Tag: تصدیق

ورون دھون کی بیٹی کی پہلی جھلک سامنے آگئی

بالی ووڈ کے معروف اداکار ورون دھون اور نتاشا دلال کی نوزائیدہ بیٹی کی پہلی جھلک سامنے آگئی۔

بالی ووڈ کے معروف اداکارہ ورون دھون اور نتاشا دلال ننھی پری کے والدین بن گئے، بالی وڈ اداکار کے والد ہدایت کار ڈیوڈ دھون نے 3 جون کو اس خوشی کی خبر کی تصدیق کی تھی۔

ورون دھوں نے بھی اس بات کی تصدیق کردی ہے کہ اداکار کے ہاں ننھی پری کی آمد ہوئی ہے، اداکار نے ایک ویڈیو شیئر کی جس میں پھولوں اور غباروں سے سجے ایک ایئر بیلون میں انکا ایڈوپٹڈ کتا بیٹھا نظر آرہا ہے جس کے ہاتھ میں ایک بورڈ پر لکھا ہے ’ چھوٹی بہن کو خوش آمدید‘۔

View this post on Instagram

A post shared by VarunDhawan (@varundvn)

تاہم اب بالی وڈ کے خوبرو اداکار ورون دھون اور اُن کی اہلیہ نتاشا دلال کی نومولود بیٹی کے ہمراہ پہلی ویڈیو بھی منظر عام پر آگئی ہے جو کہ سوشل میڈیا پر وائرل ہورہی ہے۔

بھارتی میڈیا کی جانب سے شیئر کی گئی خبروں کے مطابق ورون دھون کی اہلیہ نتاشا دلال کو ننھی پری سمیت جمعے کے روز ممبئی کے نجی اسپتال سے ڈسچارج کیا گیا۔

View this post on Instagram

A post shared by Viral Bhayani (@viralbhayani)

جبکہ سوشل میڈیا پر وائرل ہونے والی ویڈیو میں ورون دھون کو بیٹی گود میں اُٹھائے گھر کیلئے روانہ ہوتے دیکھا جاسکتا ہے۔

واضح رہے کہ بالی وڈ اداکار اگلی فلم ’بے بی جان‘ میں نظر آئیں گے، خیال رہے کہ ورون دھون نے اپنی پرانی دوست نتاشا سے 2021 میں شادی کی تھی۔

جون 8, 2024
پاکستان کے 2 شہروں کے چار سیوریج سیمپلز میں پولیو وائرس کی تصدیق

اسلام آباد: پولیو وائرس پھر سے پنجے گاڑنے لگا، پاکستان کے 2 شہروں کے چار سیوریج سیمپلز میں پولیو وائرس کی تصدیق ہوئی ہے۔

تفصیلات کے مطابق پاکستان کی سیوریج لائنوں میں موذی پولیو وائرس کا پھیلاو تیزی سے جاری ہے، نیشنل پولیو ٹیسٹنگ لیبارٹری کی سیوریج سیمپلز ٹیسٹ رپورٹ تیار کرلی گئی جس کے مطابق کراچی کے مختلف اضلاع سے جمع کیے گئے 3 اور پشین سے جمع کیے گئے ایک نمونے میں پولیو کی تصدیق ہوگئی ہے۔

ذرائع کے مطابق نمونے جینیاتی طور پر وائلڈ پولیو وائرس ٹائپ 1 کے درآمد شدہ وائے بی تھری اے کلسٹر سے منسلک ہیں۔

ذرائع کے مطابق رواں برس 33 اضلاع کے 112 سیمپلز پولیو پازیٹو ہو چکے ہیں، رواں برس صرف کراچی ایسٹ کے 15 سیوریج سیمپلز پولیو پازیٹو ہوئے ہیں جبکہ ان دو شہروں سے پولیو ٹیسٹ کیلئے سیمپلنگ یکم سے 17 اپریل تک لی گئی تھی۔

ذرائر کے مطابق کراچی ایسٹ کی سیوریج کا پولیو وائرس جینیاتی طور لوکل ہے، کراچی ملیر کے لانڈھی بختاور ویلج کی سیوریج پولیو پازیٹو نکلی ہے، ملیر کی سیوریج کا پولیو وائرس جینیاتی طور پر لوکل ہے۔

