Tag: ترجمان ہیلتھ کیئر

لاہور: صوبہ پنجاب میں کرونا وائرس سے متاثرہ افراد اور اموات کی تعداد میں اضافہ جاری ہے، صوبے میں مجموعی کیسز کی تعداد 87 ہزار 43 اور اموات کی تعداد 2 ہزار 13 ہوچکی ہے۔

تفصیلات کے مطابق ترجمان پرائمری اینڈ سیکنڈری ہیلتھ کیئر کا کہنا ہے کہ صوبہ پنجاب میں کرونا وائرس کے 487 نئے کیس سامنے آگئے جس کے بعد پنجاب میں کرونا وائرس کے مصدقہ مریضوں کی تعداد 87 ہزار 43 ہوگئی۔

ترجمان کا کہنا ہے کہ لاہور میں 208، گجرات میں 40، فیصل آباد میں 30، سیالکوٹ میں 23، راولپنڈی میں 27، بہاولپور میں 18، قصور میں 16، گوجرانوالہ اور ملتان میں 14، 14 جبکہ خانیوال اور بھکر میں 10، 10 کیسز رپورٹ ہوئے۔

اسی طرح پاکپتن میں 9، نارروال میں 7، جہلم اور جھنگ میں 6، 6، بہاولنگر، اٹک، ٹوبہ ٹیک سنگھ اور سرگودھا میں 5، شیخوپورہ میں 4، مظفر گڑھ، ساہیوال، ڈیرہ غازی خان، رحیم یار خان اور وہاڑی میں 3، 3، میانوالی میں 2 اور راجن پور اور اوکاڑہ میں 1، 1 کیس رپورٹ ہوا۔

ترجمان کا کہنا ہے کہ صوبے میں کرونا وائرس سے اب تک مزید 7 اموات ہوچکی ہیںِ جس کے بعد مجموعی اموات کی تعداد 2 ہزار 13 ہوچکی ہے۔

ترجمان کے مطابق اب تک 5 لاکھ 96 ہزار 74 ٹیسٹ کیے جاچکے ہیں جبکہ مرض کو شکست دینے والوں کی تعداد بھی 58 ہزار 23 ہوچکی ہے۔

خیال رہے کہ پنجاب سمیت ملک بھر میں کرونا وائرس کے مریضوں کی تعداد 2 لاکھ 51 ہزار 652 ہوچکی ہے، صرف 24 گھنٹوں کے دوران ملک میں 2 ہزار 769 نئے کیسز سامنے آئے۔

گزشتہ 24 گھنٹوں کے دوران مزید 69 اموات ہوئی ہیں جس کے بعد ملک میں مجموعی اموات کی تعداد 5 ہزار 266 ہوگئی۔

پاکستان کیسز کی تعداد کے لحاظ سے 213 ممالک میں 12 واں ملک بن چکا ہے، 10 لاکھ آبادی میں کیسز کی تعداد بڑھ کر 11 سو 39 ہوگئی ہے جبکہ اموات کی شرح بھی 23 فیصد سے بڑھ کر 24 فیصد ہوگئی۔