Tag: ترک صدر

انقرہ: ترک صدر رجب طیب اردگان کا کہنا ہے کہ ترکی بیرون دھمکیوں کے آگے سر جھکانے والا ملک نہیں ہے۔

تفصیلات کے مطابق ترک صدر رجب طیب اردگان نے کنونشن سینٹر میں منعقد تقریب سے خطاب کے دوران کہا کہ مشرقی بحیرہ روم میں دھمکیوں کی زبان وقعت کھو چکی ہے اور مخالف قوتوں کو پتہ چل گیا ہے کہ ترکی کسی کے آگے سر نہیں جھکائے گا۔

رجب طیب اردگان کا کہنا تھا کہ ترکی مشرقی بحیرہ روم کے طویل ترین ساحلی علاقے کا حامل ہے جسے بیرونی طاقتوں کے ذریعے محدود کرنے کی اجازت نہیں ملے گی۔

انہوں نے کہا کہ ہم نے ہمیشہ بچکانہ حرکات کے سامنے اپنے حقوق کا جائز دفاع کرتے ہوئے ایک مدبر ریاست کا منظر بخوبی پیش کیا ہے۔

ترک صدر کا کہنا تھا کہ قومی اتحاد اور یکجہتی کو نشانہ بنانے والوں کو اب خون کے ہر قطرے کا حساب دینا پڑ رہا ہے، جس طرح ہم نے پیاڑوں میں چھپے دہشتگردوں کے جتھوں کو ختم کرنے کا سلسلہ جاری رکھا ہوا ہے اسی طرح ہمارے شہروں میں روپوش ان کے ساتھیوں کو بھی کیفر دار تک پہنچا جائے گا۔

یاد رہے کہ گزشتہ ماہ ترک صدر رجب طیب اردوان نے بحیرہ اسود میں تاریخ کی سب سے بڑی گیس دریافت کا اعلان کرتے ہوئے کہا تھا کہ بحیرہ اسود سے 320 بلین مکعب میٹر قدرتی گیس دریافت ہوئی ہے، 2023 میں قدرتی گیس کے ان ذخائر سے قوم کو فراہمی شروع کریں گے۔

انقرہ: ترک صدر رجب طیب اردگان نے کہا ہے کہ ترکی کے لیے ایک بڑی خبر ہے جس کا اعلان بروز جمعہ کیا جائے گا۔

تفصیلات کے مطابق ترک صدر رجب طیب اردگان جمعے کو ایک اہم اعلان کرنے جا رہے ہیں جس کے بعد ترکی میں ایک نئے دور کا آغاز ہوگا۔

مقامی میڈیا کے مطابق ترک صدر نے کہا کہ اگر میں یہ خبر ابھی دے دوں تو ہم اپنا جوش وخروش کھو دیں گے، لہذا مجھے لگتا ہے ابھی یہ خبر دینے کا درست وقت نہیں ہے۔

“It will be the beginning of a new era in Turkey”

Turkey’s President Erdogan says he has major news for Turkey pic.twitter.com/waOma2pBgK

— TRT World (@trtworld) August 19, 2020

ترک ایوان صدر کے ذرائع کا کہنا ہے کہ ترکی اس رواں ہفتے کے آخر میں مشرقی بحیرہ روم میں نئے گیس فیلڈ کی دریافت کا اعلان کرے گا۔

سرکاری ذرائع کے مطابق ترک صدر گیس کے نئے ذخائر دریافت کرنے کا اعلان کریں گے۔ترکی پہلے ہی ڈرلنگ جہاز کونی روانہ کرچکا ہے، عملے میں 35 افراد شامل ہیں۔

یاد رہے کہ گزشتہ ماہ ترکی کے وزیر توانائی و قدرتی وسائل فاتح دونمیز کا کہنا تھا کہ مشرقی بحیرہ روم میں قدرتی وسائل کی تلاش کے لیے چوتھا بحری جہاز بھی روانہ کرنے والے ہیں، 2 ڈرلنگ اور ایک زلزلہ کے اثرات کا جائزہ لینے والے بحری جہاز کی کارروائیوں کے بعد اب اورچ رئیس سسمک ریسرچ بحری جہاز بھی ان سرگرمیوں میں حصہ لے گا۔

فاتح دونمیز کا کہنا تھا کہ ترکی مشرقی بحیرہ روم میں قدرتی وسائل کی تلاش کے کام کو جاری رکھے گا، ہم اپنی سمندری حدود اور شمالی قبرصی ترک جمہوریہ کی پٹرولیم کمپنی کی جانب سے اجازت دینے والے مقامات پر تیل اور گیس کی تلاش جاری رکھیں گے۔

انقرہ: ترک صدر رجب طیب اردوان نے  15صوبوں میں ویک اینڈ پر کرفیو کے نفاذ کا فیصلہ منسوخ کردیا۔

تفصیلات کے مطابق ترکی میں کروناوائرس کے بڑھتے ہوئے کیسز کے پیش نظر وزارت داخلہ نے ملک کے 15 شہروں میں دوبارہ کرفیو کے نفاذ کا فیصلہ کیا ہے تاہم اس کا اطلاق ہفتے اور اتوار کو نہیں ہوگا۔

رپورٹ کے مطابق عوامی ردعمل کو مدنظر رکھتے ہوئے ترک صدر نے ویک اینڈ پر کرفیو کے نفاذ کو منسوخ کردیا۔ ترک شہر استنبول، انقرہ اور اسمر سمیت 15 اہم شہر ہیں جہاں دوبارہ لاک ڈاؤن کا نفاذ ممکن ہے۔

البتہ کرفیو کا اطلاع ویک اینڈ پر نہیں ہوگا۔ رجب طیب اردوان نے سماجی رابطے کی ویب سائٹ ٹوئٹر پر ویک اینڈ پر کرفیو کے فیصلے کو منسوخ کردیا۔ ان کا کہنا تھا کہ عوام کو مشکل میں نہیں ڈالنا چاہتے۔

انہوں نے مزید کہا کہ 2ماہ سے زائد عرصے کے بعد معمول کی زندگی بحال کررہے ہیں، ویک اینڈ پر 15صوبوں میں کرفیو کے نفاذ کا فیصلہ منسوخ کردیا ہے۔

تاہم ترک حکام نے شہریوں کو خبردار کیا ہے کہ وہ کرونا سے بچاؤ کے لیے احتیاطی تدابیر نہ چھوڑیں۔ اعداد وشمار کے مطابق ترکی میں روزانہ کی بنیاد پر 700 سے 1000 کرونا کیسز رپورٹ ہورہے ہیں۔

ترکی میں اب تک کروناوائرس سے ڈیڑھ لاکھ افراد متاثر ہیں جبکہ 4 ہزار افراد کی موت واقع ہوئی۔