ماہ رمضان کا اختتام ہوگیا اب عید آیا ہی چاہتی ہے۔ عید کا دن شیر خرمہ کے بغیر ادھورا ہے۔ تو اس عید پر آپ اپنے گھر والوں کو لذیذ شیر خورمہ بنا کر کھلایئے اور ان سے عیدی کی شکل میں داد وصول کیجیئے۔
اجزا
دودھ: 1 کلو
چھوارے: 6 عدد
سویاں: کوراٹر کپ
خشک میوہ ۔ بادام پستہ: چھلکا اتار کر باریک کٹے ہوئے
چینی: کوراٹر کپ
گھی: 2 چمچ
ترکیب
دودھ کو ابالنے کے لیے رکھ دیں۔ آنچ ہلکی رکھیں۔
چھواروں کو پانی میں بھگو دیں۔ نرم ہوجائے تو گٹھلی نکال کر باریک کاٹ لیں اور دودھ میں ڈال لیں۔
سویاں باریک توڑ لیں۔
ایک کڑھائی میں گھی ڈال کر گرم کرلیں اور سویاں ڈال کر سنہری تل لیں۔
جب چھوارا نرم ہوجائے تو دودھ میں سویاں ڈال کر چمچ سے ہلاتے رہیں اور چینی شامل کرلیں۔
چمچ چلاتے رہیں۔ چینی کا پانی خشک ہوجائے اور شیر خرمہ مناسب گاڑھا ہوجائے تو اتار لیں۔
بادام پستہ کا چھلکا اس طرح اتاریں کہ آدھا کپ پانی ابالیں پھر بادام پستہ ڈالیں اور دو منٹ چھوڑ دیں۔
پھر ان کا چھکا اتار لیں اور باریک کاٹ لیں۔
شیر خرمہ ڈش میں ڈالیں، اوپر سے باریک کٹا ہوا پستہ بادام چھڑک دیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
