ARYNews.tv | Urdu – Har Lamha Bakhabar

Tag: ترکی

  • پاک فضائیہ کےسربراہ کےلیےترکی کا اعلیٰ ترین لیجن آف میرٹ ایوارڈ کا اعزاز

    پاک فضائیہ کےسربراہ کےلیےترکی کا اعلیٰ ترین لیجن آف میرٹ ایوارڈ کا اعزاز

    کراچی : پاک فضائیہ کے سربراہ مجاہد انور خان کو دورہ ترکی کے دوران اعلیٰ ترین ترکی کے اعزاز ’لیجن آف میرٹ‘ سے نوازا گیا ہے۔

    تفصیلات کے مطابق پاک فضائیہ کے سربراہ مجاہد انور خان نے انقرہ میں ترک فضائیہ کے ہیڈکوارٹرز کا دورہ کیا جہاں ان کا استقبال ترک فضائیہ کے سربراہ جنرل حسن کیچیکا کیاز نے کیا۔ اس موقع پر ایئرچیف کو ترک فضائیہ کے چاق وچوبند دستے نے سلامی پیش کی۔

    ایئرچیف مارشل مجاہد انور خان کی خدمات کے اعتراف میں انہیں تقریب کے دوران ترکی کے فوجی اعزاز لیجن آف میرٹ سے بھی نوازا گیا۔

    ترجمان پاک فضائیہ کے مطابق ایئرچیف نے ترک فضائیہ کے سربراہ جنرل حسن کیچیکا کیاز سے بھی ملاقات کی جس میں پیشہ ورانہ دلچسپی کے امور پرگفتگو کی گئی۔

    پاک فضائیہ کے سربراہ مجاہد انور خان نے کہا کہ دونوں ممالک میں برسوں پرمحیط قابل رشک تعلقات ہیں۔

    ترک فضائیہ کے سربراہ نے جنرل حسن کیچیکا کیاز نے دونوں ممالک میں دفاعی، سیکیورٹی تعاون کو سراہا اور دونوں ممالک میں باہمی تعاون، دفاعی تعلقات کو وسعت دینے کے عزم کا اظہار کیا۔

  • ترکی کے وزیرخارجہ دوروزہ دورے پرآج پاکستان پہنچیں گے

    ترکی کے وزیرخارجہ دوروزہ دورے پرآج پاکستان پہنچیں گے

    اسلام آباد : ترکی کے وزیرخارجہ مولود چاوش اوغلو دو روزہ سرکاری دورے پر آج اسلام آباد پہنچ رہے ہیں۔ وہ اپنے دورے کے دوران پاکستانی حکام سے ملاقاتیں کریں گے۔

    تفصیلات کے مطابق ترک وزیرخارجہ مولود چاوش اوغلو دو روزہ دورے پر آج پاکستان پہنچیں گے جہاں وہ اپنے قیام کے دوران وزیراعظم عمران خان ، صدر عارف علوی اور وزیرخارجہ شاہ محمود قریشی سے ملاقات کریں گے۔

    ترکی کے وزیرخارجہ اپنے دورے کے دوران صدر رجب طیب اردگان کا اہم پیغام وزیراعظم عمران خان کو پہنچائیں گے اور پاکستان کے نئے صدرمملکت عارف علوی کو ترک صدر اور اپنی جانب سے مبارکباد بھی پیش کریں گے۔

    مولود چاوش اوغلو پاکستان کے ساتھ تعلقات نئی حکومت کے دور میں بھی اسی جوش وجذبے سے جاری رکھنے اور ان تعلقات کو مزید فروغ دینے کا ترک صدر کا پیغام پاکستانی حکام تک پہنچائیں گے۔

    ترکی کے وزیرخارجہ اپنے پاکستانی ہم منصب شاہ محمود قریشی کے ساتھ وفود کی سطح پر وزارت خارجہ میں مذاکرات بھی کریں گے۔

