Tag: تشدد

لاہور: ایف آئی اے کی انسداد انسانی اسمگلنگ سیل نے گوجرانوالہ  سے ایک اور انسانی اسمگلر کو گرفتار کرلیا۔

ترجمان ایف آئی اے کے مطابق ایف آئی اے کی انسدادانسانی اسمگلنگ سیل گوجرانوالہ نے کارروائی کرتے ہوئے انسانی اسمگلر کو گرفتار کرلیا۔

ترجمان ایف آئی اے کے مطابق ملزم رضوان شاہ انسانی اسمگلنگ اور متاثرین پر تشدد میں ملوث ہے، ملزم متاثرین کو عراق میں غیر قانونی حراست میں رکھنے میں ملوث تھا، متاثرین کو اغوا کر کے مزید رقم کا تقاضا کرتا تھا۔

ترجمان ایف آئی اے نے بتایا کہ متاثرین پر تشدد کی ویڈیوز سوشل میڈیا پر وائرل ہوئی تھیں، ملزم کی گرفتاری کیلئے گزشتہ 7 دن سے چھاپہ مار کارروائیاں جاری تھیں، ملزم ایک گروہ کے طور پر کام کر رہا تھا۔

ترجمان نے بتایا کہ ملزم کے دیگر ساتھیوں کیلئے چھاپے  مارے  جارہے ہیں، ملزم کیخلاف امیگریشن آرڈیننس، اسمگلنگ آف مائگرینٹ ایکٹ کے تحت مقدمہ درج

کیا گیا ہے۔

کراچی: پپری میں کباڑی کیجانب سے بچے پر چوری کے الزام میں پولیس کی تحویل میں متاثرہ باپ بیٹے نے اپنا بیان بدل دیا۔

اے آر وائی نیوز کے مطابق گزشتہ رات بچے پر بدترین تشدد کی فوٹیج سامنے آئی تھی، بچےکے والدین نے میڈیا کو بتایا تھا بااثر کباڑی والے نے چوری کے الزام میں تشدد کا نشانہ بنایا۔

تاہم اب پولیس کی تحویل میں بچے اور انکے والد حاکم شیخ سے نیا بیان ریکارڈ کرادیا گیا ہے، جس میں والد نے کہا کہ بچے کو تشددکا نشانہ نہیں بنایاگیا ملکر ٹک ٹاک بنائی گئی تھی۔

دوسری جانب ذیشان نامی بچے نے کہا کہ مجھ پر تشدد نہیں کیا گیا ہم دوستوں نے ملکر ٹک ٹاک بنائی تھی۔

اس حوالے سے علاقہ مکینوں کا کہنا ہے کہ ملزم مجاہد علاقے کے انتہائی با اثر اور پولیس کے چہیتے ہیں، مبینہ ملزم پولیس کی سرپرستی میں اسٹیل مل سے چوری کا لوہا خریدتا ہے۔