رمضان المبارک میں جسم کو صحت مند رکھنا بے حد ضروری ہے تاکہ اس مبارک ماہ کی زیادہ سے زیادہ برکتیں سمیٹی جاسکیں۔
اسی لیے سحر و افطار میں متوازن اور توانائی سے بھرپور غذائیں کھانا ضروری ہے۔
آج افطار کے لیے سبزیوں کے پیٹیز بنانے کی ترکیب بتائی جارہی ہے۔
اجزا
فلنگ کی تیاری
شملہ مرچ: 1 چوتھائی کپ
گاجر: آدھا کپ
بلیو بینڈ مارجرین: 2 کھانے کے چمچ
لہسن کٹا ہوا: 2 چائے کے چمچ
بند گوبھی: 1 کپ
نمک: حسب ذائقہ
لال مرچ (کٹی ہوئی): 1 چائے کا چمچ
کالی مرچ: 1 چائے کا چمچ
ہاٹ ساس: 1 چائے کا چمچ
چکن پاؤڈر: 1 چائے کا چمچ
سویا ساس: 1 چائے کا چمچ
سفید مرچ: 1 چائے کا چمچ
ہری پیاز: آدھا کپ
موزریلا یا چیڈر چیز: 1 کپ
سوس کے لیے
مایونیز: 4 کھانے کے چمچ
چلی گارلک ساس: 2 کھانے کے چمچ
کالی مرچ: آدھا چائے کا چمچ
شہد: آدھا چائے کا چمچ
لئی کے لیے
میدہ: 2 کھانے کے چمچ
پانی: گھولنے کے لیے تھوڑا سا
کوٹنگ کے لیے
انڈا: 1 عدد
میدہ: 1 کپ
بریڈ کرمبز: 1 کپ
ترکیب
ایک پین میں بلیو بینڈ مارجرین ڈال کر ہلکا سا گرم کریں، اس میں 2 چمچ تیل مکس کر لیں۔
اب اس میں تمام سبزیاں (ہری پیاز کے علاوہ) ڈال کر مکس کر لیں۔
اب اس میں تمام مصالحے ڈال کر اس کو تھوڑی دیر تیز آنچ پر فرائی کریں تاکہ سبزیاں پانی نہ چھوڑ دیں۔
آخر میں چولہا بند کرنے کے بعد ہری پیاز ڈال کر مکس کر لیں۔
اب ایک باؤل میں سوس تیار کر لیں، ایک پیالے میں لئی بنا کر رکھ لیں۔
ایک سموسہ پٹی کو سیدھا رکھیں اس پر بیچ میں لئی لگائیں، اس کے اوپر کراس میں دوسری سموسہ پٹی رکھیں اور پھر اس پر سوس لگائیں۔
اس کے بعد اس میں سبزیوں کی فلنگ رکھیں اور اس پر کدو کش کی ہوئی پنیر ڈالیں، اس کو فولڈ کر لیں۔
اب اس باکس پیٹیز کو پہلے میدے میں، پھر انڈے میں (کالی مرچ نمک ایک ایک چٹکی ڈال کر پھینٹ لیں) اور پھر بریڈ کرمبز میں فولڈ کرلیں۔ ایک ساتھ سارے تیار کر کے رکھ لیں، پھر فرائی کرلیں۔
مزیدار خستہ باکس پیٹیز تیار ہیں، کیچپ یا چلی گارلک سوس کے ساتھ لطف اٹھائیں۔
