ARYNews.tv | Urdu – Har Lamha Bakhabar

Tag: تصدیق

  • ایرانی نژاد فرانسیسی خاتون اسکالر گرفتار، میکرون کا اظہار تشویش

    ایرانی نژاد فرانسیسی خاتون اسکالر گرفتار، میکرون کا اظہار تشویش

    تہران : ایرانی وزارت انصاف نے خاتون اسکالر فاریبہ عادل کی گرفتاری پر مؤقف اختیار کیا ہے کہ ’عدالتی کارروائی شروع ہونے کے ساتھ ساتھ مزید معلومات عام کی جائیں گی‘۔

    تفصیلات کے مطابق ایرانی حکومت نے ایک ایرانی نڑاد فرانسیسی خاتون اسکالر فاریبہ عادل خواہ کو گرفتار کر لیا ہے، تہران حکومت نے گرفتاری کی تصدیق کرتے ہوئے مزید تفصیلات ظاہر نہیں کیں۔

    غیرملکی خبررساں ادارے کے مطابق ایرانی وزارت انصاف کے ترجمان نے بتایاکہ عدالتی کارروائی شروع ہونے کے ساتھ ساتھ مزید معلومات عام کی جائیں گی۔

    غیر ملکی خبر رساں ادارے کا کہنا تھا کہ حراست میں لی گئی ساٹھ سالہ خاتون اسکالر انتھروپولوجسٹ یا ماہر بشریات ہیں۔

    فرانسیسی صدر ایمانویل ماکروں نے ان کی گرفتاری پر تشویش ظاہر کی ہے، فرانسیسی وزارت خارجہ نے فاریبہ عادل خواہ کی گرفتاری کے حوالے سے تہران حکومت سے معلومات بھی طلب کی ہیں۔

    ایران میں قید برطانوی شہری نے 15 روز بعد بھوک ہڑتال ختم کردی

    واضح رہے کہ اس سے قبل ایرانی  حکام کی جانب سے ایرانی نژاد برطانوی خاتون نازنین زعزی کو بھی گرفتار کیا جاچکا ہے، جو ابھی تک ایرانی جیل میں قید ہیں۔

    برطانوی شہری کو سپاہِ پاسداران انقلاب نے اپریل 2016ءمیں تہران کے ہوائی اڈے سے گرفتار کیا تھا، وہ اس وقت اپنی بائیس ماہ کی بچی گبریلا کے ہمراہ ایران میں اپنے خاندان سے ملنے کے بعد واپس برطانیہ جارہی تھیں۔

  • نیوزی لینڈ سانحہ : دوپاکستانیوں کی شہادت کی تصدیق ان کے اہل خانہ نے کردی

    نیوزی لینڈ سانحہ : دوپاکستانیوں کی شہادت کی تصدیق ان کے اہل خانہ نے کردی

    ایبٹ آباد : نیوزی لینڈ میں دہشت گردی کے واقعے میں اب تک دو پاکستانیوں کے شہید ہونے کی اطلاع موصول ہوئی ہے، نعیم اور طلحہ کا تعلق ایبٹ آباد سے تھا جس کی تصدیق ان کے اہل خانہ نے کردی ہے۔

    تفصیلات کے مطابق کرائسٹ چرچ کی دو مساجد میں ہونے والے اندوہناک سانحے میں دو پاکستانیوں کے شہید ہونے کی اطلاع موصول ہوئی ہے۔

    کرائسٹ چرچ کی مساجد میں فائرنگ سے شہید نعیم اور طلحہ کا تعلق ایبٹ آباد سے تھا، اس حوالے سے شہداء کئے اہل خانہ نے تصدیق بھی کردی ہے۔

    شہید نعیم راشد کے بھائی ڈاکٹر خورشید نے بتایا ہے کہ نعیم راشد میرے بھائی اور طلحہ میرا بھتیجا ہے، نعیم راشد ٹیچر تھے جو تدریس کے سلسلے میں وہاں موجود تھے جبکہ میرے بھتیجے طلحہ کی بھی دہشت گرد کی فائرنگ سے شہادت ہوئی۔

    مزید پڑھیں: آج کا دن ہماری تاریخ کا سیاہ ترین دن ہے، وزیراعظم نیوزی لینڈ

    یاد رہے کہ نیوزی لینڈ کے علاقے کرائسٹ چرچ میں سفید فام شخص نے دو مساجد پر اُس وقت فائرنگ کی تھی کہ جب وہاں نمازِ جمعہ کی ادائیگی کے لیے مسلمانوں کا اجتماع شروع ہونا تھا۔