ذرائع کے مطابق پشین کے علاقہ تروا کی انوائرمنٹل سائٹ کی سیوریج پولیو پازیٹو ہے، رواں برس پشین کے دو سیوریج سیمپلز پولیو پازیٹو ہو چکے ہیں، یہاں کی سیوریج کے پولیو وائرس کا جینیاتی تعلق چمن سے ہے۔

مئی 8, 2024
ملک کے تین شہروں کے ماحولیاتی نمونوں میں پولیو وائرس کی تصدیق

ملک کے شہر پنجاب، بلوچستان اور خیبرپختونخوا سے حاصل کیے گئے تین ماحولیاتی نمونوں میں پولیو وائرس کے ٹیسٹ مثبت آئے ہیں۔

تفصیلات کے مطابق نیشنل انسٹی ٹیوٹ آف ہیلتھ (این آئی ایچ) میں پاکستان کی نیشنل پولیو لیبارٹری کے ذرائع کے مطابق حب، لاہور اور پشاور سے جمع کیے گئے سیوریج کے نمونوں میں ٹائپ ون ایچ وائلڈ پولیو وائرس (ڈبلیو پی وی ون) کی موجودگی کا پتا چلا۔

ذرائع کے مطابق پشاور کے علاقہ شاہین مسلم ٹاون کے سیوریج میں پولیو وائرس کی تصدیق ہوئی ہے، شاہین مسلم ٹاون سے پولیو ٹیسٹ کیلئے سیمپل 20 ستمبر کو لئے گئے تھے۔

ذرائع نے بتایا کہ رواں سال پشاور کے سیوریج میں 14 ویں بار پولیو وائرس پایا گیا ہے، شاہین مسلم ٹاون پشاور کے پولیو وائرس کا جنیاتی تعلق لاہور سے ہے۔

لاہور کے علاقہ ملتان روڈ سٹیشن کے سیوریج میں پولیو وائرس موجود ہے، ملتان روڈ لاہور سے پولیو ٹیسٹ کیلئے سیمپل 22 اگست کو لیا گیا تھا، رواں سال لاہور کے سیوریج میں پانچویں بار پولیو وائرس پایا گیا ہے۔

ذرائع کا کہنا ہے کہ رواں برس پنجاب سے ساتواں سیوریج سیمپل پولیو پازیٹو ہوا ہے، اس پولیو وائرس کا جنیاتی تعلق نرے خوڑ پشاور سے ہے۔

اس کے علاوہ ضلع حب کے علاقہ جمعہ بازار پل کے سیوریج میں پولیو وائرس کی تصدیق ہوئی ہے، حب کے سیوریج سے پولیو ٹیسٹ کیلئے سیمپل 20 ستمبر کو لیا گیا تھا، ضلع حب کے سیوریج میں پہلی بار پولیو وائرس پایا گیا ہے۔

ذرائع وزارت صحت نے مزید بتایا کہ رواں سال بلوچستان کے سیوریج میں تیسری بار پولیو پایا گیا ہے، حب کے سیوریج کے پولیو وائرس کا جینیاتی سہراب گوٹھ کراچی ایسٹ سے ہے۔

اکتوبر 15, 2023
ملک کے 2 شہروں کے ماحولیاتی سیمپلز میں پولیو وائرس کی تصدیق

اسلام آباد: ملک کے 2 شہر پشاور اور ڈیرہ بگٹی کے سیوریج میں پولیو وائرس کی تصدیق ہوئی ہے۔

ذرائع وزارت صحت کے مطابق پشاور کے علاقے شاہین مسلم ٹاؤن سے پولیو ٹیسٹ کیلئے سیمپل 20 ستمبر کو لئے گئے تھے، رواں سال پشاور کے سیوریج میں 13 ویں بار پولیو وائرس پایا گیا ہے۔

ذرائع کے مطابق پشاور کے علاقے شاہین مسلم ٹاؤن میں موجود پولیو وائرس وائے بی تھری اے کلسٹر کا ہے جبکہ وائرس کا جنیاتی تعلق بٹیکوٹ افغانستان سے ہے اس کے علاوہ پشاور کے سیوریج میں رواں ماہ دوسری بار پولیو پایا گیا ہے۔

