Tag: ترک صدر

آدیمان : ترک صدر رجب طیب اردوان نے زلزلے میں گھروں سے محروم ہونے والے افراد کے لیے ایک سال کے کرایے کی ادائیگی کا اعلان کردیا۔

تفصیلات کے مطابق ترک صدر رجب طیب اردوان نے مشرقی ترکی کے صوبے آدیمان کا دورہ کیا، جہاں انہوں نے زلزلہ متاثرین سے ملاقات کی۔

اردگان نے صوبہ آدیمان میں تلاش اور بچاؤ کی کوششوں کا معائنہ کرتے ہوئے کہا، "بطور قوم ہم اپنی تاریخ کی سب سے بڑی آفات کا سامنا کر رہے ہیں، متاثرین کی بھرپور مدد کریں گے۔

ترک صدر کا کہنا تھا کہ جو متاثرین ٹینٹ میں نہیں رہنا چاہتے وہ گھرکرائے پر لیں،ایک سال تک کرایہ ہم ادا کریں گے۔

انہوں نے کہا "ہم ہر گھر کو 15,000 لیرا دینے کی تیاری کر رہے ہیں، بشمول نقل مکانی کی امداد، ہم ایک جامع پروگرام تیار کر رہے ہیں جو ملک کو دوبارہ کھڑا ہونے کے قابل بنائے گا”۔

اردگان نے مزید بتایا زلزلے سے متاثرہ 10 صوبوں سے کم از کم 76,000 افراد کو نکال کر ملک کے دیگر حصوں میں بھیج دیا گیا ہے۔

بعد ازاں ملاتیا میں زلزلہ متاثرین سے ملاقات کرتے ہوئے ترک صدر نے کہا کہ 10 صوبوں میں 141,000 سے زیادہ اہلکار کام کر رہے ہیں اور بیرون ملک سے ٹیمیں بھی کام کر رہی ہیں۔

انہوں نے بلا امتیاز محنت کرنے والوں کا شکریہ ادا کیا اور زور دیا کہ ریاست اپنے تمام وسائل کے ساتھ شہریوں کے ساتھ کھڑی ہے۔

انہوں نے بلا امتیاز محنت کرنے والوں کا شکریہ ادا کیا اور زور دیا کہ ریاست اپنے تمام وسائل کے ساتھ شہریوں کے ساتھ کھڑی ہے۔

انقرہ : ترک صدر رجب طیب اردوان نے زلزلے سے متاثرہ افراد کے لیے نیک خواہشات کا اظہار کرتے ہوئے کہا مل کر اس آفت سے جلد از جلد اور کم سے کم نقصان کے ساتھ نکل جائیں گے۔

تفصیلات کے مطابق ترک صدر رجب طیب اردوان نے زلزلے پر اظہار افسوس کرتے ہوئے بتایا کہ زلزلےکے جھٹکے ہمارے ملک کے کئی حصوں میں محسوس کیے گئے۔

ترک صدر کا کہنا تھا کہ زلزلے سے متاثر تمام شہریوں سے ہمدردی کا اظہار کرتا ہوں، زلزلےسےمتاثرہ علاقوں میں فوری ریسکیو آپریشن شروع کردیا ہے۔

زلزلے کے بعد ریسکیو کیلئے تمام اداروں نے فوری کا م شروع کردیا ،مل کر اس آفت سے جلد از جلد اور کم سے کم نقصان کے ساتھ نکل جائیں گے۔

یاد رہے ترکیہ میں آج علی الصبح 7.8 شدت کا زلزلہ آیا، زلزلے کے جھٹکے ایک منٹ تک محسوس کئے گئے، جس سے کئی عمارتیں زمین بوس اور متعدد میں دراڑیں پڑ گئیں۔

زلزلے کے باعث اب تک 76 افراد جاں بحق ہوچکے ہیں اور مزید ہلاکتوں کا خدشہ ہے۔

انقرہ: ترک صدر رجب طیب اردگان نے سوئیڈن میں قرآن پاک کی بے حرمتی پر شدید ردعمل دیتے ہوئے دو ٹوک الفاظ میں کہا کہ اب سوئیڈن ہم سے کوئی امید نہ رکھے۔

تفصیلات کے مطابق قرآنِ پاک کی بے حرمتی پر ترک صدر رجب طیب اردگان نے سوئیدن کی حکومت پر شدید برہمی اظہار کیا۔

رجب طیب اردگان نے دوٹوک الفاظ میں واضع کر دیا کہ ترکیہ نیٹو ممبر شپ کے لیے سوئیڈن کی حمایت نہیں کرے گا۔

ترک صدر کا کہنا تھا کہ بے حرمتی کے بعد اب سوئیدن ہم سے کوئی امید نہ رکھے، جو لوگ اسٹاک ہوم میں ہمارے سفارت خانے کے سامنے اس طرح کی توہین کی اجازت دیتے ہیں وہ نیٹو کی رکنیت کے لیے ہماری حمایت کی توقع نہیں کر سکتے۔

رجب طیب اردگان نے ترک سفارت خانے کے باہر قرآن مجید کی انتہائی بے توقیری کی طرف اشارہ کرتے ہوئے کہا کسی کو بھی مقدسین کی تذلیل کا حق نہیں، جب کوئی ہماری بے عزتی کرتا ہے تو اسے اس کی جگہ پر رکھ دیتے ہیں۔

واضح رہے کہ سویڈن کو فوجی اتحاد میں شمولیت کے لیے ترکیہ کی حمایت کی ضرورت ہے۔