    فائرنگ کے واقعے میں 49 مسلمان شہید جبکہ متعدد نمازی شدید زخمی ہوئے، ملزم نے اپنے گھناؤنے عمل کی ویڈیو سوشل میڈیا پر براہ راست نشر کی۔

  • امریکی افواج کے انخلاء کے حکم نامے پر دستخط کی تصدیق ہوگئی

    امریکی افواج کے انخلاء کے حکم نامے پر دستخط کی تصدیق ہوگئی

    واشنگٹن : امریکی حکام نے خانہ جنگی کا شکار ملک شام سے امریکی فوجیوں کے انخلاء کے حکم نامے پر دستخط کرنے کی تصدیق کردی۔

    تفصیلات کے مطابق امریکی حکام نے کہا ہے کہ  شام میں تعینات امریکی فوجیوں کے انخلاء کے حکم نامے پر مستعفی ہونے والے وزیر دفاع جیمز میٹس نے دستخط کیے ہیں۔

    غیر ملکی میڈیا کا کہنا ہے کہ حکم نامے پر امریکی افواج کا شام سے نکلنے کا مکمل شیڈول بھی درج ہے۔

    غیر ملکی خبر رساں ادارے کا کہنا ہے کہ آئندہ چند ہفتوں میں شام سے فوجیوں کی واپسی شروع ہوجائے گی جو چند ہفتے تک جاری رہے گی۔

    یاد رہے کہ کچھ روز قبل امریکی وائٹ ہاؤس نے اعلان کیا تھا کہ شام سے امریکی فوج کی واپسی کا عمل شروع ہوچکا ہے، اور سو دن میں یہ عمل مکمل کرلیا جائے گا۔

    ان کا کہنا تھا کہ ہم نے دنیا کے لیے خطرہ بننے والی دہشت گرد تنظیم داعش کو شام میں بری طرح شکست دے دی۔

    مزید پڑھیں : صدر ٹرمپ سے اختلافات، امریکی وزیر دفاع مستعفی ہوگئے

    شام سے امریکی فوج کے انخلا سے متعلق ٹرمپ کے بیان پر امریکی وزیر دفاع جیمزمیٹس ناراض ہوئے اور اپنے عہدے سے استعفیٰ دے دیا تھا۔

    دوسری جانب امریکی صدر ڈونلڈ ٹرمپ نے خبر کی تصدیق کرتے ہوئے کہا ہے کہ وزیردفاع جیمزمیٹس اگلے سال فروری میں ریٹائر ہوجائیں گے۔

    خیال رہے کہ داعش کے خلاف شام میں صدر باراک اوبامہ نے پہلی مرتبہ سنہ 2014 میں فضائی حملوں کا آغاز کیا تھا اور 2015 کے اواخر میں اپنے 50 فوجی بھیج کر باضابطہ شام کی خانہ جنگی میں حصّہ لیا تھا۔

  • سعودی امداد موصول، تیونسی وزیر اعظم کی تصدیق

    سعودی امداد موصول، تیونسی وزیر اعظم کی تصدیق

    ریاض : سعودی عرب کے حاکم شاہ سلمان نے تیونس کو معاونت کے لیے 83 کروڑ امریکی ڈالر کی امداد دے دی۔

    تفصیلات کے مطابق افریقی ملک تیونس کے وزیر اعظم وفد کے ہمراہ ایک روزہ دورے پر سعودی عرب آئے ہوئے تھے جو شاہ سلمان بن عبدالعزیز سے ملاقات کے بعد واپس اپنے ملک روانہ ہوگئے تھے۔

    عرب میڈیا کا کہنا ہے کہ شاہ سلمان بن عبدالعزیز کی جانب سے تیونس کے وزیر اعظم یوسف شاہد کو تیونس کی مالی معاونت کے لیے 83 کروڑ امریکی ڈالر کی امداد بھی دی گئی۔

    تیونس کے وزیر اعظم نے اپنے بیان میں سعودی عرب کے بادشاہ خادمین الحرمین الشرفین شاہ سلمان کی جانب سے کروڑوں ڈالر امداد دینے کی تصدیق کی۔

