کرکٹ پاکستان کا مقبول ترین کھیل ہے جو قوم کو یک جان کرتا ہے، لیکن قوم کو متحد کرنا والا یہ کھیل آج پاکستانیوں کی امنگوں پر پورا نہیں اتر رہا۔
73 سال کی عمر رکھنے والی پاکستان کرکٹ پر پون صدی میں کیا گزری؟ عروج وزوال کی داستان خود اسی کی زبانی سنیے۔ ریحان خان کے آڈیو پوڈکاسٹ میں
کراچی: وفاقی وزیر احسن اقبال نے کہا ہے کہ جنوبی کوریا اور مصر نے ہمارا ویژن اپنایا اور ترقی کی، ہم نے مواقع ضائع کیے۔
تفصیلات کے مطابق وفاقی وزیر احسن اقبال نے جامعہ این ای ڈی میں تقریب سے خطاب کرتے ہوئے کہا کہ ہم نے کوریا اور یواےای کو ایئرلائن بناکر دی، آج وہ ہمارے رول ماڈل ہیں جن کو ہم نے سکھایا ہے۔
وفاقی وزیر احسن اقبال کا کہنا تھا کہ کوریا کے وزیراعظم نے کہا ہمارے عوام اس مدد کو نہیں بھلا سکتے جو پاکستان نے کی۔
انھوں نے کہا کہ پاکستان کی ترقی کی کہانی میں کئی مواقع ضائع ہوئے، ہم نے کئی بار اڑان بھری مگر بدقسمتی سے اسے پورا نہ کر پائے، یہ ڈیٹا سینٹر اسٹیٹ آف دی آرٹ سینٹر ہے۔
اگر ترقی چاہیے تو حکومتوں کو کم از کم 2 ادوار مکمل کرنے چاہئیں، احسن اقبال
احسن اقبال نے کہا کہ ترقی کے لئے سیاسی استحکام بہت ضروری ہے، سیاسی عہد آئے لیکن اس میں جنگیں لڑیں اور سیاسی میوزیکل چیئر کھیلتے رہے۔
وفاقی وزیر کا کہنا تھا کہ کیا ہمارے پاس مزید موقع ہیں کہ ہم تجربے کرتے رہیں، اڑان پاکستان پروگرام ملک کی ترقی کا باعث بنے گا، ہم نے اڑان بھی بھری، ہماری اپنی غلطیوں سے ہم نے ہر اڑان کو کریش کیا۔
نگراں وزیراعظم انوار الحق کاکڑ نے کہا ہے کہ دنیا میں ٹیکنالوجی کی وجہ سے ہی ترقی ممکن ہوئی۔
نگراں وزیراعظم انوار الحق کاکڑ نے طلبہ و طالبات سے خطاب کرتے ہوئے کہا کہ دنیا میں ٹیکنالوجی کی مدد سے ہی ترقی ممکن ہوئی، طلبا کو تسخیر اور دریافت پر توانائی صرف کرنا چاہیے۔
نگراں وزیراعظم انوارالحق کاکڑ کا کہنا تھا کہ تعلیمی ادارے میرے دل کے قریب ہیں، اسلام میں حصول علم پر بہت زور دیا گیا ہے، حضرت آدم ؑ کو علم کی وجہ سے ہی فرشتوں پر فوقیت ملی۔
انہوں نے مزید کہا کہ تعلیمی ادارے میرے دل کے قریب ہیں۔ میں ان لوگوں کی بہت تعریف کرتا ہوں جنہوں نے اس انسٹی ٹیوٹ کا تصور پیش کیا۔
ریاض: سعودی عرب میں تیل کے علاوہ دیگر شعبوں میں بھی روز افزوں ترقی ہورہی ہے۔ رواں برس دوسری سہ ماہی میں مملکت کی نان آئل جی ڈی پی میں نمایاں اضافہ ہونے کا امکان ہے۔
اردو نیوز کے مطابق ایک کاروباری سروے سے علم ہوا کہ سعودی عرب کے نان آئل سیکٹر نے مئی میں خاطر خواہ رفتار حاصل کی ہے کیونکہ مملکت کی اقتصادی تنوع کی حکمت عملی جاری ہے۔