    وزیرخارجہ مولود چاوش اوغلونئی حکومت کے اقتدار سنبھالنے کے بعد چوتھے وزیرخارجہ ہیں جو پاکستان کے دورے پر اسلام آباد پہنچ رہے ہیں۔

    واضح رہے کہ ترکی اور پاکستان دو ایسے دوست ممالک ہیں جو عالمی پلیٹ فارم پر ایک جیسا موقف رکھتے ہیں اور دونوں ممالک مسئلہ کشمیر اور مسئلہ قبرص کے حل پرایک دوسرے کا مکمل ساتھ دیتے چلے آرہے ہیں۔

  • ترکی اور نیدرلینڈز کے سفارتی تعلقات بحال ہونا شروع ہوگئے

    ترکی اور نیدرلینڈز کے سفارتی تعلقات بحال ہونا شروع ہوگئے

    انقرہ/ایمسٹرڈم : ترکی اور نیدر لینڈ کے درمیان ایک برس کشیدگی رہنے کے بعد سفارتی تعلقات بحالی کی جانب گامزن ہوگئے، ترکی نے ہالینڈ کے لیے اپنا سفیر سابان ڈیسلے کو مقرر کردیا۔

    تفصیلات کے مطابق یورپی ملک ہالینڈ اور ترکی کے دارالحکومتوں کے درمیان ایک برس تک قائم سفارتی  تنازعے کے بعد دوبارہ معمول پر آنا شروع ہوگئے، جس کے بعد دونوں ملکوں نے ایک مرتبہ پھر اپنے سفیروں کو انقرہ اور یمسٹرڈم میں تعینات کردیا ہے۔

    غیر ملکی خبر رساں ادارے کا کہنا ہے کہ گذشتہ برس ترکی کے صدارتی اختیارات میں اضافے کے حوالے سے ہونے والے ریفرینڈم کے دوران ہالینڈ میں ریفرینڈم کی مہم چلانے منع کرنے پر دونوں ممالک کے درمیان کشیدگی پیدا ہوگئی تھی۔

    مقامی میڈیا کے مطابق ترکی اور ہالینڈ میں سفارتی تعلقات میں خرابی کے باعث انقرہ اور ایمسٹرڈیم نے اپنے اپنے سفیروں کو واپس بلا لیا تھا۔

    ترک خبر رساں ادارے کے مطابق ایک روز قبل جاری ہونے والے بیان میں ترک وزارت خارجہ نے کہا ہے کہ صدر طیب اردوگان نے حکمران جماعت کے سابق رکن پارلیمنٹ سابان ڈیسلے کو ہالینڈ کا نیا سفیر مقرر کیا ہے۔

    وزارت خارجہ کا کہنا ہے کہ آئندہ ہفتے نیدرلینڈ کے وزیر برائے خارجہ امور ترکی کا دورہ کا کریں گے جو سفارتی تعلقات میں مزید بہتری کی جانب گامزن ایک اور قدم ہوگا۔

    غیر ملکی خبر رساں ادارے کا کہنا تھا کہ دونوں ممالک کے حکام کی جانب سے ترکی میں تعینات کیے جانے والے نیدرلینڈ کے سفیر کے بارے میں تفصیلات سے آگاہ نہیں کیا گیا۔

    یاد رہے کہ نیدر لینڈز کے رکن پارلیمنٹ گیرٹ ولڈرز کی ٹویٹ کے مطابق گستاخانہ خاکے بنانے کا مقابلہ دس نومبر 2018 کو ہوگا اور اس مقابلے میں پہلی پوزیشن حاصل کرنے والے شخص کو دس ہزار ڈالر انعام بھی دیا جائے گا، گیرٹ ولڈرز کا یہ اقدام دنیا بھر کے مسلمانوں کی دل آزاری کے ساتھ عالمی امن کے لیے بھی خطرہ ہے۔