    عرب خبر رساں ادارے کا کہنا تھا کہ تیونس کے وزیر اعظم کو شاہ خالد ایئرپورٹ پر سعودی عرب کے اعلیٰ حکام نے الوداع کیا۔

    مزید پڑھیں : محمد بن سلمان کا دورہ تیونس، عرب نیٹو کی تشکیل پر تبادلہ خیال

    خیال رہے کہ گذشتہ ماہ سعودی ولی عہد محمد بن سلمان اتحادی ممالک کے دورے کے آخری مرحلے میں تیونس پہنچے تھے، جہاں انہوں نے تیونسی صدر بیجی قائد السبسی اور دیگر حکومتی اراکین سے ملاقات سے کی تھی۔

    یاد رہے کہ صدر بیجی قائد السبسی اور محمد بن سلمان کے دوران ملاقات میں مشرق وسطیٰ کی صورتحال کے ساتھ ساتھ دفاعی و معاشی تعاون سمیت باہمی دلچسپی کے امور اور عرب نیٹو کی تشکیل پر تبادلہ خیال ہوا تھا۔

  • بورس جانسن نے اہلیہ مرینہ وئیلر سے علیحدگی کی تصدیق کردی

    بورس جانسن نے اہلیہ مرینہ وئیلر سے علیحدگی کی تصدیق کردی

    لندن : برطانیہ کے سابق وزیر خارجہ اور ان کی اہلیہ سے متعلق گردش کرنے والی خبروں کی بورس جانسن نے تصدیق کرتے ہوئے کہا ہے کہ ’بہت جلد ہم قانونی طور پر علیحدہ ہوجائیں گے‘۔

    تفصیلات کے مطابق برطانیہ کے سابق وزیر خارجہ بورس جانسن اور ان کی اہلیہ مرینہ وئیلر نے اپنے علیحدہ ہونے کی تصدیق کرتے ہوئے مشترکہ بیان میں بتایا ہے کہ ’ہم کچھ مہینوں سے علیحدہ ہیں اور بہت جلد ہمارے درمیان طلاق ہونے والی ہے‘۔

    غیر ملکی خبر رساں ادارے کا کہنا تھا کہ سابق وزیر خارجہ اور ان کی اہلیہ کے درمیان گھریلو تنازعے کی خبر برطانوی اخبار ’دی سن‘ نے شائع کی تھی۔

    برطانوی میڈیا کا کہنا ہے کہ بورس جانسن اور مرینہ کی 25 برس قبل شادی ہوئی تھی تاہم انہوں نے علیحدہ ہونے کا فیصلہ کچھ ماہ قبل ہی کیا ہے۔

    مقامی میڈیا کا کہنا تھا کہ تھریسا مے کی بریگزٹ منصوبہ بندی پر بورس جانسن کے کابینہ سے استعفیٰ دینے کے بعد سے انہیں ٹوری پارٹی کا مستقبل کے سربراہ کی حیثیت سے پیش کیا جارہا تھا۔

    شوہر اور اہلیہ نے مشترکہ بیان میں بتایا ہے کہ طلاق کی درخواست منظوری کے مراحل میں ہے، لیکن ہم ایک دوست کی طرح اپنے بچوں کی معاونت جاری رکھیں گے تاہم اس کے علاوہ ہمارے درمیان کوئی تعلق نہیں ہوگا۔

    واضح رہے کہ جانسن اور وئیلر کی شادی سنہ 1993 میں ہوئی تھی اور بورس جانسن کے مرینہ وئیلر سے چار بچے ہیں ’لارا، میلو آرتھر، کاسیہ، تھیوڈور‘جو اپنے والدین کے ساتھ ہی رہتے ہیں۔

    خیال رہے کہ بورس جانسن کچھ دو برس قبل برطانیہ کے وزیر خارجہ منتخب ہوئے تھے، جبکہ اس سے قبل وہ 3 سال یوایس برج کے ایم پی، 8 برس تک لندن کے میئر، 7 سال ہینلی کے ایم پی اور 6 سال تک اسپیکٹر کے ایڈیٹر رہ چکے ہیں۔

  • مہوش حیات نے ’بے نظیر بھٹو‘ بننے کی تصدیق کردی

    مہوش حیات نے ’بے نظیر بھٹو‘ بننے کی تصدیق کردی

    کراچی: مسلم دنیا اور پاکستان کی پہلی خاتون وزیراعظم بے نظیر بھٹو شہید کی زندگی پر بنائی جانے والی فلم میں پاکستانی اداکارہ مہوش حیات مرکزی کردار ادا کریں گی۔

