دمشق: ترک سرحد سے ملحقہ باغیوں کے زیر کنٹرول علاقے میں کار بم دھماکے کے نتیجے میں 48افراد ہلاک جبکہ متعدد افراد زخمی ہوگئے۔

تفصیلات کےمطابق ترکی کی سرحد کے قریب باغیوں کے زیر کنٹرول شامی قصبے اعزاز‎‎میں کار بم دھماکے کے نتیجے میں کم از کم 48 افراد ہلاک ہوگئے۔

شام کے قصبے اعزار میں یہ دھماکہ عدالت کے باہر ہوا جو ترکی کی سرحد سے سات کلومیٹر کے فاصلے پر واقع ہے۔

یہ دھماکہ ایسے وقت ہوا ہے جب شام میں روس اور ترکی کی کوششوں کے باعث جنگ بندی پر عملدرآمد ہو رہا ہے۔

داعش نےشامی قصبے اعزاز پر 2013 میں قبضہ کیا تھا اور بعد میں اس سے قبضہ چھڑا لیا گیا تھا۔تاہم اس کے بعد سے دولت اسلامیہ نے کئی بار اس قصبے پر قبضے کی کوششیں کیں۔

یاد رہے کہ شام میں آئے دن دھماکے اور فائرنگ کے واقعات ہوتے رہتے ہیں،گزشتہ برس ستمبر میں ملک کے جنوبی صوبے دارا میں ایک پولیس اسٹیشن کی افتتاحی تقریب کے بعد کار بم دھماکے میں شامی حکومتی اپوزیشن کے وزیر سمیت 12 افراد ہلاک ہوئے تھے۔

واضح رہےکہ شام میں 2011 میں صدر بشار الاسد کی انتظامیہ کے خلاف بغاوت کا آغاز ہوا،اس وقت سے اب تک شام میں خانہ جنگی جاری ہے جس میں 3 لاکھ سے زائد افراد ہلاک جبکہ لاکھوں معزور ہوچکے ہیں۔

استنبول : ترکی میں سالِ نوکےموقع پراستنبول کے نائٹ کلب پرفائرنگ کرنے والے شخص کی تلاش جاری ہے۔حملے میں 39 افراد ہلاک ہوئے تھے۔

تفصیلات کےمطابق ترکی کےشہر استنبول میں سنتا کلاز کا لباس پہنےمسلح شخص نے سالِ نو کے موقع پرنائٹ کلب میں اندھا دھند فائرنگ کردی تھی جس کے نتیجے میں پولیس افسر سمیت39 افراد ہلاک جبکہ 40 زخمی ہوئے تھے۔

نائٹ کلب پرسنتا کلاز کا لباس پہنےمسلح شخص فائرنگ کےبعد افراتقری کا فائدہ اٹھاتے ہوئے جائےوقوعہ سے فرار ہونئ میں کامیاب ہوگیا۔

استنبول میں اس حملے کی وجوہات تاحال سامنے نہ آسکیں،تاہم شبہ ظاہر کیا جارہاہے کہ اس حملے میں دہشتگرد تنظیم داعش ملوث ہے۔

ترک صدر رجب طیب ادگان نے حملے کے بعد اپنے بیان میں کہاتھا کہ یہ گروہ ملک میں افراتفری پھیلانا چاہتاہے۔

ترکی کے صدر کا کہناتھاکہ اس طرح کے حملے کرکے دہشتگرد ہمارے شہریوں کے حوصلے پست کرنا اور ملک کو عدم استحکام سے دوچار کرناچاہتاہے۔

دوسری جانب ترکی میں کالعدم کرد جماعت پے کے کے نےخود کو اس حملے سےعلیحدہ کرتے ہوئے کہا کہ انہوں نے کبھی بھی عام شہریوں کو نشانہ نہیں بنایا۔

رینا نائٹ کلب حملے میں ہلاک ہونے والے کچھ افراد کی آخری رسومات ادا کر دی گئی ہیں۔

یاد رہےکہ ترکی کی سرکاری خبر رساں ایجنسی کا کہنا ہے کہ کلب میں سات منٹ تک جاری رہنے والی فائرنگ سے ہلاک ہونے والوں میں نصف افراد غیر ملکی ہیں۔

رینا نائٹ کلب میں ہلاک ہونے والے غیر ملکیوں کا تعلق اسرائیل، فرانس، تیونس، لبنان، انڈیا، اردن اور سعودی عرب سے ہے۔

