Tag: ترکیہ

اسلام آباد: پاکستان نے ترکیہ میں کردستان ورکرز پارٹی کے خاتمے کے اعلان کا خیرمقدم کیا ہے اور اسے امن کی جانب قدم قرار دیا ہے۔

تفصیلات کے مطابق پاکستانی دفتر خارجہ کے ترجمان کا کہنا تھا کہ ترکیہ میں کردستان ورکرز پارٹی کے خاتمے کو پائیدارامن کی جانب اہم قدم سمجھتے ہیں، پاکستان اور ترکیہ کے درمیان گہرے برادرانہ تعلقات قائم ہیں۔

ترجمان دفتر خارجہ نے کہا کہ پاکستان اورترکیہ ہر شعبے میں ایک دوسرے کی حمایت کرتے ہیں، پاکستان اور ترکیہ انسداددہشتگردی اقدامات میں باہمی تعاون کرتے رہے ہیں۔

ترکیہ کی عوام پاکستان کی کامیابی کے لیے دعاگو ہے، طیب اردوان

خیال رہے کہ حالیہ اہم پیشرفت میں ترکیہ میں کردوں کی سب سے بڑی عسکریت پسند تنظیم کردستان ورکرز پارٹی نے تنظیم اور مسلح جدوجہد ختم کرنے اعلان کردیا ہے۔

میڈیا رپورٹس کے مطابق اس بات کا اعلان تنظیم کی بارہویں کانگریس میں کیا گیا، پی کےکے نے عبداللہ عسقلان کی ہدایت پر غیرمسلح ہونے اور خود کو تحلیل کرنے کا اعلان کیا۔

دوسری جانب ترکیہ کی حکمراں جماعت اردوآن کی اے کے پارٹی نے پی پی کے اعلان کا خیر مقدم کیا ہے، پارٹی ترجمان عمر سیلک نے اسے دہشت گردی سے پاک ترکیہ کی جانب ایک اہم قدم قرار دیا ہے۔

https://urdu.arynews.tv/kurdish-pkk-militants-announce-decision-to-dissolve/

وزیر اعظم شہباز شریف کل ترکیہ کے دورے پر روانہ ہوں گے وہ انقرہ میں صدر رجب طیب اردوان سے ملاقات بھی کریں گے۔

ترجمان دفتر خارجہ کے جاری بیان کے مطابق وزیر اعظم شہباز شریف دو روزہ دورے پر کل ترکیہ روانہ ہوں گے۔ وہ انقرہ میں ترک صدر رجب طیب اردوان سے ملاقات بھی کریں گے۔ اس ملاقات میں دو طرفہ تعلقات، علاقائی اور عالمی امور پر بات چیت ہو گی۔

بیان میں کہا گیا ہے کہ پاکستان اور ترکیہ قریبی اتحادی اور اسٹریٹجک شراکت دار ہیں۔ دونوں ممالک میں اعلیٰ سطح اسٹریٹجک تعاون کونسل قائم ہے۔ اس کونسل کا ساتواں اجلاس رواں برس 12 اور 13 فروری کو اسلام آباد میں ترک صدر اور وزیر اعظم شہباز شریف کی مشترکہ صدارت میں ہوا تھا۔

ترجمان دفتر خارجہ کا کہنا ہے کہ وزیراعظم کا دورہ دو طرفہ تعلقات کو مزید وسعت دینے کا عزم ہے۔

سیاحت یا کاروبار کی غرض سے ترکیہ جانے والے پاکستانیوں کو اب ویزا فیس کی مد میں جو رقم ادا کرنا ہوگی اس کی تفصیلات درج ذیل ہے۔

پاکستان سے ترکیہ کا سفر کرنے والے حضرات کو وہاں جانے کےلیے مسافروں درست اور قابل میعاد پاسپورٹ کے ساتھ ساتھ 60 ڈالر سے 190 ڈالرز تک فیس ادا کرنا ہوگی، تاہم درخواست گزاروں کو پاکستانی روپے میں ترکیہ کی ویزا فیس ادا کرنا ہوگی۔

8 فروری 2025 تک امریکی ڈالر کی قیمت اوپن مارکیٹ میں 279.05 پاکستانی روپے کے برابر ہے، اسی حساب سے ویزا حاصل کرنے کے خواہشمدوں کو فیس ادا کرنا ہوگی۔

ترکیہ میں سنگل انٹری ویزا فیس کی مد میں 60 ڈالرز وصول کیے جائیں گے جبکی ملٹی پل ویزا انٹری کے لیے ویزا فیس 190 ڈالر مقرر کی گئی ہے۔

ترکیہ کا ویزا حاصل کرنے کا آسان طریقہ کیا ہے؟

یہ ویزا فیس آج کی تاریخ میں پاکستانی روپوں میں بالترتیب 16743 اور 53019 روپے بنتی ہے، اپنی ویزا کیٹیگری کے مطابق درخواست گزار یہ فیس ادا کرسکتے ہیں۔

اس کے علاوہ اناتولیا ویزا اپلیکیشن سینٹر سروس فیس بھی چارج کرتا ہے جو اس بات پر منحصر ہے کہ آپ نے ویزا کے لیے کونسی کیٹیگری کا انتخاب کیا ہے۔

سروس چارجز 65 ڈالر نارمل درخواست (18138 پاکستانی روپے) سے لے کر 80 ڈالرز وی آئی پی درخواست (22324 پاکستانی روپے) تک وصول کیے جاسکتے ہیں۔