  • شامی صوبےادلب میں دہشت گردوں کےخلاف جنگ جاری رہے گی‘ روسی صدر

    شامی صوبےادلب میں دہشت گردوں کےخلاف جنگ جاری رہے گی‘ روسی صدر

    تہران : روس نے ترکی کی شامی صوبے ادلب میں جنگ بندی کی درخواست مسترد کرتے ہوئے کہا ہے کہ دہشت گردوں کے خلاف جنگ جاری رہے گی۔

    تفصیلات کے مطابق شام کے صوبے ادلب میں فوجی کارروائی سے متعلق ایرانی دارالحکومت تہران میں اجلاس ہوا جس میں روس، ترکی اور ایران کے صدور نے شرکت کی۔

    اجلاس میں ترکی کے صدر رجب طیب اردگان نے کہا کہ شام کے صوبے ادلب میں خون ریزی سے بچنے کے لیے جنگ بندی کی جائے۔

    روسی صدر ولادی میر پیوٹن نے ترک صدر کے جنگ بندی کے مطالبے کو مسترد کرتے ہوئے کہا کہ دہشت گردوں کے خلاف جنگ جاری رہے گی۔

    اجلاس میں روس اور ایران کے صدر کا کہنا تھا کہ شامی صدر بشارالاسد کو حق حاصل ہے کہ وہ شام کا مکمل کنٹرول حاصل کریں۔

    اقوام متحدہ کے مطابق شام کے صوبے ادلب میں 29 لاکھ لوگ آباد ہیں جن میں 10 لاکھ بچے ہیں اور حملے سے کم از کم آٹھ لاکھ افراد بے گھر ہوں گے۔

    شام کا معاملہ: روس کی امریکا کو باز رہنے کی دھمکی

    یاد رہے کہ گزشتہ ہفتے شام کے معاملے پر روس نے امریکا کو دھمکی دیتے ہوئے کہا تھا کہ وہ کسی قسم کی غیر قانونی جارحیت سے باز رہے۔

  • ترکی میں واقع امریکی سفارت خانے پر مسلح افراد کی فائرنگ

    ترکی میں واقع امریکی سفارت خانے پر مسلح افراد کی فائرنگ

    انقرہ : ترکی میں واقع امریکی سفارت خانے پر مسلح شدت پسندوں نے فائرنگ کردی، ترکی کے سیکیورٹی اداروں نے واقعے کا مقدمہ درج کرتے ہوئے ملزمان کی تلاش شروع کردی ہے۔

    تفصیلات کے مطابق ترکی کے دارالحکومت انقرہ میں واقع امریکی سفارت خانے پر کار سوار ملزمان کی جانب سے حملہ کیا گیا ہے حملے کے نتیجے میں کوئی جانی نقصان نہیں ہوا تاہم حملہ آوروں کی گولیاں سفارت خانے کے باہر بنی چیک پوسٹ پر لگی۔

    غیر ملکی خبر رساں ادارے کا کہنا تھا کہ فائرنگ کا واقعہ پیر کی صبح 5 بجے پیش آیا جب ایک سفید کار سفارت خانے کے سامنے رکی اور اندر بیھٹے حملہ آوروں نے گولیاں برسا دی۔

    ترک حکام کا کہنا ہے کہ سیکیورٹی اداروں نے سفارت خانے پر حملے کا مقدمہ درج کرتے ہوئے حملہ آوروں کو حراست میں لینے کے لیے چھاپہ مار کارروائی شروع کردی ہے۔

    غیر ملکی خبر رساں ادارے کا کہنا تھا کہ ترکی میں عید الاضحیٰ کی چھٹیوں کے باعث امریکی سفارت خانہ ایک ہفتے کے لیے بند ہے۔

    یاد رہے کہ چند روز قبل امریکی صدر ڈونلڈ ٹرمپ نے یہ اعلان کیا تھا کہ وہ ترکی سے امریکا میں دھاتوں اور دھاتی مصنوعات کی درآمدات پر عائد کردہ محصولات کو دوگنا کر رہے ہیں۔

