندی برقرار رکھنے پر زور دیتے ہیں، فوجی اقدامات امن نہیں لاسکتے۔

    غیر ملکی ذرائع ابلاغ کے مطابق ترجمان چینی وزارت خارجہ کا کہنا تھا کہ مشرق وسطیٰ کی صورتحال پر گہری نظر ہے، حقائق نے ثابت کیا فوجی اقدامات امن نہیں لاسکتے۔

    اُنہوں نے کہا کہ مذاکرات مسائل کے حل کا صحیح راستہ ہے، چین مشرق وسطیٰ میں امن کیلئے کردار ادا کرنے کو تیار ہے۔

    دوسری جانب ایرانی وزارت خارجہ کے ترجمان نے سوشل میڈیا پلیٹ فارم ایکس پر لکھا کہ قطر میں امریکی فوجی اڈے العدید پر حملہ اقوام متحدہ کے چارٹر کے آرٹیکل 51 کے مطابق حق دفاع کے تحت کیا۔

    ترجمان وزارت خارجہ نے کہا کہ حق دفاع کے اس عمل کا ہمارے دوست اور پڑوسی ملک قطر کا کوئی تعلق نہیں کیونکہ دونوں ممالک کے درمیان گہرے اور مضبوط تعلقات ہیں۔

    انہوں نے کہا کہ قطر و دیگر ہمسایہ ممالک کے ساتھ بہترین تعلقات کی پالیسی کیلیے پوری طرح پرعزم ہے۔

    ایران اسرائیل کشیدگی سے متعلق تمام خبریں

    تہران نے زور دیا کہ ایران کے خلاف امریکی یا اسرائیلی مجرمانہ جارحیتوں اور بدنیتی کی پالیسیوں کو واشنگٹن اور اس خطے کے برادر ممالک کے مابین تقسیم پیدا نہ ہونے دیں۔

    اسرائیل ایران جنگ بندی، روس کا ردعمل سامنے آگیا

    واضح رہے کہ جوہری تنصیبات پر امریکی حملے کے جواب میں ایران نے قطر میں امریکا کے بڑے فوجی اڈے پر میزائل ڈاغے جس کے چند گھنٹے بعد ڈونلڈ ٹرمپ نے دعویٰ کیا کہ ایران اور اسرائیل جنگ بندی پر رضامند ہوگئے ہیں۔

  • چین کی گوادر میں دہشت گرد حملے کی مذمت، بروقت کارروائی پر پاکستان فوج کی تعریف

    چین کی گوادر میں دہشت گرد حملے کی مذمت، بروقت کارروائی پر پاکستان فوج کی تعریف

    بیجنگ : چین نے گوادر میں دہشت گرد حملے کی شدید مذمت کرتے ہوئے کہا فورسزنے بروقت کارروائی کرکے دہشت گردوں کا خاتمہ کیا،گوادر اور چینی شہریوں کا تحفظ یقینی بنانے پرشکرگزارہیں، انسداد دہشت گردی میں پاکستان کی حمایت جاری رکھیں گے۔

    تفصیلات کے مطابق ترجمان چینی وزارت خارجہ گینگ شوآنگ نے میڈیا بریفنگ میں گوادر میں دہشت گرد حملے کی شدید مذمت کرتے ہوئے متاثرہ افرادسےتعزیت اورہمدری کااظہار کیا۔

    ترجمان چینی وزارت خارجہ کا کہنا تھا انسداد دہشتگردی کی کوششوں میں پاکستان کی حمایت جاری رکھیں گے، پاکستان کی فوج،حکومت ملک سلامتی کے تحفظ کی صلاحیت رکھتی ہے۔

    ترجمان نے فورسزنے بروقت کارروائی کرکے دہشتگردوں کا خاتمہ کیا،گوادراورچینی شہریوں کا تحفظ یقینی بنانے پرشکرگزارہیں۔چین پاکستان کی معاشی ترقی کے لیے تعاون جاری رکھے گ انسداد دہشتگردی کی کوششوں میں پاکستان کی حمایت جاری رکھیں گے۔

    یاد رہے کہ 11 مئی کو پی سی ہوٹل گوادر میں تین دہشت گردوں نے گھس کر فائرنگ کی، اس موقع پر سیکورٹی گارڈز نے جوابی فائرنگ کر کے انھیں روکا۔