ریاض بینک سعودی عرب پرچیزنگ مینیجرز انڈیکس کی تازہ ترین رپورٹ کے مطابق مملکت کا پی ایم آئی مئی میں 58.5 پر تھا جو کہ اقتصادی ترقی کی نشاندہی کرتا ہے، یہ اپریل میں 59.6 کے اعداد و شمار کے مقابلے میں معمولی کمی تھی۔
ریاض بینک کے چیف اکنامسٹ نایف الغیث کا کہنا ہے کہ چھوٹی کمی کے باوجود اعلیٰ اعداد و شمار اس خیال کو تقویت دیتے ہیں کہ سعودی عرب میں مجموعی اقتصادی سرگرمیاں اچھی طرح سے جاری ہیں۔
انہوں نے مزید کہا کہ پرائیویٹ سیکٹر کی بدولت اس سال دوسری سہ ماہی میں مملکت کی نان آئل جی ڈی پی (مجموعی گھریلو پیداوار) میں نمایاں اضافہ ہونے کا امکان ہے۔
رپورٹ میں نشاندہی کی گئی کہ مملکت میں غیر تیل کے نجی شعبے کے کاروبار میں نئے آرڈر کی آمد میں مئی میں نمایاں طور پر اضافہ ہوا جبکہ اپریل میں ترقی صرف ساڑھے 8 سالوں میں اپنی بلند ترین سطح پر پہنچ گئی۔
رپورٹ کے مطابق نئے آرڈرز میں اضافے نے سعودی عرب میں سیاحت اور تعمیراتی شعبوں پر مثبت اثر ڈالا جس کے نتیجے میں مئی میں ملازمتوں کے مواقع میں اضافہ ہوا۔
نایف الغیث کا کہنا ہے کہ نئے آرڈرز میں کافی اضافہ ہوا جو خاص طور پر سیاحتی سرگرمیوں اور تعمیرات میں مانگ میں اضافے کی عکاسی کرتا ہے۔
اس سے 2018 کے بعد سے ملازمتوں کی تخلیق کی مشترکہ تیز ترین شرح ہوئی جس نے فرموں کو اس ماہ تیز رفتاری سے بیک لاگ کے ذریعے کام کرنے کی اجازت دی۔
انہوں نے مزید کہا کہ اعلیٰ ملازمت اور سرگرمی نے اجرتوں میں سات برسوں میں دوسری تیز ترین رفتار سے اضافہ کیا۔
رپورٹ کے مطابق مئی میں اگلے 12 ماہ کے لیے کاروباری توقعات میں قدرے نرمی آئی تاہم فرمیں ترقی کے امکانات میں مدد کے لیے بہتر مارکیٹ کے حالات، مضبوط فروخت اور معاون حکومتی اقتصادی پالیسی کی توقع کر رہی ہیں۔
کراچی: پاک فضائیہ کے چار ایئر آفیسرز کو ایئر وائس مارشل کے عہدوں پر ترقی دے دی گئی۔
اے آر وائی نیوز کے مطابق حکومت پاکستان نے پاک فضائیہ کے چار ایئر آفیسرز کو ایئر وائس مارشل کے عہدے پر ترقی دے دی، ترقی پانے والوں میں ایئر وائس مارشل خالد محمود، ایئر وائس مارشل اسد عامر پیرزادہ، ایئر وائس مارشل سلمان عباس شاہ اور ایئر وائس مارشل محمد عرفان شامل ہیں۔
ایئر وائس مارشل خالد محمود نے مئی 1991 میں پاک فضائیہ کی جی ڈی پی برانچ میں کمیشن حاصل کیا، اپنے کیریئر کے دوران انھوں نے ایک فائٹر اسکواڈرن، ایک فلائنگ ونگ اور ایک آپریشنل بیس کی کمانڈ کی، انھیں پاک فضائیہ میں شان دار خدمات پر ستارہ امتیاز (ملٹری) سے نوازا گیا۔
