نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ 70سال سے کشمیری اقوام متحدہ کی قراردادوں پر عمل درآمد کے منتظر ہیں۔
تفصیلات کے مطابق مقبوضہ کشمیر پربھارتی غاصبانہ تسلط کے 70 سال مکمل ہونے پر اقوام متحدہ میں پاکستان کی سفیر ملیحہ لودھی نے انٹرویو میں کہا کہ کشمیرپربھارتی قبضےکا ہردن سیاہ دن ہے۔
ملیحہ لودھی نے کہا کہ 70سال سے کشمیری اقوام متحدہ کی قراردادوں پر عمل درآمد کے منتظر ہیں۔ انہوں نے کہا کہ بھارتی مظالم سے سے ایک لاکھ سے زائد کشمیری شہید ہوگئے۔
بھارتی جبرکشمیریوں کوجذبہ آزادی سے پیچھےنہیں ہٹاسکتا‘ صدر، وزیراعظم
پاکستانی سفیر کا کہنا تھا کہ بھارت ایسی مہم جوئی سے باز رہے جو خطے میں امن کے لیے نقصان دہ ہے جبکہ پاکستان بھارت کی کسی بھی جارحیت کا منہ توڑ جواب دینے کے لیے تیار ہے۔
انہوں نے کہا کہ مسئلہ کشمیر کا پرامن خطے میں امن واستحکام کی ضمانت ہے جبکہ پاکستان سیاسی، سفارتی اور اخلاقی طور پر کشمیریوں کی آزادی کے لیے جدوجہد کی حمایت کرتا رہے گا۔
کشمیر پربھارتی تسلط کے70 سال مکمل،عوام یوم سیاہ منا رہےہیں
واضح رہے کہ بھارت کے کشمیر پر غاصابہ تسلط کے 70 سال مکمل ہونے پر آج کشمیری دنیا بھر میں یوم سیاہ منا رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