    غیر ملکی خبر رساں ادارے کے مطابق امریکا کی جانب سے ترک مخالف بیان کے بعد ترک کی کرنسی لیرا بری طرح متاثر ہوئی ہے، جس کی قدر میں ریکاڑ کمی دیکھنے میں آئی ہے۔

    طیب اردوگان نے امریکی پابندیوں پر رد عمل دیتے ہوئے حکومتی اراکین کو امریکی وزیر داخلہ اور وزیر انصاف کے ترکی میں موجود اثاثے منجمد کرنے کے احکامات جاری کردیئے۔

    خیال رہے کہ امریکی پادری اینڈریو براؤنسن کی گرفتاری میں اہم کردار ادا کرنے والے ترک وزیر قانون و انصاف عبدالحمید گل اور وزیر داخلہ سلیمان سویلو پر امریکا نے پابندیاں عائد کردی ہیں۔

  • پادری رہا نہ ہوا تو ترکی پر مزید پابندیاں عائد ہوں گی، امریکا کی دھمکی

    پادری رہا نہ ہوا تو ترکی پر مزید پابندیاں عائد ہوں گی، امریکا کی دھمکی

    واشنگٹن : امریکا نے دہشت گردوں سے رابطے کے الزام میں گرفتار امریکی پادری کو رہا نہ کرنے کی صورت میں ترکی پر مزید اقتصادی پابندیاں عائد کرنے کی دھمکی دے دی۔

    تفصیلات کے مطابق امریکی صدر ڈونلڈ ٹرمپ کی انتظامیہ کی جانب سے ترکی کو دھمکی دی گئی ہے کہ اگر امریکی پادری کو رہا نہیں کیا گیا تو امریکا ترکی پر مزید اقتصادی پابندیاں عائد کردے گا۔

    غیر ملکی خبر رساں ادارے کا کہنا تھا کہ امریکی پادری اینڈریو براؤنسن کو ترک حکومت کے خلاف بغاوت کرنے والی دہشت گرد گروہوں سے رابطے کے الزام میں دو برس قبل گرفتار کیا گیا تھا۔

    برطانوی خبر رساں ادارے کا کہنا تھا کہ امریکی پادری کی گرفتاری پر پیدا ہونے والا تنازعہ بظاہر دو اتحادی اور نیٹو کے رکن ممالک کا ایک دوسرے کی مصنوعات پر محصولات عائد اور پابندی عائد کرنے کا مسئلہ لگتا ہے۔

    غیر ملکی میڈیا کا کہنا تھا کہ دونوں اتحادی ممالک کے درمیان تنازعے کا سب سے زیادہ اثر ترکی کی کرنسی لیرا پر پڑ رہا ہے اور جس کی قدر میں ڈالر میں جنوری کے بعد سے ابتک تین مرتبہ کمی ریکارڈ کی گئی ہے۔

    غیر ملکی خبر رساں ادارے کا کہنا تھا کہ حکومت کی جانب سے امریکا سے درآمد کی جانے والی مصنوعات پر اضافی محصولات عائد کرنے کے بعد ترک کرنسی لیرا رواں ہفتے آہستہ آہستہ دوبارہ اپنی قدر بحال کرے گی۔ تاہم امریکا کی جانب سے مزید اقتصادی پابندیوں کی دھمکی لیرا کی قدر میں اضافے کو روک سکتی ہیں۔

    خیال رہے کہ امریکی صدر ڈونلڈ ٹرمپ نے 10 اگست کو یہ اعلان کیا تھا کہ وہ ترکی سے امریکا میں دھاتوں اور دھاتی مصنوعات کی درآمدات پر عائد کردہ محصولات کو دوگنا کر رہے ہیں، جس کے بعد ترک کرنسی لیرا کی قدر میں ریکارڈ کمی واقع ہوئی تھی۔

    واضح رہے کہ ترکی اور امریکا کے درمیان کئی دنوں سے تنازع کافی شدت اختیار کر چکا ہے، جس کی وجہ ماضی قریب میں ترکی میں ایک امریکی پادری کی گرفتاری بنی تھی۔