ذرائع وزارت صحت کے مطابق ڈیرہ بگٹی کے علاقے لیبر نالہ کے سیوریج میں بھی پہلی بار پولیو وائرس پایا گیا ہے، لیبر نالہ کے سیوریج سے پولیو ٹیسٹ کیلئے سیمپلز 19 ستمبر کو لئے گئے تھے جبکہ رواں سال بلوچستان کے سیوریج میں دوسری بار پولیو پایا گیا ہے اس وائرس کا جینیاتی تعلق قندہار سے ہے۔

ذرائع وزارت صحت نے مزید بتایا کہ رواں سال ملک بھر سے 35 سیوریج سیمپلز پولیو پازیٹو نکلے ہیں اس کے علاوہ رواں سال ملک میں پولیو وائرس کے 3 کیسز رپورٹ ہو چکے ہیں۔

اکتوبر 6, 2023
انسٹاگرام کا کم عمر صارفین کے لیے اہم اقدام

سماجی رابطے کی ویب سائٹ انسٹاگرام نے نوعمر صارفین تک محفوظ سہولیات کی رسائی کے لیے عمر کی تصدیق کا آپشن متعارف کروا دیا۔

بین الاقوامی میڈیا کے مطابق فوٹو اور ویڈیو شیئرنگ ایپلی کیشن انسٹاگرام نے صارفین کی عمر کی تصدیق کے لیے 2 نئے آپشنز متعارف کروا دیے ہیں۔

میٹا کی زیرملکیتی اس ایپ کا کہنا ہے کہ ہم نے اس مقصد کے لیے Yoti کے ساتھ معاہدہ کرلیا ہے جو کہ استعمال کنندگان کی پرائیویسی کومد نظررکھتے ہوئے عمر کی آن لائن تصدیق میں مہارت رکھتی ہے۔

میٹا کی جانب سے جاری بیان میں کہا گیا ہے کہ وہ اپنے استعمال کنندگان کی عمر کی تصدیق کے لیے دو طریقہ کار کی جانچ کر رہے ہیں جس میں کسی بھی فرد کی عمرکی تصدیق کے لیے اسے اپنی شناختی دستاویز کو آن لائن اپ لوڈ کرنے کا کہا جائے گا۔

دوسرے طریقہ کار میں انسٹاگرام صارف اپنی عمر کی تصدیق کے لیے تین میوچل فالوورز کو منتخب کر سکتا ہے، ابتدائی طور پر عمر کی تصدیق کے ان فیچرز کو امریکی صارفین کے لیے جاری کیا گیا ہے۔

میٹا کی ڈائریکٹر برائے ڈیٹا گورننس ایریکا فنکل کا اس بابت کہنا ہے کہ جب ہم جانتے ہیں کہ اگرکوئی ٹینز میں ہے تو ہم انہیں عمر سے متعلق مناسب تجربات فراہم کرتے ہیں جیسا کہ انہیں نجی اکاؤنٹس دینا، بالغ افراد کے غیر ضروری روابط سے تحفظ اورمشہترین کے لیے آپشنز کو محدود کرنا تاکہ وہ انہیں ان کی عمرکے مطابق ہی اشتہارات دکھائیں۔

استعمال کنندگان مذکورہ موبائل ایپلی کیشن Yoti پر اپنی ویڈیو سیلفی اپ لوڈ کریں گے جس کے بعد یہ ایپ چہرے کے خدوخال کا جائزہ لیتے ہوئے عمر کا تعین کرے گی، ایک بار تصدیق ہونے کے بعد اس ویڈیو کوYoti اورانسٹا گرام دوںوں اپنے پلیٹ فارم سے ڈیلیٹ کردیں گے۔

عمرکی تصدیق کے دوسرے طریقہ کار میں استعمال کنندہ کو 3 ایسے فالوور کو منتخب کرنا ہوگا جو مذکورہ صارف کی عمر کی تصدیق کرسکیں اور ان کی اپنی عمر بھی کم از کم 18 سال ہونی چاہیئے۔

Yoti میں وہی ٹیکنالوجی استعمال کی گئی ہے جو ہوائی اڈوں پرمسافروں کے پاسپورٹ کواسکین کر کے ان کے چہرے کی تصویرکی تصدیق میں استعمال ہوتی ہے۔

