Tag: ترک صدر

غزہ میں اسرائیلی فوج کی جاری بربریت کیخلاف دنیا کے متعدد ممالک کی جانب سے احتجاجاً اسرائیلی سے اپنے سفیر واپس بلوالیے جس کا سلسلہ تاحال جاری ہے۔

تازہ ترین اطلاعات کے مطابق اردن، بولیویا، بحرین اور دیگر ممالک کے بعد اب ترکیہ نے بھی اسرائیل سے سفیر واپس بلوالیا۔

اس حوالے سے ترک صدر کا کہنا ہے کہ انسانی بحران اور غزہ میں مسلسل اسرائیلی حملوں کی وجہ سے سفیر کو واپس بلایا، اب ایسی صورتحال نہیں رہی کہ ہم اسرائیل سے بات کرسکیں۔

یاد رہے کہ ترکی میں تعینات اسرائیل کے ایلچی ترکیہ میں فلسطینیوں کی حمایت میں ہونے والے احتجاجی مظاہروں کے بعد گزشتہ ماہ ملک چھوڑ گئے تھے۔

جس کے بعد اسرائیل نے مؤقف اختیار کیا کہ اس نے دو طرفہ تعلقات کا جائزہ لینے کے لیے اپنے سفیروں کو واپس بلا لیا ہے۔

انقرہ : ترک صدر رجب طیب اردوان نے مطالبہ کیا ہے کہ اسرائیل پاگل پن کی حالت سے باہر نکلے اور غزہ پر حملے فوری بند کرے۔

تفصیلات کے مطابق ترک صدر رجب طیب اردوان سوشل میڈیا پر اپنے پیغام میں لکھا غزہ پر اسرائیلی بمباری میں گزشتہ شب شدت آئی، اسرائیلی فوج نے ایک بار پھر خواتین، بچوں اور معصوم شہریوں کو نشانہ بنایا، جس سے انسانی بحران مزید سنگین ہوگیا ہے۔

طیب اردوان کا کہنا تھا کہ آج ترکیہ کے لوگ استنبول اتاترک ایئرپورٹ پر فلسطین ریلی میں شرکت کریں۔۔ جہاں ہم یہ ثابت کریں گے کہ ہم اسرائیلی جبر کے خلاف اور فلسطینی عوام کے ساتھ کھڑے ہیں۔

خیال رہے غزہ پر گزشتہ رات بھر اسرائیل کے جنگی طیاروں کی بمباری کے بعد تباہی ہی تباہی ہے، رہائشی عمارتیں ملبے کے ڈھیر میں تبدیل ہو گئی ہیں، ریسکیو اہلکار ملبے سے زخمیوں اور لاشوں کو نکال رہے ہیں، غزہ کے طول و عرض میں پھیلی تباہی کے مناظر اسرائیلی مظالم کی داستاں بیان کرتے نظر آتے ہیں۔

انقرۃ: ترک صدر رجب طیب اردوآن نے قرآن کی بے حرمتی کے واقعات پر واضح بیان میں کہا ہے کہ ہم سوئیڈن کی نیٹو میں شمولیت کی مخالفت کرتے رہیں گے۔

تفصیلات کے مطابق سوئیڈن میں قرآن کریم کی بےحرمتی کیخلاف دنیا بھر میں احتجاج کا سلسلہ جاری ہے، بنگلہ دیش اور سعودی عرب نے سوئیڈن کے سفیر کو طلب کرکے احتجاج ریکارڈ کرایا۔

ترک صدررجب طیب اردوآن نے قرآن کی بےحرمتی کے واقعات کواسلام مخلاف نفرت انگیز مہم کا حصہ قرار دیتے ہوئے واضح کیا ہے کہ ان کا ملک سوئیڈن کی نیٹو میں شمولیت پرمخالفت برقراررکھے گا۔

ترک صدر کا کہنا تھا کہ قرآن پاک کی بے حرمتی آزادی اظہار نہیں بلکہ اسلام مخلاف منظم نفرت انگیز مہم ہے، جس کا آغاز کرائسٹ چرچ میں مسجد پرحملے سے ہوا تھا۔

دوسری جانب سوئیڈش پولیس نے قرآن کی مخالفت میں مظاہروں کی درخواستیں مسترد کر دی ہیں، عدالتوں نے اس فیصلے کو یہ کہتے ہوئے مسترد کر دیا کہ ان مظاہروں سے آزادی اظہار رائے کی خلاف ورزی ہوتی ہے۔