    مزید پڑھیں:  پی سی گوادر میں کلیئرنس آپریشن مکمل، 3 دہشت گرد سیکورٹی فورسز کے ہاتھوں ہلاک

    دہشت گردوں نے ہوٹل کے مرکزی زینے پر پہنچ کر فائرنگ کی، ان کی فائرنگ سے سیکورٹی گارڈز سمیت ہوٹل کے تین ملازمین بھی شہید ہوئے۔

    واقعے کی اطلاع ملتے ہی پاک فوج، بحریہ، پولیس کی کیو آر ایف ٹیمز فوراً ہوٹل پہنچیں، اور بر وقت کارروائی سے دہشت گردوں کو چوتھی منزل کے کوریڈور تک محدود کر دیا۔

    بعد ازاں فورسز نے کلیئرنس آپریشن مکمل کر کے تینوں دہشت گردوں کو مار دیا، آپریشن میں پاک بحریہ کا ایک جوان شہید ہو گیا، جب کہ پاک فوج کے 2 کیپٹن، پاک بحریہ کے 2 جوان، اور 2 ہوٹل ملازمین زخمی ہوئے۔

  • توقع ہے پاکستان اور بھارت تحمل سے کام لیں گے، ترجمان چینی وزارت خارجہ

    توقع ہے پاکستان اور بھارت تحمل سے کام لیں گے، ترجمان چینی وزارت خارجہ

    بیجنگ: چینی وزارت خارجہ کے ترجمان کا کہنا ہے کہ توقع ہے پاکستان اوربھارت تحمل سے کام لیں گے اور ایسے اقدامات کریں گے، جس سے خطے میں استحکام آئے اور باہمی تعلقات بہترہو۔

    تفصیلات کے مطابق پاکستان اور بھارت کے درمیان موجودہ صورتحال پر چین میدان میں آگیا ، چینی وزارت خارجہ کے ترجمان نے بیان میں کہا ہے توقع ہے پاکستان اور بھارت تحمل سے کام لیں گے۔

    ترجمان کا کہنا تھا امید ہے پاکستان اور بھارت ایسے اقدامات کریں گے، جس سے خطے میں استحکام آئے اورباہمی تعلقات بہترہوں۔

    یاد رہے چند روز قبل بھی ترجمان چینی وزارت خارجہ گینگ شوانگ نے بریفنگ میں کہا تھا کہ چین کا علاقائی امن و سلامتی اور پاک بھارت مستحکم تعلقات پر بہت انحصار ہے، امید ہے دونوں ممالک تحمل سے کام لیتے ہوئے مذاکراتی راہ اختیار کریں گے۔

    مزید پڑھیں : پاکستان اور بھارت کے درمیان امن خطے کے استحکام کے لیے ضروری ہے: چین

    ترجمان چینی وزارت خارجہ کا کہنا تھا کہ پاکستان اور بھارت خطے کے اہم ملک ہیں، دونوں ممالک مذاکرات کے ذریعے جلد از جلد اپنے مسائل کو حل کرنے کی کوشش کریں، دونوں ممالک کے درمیان قیام امن خطے کے استحکام کیلیے بہت ضروری ہے۔

    واضح رہے بھارتی ایئرفورس کی جانب سے لائن آف کنٹرول کی خلاف ورزی کی گئی ، پاک فضائیہ کی بروقت ردعمل کے بعد بھارتی طیارے فرار ہوگئے تھے۔

     

    مزید پڑھیں : لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    ڈی جی آئی ایس پی آر میجرجنرل آصف غفور کا کہنا تھا کہ بھارتی طیاروں نے مظفرآباد سیکٹر سے دراندازی کی کوشش کی اور مظفر آباد سیکٹر میں تین سے چارمیل اندر آئے، بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا۔

  • چینی قونصلیٹ پرحملے سے پاکستان اورچین کے تعلقات متاثرنہیں ہوں گے،چینی وزارت خارجہ

    چینی قونصلیٹ پرحملے سے پاکستان اورچین کے تعلقات متاثرنہیں ہوں گے،چینی وزارت خارجہ