اس ایپ کو دنیا بھر میں 11 ملین سے زائد بار ڈاؤن لوڈ کیا جاچکا ہے، بہت سے امریکی اور برطانوی حکومتی ادارے بشمول نیشنل ہیلتھ سروسز، ورجن اٹلانٹک اسے کافی عرصے سے استعمال کر رہے ہیں۔

جون 24, 2022
وزیر صحت نے پنجاب میں کرونا وائرس کے 6 کیسز کی تصدیق کردی

لاہور: صوبہ پنجاب کی وزیر صحت یاسمین راشد کا کہنا ہے کہ ڈیرہ غازی خان آنے والے 42 زائرین میں سے 5 مریضوں میں کرونا وائرس کی تصدیق ہوچکی ہے۔

تفصیلات کے مطابق صوبہ پنجاب کے وزیر اطلاعات فیاض الحسن چوہان اور صوبائی وزیر صحت یاسمین راشد نے مشترکہ پریس کانفرنس کی۔

فیاض چوہان کا کہنا تھا کہ 1 روپے کی چیز 100 روپے میں بیچنے والے سن لیں، اللہ پاک کی لاٹھی بے آواز ہے۔ منافع خوری اور ذخیرہ اندوزی کرنے والوں کے خلاف حکومت ایکشن لے گی۔

صوبائی وزیر نے کہا کہ پاکستانی قوم نے دہشت گردی کی جنگ کا مقابلہ کیا اور اسے جیتا، پاکستان کے عوام کرونا وائرس کی جنگ بھی جیتے گی۔ کوئی اس صورتحال میں غیر انسانی اور غیر اخلاقی رویہ اپنائے گا تو بے نقاب ہوگا۔

صوبائی وزیر صحت یاسمین راشد کا کہنا تھا کہ ڈیرہ غازی خان آنے والے زائرین میں 42 میں سے 5 مریضوں میں کرونا وائرس کا ٹیسٹ پازیٹو آیا ہے۔ ڈی جی خان میں 736 مریض قرنطینہ میں ہیں۔ تمام افراد کو قرنطینہ میں رکھنے کا مقصد یہ نہیں کہ سب کرونا سے متاثر ہیں۔

انہوں نے بتایا کہ ڈی جی خان آنے والے دوسرے مرحلے میں 48 افراد کا ٹیسٹ چل رہا ہے، پہلے بیج کے 42 زائرین میں سے 5 کے ٹیسٹ مثبت آئے، میو اسپتال میں کرونا وائرس کا ایک مریض زیر علاج ہے، پنجاب بھر میں کرونا وائرس کے اب تک 6 کیسز ہیں۔

یاسمین راشد کا کہنا تھا کہ پہلے دن سے ایک ہی بات کر رہے ہیں کہ احتیاط لازمی ہے، ہم نے 6 دن پہلے میڈیکل ایمرجنسی نافذ کی۔ لوگوں سے گزارش ہے کہ بلاوجہ گھروں سے باہر نہ نکلیں۔ لوگ صرف ضرورت کی بنیاد پر ہی گھروں سے باہر نکلیں۔ موجودہ صورتحال کو چھٹی نہ سمجھیں یہ مجبوری ہے۔

انہوں نے کہا کہ کرونا وائرس پھیلا تو تمام اسپتالوں کے تمام وارڈز بھر جائیں گے، وائرس کے حوالے سے ہر اسپتال کے اندر الگ وارڈز ہیں۔ سب سے بڑا بوجھ پنجاب پر پڑے گا۔ 12 سو کے قریب مزید زائرین پنجاب واپس آرہے ہیں۔

مارچ 17, 2020
ٹرمپ سے ملاقات کے بعد غیرملکی عہدیدار میں کروناوائرس کی تصدیق

براسیلیا: امریکی صدر ڈونلڈ ٹرمپ سے ملاقات کے بعد برازیلین عہدیدار کروناوائرس کا شکار ہوگیا۔

