Tag: ترکی

اسلام آباد: وزیر خارجہ شاہ محمود قریشی کا کہنا ہے کہ ترک صدر رجب طیب اردوان نے واضح طور پر آج پھر کشمیریوں کی حمایت کا اعلان کیا۔

تفصیلات کے مطابق وفاقی دارالحکومت اسلام آباد میں نیوز کانفرنس کے دوران وزیر خارجہ شاہ محمود قریشی نے کہا کہ ترک صدر رجب طیب اردوان کا کشمیر سے متعلق واضح مؤقف رہا ہے۔

شاہ محمود قریشی کا کہنا تھا کہ آج توترک صدر نےکہا مقبوضہ کشمیر مسلم امہ کا مسئلہ ہے، ترک صدر نے کہا مقبوضہ کشمیر پاکستانیوں، ترکوں سمیت مسلمانوں کا مسئلہ ہے۔

انہوں نے کہا کہ ایف اے ٹی ایف سے متعلق پاکستان نے واضح اقدامات کیے ہیں، حالیہ اجلاس میں پاکستان کے اقدامات کو سراہا گیا، آج ترک صدر نے واضح کہا ترکی پاکستان کے شانہ بشانہ کھڑا ہے، ایف اے ٹی ایف معاملے پر ترکی پاکستان کے ساتھ ہے۔

وزیر خارجہ کا کہنا تھا کہ ترک صدر کے آج کے اعلان نے پاکستانیوں اور کشمیریوں کے دل جیت لیے، ترک صدر نے کہا کہ پاکستان کے ساتھ ساتھ ترکی بھی کشمیریوں کے ساتھ ہے۔

انہوں نے کہا کہ ترکی کے ساتھ ہمارے تعلقات خوشگوار رہے ہیں اور ہمیشہ اچھے رہے ہیں، ہم نے دوستی کو ایک بہترین اسٹریٹیجک پارٹنرشپ میں تبدیل کرنا ہے، آج مختلف قسم کے ایم اویوز پر دستخط کیےگئے، اہم معاہدے کیےگئے۔

شاہ محمود قریشی کا کہنا تھا کہ اسٹریٹیجک اکنامک فریم ورک کے معاہدے پر دونوں سربراہان نے دستخط کیے، اسٹریٹیجک اکنامک فریم ورک پر کام ایک سال سے جاری تھا، اسٹریٹیجک اکنامک فریم ورک کا آئیڈیا ایک سال پہلے ترکی میں پیش کیاگیا تھا۔

اسلام آباد: وزیر اعظم کے مشیر تجارت عبدالرزاق داؤد کا کہنا ہے کہ پاکستان سے ٹیکسٹائل وفد جلد ترکی کا دورہ کرے گا۔

تفصیلات کے وفاقی دارالحکومت اسلام آباد میں تقریب سے خطاب کرتے ہوئے مشیر تجارت عبدالرزاق داؤد نے کہا کہ ترک مہمانوں کو ان کے دوسرےگھرمیں خوش آمدید کہتے ہیں۔

عبدالرزاق داؤد کا کہنا تھا کہ ہمارےدونوں رہنماؤں نے دوطرفہ تذویراتی تعلقات کے فروغ پر اتفاق کیا ہے، دونوں ممالک نے اسٹریٹجک فریم ورک پر اتفاق کیا ہے۔ انہوں نے کہا کہ پاکستان ترک بزنس فورم کا 2 روز سے اجلاس جاری تھا، سیاحت، کان کنی،تجارت، اقتصادی تعلقات کے فروغ پر بات ہوئی۔

مشیر تجارت نے کہا کہ ترک بزنس کمیونٹی کو پاک چین جوائنٹ ونچرز میں خوش آمدید کہیں گے، دونوں ملکوں نے اسٹریٹجک فریم ورک پر اتفاق کیا، دونوں ملکوں میں مختلف شعبوں میں تعاون کے وسیع مواقع ہیں۔ انہوں نے مزید کہا کہ جلد پاکستان سے ٹیکسٹائل وفد ترکی کا دورہ کرے گا۔

بعدازاں وزیراعظم عمران خان کا کہنا تھا کہ ترک تاجر برادری کے لیے پاکستان میں سرمایہ کاری کے کئی مواقع ہیں ، پاکستان میں ترک تاجر برادری کو ویلکم کرتا ہوں ، پاکستان میں سیاحت ، تجارت کے بہترین اور قدرتی مائننگ کے وسیع مواقع موجود ہیں۔

اسلام آباد: وزیر خارجہ شاہ محمود قریشی کا کہنا ہے کہ ترکی ایف اےٹی ایف کے معاملے پر پاکستان کے ساتھ کھڑا ہے، ترکی کو ایف اے ٹی ایف سے متعلق تمام میٹنگز پر باخبر رکھا ہے۔

تفصیلات کے مطابق وزیر خارجہ شاہ محمود قریشی نے اے آروائی نیوز سے خصوصی گفتگو کرتے ہوئے کہا کہ پاکستان اور ترکی کے تعلقات مثالی اور تاریخی ہیں، پاکستان اور ترکی نے ہر فورم پر ایک دوسرے کاساتھ دیا۔

انہوں نے کہا کہ ترک صدر کے دورہ پاکستان پر ماحول میں گرم جوشی ہے، ترک صدر کے دورہ پاکستان سے نئے دور کا آغاز ہوگا، ترکی کے ساتھ نئی انڈراسٹیڈنگ اور فریم ورک کے ساتھ چلیں گے، تعلقات میں نئی سمت اختیار کریں گے۔

وزیر خارجہ کا کہنا تھا کہ ترک صدر نے مسئلہ کشمیر پر بڑا واضح مؤقف اختیار کیا، ترک صدر نے ہمارے مؤقف کو سمجھا اور مکمل حمایت کی، رجب طیب اردگان اقوام متحدہ کے ان لیڈر میں سے ہیں جنہوں نے اپنی تقریر میں کشمیر کا ذکر کیا۔

شاہ محمود قریشی نے کہا کہ ترکی اور پاکستان کے تعلقات کو اکنامک ڈپلومیسی سے مضبوط کرنا چاہتے ہیں، پاکستان میں ترک سرمایہ کاری کو فروغ دینے کے لیے پرعزم ہیں، ترکی کے تاجر پاکستان کی سرمایہ کار پالیسی سے فائدہ اٹھا سکتے ہیں۔

وزیر خارجہ شاہ کا مزید کہنا تھا کہ ترکی ایف اےٹی ایف کے معاملے پر پاکستان کے ساتھ کھڑا ہے، ترکی کو ایف اے ٹی ایف سے متعلق تمام میٹنگز پر باخبر رکھا ہے۔