انقرہ: ترکی کے شہر انٹالیا میں بگولے نے تباہی مچادی جس کی زد میں آنے والے جہاز بھی ہوا کے شدید دباؤ کی وجہ سے ائیرپورٹ کے رن وے پر خود بہ خود چلنے لگے۔
تفصیلات کے مطابق دو روز قبل ترکی کے شہر انٹالیا میں واقع سمندر میں جل بگولے کا منظر دیکھا گیا، فائریس ٹورناڈو ائیرپورٹ پر موسم کی خرابی کی وجہ سے فلائٹس آپریشن معطل تھا۔
ہوائی اڈے پر آئے مسافروں نے جب بگولے کا منظر دیکھا تو اسے اپنے موبائل میں محفوظ کرنے لگے، اسی دوران ہوا کا شدید طوفان آیا۔
مزید پڑھیں: پاکستانی سمندری حدود میں دوسال بعد جل بگولے کا نظارہ
ہوا کی شدت کے باعث ائیرپورٹ کے رن وے پر کھڑے جہاز بھی اپنی جگہ سے حرکت کرنے لگے جبکہ کئی گاڑیاں بھی اس کی وجہ سے تباہ ہوئیں۔
ویڈیو میں دیکھا جاسکتا ہے کہ ایک بس بھی ہوا کے تیز دباؤ کی وجہ سے پلٹ رہی ہے۔
ترک میڈیا کے مطابق طوفان کی وجہ سے نجی کمپنیوں کے طیاروں کو نقصان پہنچا جس کی مرمت کی جارہی ہے، سول ایوی ایشن کے ترجمان کا کہنا تھا کہ ہوا کی شدت کے باعث جہازوں کے شیشے اور دروازوں کو نقصان پہنچا۔
یہ بھی پڑھیں: امریکی ریاست الباما میں ہوا کے بگولے نے تباہی مچا دی
یاد رہے کہ اکثر اوقات سمندر میں بننے والے بگولے جانی و مالی نقصان کا سبب بنتے ہیں جن کی وجہ سے آبی حیات اور انسانوں کو بھی نقصان پہنچتا ہے، 10 روز قبل امریکی ریاست الباما میں بھی بگولے نے شدید تباہی مچائی تھی۔ جس کے نتیجے میں متعدد مکانات اور گاڑیاں تباہ ہوگئیں تھیں۔
