برطانوی شہزادی کیٹ مڈلٹن نے اپنے بیٹے شہزادہ لوئس کی چھٹی سالگرہ پر ان کی غیرایڈٹ شدہ تصاویر جاری کردیں۔
شاہی خاندان کی طرف سے جاری کردہ تصاویر کا عوام کو صبح انتظار تھا، تاہم ان تصاویر کو دوپہر کے فوراً بعد جاری کیا گیا۔ اس تصویر میں ںوعمر شہزادہ کو گھاس پر کمبل پر لیٹا ہوا دکھایا گیا ہے۔
پرنس لوئس ننگے پاؤں ایک چیک شرٹ میں ملبوس ہیں اور ان کے چہرے پر ایک نہایت معصومانہ مسکراہٹ رقصاں ہے۔
تصویر کے ساتھ پوسٹ کی گئی ٹویٹ میں کہا گیا کہ ’چھٹی سالگرہ مبارک ہو، پرنس لوئس! آج کی تمام نیک خواہشات کے لیے آپ سب کا شکریہ۔‘
شہزادہ اور شہزادی آف ویلز روایتی طور پر اپنے بچوں کی سالگرہ اور خاص لمحات کے مواقعوںپر تصاویر جاری کرتے ہیں۔
واضح رہے کہ برطانوی شاہی جوڑے نے کیٹ کی پیٹ کی سرجری اور ان میں ہونے والے کینسر کی تشخیص سے کیٹ کی صحت یابی کے دوران عوام سے خاندان کی رازداری کا احترام کرنے کو کہا تھا۔
تاہم انھوں نے شہزادہ لوئس کی سالگرہ کی مبارکباد بھیجنے والوں کا شکریہ ادا کرنے کے لیے تصویر کو سوشل میڈیا پر شیئر کرنے کا فیصلہ کیا۔