    ترکی میں گرفتار امریکی پادری پر یہ الزام ہے کہ وہ ترکی میں دہشت گرد کارروائیوں میں ملوث ہے، تاہم امریکا نے مذکورہ الزامات کی تردید کی ہے۔

  • ترکی کے گاؤں کی انوکھی اور خوبصورت زبان

    ترکی کے گاؤں کی انوکھی اور خوبصورت زبان

    ترکی کے ایک گاؤں میں ابلاغ کے لیے ایک خوبصورت اور سریلی زبان استعمال کی جاتی ہے، جو کچھ اور نہیں بلکہ سیٹی بجانا ہے۔

    ترکی کا کسکوئے نامی یہ گاؤں اپنی زبان کی وجہ سے منفرد تصور کیا جاتا ہے۔

    یہ لوگ ابلاغ اور گفتگو کے لیے سیٹی بجاتے ہیں، اور ہر جملے اور ہر لفظ کے لیے الگ انداز کی سیٹی بجائی جاتی ہے۔

    اس زبان کو برڈ لینگوئج یا پرندوں کی زبان کہا جاتا ہے۔

    ان گاؤں والوں کو یہ زبان استعمال کرنے کی ضرورت اس لیے بھی پیش آتی ہے کیونکہ گاؤں پہاڑ پر واقع ہے اور مختلف گھاٹیوں اور دور دراز جگہوں پر لوگوں کو اپنا پیغام پہنچانے کے لیے عام زبان سے سیٹی زیادہ مؤثر ثابت ہوتی ہے۔

    تاہم اس گاؤں کے بھی تمام لوگ یہ زبان نہیں جانتے۔ اس گاؤں سمیت دنیا بھر میں صرف 10 ہزار افراد ایسے ہیں جو اس زبان پر مہارت رکھتے ہیں۔

    اقوام متحدہ کے ذیلی ادارے یونیسکو نے اس زبان کو ثقافتی ورثے کا حصہ قرار دیا ہے۔

    اس زبان کے تیزی سے ہوتے خاتمے کی وجہ سے گاؤں والوں نے بھی اس زبان کو بچانے کی کوششیں شروع کردی ہیں۔

    اس سلسلے میں ایک سالانہ میلہ بھی منعقد کیا جاتا ہے جبکہ مقامی اسکولوں میں بھی بچوں کو یہ زبان سکھائی جارہی ہے۔

    کیا آپ اس زبان کو سیکھنا چاہیں گے؟

     

  • مرکل اور اردوگان کی ٹیلی فونک گفتگو، دو طرفہ تعلقات کی بہتری پر زور

    مرکل اور اردوگان کی ٹیلی فونک گفتگو، دو طرفہ تعلقات کی بہتری پر زور

    برلن: جرمن چانسلر انجیلا مرکل اور ترک صدر رجب طیب اردوگان کے درمیان ٹیلی فونک گفتگو ہوئی اس دوران دونوں ملکوں کے درمیان تعلقات کی بہتری پر زور دیا گیا۔

    تفصیلات کے مطابق انجیلا مرکل اور رجب طیب اردوگان کے درمیان ہونے والی بات چیت میں دو طرفہ تعلقات کی بہتری کے لیے اقدامات پر بھی تبادلہ خیال کیا گیا۔

    غیر ملکی خبر رساں ادارے کے مطابق اس گفتگو میں دونوں رہنماؤں نے ترکی اور جرمنی کے درمیان تعلقات میں بہتری کے موضوع پر تبادلہ خیال کرتے ہوئے اتفاق کیا کہ تعلقات میں بہتری اور مضبوطی کے لیے ٹھوس اقدامات اور عزم کی ضرورت ہے۔