    بیجنگ : ترجمان چینی وزارت خارجہ جینگ شوآنگ کا کہنا ہے کہ پاکستان اورچین کی دوستی سدا بہارہے، چینی قونصلیٹ پرحملے سے پاکستان اورچین کے تعلقات متاثرنہیں ہوں گے، تعلقات میں دراڑڈالنےکی کوئی بھی کوشش ناکام ہوگی۔

    تفصیلات کے مطابق بیجنگ میں ترجمان چینی وزارت خارجہ جینگ شوآنگ نے پریس کانفرنس کرتے ہوئے کہا پاک چین تعلقات میں دراڑ ڈالنے کی کوئی بھی کوشش ناکام ہوگی، پاک چین دوستی ہمالیہ سے بلند اور سمندر سے گہری ہے اور تمام موسموں کےآزمودہ تذویراتی شراکت دار ہیں۔

    چینی وزارت خارجہ کا کہنا تھا کہ قونصل خانے پر حملے سے دوطرفہ تعلقات متاثرنہیں ہوں گے، بروقت اور مؤثرکارروائی پر پاکستانی فورسز کے شکرگزار ہیں۔

    [bs-quote quote=”پاکستان اورچین کی دوستی سدا بہارہے” style=”style-6″ align=”left”][/bs-quote]

    ترجمان نے کہا پاکستان نےسی پیک،چینی باشندوں کاتحفظ یقینی بنانےکااعادہ کیا ہے،  ان سے تعلقات ہمیشہ کی طرح مضبوط اور مستحکم رہیں گے ، دونوں ممالک باہمی اعتماد،دوستی اورتعاون کےرشتے میں منسلک ہیں۔

    چینی وزارت خارجہ کے ترجمان نے حملے میں شہید پاکستانیوں کے لواحقین سے تعزیت کا اظہار کرتے ہوئے کہا دہشت گردحملےمیں جاں بحق،زخمیوں کی ہرممکن مالی مددکی جائے گی۔

    مزید پڑھیں : پاکستان میں چینی باشندوں کاسیکیورٹی پلان تبدیل کرنے کا فیصلہ

    ان کا کہنا تھا کہ پاکستان اورچین کی دوستی سدا بہارہے، پاک چین تعلقات خراب کرنے کی کوششیں کامیاب نہیں ہوں گی، حملے کے بعددونوں ملکوں کی حکومتوں اورعوام کے باہمی اعتماداوردوستی کے مظاہرے نے یہ ثابت کردیا ہے۔

    جینگ شوآنگ نے کہا پاکستان نے حملے کی ذمہ داری تنظیم کیخلاف کریک ڈاؤن کرنے اور چینی اداروں کی سیکیورٹی مزیدسخت کرنےکاکہا ہے۔

    خیال رہے چینی قونصل خانے پر حملے کے بعد پاکستان میں چینی باشندوں کا سیکیورٹی پلان تبدیل کرنے اور سیکیورٹی کے لیے پروجیکٹس کی نگرانی بڑھانے کا بھی فیصلہ کیا تھا۔

    یاد رہے 23 نومبر کو چینی قونصل خانے پر حملے کی کوشش ناکام بنادی گئی تھی ، جس کے نتیجے میں دوپولیس اہلکار اور دو شہری شہید ہوئے جبکہ تین دہشت گردوں کو ہلاک کردیا گیا تھا، دہشت گردی کی اس کارروائی میں چینی قونصل جنرل اورتمام عملہ محفوظ رہا تھا۔

    مزید پڑھیں : چینی قونصل خانے پرحملے کی کوشش ناکام ‘ 2 پولیس اہلکار شہید ‘ 3 دہشت گرد ہلاک

    بعد ازاں بھارت نواز کالعدم تنظیم بی ایل اے نے چینی قونصلیٹ پر حملے کی ذمہ داری قبول کی تھی۔

    چین کےعوام چینی قونصل خانے پرحملے کے شہداء کے لیے میدان میں آگئی، چین کے مختلف شہروں میں شہداء کی فیملی کے لئے فنڈ ریزنگ کی گئی ، جمع ہونے والا فنڈ شہدا کی فیملی کو بھجوایا جائے گا۔