کھانے کے بعد میٹھا، کھانے کا لطف دوبالا کردیتا ہے، اور اگر موسم گرما ہو تو میٹھا ایسا ہونا چاہیئے جو جسم و جاں کو راحت بخشے اسی لیے ہم آپ کو مزیدار شاہی قلفہ بنانے کی ترکیب بتا رہے ہیں۔
اجزا
دودھ: 6 کپ
چینی: تین چوتھائی کپ
کارن فلور: 4 کھانے کے چمچ
کھویا: 250 گرام
زعفران: آدھا چائے کا چمچ
کیوڑا: 1 کھانے کا چمچ
ہری الائچی پسی ہوئی: آدھا چائے کا چمچ
کنڈینسڈ ملک: 4 کھانے کے چمچ
کریم: 1 پیکٹ
بادام اور پستے: آدھا کپ
ربڑی بنانے کے لیے
دودھ: ڈیڑھ کپ
کارن فلور: 1 کھانے کا چمچ
زعفران: چند قطرے
کیوڑا: چند قطرے
کنڈینسڈ ملک: 4 کھانے کے چمچ
بادام اور پستے: گارنش کے لیے
ترکیب
سب سے پہلے ربڑی بنانے کے لیے ڈیرھ کپ دودھ کو پکائیں۔
اس میں کارن فلور شامل کر کے مکسچر گاڑھا کر لیں۔
اب اسے نکال کر ٹھنڈا کریں اور اس میں چند قطرے زعفران، کیوڑا اور کنڈینسڈ ملک ڈال کر مکس کریں اور بادام اور پستے کے ساتھ گارنش کرلیں۔
قلفہ بنانے کے لیے: چھ کپ دودھ اور چینی کو پندرہ منٹ کے لیے پکائیں۔
پھر کارن فلور کو ایک چوتھائی کپ دودھ میں مکس کرکے ابلے دودھ میں ڈال کر اتنا پکائیں کہ وہ گاڑھا ہو جائے۔
اب اس میں کھویا شامل کرکے چولہے سے اتار لیں۔
پھر اسے ٹھنڈا کر کے اس میں زعفران، کیوڑا، ہری الائچی، کنڈینسڈ ملک اور کریم ڈال کر مکس کریں۔
اس مکسچر کو گریس کیے ہوئے لوف ٹن میں ڈال کر ڈھکیں اور فریزر میں سیٹ ہونے کے لیے رکھ دیں۔
ٹھنڈا ہونے کے بعد نکال کر سلائسز میں کاٹیں اور تیار کی ہوئی ربڑی کے ساتھ سرو کریں۔