ایئر وائس مارشل اسد عامر پیر زادہ نے مئی 1991 میں پاک فضائیہ کی انجنیئرنگ برانچ میں کمیشن حاصل کیا، اپنے کیرئیر کے دوران انھوں نے ایئر ہیڈ کوارٹرز اسلام آباد میں ڈائریکٹر نیٹ ورکس بیسز اور کمانڈنٹ کالج آف ایروناٹیکل انجنیئرنگ اصغر خان اکیڈمی کے طور پر خدمات سر انجام دیں، انھیں پاک فضائیہ میں شان دار خدمات پر ستارہ امتیاز (ملٹری) سے نوازا گیا۔
ایئر وائس مارشل سلمان عباس شاہ نے مئی 1991 میں پاک فضائیہ کی انجنیئرنگ برانچ میں کمیشن حاصل کیا، اپنے کیریئر کے دوران انھوں نے انجنیئرنگ ونگ کی کمانڈ کی اور کامرہ میں معراج ریبلڈ فیکٹری کے منیجنگ ڈائریکٹر کے طور پر خدمات سر انجام دیں، وہ ایئر ہیڈ کوارٹرز اسلام آباد میں اسسٹنٹ چیف آف ایئر اسٹاف (ایئرکرافٹ انجنیئرنگ) بھی تعینات رہے، انھیں پاک فضائیہ میں شان دار خدمات پر ستارہ امتیاز (ملٹری) سے نوازا گیا۔
ایئر وائس مارشل محمد عرفان نے مئی 1991 میں پاک فضائیہ کی انجنیئرنگ برانچ میں کمیشن حاصل کیا، اپنے کیریئر کے دوران انھوں نے ڈپٹی منیجنگ ڈائریکٹر JF-17 تھنڈر پروجیکٹ کے طور پر فرائض سر انجام دیے، انھوں نے کامرہ میں ایویانکس پروڈکشن فیکٹری کے ڈپٹی منیجنگ ڈائریکٹر کے طور پر بھی خدمات سر انجام دیں، انھیں پاک فضائیہ میں شان دار خدمات پر ستارہ امتیاز (ملٹری) سے نوازا گیا۔
اسلام آباد: وزیراعظم عمران خان نے کہا ہے کہ ملک کی خوشحالی زرعی شعبے اور کسان کی خوشحالی سے وابستہ ہے۔
تفصیلات کے مطابق وزیراعظم عمران خان کی زیرصدارت ٹیوب ویلز پر سبسڈی فراہم کرنے کی تجویز سے متعلق اجلاس ہوا جس میں زرعی شعبے کے فروغ اور چھوٹے کاشت کاروں کو ریلیف دینے سمیت ٹیوب ویلز پر بجلی کے نرخوں پر سبسڈی دینے کی تجویز پر مشاورت کی گئی۔
اس موقع پر وزیراعظم عمران خان کا کہنا تھا کہ مشاورت میں صوبوں کو شامل کر کے حکمت عملی مرتب کی جائے،زرعی شعبے کا فروغ حکومت کی اولین ترجیح ہے۔
وزیراعظم پاکستان کا مزید کہنا تھا کہ ملک کی خوشحالی زرعی شعبے اور کسان کی خوشحالی سے وابستہ ہے۔
یاد رہے کہ دو روز قبل وزیراعظم عمران خان کا کہنا تھا کہ حکومت فصلوں کی پیداوار میں اضافے کے لیے جدید زرعی ٹیکنالوجی درآمد کرنے کے لیے چین کے ساتھ شراکت داری قائم کر رہی ہے
وزیراعظم پاکستان نے وفاقی وزیر فوڈ اینڈ سیکیورٹی فخر امام کو ترجیحی بنیادوں پر کسانوں کے مسائل حل کرنے کی بھی ہدایت کی تھی۔
اسلام آباد: وزیراعظم عمران خان کا کہنا ہے کہ کراچی کی ترقی پاکستان کی ترقی ہے، کراچی پاکستان کی معاشی سرگرمیوں کا مرکز ہے۔
