Tag: ترکی

روس نے طیارہ گرائے جانے پر معافی سے انکارپر ترکی پر اقتصادی پابندیاں عائد کردیں۔

روسی صدر ولادی میر پوتن نےسخت ردعمل کے طور پر ترکی پر معاشی پابندیوں کے حکم نامے پر دستخط کیے۔ جس کے تحت ترکی سے درآمدات پر پابندی عائد کی گئی ہے۔

روس میں موجود ترک کمپنیوں اور روسی کمپنیوں میں کام کرنے والے ترک نژاد افراد پر بھی پابندیاں عائد ہوں گی۔دونوں ممالک کے درمیان چارٹر طیاروں کی آمدورفت بند کرنے کا اعلان بھی کیا گیا ہے۔

دوسری جانب ترک صدر طیب اردوان نے طیارہ گرائے جانے پر افسوس کا اظہار کیا ہے تاہم معافی مانگنے سے انکار کیا ہے۔

روس نے اگلے ماہ ہونے والی روس ترکی سربراہ اجلاس منسوخ کرنے کا فیصلہ کیا ہے۔روس نے ترکی کو بھاری اقتصادی پابندیوں کے حوالے سے بھی خبردار کیا ہے۔

روسی میڈیا کے مطابق کریملن نے فیصلہ کیا ہے کہ دسمبر میں ہونے والا روس ترکی سربراہ اجلاس منسوخ کردیا جائے، پندرہ دسمبر کو روس کے دوسرے بڑے شہر سینٹ پیٹرزبرگ میں روس ترکی بین حکومتی کمیشن کا اجلاس اور دونوں ممالک کے سربراہوں کی ملاقات ہونا تھی۔

روس کی جانب سے ترکی کے ساتھ اقتصادی معاہدوں اور ایٹمی توانائی میں تعاون کے معاہدے بھی منجمد کرنے کا عندیہ دیا گیا ہے، جرمنی کے بعد ترکی روس کا سب سے اہم تجارتی شراکت دار ہے۔

ماہرین کا کہنا ہے کہ ان اقدامات کا اثر انقرہ پر بہت زیادہ ہو گا لیکن کریملن بھی اس سے بچ نہیں سکے گا۔ادہر روس اور ترکی میں ایک دوسرے کی مخالفت میں مظاہرے جاری ہیں، روس اور ترکی کے تعلقات میں ترکی کی جانب سے روسی فضائیہ کا طیارہ مار گرانے کے بعد سے کشیدگی پائی جاتی ہے۔

استنبول: ترکی کے ساحل کے قریب نومولود اور چار بچوں سمیت مزید بارہ تارکین وطن ڈوب کر جان سے گئے۔

تارکین وطن یونان کے راستے یورپ جارہے تھے کہ ترکی کے ساحل کے قریب لہروں کی نذر ہوگئے،کوسٹ گارڈ ترجمان کے مطابق ہلاک ہونے والے تارکین وطن کا تعلق شام اور افغانستان سے ہے جبکہ تئیس افراد کو ماہی گیروں کی کشتی نے ڈوبنے سے بچا لیا۔

مشرق وسطی اور افریقی ممالک کے تارکین وطن کا یورپ پہنچنے کی کوشش میں سمندر میں ڈوب کر ہلاک ہونے کا مسئلہ سنگین بحران کی صورت اختیار کرگیا ہے جبکہ رواں سال سمندر میں ڈوب کر ہلاک ہونے والوں کی تعداد چارہزار کے قریب پہنچ چکی ہے۔

انقرہ: ترکی نے ملکی فضائی حدود کی خلاف ورزی کرنے والے شامی ہیلی کاپٹرکومارگرانے کا دعوی کیا ہےجبکہ شام کا کہنا ہے کہ وہ نگرانی کرنے والا ڈرون طیارہ تھا۔

ترکی کے وزیردفاع اسمت یلمازکا کہنا ہےکہ ترکی کی فضائی حدود کی خلاف ورزی کرنے والے شامی ہیلی کاپٹر کو مارگرایا ہے۔

اسمت یلمازکا کہنا تھا کہ شامی ہیلی کاپٹرترکی کی فضائی حدود میں سات میل تک اندرگھس آیا تھاجسے وارننگ بھی دی گئی تھی۔

 ترک آرمی کا کہنا ہےدوایف سکسٹین جہازوں نےدراندازی کرنےوالے ہیلی کاپٹر کو مار گرایا ہے جبکہ شامی حکام کا کہنا ہےکہ اس کا ہیلی کاپٹر نہیں بلکہ نگرانی کرنے والے ڈرون کو تباہ کیا گیا ہے جو کہ غلطی سے ترکی کی فضائی حدود میں داخل گیا تھا۔