Tag: ترک صدر رجب طیب اردوان

چین (31 اگست 2025) وزیراعظم شہباز شریف اور ترک صدر رجب طیب اردوان میں ملاقات ہوئی جس میں باہمی تعاون بڑھانے پر اتفاق کیا گیا۔

اے آر وائی نیوز کے مطابق وزیراعظم شہباز شریف اور ترک صدر رجب طیب اردوان کے درمیان ملاقات ہوئی ہے۔ یہ ملاقات چین میں ایس سی او ہیڈز آف اسٹیٹ کونسل اجلاس کے موقع پر ہوئی۔ اس موقع پر صدر ترکیہ نے پاکستان میں حالیہ بارشوں

اورسیلابی صورتحال پر افسوس اور جانی و مالی نقصانات پرپاکستان کے عوام کے ساتھ یکجہتی کا اظہار کیا اور مشکل کی اس گھڑی میں اپنے ہر ممکن تعاون کا یقین دلایا۔

ملاقات میں پاک ترک تعلقات کی موجودہ صورتحال کا جائزہ لینے کے ساتھ پاکستان اور ترکیہ کے درمیان گہرے برادرانہ تعلقات کی تجدید کی گئی اور دو طرفہ تعلقات میں بڑھتی ہوئی رفتار پر اطمینان کا اظہار کیا۔ دونوں رہنماؤں نے سیاسی، اقتصادی، دفاعی اور سلامتی کے شعبوں میں تعاون کو بھی سراہا۔

شہباز شریف اور اردوان نے دونوں ممالک کے درمیان اعلیٰ سطح تبادلوں اور تعاون میں مسلسل اضافے کو خوش آئند قرار دیتے ہوئے خوشحالی اور ترقی کے لیے باہمی تعاون بڑھانے پر اتفاق کیا گیا۔

دونوں رہنماؤں اہم علاقائی اور بین الاقوامی پیش رفت پر بھی تبادلہ خیال اور غزہ میں بگڑتی ہوئی صورتحال پر تشویش کا اظہار اور اسرائیلی جارحیت اور نسل کشی کی پالیسیوں کی مذمت کرتے ہوئے فلسطینی عوام کے جائز حقوق کی حمایت اور فلسطین کیلیے بین الاقوامی پلیٹ فارمز پر آواز بلند کرنے کےعزم کا اعادہ کیا۔ انہوں نے مسلم دنیا سمیت عالمی امن واستحکام کے لیے تعاون پر زور دیا۔

https://urdu.arynews.tv/pm-sharif-in-tianjin-university-31-august-2025/

استنبول: وزیراعظم شہباز شریف نے دورہ ترکیہ کے دوران ترک صدارتی محل میں صدر رجب طیب اردوان سے ملاقات کی اور تعاون پر شکریہ اداکیا۔

ترک میڈیا نے بتایا کہ پاکستان کے وزیراعظم شہباز شریف اور ترک صدر رجب طیب اردوان کی ملاقات ہوئی، ملاقات میں پاک ترک تعلقات پر تبادلہ خیال کیا گیا، شہباز شریف نے ترکیہ کی مسلسل حمایت اور تعاون پر شکریہ ادا کیا۔

ترک میڈیا نے بتایا کہ دونوں رہنماؤں نے دوطرفہ تعلقات کو مزید مستحکم کرنے پر اتفاق کیا ہے، علاقائی امن اور دہشت گردی کےخلاف مشترکہ کوششوں پر بھی زور دیا گیا۔

وزیراعظم اور ترک صدر نے وفود کی سطح پر بھی ملاقات کی، وفد میں فیلڈ مارشل سید عاصم منیر بھی موجود تھے۔

ترک میڈیا نے بتایا کہ وزیراعظم شہباز شریف کے وفد میں نائب وزیراعظم اسحاق ڈار، وفاقی وزیراطلاعات عطاتارڑ اور طارق فاطمی بھی شامل تھے۔

https://urdu.arynews.tv/shehbaz-sharif-leaves-for-turkiye-on-first-leg-of-four-nation-tour/

اسلام آباد : ترک صدر رجب طیب اردوان نے وزیراعظم شہباز شریف کو عزیز ترین بھائی قرار دے دیا۔

تفصیلات کے مطابق ترک صدر رجب طیب اردوان نے سماجی رابطے کی ویب سائٹ ایکس پر وزیراعظم شہباز شریف کو عزیز ترین بھائی کہہ کر مخاطب کیا۔

رجب طیب اردوان نے کہا کہ ترکیہ اور پاکستان میں اخوت و بھائی چارہ سچی دوستی کی بہترین مثالوں میں سے ایک ہے، برادرانہ تعلق دنیا کے چند ہی ممالک کو نصیب ہوتا ہے، آپ کے ذریعے اپنے دوست اور بھائی پاکستان کو محبت سے سلام پیش کرتاہوں۔

ترک صدر کا کہنا تھا کہ ترکیہ پاکستان کے امن اور استحکام کو بہت اہمیت دیتا ہے، پاکستانی ریاست کے ضبط وتحمل اور دانشمندانہ پالیسی کی تعریف کرتے ہیں، پاکستانی پالیسی تنازعات کے حل میں مکالمے اور مصالحت کو ترجیح دیتی ہے۔

انھوں نے کہا کہ ترکیہ اچھے اور برے وقت میں ہمیشہ آپ کے ساتھ کھڑا رہے گا، ترکیہ ماضی کی طرح مستقبل میں بھی آپ کے ساتھ کھڑا رہے گا۔

ترک صدرطیب اردوان نے ٹوئٹ میں پاکستان زندہ باد بھی لکھا!

اسلام آباد: ترک صدر کی جانب سے صدر آصف علی زرداری اور وزیراعظم پاکستان شہباز شریف کو الیکٹرک گاڑی کا تحفہ دیا گیا ہے۔

تفصیلات کے مطابق دورہ پاکستان پر تشریف لانے والے ترکیہ کے صدر رجب طیب اردوان نے صدر اور وزیراعظم کو ترک ساختہ الیکٹرک وہیکل تحفے میں دی، وزیراعظم شہباز شریف نے ترکیہ کے صدر طیب اردوان کے ہمراہ الیکٹرک گاڑی ڈرائیو بھی کی۔

ایوان صدر آمد پر صدرمملکت نے ترک ہم منصب کا استقبال کیا جبکہ طیب اردوان، ترک خاتون اول اور وفد کے اعزاز میں عشائیے کا بھی اہتمام کیا گیا۔

دونوں ممالک کی جانب سے تجارتی اور سرمایہ کاری تعلقات بڑھانے کی ضرورت پر زور دیا گیا، تجارت، معیشت، توانائی، دفاع، سیاحت اور عوامی روابط کے شعبوں میں تعاون مزید بہتر بنانے کا عزم کیا گیا۔

صدر آصف زرداری نے کہا کہ صدر اردوان کا دورہ پاکستانی عوام کےلیے خصوصی اہمیت کا حامل ہے، ترک صدر کے دورے سے دوطرفہ تعلقات مزید مستحکم کرنے میں مدد ملے گی۔

انھوں نے کہا کہ پاکستان میں سرمایہ کاری کےلیے سازگار ماحول ہے، پاکستان ترکیہ کے کاروباری اداروں کی مزید سرمایہ کاری کا خواہاں ہے۔