    ٹیلی فونک گفتگو کے دوران دونوں رہنماؤں نے اگلے ماہ کے آخر طیب اردوگان کے دورہ جرمنی کے موضوع پر بھی بات چیت کی، تعلقات کی بہتری کے لیے دوطرفہ مربوط حکمت عملی پر زور دیا گیا۔

    جرمنی اور ترکی کے تعلقات خوشگوار، رہنماؤں کا ملکی دورے کا فیصلہ

    خیال رہے کہ 2016 میں ترکی میں ہونے والی ناکام فوجی بغاوت کے بعد سے برلن اور انقرہ کے تعلقات انتہائی کشیدہ تھے، ترک حکومت نے دو جرمن شہریوں کو بھی ناکام فوج بغاوت میں ملوث ہونے کے شبہے میں گرفتار کرتے ہوئے سزائیں سنائی تھی۔

    بعد ازاں دونوں ملکوں کے مابین ایک دوسرے کے خلاف سخت بیانات کا تبادلہ بھی ہوا تھا، تاہم گزشتہ برس اکتوبر اور رواں برس فروری میں دونوں جرمن شہریوں کو رہا کر دیا گیا تھا۔

    دوسری جانب انقرہ حکومت برلن پر یہ الزام بھی عائد کرتی ہے کہ اس نے کالعدم کردستان ورکرز پارٹی (پی کے کے) کو ملک میں کام کرنے کی اجازت دے رکھی ہے، جو ناکام فوجی بغاوت میں ملوث ہے۔

  • روس اور ترکی مقامی کرنسی میں‌ تجارت کریں گے، سرگئی لاروف

    روس اور ترکی مقامی کرنسی میں‌ تجارت کریں گے، سرگئی لاروف

    انقرہ : روسی وزیر خارجہ سرگئی لاروف نے کہا ہے کہ ٹرمپ کے غلط فیصلے ڈالر کی قدر میں کمی کا باعث ہیں، ترکی اور روس مستقبل میں مقامی کرنسی میں تجارت کریں گے۔

    تفصیلات کے مطابق روس کے وزیر خارجہ سرگئی لاروف نے ترکی کے دارالحکومت انقرہ میں اپنے ہم منصب سے ملاقات کے دوران امریکا کی متعصبانہ پالیسیوں کو تنقید کا نشانہ بناتے ہوئے کہا ہے کہ امریکی ڈالر کی قدر میں تیزی سے نیچے کی جانب جارہی ہے۔

    روسی وزیر خارجہ کا اپنے ترک ہم منصب سے ملاقات کے دوران کہنا تھا کہ ڈالر اپنی تنزلی کے باعث عالمی مارکیٹ میں اپنی اجارہ داری ختم کررہا ہے۔

    روسی وزیر خارجہ سرگئی لاروف کا مشترکہ پریس کانفرنس سے خطاب کرتے ہوئے کہنا تھا کہ امریکی صدر ڈونلڈ ٹرمپ اور ان کی انتظامیہ کے جارحانہ فیصلوں باعث ڈالر کی قدر میں تیزی سے کمی واقع ہو رہی ہے، اگر حالات ایسے ہی رہے تو عالمی مارکیٹ میں ڈالر کی اجارہ داری ختم ہوجائے گی۔

    غیر ملکی خبر رساں ادارے کا کہنا تھا کہ روس اور ترکی کی حکومتیں کوشش کررہی ہیں کہ مستقبل میں تجارت کے لیے ڈالر کے بجائے مقامی کرنسی کا استعمال کیا جائے۔

    غیر ملکی خبر رساں ادارے کا کہنا تھا کہ ترکی اور روس کے وزراء خارجہ نے انقرہ میں ملاقات کے دوران امریکا کے متعصبانہ فیصلوں اور اور امریکا کی جانب سے ترکی پر عائد کی جانے والی اقتصادی پابندیوں کے باعث لیرا کی قدر میں کمی اور خراب معاشی صورتحال پر بھی تبادلہ خیال کیا۔