مزید پڑھیں:استنبول میں نائٹ کلب پرحملہ،39افرادہلاک

واضح رہے کہ ترکی کےشہر استنبول میں سالِ نو کی تقریبات کے موقع پر نائٹ کلب میں مسلح شخص نے گھس کر فائرنگ کردی تھی جس کے نتیجے میں کم سے کم39افراد ہلاک اور 40زخمی ہوگئےتھے۔

استنبول : ترکی کےشہر استنبول میں سالِ نو کی تقریبات کے موقع پر نائٹ کلب میں مسلح شخص نے گھس کر فائرنگ کردی جس کے نتیجے میں کم سے کم39افراد ہلاک اور 40زخمی ہوگئے۔

تفصیلات کےمطابق ترکی کےشہر استنبول میں سنتا کلاز کا لباس پہنےمسلح شخص نے نائٹ کلب میں اندھا دھند فائرنگ کردی جس کے نتیجے میں پولیس افسر سمیت39 افراد ہلاک جبکہ 40 زخمی ہوگئے۔

استنبول کے گورنروسیب ساہن نے واقعے کو دہشت گردی قرار دیتے ہوئے کہا کہ حملے میں39افراد ہلاک ہوئے ہیں جن میں ایک پولیس افسر بھی شامل ہے۔

رینا نائٹ کلب میں جائے وقوعہ پر موجود گورنر وسیب ساہن نے صحافیوں کو بتایا کہ دور تک نشانہ بنانے والے اسلحے سے لیس ایک دہشت گرد نےمعصوم لوگوں کو نشانہ بنایا جو صرف سالِ نو کی خوشی اور تفریح کے لیے آئے تھے۔

ترک حکام کا کہنا تھا کہ حملے سے قبل نائٹ کلب میں 700 کے قریب افراد موجود تھے جو سالِ نو کا جشن منارہے تھے۔

استبول میں سالِ نو کے موقع پر دہشت گردی کے خطرے کے پیش نظر ہائی الرٹ تھا اور شہر میں تقریباََ 17 ہزار پولیس اہلکار ڈیوٹی پرتعینات تھے۔

عالمی رہنماؤں کی مذمت

وزیر اعظم پاکستان نواز شریف نے استنبول کے نائٹ کلب پر حملےمیں انسانی جانوں کے نقصان پر اظہار افسوس کرتے ہوئے حملے کی مذمت کی اور کہا کہ پاکستانی عوام ترکی کے غم میں برابر کے شریک ہیں۔

وزیر اعظم نوازشریف کا کہنا تھا کہ دہشت گرد مشترکہ دشمن ہیں، دنیا کو مل کر دہشت گردی کے خلاف لڑنا ہوگا۔انہوں نے کہا کہ دہشت گردی کے باعث پاکستان کو جانی اورمالی نقصان کا سامنا ہے۔

امریکی صدر براک اوباما نے حملے کی مذمت کرتے ہوئے امریکی انتظامیہ کو حملے کی تفتیش میں ترک حکام کی مدد کرنے کی ہدایت کی ہے۔

نیٹو کے سیکریٹری جنرل جینز اسٹال برگ نے ٹویٹ کرتے ہوئے کہا کہ استنبول سے 2017 کا المناک آغاز ہوچکا۔

Tragic start to 2017 in #Istanbul. My thoughts are w/ those affected by the attack on people celebrating New Year and w/ the Turkish people.

— Jens Stoltenberg (@jensstoltenberg) January 1, 2017

یورپی یونین کی خارجہ پالیسی کی چیف فریڈریکا موغرینی، برطانیہ، فرانس اور دیگر ممالک نے بھی نائٹ کلب حملے کی مذمت کی۔

مزید پڑھیں:ترکی: روسی سفیر دوران خطاب فائرنگ سے ہلاک

یادرہے کہ 19دسمبر کوترکی میں روسی سفیر اندرے کرلوف کو ایک ترک پولیس اہلکار مولود مرت التنتاش نے انقرہ میں تقریب کے دوران فائرنگ کر کے ہلاک کر دیا تھا۔

مزید پڑھیں:استنبول میں دھماکے،44افراد جاں بحق

واضح رہے کہ گزستہ سال 10دسمبر کواستبول میں ایک فٹبال سٹیڈیم کے باہر دو دھماکوں میں کم از کم 44 افراد ہلاک ہوگئے تھے،اس حملے کی زمہ داری کرد عسکریت پسند گروہ نے قبول کی تھی۔