استنبول: ترکی میں حالیہ زلزلے کے دوران ایک شخص نے گھبرا کر جلد بازی میں بالکونی سے نیچے سڑک پر چھلانگ لگا دی، اس واقعے کی ویڈیو سوشل میڈیا پر وائرل ہو گئی ہے۔
سوشل میڈیا پر گردش کرنے والی ویڈیو میں استنبول میں آنے والے زلزلے کے دوران ایک شخص کو بالکونی سے چھلانگ لگاتے ہوئے دیکھا جا سکتا ہے۔ استنبول میں زلزلے کے دوران مختلف علاقوں میں خوف و ہراس کے لمحات دیکھنے میں آئے۔ زلزلے کے فوراً بعد رہائشی گھروں سے چیخ و پکار کرتے ہوئے سڑکوں پر نکل آئے تھے۔
استنبول حکام کے مطابق اس زلزلے میں 151 افراد زخمی ہوئے ہیں، بیش تر نے 6.2 شدت کے زلزلے سے بچنے کے لیے کھڑکیوں اور بالکونیوں سے چھلانگ لگائی تھی، یہ حالیہ برسوں میں شہر میں آنے والے شدید ترین زلزلوں میں سے ایک تھا۔
ایران ٹرمپ کو ایک کھرب ڈالر کی پیشکش کیوں کرنے والا تھا؟ عراقچی کی تقریر کیوں منسوخ ہوئی؟ سنسنی خیز انکشاف
مذکورہ ویڈیو میں بھی ایک شخص کو دکھایا گیا ہے جو زلزلے کے دوران بالکونی سے چھلانگ لگا رہا ہے، چھلانگ لگانے کے بعد وہ سڑک پر کھڑی کار کی چھت پر دھم سے گرا، اور اس کی ٹانگ میں چوٹ آئی، کار کی چھت سے اترنے کے بعد شہری کو لنگڑاتے دیکھا جا سکتا ہے۔
