اسلام آباد : وفاقی حکومت نے ترین گروپ کے رہنما عون چوہدری کو وزیراعظم کا مشیر مقرر کرنے کا فیصلہ کرلیا ، جس کا نوٹیفکیشن آج جاری کیا جائے گا۔
تفصیلات کے مطابق ترین گروپ کو وفاق میں اہم ذمہ داری دینے کا فیصلہ کرلیا گیا ، عون چوہدری کو وزیراعظم کا مشیر مقرر کیا جائے گا ، جس کا نوٹیفکیشن آج جاری ہوگا۔
عون چوہدری کے علاوہ امیر مقام ، قمر زمان کائرہ اور مفتاح اسماعیل بھی وزیراعظم کے مشیر ہوں گے۔
خیال رہے وفاقی کابینہ کی تقریب حلف برداری کچھ دیر میں ایوان صدر میں منعقد ہو گی ، جس میں خواجہ آصف، احسن اقبال، رانا ثنا اللہ، ایاز صادق ، رانا تنویر ،خرم دستگیر ،مریم اورنگزیب، سعد رفیق وفاقی وزیرکا حلف اٹھائیں گے۔
اس کے علاوہ جاوید لطیف، ریاض حسین پیرزاد، مرتضیٰ جاویدعباسی، اعظم نذیرتارڑ،خورشید شاہ ، نوید قمر، شیری رحمان،ن عبدالقادر پٹیل اور شازیہ مری بھی وفاقی وزیر کا حلف لیں گی۔
مرتضیٰ محمود،ساجد طوری، احسان الرحمان مزاری،عابد حسین ، اسد محمود، عبد الواسع، مفتی عبدالشکور،طلحہ محمود ، سیدامین الحق، فیصل سبزواری، محمداسرار ترین ، نوابزادہ شاہ زین بگٹی اور طارق بشیر چیمہ بھی حلف اٹھانیوالوں میں شامل ہوں گے۔
عائشہ غوث پاشا، حنا ربانی کھر ،عبدالرحمان کانجو کی بطوروزیرمملکت تعیناتی شامل ہیں جبکہ قمر زمان کائرہ ،انجینئر امیر مقام ،عون چوہدری بطور مشیر تعینات ہوں گے۔