تفصیلات کے مطابق وزیراعظم عمران خان نے کہا کہ کراچی کے لوگوں سے آج معذرت کرتا ہوں، موسم کی خرابی کے باعث کراچی نہ آسکا انہوں نے کہا کہ کراچی آنے کا مقصد میگا پروجیکٹ کا افتتاح تھا، 3فلائی اوور اور 2 اہم شاہراہوں کا افتتاح کرنا تھا۔
وزیر اعظم نے ویڈیو پیغام میں گورنر سندھ عمران اسماعیل کو خصوصی ہدایت دیتے ہوئے کہا کہ سندھ میں جاری ترقیاتی منصوبو ں کی تفصیل آپ عوام کو بتائیں۔
انہوں نے کہا کہ کراچی پاکستان کا وہ شہر ہے جس کے اوپر جانے سے ملک اوپر جائےگا، کراچی پر برا وقت آتا ہے تو پورے پاکستان پر برا اثر پڑتا ہے، سندھ میں پی ٹی آئی حکومت نہ ہونے کے باوجود بھی ترقی چاہتے ہیں۔
وزیراعظم کا کہنا تھا کہ اٹھارویں ترمیم کے باعث سارے فنڈز صوبوں کو منتقل ہوئے، یقین دلاتا ہوں سندھ اور کراچی کی ترقی کے لیے پوری محنت کر رہے ہیں۔
عمران خان نے کہا کہ کراچی کی ترقی پاکستان کی ترقی ہے، کراچی پاکستان کی معاشی سرگرمیوں کا مرکز ہے، کراچی کی ترقی کامطلب روزگار کے مواقع فراہم کرنا ہے۔
کراچی : وزیراعظم عمران خان کا کہنا ہے کہ بزنس کمیونٹی کو نیب کا خوف تھا، بزنس کمیونٹی کو آرڈیننس کے ذریعے نیب سے الگ کر دیا۔
تفصیلات کے مطابق کراچی میں تقریب سے خطاب کرتے ہوئے وزیراعظم عمران خان نے کہا کہ مدینہ کی ریاست 2 اصولوں پر کھڑی تھی، ریاست مدینہ میں سب کے لیے ایک ہی قانون تھا۔
وزیراعظم نے کہا کہ پاکستان کو ترقی میں سب سے آگے لے جانا چاہتے ہیں، ملک میں انصاف سب کے لیے برابر ہونا چاہئے، انسانیت اور انصاف ریاست مدینہ کی بنیاد ہے، ریاست نے کمزور طبقے کی ذمہ داری لینی ہوتی ہے۔
انہوں نے کہا کہ بزنس کمیونٹی کے لیے آسانیاں ہوں گی، روزگار کے مواقع بڑھیں گے، ایک سال میں بہت سی کامیابیاں حاصل کی ہیں، بزنس کمیونٹی کو نیب کا خوف تھا، بزنس کمیونٹی کو آرڈیننس کے ذریعے نیب سے الگ کر دیا، نیب کو صرف پبلک آفس رکھنے والوں پر نظر رکھنی چاہیے۔
وزیراعظم عمران خان نے کہا کہ پی ٹی آئی حکومت کو 2018 میں 30 ہزار ارب کا قرضہ ملا تھا، یہ بھی معلوم ہے کہ ہمیں ادارے کس حال میں ملے تھے، 2023 تک بھولنے نہیں دوں گا کہ ہمیں کس طرح کا پاکستان ملا تھا، ہمیں سوئیڈن کی معیشت تو نہیں ملی تھی۔
انہوں نے کہا کہ حکومت کی کارکردگی کو آپ کے سامنے رکھوں گا، ہماری معاشی ٹیم بر وقت بزنس کمیونٹی کے لیے میسر ہوگی، 2019 معاشی استحکام اور 2020 ترقی کا سال ہوگا۔
وزیراعظم پاکستان نے کہا کہ پاکستان کا سب سے بڑا مسئلہ نوکریوں کا ہے، ماضی کی ناقص پالیسیوں سے معیشت کو بہت نقصان ہوا، سیاحت کے شعبے میں بہتری لا کر نوجوانوں کے لیے نوکریوں کے مواقع ہیں۔
