اسلام آباد : الیکشن 2024 کے پیش نظر ملک بھر کے بلدیاتی وکینٹ بورڈز کے ترقیاتی فنڈز منجمد کر دئیے گئے۔
تفصیلات کے مطابق الیکشن کمیشن نے ملک بھر کے بلدیاتی وکینٹ بورڈز کے ترقیاتی فنڈزمنجمدکردئیے اور کہا سندھ ، کے پی اور بلوچستان کے ترقیاتی فنڈز الیکشن تکمیل تک منجمد رہیں گے۔
الیکشن کمیشن کا کہنا تھا کہ کینٹ بورڈز کے بلدیاتی اداروں کے ترقیاتی فنڈز بھی الیکشن تکمیل تک منجمد رہیں گے، بلدیاتی ادارے صرف روزمرہ کے امور نمٹائیں گے۔
الیکشن کمیشن نے کہا کہ بلدیاتی ادارے الیکشن تک صفائی اور سینیٹیشن کا کام کریں گے ، بلدیاتی ادارے نئی سکیم کا اجرایا ٹینڈر نہیں کرسکیں گے، وہ ترقیاتی کام جاری رہیں گے، جن کا اعلان عام انتخابات کے شیڈول اجراسے پہلے ہوا۔
الیکشن کمیشن کی منظوری کے بعد نوٹیفکیشن جاری کردیاگیا ، جس میں کہا کہ بلدیاتی اداروں کے ترقیاتی فنڈز اجراپر پابندی شفاف الیکشن کی وجہ سے لگائی گئی ہے۔