تفصیلات کے مطابق حکومت نے برازیلین عہدیدار فیبیوونگرٹرن میں کروناوائرس کی تصدیق کردی۔ انہوں نے 7 مارچ کو امریکی ریاست فلوریڈا میں امریکی صدر ڈونلڈ ٹرمپ سے ملاقات کی تھی۔

فیبیوونگرٹرن نے امریکی صدر کے ساتھ عشائیے میں شرکت کی تھی۔ بعد ازاں برازیلین عہدیدار نے ٹرمپ سے ملاقات کی تصویر بھی سوشل میڈیا پر شیئر کی تھی۔

خیال رہے کہ مذکورہ عہدیدار نے برازیل کے صدر جے بولسرنارو کے ہمراہ فلوریڈا کا خصوصی دورہ کیا تھا۔ اس دوران انہوں نے اعلیٰ حکام سے ملاقاتیں بھی کیں۔

دریں اثنا امریکی صدر ڈونلڈ ٹرمپ کی بیٹی ایوانکا ٹرمپ نے سماجی رابطے کی ویب سائٹ انسٹاگرام پر دونوں ممالک کے صدور کی تصویر شیئر کرتے ہوئے نیک تمناؤ کا اظہار بھی کیا تھا۔

فیبیوونگرٹرن میں کروناوائرس کی تصدیق کے بعد دیگر اعلیٰ حکام کو خدشہ لاحق ہوگیا ہے۔ البتہ حکومت ملک میں کروناوائرس کو روکنے کے لیے ہرممکن اقدامات کررہی ہے۔

مارچ 12, 2020
متحدہ عرب امارات سے خوش خبری آگئی

ابوظہبی: متحدہ عرب امارات میں کروناوائرس سے متاثر ہونے والے مزید دو افراد صحت یاب ہوگئے۔

اماراتی خبررساں ادارے کی رپورٹ کے مطابق چین سے پھیلنے والا جان لیوا کروناوائرس آہستہ آہستہ پوری دنیا تک پہنچ رہا ہے، تاہم متحدہ عرب امارات میں مہلک وائرس سے متاثر ہونے والے دو افراد شفایاب ہوچکے ہیں۔

اماراتی محکمہ صحت کا کہنا ہے کہ ملک میں مجموعی طور پر 8 مریض کرونا وائرس کا شکار تھے جن میں تین کا مکمل علاج کیا جاچکا ہے جبکہ دیگر افراد کو طبی امداد فراہم کی جارہی ہے۔ قبل ازیں ایک چینی مریضہ بھی مکمل شفایاب ہوئی تھی۔

حال ہی میں صحت یاب ہونے والے دونوں مریضوں کا تعلق بھی چین سے ہے جن میں سے ایک کی عمر41 سال ہے جبکہ دوسرا اس کا بیٹا ہے جس کی عمر8 سال ہے۔

مصر میں بھی کورونا وائرس کا پہلا کیس سامنے آگیا

محکمہ صحت نے عزم کا اظہار کیا ہے کہ دیگر مریض بھی جلد صحت یاب ہوجائیں گے جبکہ خطرناک وائرس کا یو اے ای میں علاج ہونا اس کا ثبوت ہے کہ ہمارے ہاں صحت کے خدمات عالمی معیار کے ہیں۔

خیال رہے کہ چین کے شہر ووہان سے پھیلنے والے مہلک کورونا وائرس (COVID-19) کی ہلاکت خیزی جاری ہے، وائرس سے چین کے اندر مجموعی ہلاکتوں کی تعداد 1500 سے بھی بڑھ گئی، جب کہ کرونا وائرس کے مزید 14886 نئے کیسز رپورٹ ہو گئے ہیں، وائرس سے متاثر ہونے والے افراد کی تعداد 60 ہزار سے زائد ہوچکی ہے۔

فروری 15, 2020
امریکی وزیر دفاع نے حمزہ بن لادن کے مارے جانے کی تصدیق کردی

واشنگٹن : امریکی وزیر دفاع مارک اسپر نے القاعدہ کے بانی اسامہ بن لادن کے صاحبزادے حمزہ بن لادن کی ہلاکت کی تصدیق کی ہے۔