لاہور: وزیراعلیٰ پنجاب سردار عثمان بزدار کا کہنا ہے کہ پبلک پرائیویٹ پارٹنرشپ اتھارٹی کا قیام عمل میں لائیں گے۔
تفصیلات کے مطابق لاہور میں وزیراعلیٰ پنجاب سردار عثمان بزدار کی زیرصدارت اجلاس ہوا جس میں آئندہ بجٹ اور ترقیاتی پروگرام کے اہم خدوخال پربریفنگ دی گئی۔
عثمان بزدار نے کہا کہ نئے مالی سال کابجٹ عوام کی امنگوں کا ترجما ن ہوگا، بجٹ میں نئے پاکستان کی حقیقی جھلک نظر آئے گی۔
وزیراعلیٰ پنجاب نے کہا کہ جنوبی پنجاب کی ترقی پر خصوصی توجہ دی جائے گی، وسائل کے اندر رہتے ہوئے ریلیف دینے کی پوری کوشش کریں گے۔
سردار عثمان بزدار نے کہا کہ پبلک پرائیویٹ پارٹنرشپ اتھارٹی کا قیام عمل میں لائیں گے۔
تبدیلی کی راہ میں رکاوٹیں آتی ہیں، ہمت نہیں ہاریں گے، عثمان بزدار
یاد رہے کہ گزشتہ ہفتے وزیراعلیٰ پنجاب عثمان بزدارکا کہنا تھا کہ تبدیلی کی راہ میں رکاوٹیں آتی ہیں مگر ہمت نہیں ہاریں گے، وسائل کم اور مسائل زیادہ ہیں مگر حوصلے بلند ہیں۔
وزیراعلیٰ پنجاب کا کہنا تھا کہ نئے پاکستان میں تعلیم، صحت پر خصوصی توجہ دے رہے ہیں، نئے پاکستان کی منزل میں کسی رکاوٹ کو حائل نہیں ہونے دیں گے، عوام کے مسائل حل کرنے کا وعدہ پورا کریں گے۔
لاہور: وزیراعلیٰ پنجاب سردار عثمان بزدار کا کہنا ہے کہ سعودی ولی عہد کے دورہ پاکستان سے دونوں ملکوں کے تعلقات مزید بہتر اور مستحکم ہوں گے۔
تفصیلات کے مطابق وزیراعلیٰ پنجاب سردار عثمان بزادر نے کہا کہ سعودی ولی عہد محمد بن سلمان کو پاکستان آمد پر خوش آمدید کہتے ہیں، شہزادہ محمد بن سلمان کا دورہ پاکستانیوں کے لیے خوشی کا باعث ہے۔
سردارعثمان بزدار نے کہا کہ سعودی ولی عہد کے دورہ پاکستان سے ترقی وخوشحالی کی نئی راہ متعین ہوگی۔
انہوں نے کہا کہ پاکستان اور سعودی عرب کے درمیان مختلف شعبوں میں معاہدوں سے ملک میں سرمایہ کاری بڑھے گی اور ملکی معیشت مضبوط ہوگی۔
وزیراعلیٰ پنجاب نے کہا کہ خادم الحرمین شریفین شاہ سلمان بن عبدالعزیز کی پاکستان اور اہل پاکستان سے محبت مثال بن چکی ہے۔
سردار عثمان بزدار نے کہا کہ پاکستان کے سعودی عرب سے مضبوط اور دوستانہ تعلقات صدیوں پرانی ثقافتی ومعاشی شراکت پرمبنی ہیں۔
سعودی ولی عہد تاریخی دورے پر آج پاکستان پہنچیں گے
واضح رہے کہ سعودی ولی عہد شہزادہ محمد بن سلمان آج تاریخی دورے پر پاکستان پہنچ رہے ہیں، پاکستان میں ان کے دورے کے سلسلے میں سیکورٹی کے تمام انتظامات مکمل کر لیے گئے ہیں۔