    تفصیلات کے مطابق پاکستانی ڈراما اور فلم انڈسٹری کی اداکارہ مہوش حیات نے بے نظیر بھٹو کی سالگرہ کے موقع پر مداحوں کو خوش خبری سنائی کہ وہ بی بی شہید کی زندگی پر بنائی جانے والی فلم میں جلوہ گر ہوں گی۔

    مہوش حیات نے انسٹاگرام پر ایک تصویر شیئر کی جس میں وہ ایک جھولے میں بیٹھ کر بے نظیر کی کتاب ہاتھ میں لی ہوئی ہیں، انہوں نے ساتھ میں طویل اسٹیٹس بھی لکھا۔

    اداکارہ کا کہنا تھا کہ ’بے نظیر بھٹو کی سالگرہ کا دن ہے اور یہ بہترین وقت ہے کہ ہم اُن کی غیر معمولی کامیابیوں پر نظر ڈالیں کیونکہ انہوں نے ملک میں خواتین کے حقوق اور برابری کے لیے بہت جدوجہد کی‘۔

    مہوش حیات کا کہنا تھا کہ ‘میں کبھی سیاسی شخصیت نہیں رہی مگر بے نظیر کی کاوشوں سے بھی کوئی انکار نہیں، ایک وقت میں انہوں نے خواتین کے اندر یہ جذبہ بھی بیدار کیا کہ کچھ بھی ناممکن نہیں ہے’۔ اداکارہ کا کہنا تھا کہ ’بے نظیر نے ہمارے اندر ستاروں تک پہنچنے کی امید اور حوصلہ پیدا کیا’۔

    ان کا مزید کہنا تھا کہ ’بے نظیر بھٹو واقعی بہترین خاتون تھیں جن کی زندگی کے بارے میں مجھے مزید جاننے کا موقع ملا، میں جلد اُن کی زندگی پر بننے والی کہانی کو پیش کروں گی‘۔

    "We have broken glass ceilings, we have broken the stereotypes, and we have been and continue to be prepared to go the extra mile, to be judged by unrealistic standards, to be held more accountable.” Today would have been Mohtarma Benazir Bhutto’s 65th birthday. It is an ideal time to reflect on her undoubted achievements. I have never really been a political person but leaving that aside there is no denying the great strides she made for women’s empowerment and equality in our country – everything we are still fighting for even today. There was a time when she made women believe that almost anything was possible – she gave us hope and inspired us to reach for the stars. I am privileged to have been given the opportunity to research and learn more about her life and sitting here I can only reflect on so much more that could have been had she not lost her life so tragically. The sign of a true leader is the legacy they leave behind and the reverence with which the people remember her irrespective of party allegiances. She was a truly remarkable woman and I look forward to giving life to her story soon. ☑️ #MH #MehwishHayat #lostinreality

    A post shared by Mehwish Hayat (@mehwishhayatofficial) on

    پروجیکٹ پر کام کب شروع ہوگا اس حوالے سے کوئی تاریخ یا تفصیلات سامنے نہیں آئیں البتہ خبر سامنے آنے کے بعد بے نظیر بھٹو کی بڑی صاحبزادی بختاور بھٹو زرداری نے بغیر اجازت فلم پر اعتراض اٹھادیا۔

    واضح رہے کہ پاکستان پیپلزپارٹی کی سربراہ اور سابق وزیر اعظم بے نظیر بھٹو کو 27 دسمبر 2007 کو روالپنڈی کے لیاقت باغ میں جلسے کے بعد قتل کردیا گیا تھا، خود کش حملے اور فائرنگ کے نتیجے میں 20 دیگر کارکنان بھی جاں بحق ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • چیف جسٹس کا پائلٹس کی ڈگریوں کی تصدیق کرانےکا حکم

    چیف جسٹس کا پائلٹس کی ڈگریوں کی تصدیق کرانےکا حکم

    کراچی : چیف جسٹس آف پاکستان نے ڈی جی سول ایوی ایشن کو پائلٹس کی ڈگریوں کی تصدیق کرانے کا حکم دے دیا۔

    تفصیلات کے مطابق سپریم کورٹ کراچی رجسٹری میں نقیب اللہ قتل کیس کی سماعت کے دوران چیف جسٹس نے ڈی جی سول ایوی ایشن کو پائلٹس کی ڈگریوں سے متعلق طلب کیا۔

