بھارتی فلم انڈسٹری کے معروف اداکارہ شاہ رخ خان لندن میں اپنی فیملی کے ہمراہ چھٹیاں گزارنے میں مصروف ہیں، ایسے میں اُن کی ایک تصویر بھی وائرل ہورہی ہے، جس میں وہ ایک پارک میں موجود ہیں۔
بھارتی میڈیا کے مطابق ایس آر کے فین کلب نے ایکس پر شاہ رخ خان کی ایک تصویر شیئر کی ہے، جس میں دیکھا جاسکتا ہے کہ باپ بیٹی دوستانہ میچ کھیلنے میں مصروف ہیں۔
شاہ رخ کو وائرل تصویر میں فیلڈنگ کرتے دیکھا جا سکتا ہے۔ جبکہ سہانا بیٹنگ کرنے میں مصروف ہیں، ساتھ کچھ اور لوگ بھی ہیں جو اس کھیل کا حصہ ہیں، تصویر میں دادی سویتا چھبر بھی خاندان پر نظر رکھے ہوئے ہیں جو ایک بینچ پر آرام سے بیٹھی ہوئی ہیں۔
Latest: @iamsrk is playing cricket with friends & family in London ♥️#ShahRukhKhan #32YearsOfEmperorKhanSRK pic.twitter.com/llzDejhgHL
— Shah Rukh Khan Warriors FAN Club (@TeamSRKWarriors) June 24, 2024
یہ تصویر ایسے وقت میں سامنے آئی ہے، جب شاہ رخ حال ہی میں اپنی آنے والی فلم ‘کنگ’ پر کام شروع کرنے لندن پہنچے ہیں۔
دوسری جانب تامل فلموں کے نامور اداکار اور جوان میں کنگ خان کے ساتھ اداکاری کرنے والے وجے سیتھوپتی نے حیران کن انکشاف کیا ہے۔
اپنی اداکاری کی وجہ سے تامل فلم انڈسٹری کے بعد بالی ووڈ میں بھی اپنی الگ شناخت بنانے والے وجے سیتھوپتی نے شاہ رخ خان کی شخصیت کے کئی راز آشکا کردیے ہیں، وجے نے شاہ رخ کی شخصیت اور آواز کو رعب دار قرار دیا ہے۔
انھوں نے بتایا کہ جب میں نے شاہ رخ کی آواز سنی تو میں ایسی آواز سن کر حیرت زدہ رہ گیا،وہ زبردست داستان گو بھی ہیں۔
’ہمایوں سعید پاکستان کے شاہ رخ خان ہیں‘
بھارتی اداکار کا اپنے خیالات کا اظہار کرتے ہوئے کہنا تھا کہ نہ صرف شاہ رخ کی آواز نے مجھے حیران کیا بلکہ وہ دماغی لحاظ سے ہر فن مولا ہیں، وہ ایک اسٹار سے زیادہ بڑی شخصیت کے مالک ہیں۔