تفصیلات کے مطابق امریکی ٹی وی کو دیے گئے ایک انٹرویو میں امریکی وزیر دفاع کا کہنا تھا کہ حمزہ بن لادن کو ایک کارروائی میں ہلاک کر دیا گیاہے،انہوں نے اس حوالے سے مزید تفصیل بتانے سے گریز کیا اور کہا کہ جب میرے پاس اس کیس کی تفصیلات نہیں تھیں، جب تفصیلات آئیں تو میں یقین سے نہیں کہہ سکتا تھا کہ ان کے بارے میں آپ کو کس حد مطلع کروں۔

خیال رہے کہ اگست کے اوائل میں امریکی ذرائع ابلاغ نے بتایا تھا کہ حمزہ بن لادن کو گذشتہ دو سال کے دوران امریکا اور دوسرے ملکوں کی مشترکہ کارروائی میں ہلاک کیا گیا ہے۔

امریکی انٹیلی جنس اداروں کے اہلکاروں نے اس کی تصدیق کی تھی تاہم صدر ڈونلڈ ٹرمپ اور وائٹ ہاؤس کے سینیر عہدیدار اس حوالے سے خاموش تھے اور انہوں نے حمزہ بن لادن کے قتل کی تصدیق یا تردید نہیں کی۔

صدر ٹرمپ نے اس حوالے سے صحافیوں کے سوالوں کے جواب میں صرف اتنا کہا تھا کہ وہ اس پر کوئی تبصرہ نہیں کرنا چاہتے۔

امریکی وزارت خارجہ کے مطابق حمزہ بن لادن اسامہ کی تین بیگمات میں 20 بچوں اور بچیوں میں 15 ویں نمبر پر تھا اور اس کی عمر تیس سال تھی،حمزہ بن لادن کو اسامہ بن لادن کے قتل کے بعد ان کے جانشین کے طور پر دیکھا جا رہا تھا، القاعدہ کے حلقوں میں حمزہ کو ‘ولی عہد جہاد’ قرار دیا جاتا رہا ہے۔

حمزہ نے مئی 2011ءکو ایبٹ آباد میں امریکی کارروائی میں اسامہ بن لادن کی ہلاکت کے بعد متعدد آڈیو اور ویڈیو پیغامات جاری کیے جن میں اپنے والد کے قتل کا امریکا سے بدلہ لینے کا مطالبہ کیا گیا تھا۔

اگست 23, 2019
چین میں برطانوی قونصل خانے کا اہلکار گرفتار، چینی حکومت کی تصدیق

بیجنگ: چین نے برطانیہ کے ایک قونصل خانے کے ایک اہلکار کی ہانگ کانگ میں گرفتاری کی تصدیق کر دی ہے، چینی وزارت خارجہ کا کہنا ہے کہ سرحدی شہر شین زن میں ایک قانون کی خلاف ورزی کرنے پر گرفتار کیا گیا ہے۔

غیرملکی خبررساں ادارے کے مطابق چینی وزارت خارجہ نے کہاکہ اس برطانوی سفارتی اہلکار کو سرحدی شہر شین زن میں ایک قانون کی خلاف ورزی کرنے پر گرفتار کیا گیا۔

غیر ملکی خبر رساں ادارے کا کہنا تھا کہ ایسی اطلاعات بھی ہیں کہ برٹش قونصلیٹ کا یہ اہلکار شین زن میں ایک کاروباری ملاقات کے لیے گیا ہوا تھا۔

برطانیہ نے اس گرفتاری پر گہری تشویش کا اظہار کیا ہے۔ برطانوی اخبار گارڈین کے مطابق یہ اہلکار گزشتہ دو ہفتوں سے لاپتہ تھا اور اس نے اپنی دوست کو آخری پیغام یہ بھیجا تھا کہ وہ سرحد عبور کرتے ہوئے ہانگ کانگ جا رہا تھا۔

برطانوی دفتر خارجہ کے ترجمان کا کہنا ہے کہ ہمیں اپنے ملازم کی گرفتاری پر شدید تشویش ہے جسے شینزن سےہانگ کانگ لوٹتے ہوئے گرفتار کیا گیا تھا۔

ان کا کہنا تھا کہ ہم سائمن چینگ کے اہلخانہ کی مکمل معاونت کریں گے اور چینی حکام نے مزید معلومات حاصل کرنے کی کوشش کریں گے

اگست 22, 2019