Tag: تسکین احمد

پیسر تسکین احمد کی تباہ کن بولنگ کے باوجود ویسٹ انڈیز کے خلاف پہلے ٹیسٹ میچ میں بنگلہ دیش کو شکست کا سامنا کرنا پڑا۔

میزبان نے بنگال ٹائیگر کو نارتھ ساؤنڈ میں ہونے والے پہلے ٹیسٹ میچ میں 201 رنز کے مارجن سے شکست دیدی، بنگلہ دیشی ٹیم 334 رنز کے تعاقب میں دوسری اننگز میں 132 رنز پر ڈھیر ہوگئی، کیما روچ اور جیڈن سیلز نے 3، 3 وکٹیں حاصل کیں۔

پہلی اننگز میں شاندار سنچری اسکور کرنے والے جسٹن گریوز کو مین آف دی میچ قرار دیا گیا، انھوں نے پہلی اننگز میں 115 اور دوسری اننگز میں 2 رنز اسکور کیے تھے۔

ویسٹ انڈیز نے پہلی اننگز میں 9 وکٹوں پر 450 رنز بنائے تھے، اس کے جواب میں بنگلہ دیش نے پہلی اننگز میں 9 وکٹوں کے نقصان پر 269 رنز اسکور کیے تھے، زاکر علی 53 رنز بنا کر نمایاں رہے تھے۔

تسکین احمد کی تباہ کن بولنگ کے باعث دوسری اننگز میں میزبان ٹیم صرف 152 رنز پر ڈھیر ہوگئی تھی، انھوں نے 64 رنز دے کر 6 وکٹیں حاصل کی تھیں۔

دوسری اننگز میں ہدف کے تعاقب میں بنگلہ ٹیم بری طرح ناکام رہی اور کوئی بیٹر نصف سنچری بھی اسکور نہ کرسکا، کپتان مہدی حسن میراز 45 رنز بنا کر ٹاپ اسکورر رہے۔

بھارت کو ہوم سیریز کے دوران کس چیز کا ایڈوانٹیج حاصل ہے، بنگلہ دیشی فاسٹ بولر تسکین احمد نے بڑا انکشاف کردیا۔

بنگلہ دیشی پیسر تسکین احمد کا کہنا تھا کہ پاکستان میں ہم نے مجموعی طور پر اچھا کھیلا اور اسی لیے ہم جیت گئے، بھارت میں حالات مشکل ہیں۔ ایس جی گیندوں کی وجہ سے بھارت کو زیادہ فائدہ ہورہا ہے۔

انھوں نے کہا کہ بھارتی کرکٹرز بچپن سے ہی ایس جی گیندوں سے کھیلتے ہیں، بھارتی کرکٹرز ہم سے بہتر ان گیندوں کو استعمال کرنا جانتا ہے۔

تسکین نے کہا کہ ہم ٹیسٹ میچ میں اچھی بیٹنگ کر سکتے تھے، اگر ہم نئی گیند کے ساتھ اچھا کھیلتے تو اتنی وکٹیں نہ گنواتے ۔ مڈل آرڈر بیٹرز کے لیے نئی گیند کے ساتھ کھیلنا مشکل تھا۔

خیال رہے کہ بھارت نے پہلے ٹیسٹ میچ میں بنگلہ دیش کو شکست دے کر دو میچوں کی سیریز میں ایک صفر کی نا قابل شکست برتری حاصل کرلی۔

چنائی میں کھیلے گئے پہلے میچ میں میزبان ٹیم کی جانب سے جیت کے لیے دیے گئے 515 رنز کے ہدف کے تعاقب میں مہمان ٹیم بنگلہ دیش چوتھے روز 234 رنز بنا کر آؤٹ ہوگئی اور یوں بھارت نے یہ میچ 280 رنز کے بھاری مارجن سے جیتا۔

بنگلہ دیش کی جانب سے نجم الحسن شانتو 82 رنز بنا کر نمایاں رہے، بھارتی اسپنرز نے دوسری اننگ میں تباہ کن بولنگ کا مظاہرہ کرتے ہوئے 9 بنگلہ کھلاڑیوں کو ٹھکانے لگایا۔

ایشون نے 6 اور رویندر جڈیجہ نے 3 وکٹیں حاصل کیں جب کہ ایک وکٹ بمراہ کے حصے میں آئی، ایشون کو آل راؤنڈ کارکردگی پر میچ کا بہترین کھلاڑی قرار دیا گیا۔

ایشون نے پہلی اننگ میں کپتان روہت شرما، ویرات کوہلی اور شبمن گل کی ناکامی کے بعد آٹھویں نمبر پر بیٹنگ کرتے ہوئے 113 رنز کی شاندار اننگ کھیل کر بھارت کی جیت کی بنیاد رکھی تھی، سیریز کا دوسرا اور آخری ٹیسٹ میچ 27 ستمبر سے کانپور میں کھیلا جائے گا۔