Tag: ترک صدر رجب طیب اردوان

انقرہ : ترک صدر رجب طیب اردوان نے اسرائیل سے غزہ پر بمباری روکنے کا مطالبہ کرتے ہوئے کہا کہ معصوم شہریوں کی اموات کو کسی صورت برداشت نہیں کیا جائے گا۔

تفصیلات کے مطابق حماس اور اسرائیل جنگ رکوانے کے لیے ترک صدر رجب طیب اردوان متحرک ہیں، ترک صدر نے اسرائیل اور فلسطینی صدور سے رابطے کیا اور کشیدگی کم کرنے پر زور دیا۔

ترک صدررجب طبیب اردوآن نے اسرائیلی ہم منصب سے فون پرغزہ پر بمباری روکنے کا مطالبہ کیا اور غزہ کی بندش کو ناقابلِ قبول قراردیتے ہوئے کہا معصوم شہریوں کی اموات کو کسی صورت برداشت نہیں کیا جائے گا۔

رجیب طیب اردوان نے امیر قطر سے بھی ٹیلی فون کیا اور جنگ کی تازہ صورتحال پر بات چیت کرتے ہوئے امیر قطرسے کردار ادا کرنے کی اپیل کی۔

ترک صدر کے لبنان اورملائشیا کے وزرائے اعظم سے بھی رابطے کئے، جس میں فلسطین اسرائیل کشیدگی کم کرنے کے لیے اقدامات پر تبادلہ خیال کیا گیا۔

واضح رہے آپریشن طوفان الاقصی کے دوران اسرائیل کے متعدد علاقوں میں مجاہدین اور صہیونی فورسز کے درمیان جھڑپیں جاری ہیں۔

ہلاک ہونے والے اسرائیلیوں کی تعداد ایک ہزار تک پہنچ گئی جبکہ بوکھلائی صہیونی فوج کی وحشیانہ بمباری سے شہید فلسطینیوں کی تعداد سات سو چار ہوگئی اور تین ہزار آٹھ سو سے زائد زخمی ہیں۔

انقرہ : ترک صدر رجب طیب اردوان نے ایک سالہ منصوبے کے تحت زلزلے سے متاثرہ علاقے کی تعمیرکا اعلان کرتے ہوئے کہا آخری بندے کو بچانے تک ریسکیو آپریشن جاری رہے گا۔

تفصیلات کے مطابق ترک صدر رجب طیب اردوان نے مشکل وقت میں زلزلے سے متاثرہ شہریوں کیلئے یکجہتی کے پیغام میں کہا کہ
ترکیہ سمیت تمام زلزلہ کے متاثرہ علاقوں میں مل کر کام کریں گے، آخری بندے کو بچانے تک ریسکیو آپریشن جاری رہے گا۔

ترک صدر نے ایک سالہ منصوبے کے تحت زلزلے سے متاثرہ علاقے کی تعمیر کا اعلان کرتے ہوئے کہا کہ متاثرین کیلئے اگلے ماہ سے 30 ہزار مکانات کی تعمیر شروع کی جائے گی۔

ان کا کہنا تھا کہ اب تک ایک لاکھ 75 ہزار خیمے اور 5 ہزار 400 کنٹینرز لگائے گئے ہیں۔

گذشتہ روز ترک صدر رجب طیب اردوان ایک ویڈیو پیغام میں کہا تھا کہ ہ ہم انسانی تاریخ میں ہونے والی بڑی آفات میں سے ایک کا سامنا کر رہے ہیں، زلزلے کے بعد اب تک ملبے سے زندہ نکالے گئے افراد کی تعداد 8 ہزار سے زیادہ ہے۔

ترک صدر رجب طیب اردوان کا ویڈیو پیغام میں کہنا تھا کہ سائنس دانوں کے مطابق ان زلزلوں کے نتیجے میں خارج ہونے والی انرجی کی طاقت 500 ایٹم بموں کے برابر ہے۔

خیال رہے ترکیہ اور شام میں زلزلے سے اموات41ہزار232ہوگئیں جبکہ صرف ترکیہ میں زلزلے سے اموات35ہزارسے تجاوز کرچکی ہیں۔

ترک صدر رجب طیب اردوان کا ویڈیو پیغام میں کہنا تھا کہ سائنس دانوں کے مطابق ان زلزلوں کے نتیجے میں خارج ہونے والی انرجی کی طاقت 500 ایٹم بموں کے برابر ہے۔