    خیال رہے کہ امریکی صدر ڈونلڈ ٹرمپ نے 10 اگست کو یہ اعلان کیا تھا کہ وہ ترکی سے امریکا میں دھاتوں اور دھاتی مصنوعات کی درآمدات پر عائد کردہ محصولات کو دوگنا کر رہے ہیں، جس کے بعد ترک کرنسی لیرا کی قدر میں ریکارڈ کمی واقع ہوئی تھی۔

    واضح رہے کہ ترکی اور امریکا کے درمیان کئی دنوں سے تنازع کافی شدت اختیار کر چکا ہے، جس کی وجہ ماضی قریب میں ترکی میں ایک امریکی پادری کی گرفتاری بنی تھی۔

    ترکی میں گرفتار امریکی پادری پر یہ الزام ہے کہ وہ ترکی میں دہشت گرد کارروائیوں میں ملوث ہے، تاہم امریکا نے مذکورہ الزامات کی تردید کی ہے۔

  • امریکا ترک قوم کو دھمکانا چھوڑ دے، رجب طیب اردگان

    امریکا ترک قوم کو دھمکانا چھوڑ دے، رجب طیب اردگان

    انقرہ: ترکی کے صدر رجب طیب اردگان نے ترکی دھاتوں کی در آمد پر صدر ٹرمپ کی جانب سے ٹیکس دگنا کرنے پر ردِ عمل دیتے ہوئے کہا ہے کہ امریکا اس طرح ترک قوم کو دھمکانا چھوڑ دے۔

    تفصیلات کے مطابق ترک صدر اردگان نے میڈیا سے گفتگو کرتے ہوئے امریکی صدر کو مخاطب کیا ’آپ ترک قوم کے ساتھ دھمکی آمیز زبان میں بات نہیں کر سکتے۔ میں ایک بار پھر امریکیوں سے کہتا ہوں کہ یہ بہت افسوس ناک ہے کہ آپ نے ایک اہم نیٹو اتحادی کی جگہ ایک پادری کو چُن لیا ہے۔‘

    رجب طیب اردگان نے ایک بیان میں امریکہ کو تنبیہہ کی کہ اگر اس نے غیر مہذب اور یک طرفہ رجحانات کو نہ بدلا تو وہ نئے دوست تلاش کر لیں گے، خیال رہے کہ صدر ڈونلڈ ٹرمپ نے گزشتہ روز ترکی سٹیل اور ایلومینیم پر محصول دگنا کر دیا ہے۔

    ترک صدر نے امریکی پادری اینڈریو برنسن کے حوالے سے بات کرتے ہوئے کہا کہ امریکا اس معاملے پر کشیدگی کو ہوا دے رہا ہے جو افسوس ناک امر ہے، وہ ایک اہم اتحادی پر ایک پادری کو فوقیت دے رہا ہے۔

    خیال رہے کہ امریکی پادری ترکی میں دہشت گردی کے الزام میں گرفتار ہے، دوسری طرف دونوں ممالک میں جلاوطن ترک رہنما فتح اللہ گولن کے معاملے پر بھی اختلافات پائے جاتے ہیں، ترکی کا مطالبہ ہے فتح اللہ کو ان کے حوالے کیا جائے، ان پر 2016 میں بغاوت کو منظم کرنے کا الزام ہے۔

    رجب طیب اردگان نے ترکی میں سزائے موت کی بحالی کا عندیہ دے دیا

    امریکی صدر ڈونلڈ ٹرمپ نے ترکی کی سٹیل اور ایلومینیم پر ٹیکس دگنا کر دیا ہے جس کے باعث ترکی کی کرنسی لیرا کی قدر میں 20 فی صد کمی واقع ہوئی ہے۔

    صدر اردگان نے مزید کہا کہ وہ امریکا کی طرف سے ٹیرف میں اضافے کے خلاف قدم اٹھائیں گے، لیرا کی قدر میں کمی اس مہم کا حصہ ہے جس کی قیادت غیر ملکی طاقتیں کر رہی ہیں۔