انقرہ : ترک صدر رجب طیب اردوان دنیا کے پہلے ایٹمی حملے کے 75 سال مکمل ہونے پر کہا ہے کہ دنیا کوایٹم بم کے استعمال کی دوبارہ غلطی نہیں کرنی چاہیے۔

تفصیلات کے مطابق جاپان کے شہر  ہیروشیما اور ناگاساکی پر ایٹم بم حملے کے 75سال مکمل ہونے پر ترک صدر رجب طیب اردوان نے اپنے پیغام میں کہا‌‌‌ کہ دنیا کو ایٹم بم کے استعمال کی دوبارہ غلطی نہیں کرنی چاہیے، جوتباہی جاپان کے عوام نے دیکھی اس غلطی کو دہرانے سے روکنے کی ضرورت ہے۔

یاد رہے آج سے 75 برس قبل 6 اگست 1945 کی صبح امریکا نے ہیرو شیما پر ایٹم بم گرایا تھا ، جس کے نتیجے میں 1 لاکھ 40 ہزار افراد لقمہ اجل بنے تھے اور ہزاروں افراد معذور و زخمی ہوگئے تھے۔

جاپان کے مقامی وقت کے مطابق صبح کے 8 بج کر 16 منٹ پر امریکی بی 29 بمبار طیارے نے لٹل بوائے ہیرو شیما پر گرا دیا، لٹل بوائے اس پہلے ایٹم بم کا کوڈ نام تھا، بم گرائے جاتے ہی لمحے بھر میں 80 ہزار افراد موت کی نیند سوگئے جبکہ 35 ہزار زخمی ہوئے اور سال کے اختتام تک مزید 80 ہزار لوگ تابکاری کا شکار ہو کر موت کی آغوش میں چلے گئے۔

ہیرو شیما کے واقعے کے 3 دن بعد امریکہ نے ناگا ساکی پر بھی حملہ کیا، 9 اگست 1945 کو بی 29 طیارے کے ذریعے ناگا ساکی پر ایٹم بم گرایا گیا جس کا کوڈ نام ’فیٹ مین‘ رکھا گیا تھا۔

استنبول: ترک صدر رجب طیب اردوان کا کہنا ہے کہ ویک اینڈ لاک ڈاؤن سے کرونا وبا کے پھیلاؤ کو کم کرنے میں مدد ملی، مرحلہ وار معمولات زندگی میں لوٹ آئیں گے۔

غیرملکی خبررساں ادارے کی رپورٹ کے مطابق ترک صدر رجب طیب اردوان نے کہا کہ ترک نے وبائی مرض کے دوران 57 ممالک کی مدد کی، آج 7 صوبوں کے لیے انٹرسٹی ٹریول پابندی کو ختم کرنا ہے، 11 مئی سے مالز، باربر شاپس، کپڑے کی دکانیں کھلنا شروع ہوجائیں گی۔

ترک صدرنے کہا کہ جامعات 15 جون سے دوبارہ تعلیمی سلسلہ شروع کریں گی، 65 سال سے زائد، 20 سال سے کم عمر شہری ویک اینڈ پر 4 گھنٹے کے لیے باہر جاسکتے ہیں۔

رجب طیب اردوان نے کہا کہ ترکی میں معمولات واپس لانے کا مرحلہ مئی، جون، جولائی پر مشتمل ہوگا۔

مزید پڑھیں: ترک صدر کا عوام کو فیس ماسک مفت فراہم کرنے کا اعلان

واضح رہے کہ ترکی میں کرونا وائرس کے باعث 3 ہزار 461 افراد زندگی کی بازی ہار گئے جبکہ وائرس سے 68 ہزار 166 افراد صحت یاب ہوئے۔

یاد رہے کہ اس سے قبل ترک صدر رجب طیب اردوان نے ملک کے سب سے بڑے شہر استنبول میں کورونا مریضوں کے لیے دو نئے اسپتال بنانے اور ملک بھر میں فیس ماسک مفت فراہم کرنے کا اعلان کیا تھا۔

ان کا کہنا تھا کہ ہماری حکومت بڑی تعداد میں مفت فیس ماسک تقسیم کر چکی ہے اور جب تک وبا پر مکمل قابو نہیں پا لیا جاتا، شہریوں کو مفت ماسک کی فراہمی کے لیے بڑے پیمانے پر تیاری کا عمل جاری رہے گا۔