    چیف جسٹس نے سماعت کے دوران سول ایوی ایشن حکام سے استفسار کیا کہ یہ بتائیں کہ پائلٹس کے پاس اصلی ڈگریاں ہیں یا جعلی؟ آپ نےنجی طیاروں کےپائلٹوں کی ڈگریوں کی تصدیق کی؟۔

    انہوں نے دوران سماعت ریمارکس دیے کہ ہم ان کی تصدیق کس سے کرائیں۔

    سول ایوی ایشن حکام کی جانب سے جواب دیا گیا کہ پائلٹس کی ڈگریوں کی تصدیق کی ذمہ داری ایئرلائن کی ہوتی ہے، چیف جسٹس نے ایئرلائن، سول ایوی ایشن سے ایک ہفتےمیں جواب طلب کرلیا۔

    چیف جسٹس آف پاکستان میاں ثاقب نثار نے حکم دیا کہ پائلٹس کی ڈگریوں کی تصدیق کرائی جائے۔

    یاد رہے کہ گزشتہ روز سپریم کورٹ نے ڈی جی سول ایوی ایشن سے ایسے پائلٹس کی تفصیلات طلب کی تھیں جن کے خلاف جعلی ڈگری رکھنے پرتحقیقات کی گئیں۔

    واضح رہے کہ دسمبر2012 میں پی آئی اے نے 6 پائلٹس کی ڈگریاں جعلی ہونے پرانہیں ملازمت سے فارغ کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلیسٹک میزائل کاتجربہ‘شمالی کوریاکی تصدیق

    بلیسٹک میزائل کاتجربہ‘شمالی کوریاکی تصدیق

    پیانگ یانگ : شمالی کوریا کےحکام کاکہناہےکہ کم جونگ کی نگرانی میں اتوارکو بلیسٹک میزائل کا کامیاب تجربہ کیاگیا۔

    تفصیلات کےمطابق شمالی کوریا کی سرکاری نیوزایجنسی کے اسی این اے کےمطابق بیلسٹک میزائل زمین سے زمین پردرمیانے اور طویل دوری پرمارکرنےکی صلاحیت رکھتاہے۔

    کےسی این اے کا کہناہےکہ پکگکسونگ 2 نامی میزائل میں جوہری اسلحہ لے جانے کی بھی صلاحیت ہےاور اس کی نگرانی خود کم جونگ ان نے کی ہے۔

    مزید پڑھیں:شمالی کوریا کابلیسٹک میزائل کاتجربہ

    سرکاری ایجنسی نے بتایا کہ پڑوسی ممالک کے پیش نظر میزائل کو اونچےزاویے پرلانچ کیاگیا۔بیلسٹک میزائل میں ٹھوس ایندھن والے انجن کا استعمال ہوا ہے۔

    کم جونگ نے میزائل کے کامیاب تجربے پر خوشی کا اظہار کرتےہوئےکہاکہ اس سے ملک کی طاقت میں مزید اضافہ ہواہے۔

    امریکہ،جاپان اورجنوبی کوریا نےشمالی کوریاکی جانب سے میزائل تجربے پر بات چیت کے لیے اقوام متحدہ کی سیکیورٹی کونسل سے فوری اجلاس کی درخواست کی ہے۔

    مزید پڑھیں:امریکہ جاپان کے ساتھ کھڑا ہے‘ڈونلڈ ٹرمپ

    واضح رہےکہ امریکی صدر ڈونلڈ ٹرمپ نےشمالی کوریا کےمیزائل تجربے پرردعمل کا اظہار کرتے ہوئےکہاکہ امریکہ جاپان کےساتھ کھڑا ہے۔

  • ملااخترمنصور جعلی دستاویزات پرسفر کررہاتھا، مشیرخارجہ

    ملااخترمنصور جعلی دستاویزات پرسفر کررہاتھا، مشیرخارجہ

    اسلام آباد: مشیر خارجہ سرتاج عزیز نے افغان طالبان کے سربراہ ملا اختر منصور کی امریکی ڈرون حملے میں ہلاکت کی تصدیق کر دی۔

    دفتر خارجہ میں صحافیوں کو بریفنگ دیتے ہوئے مشیر خارجہ کا کہنا تھا تمام شواہد اس بات کی تصدیق کرتے ہیں کہ ولی محمد ہی ملا اختر منصور تحا کو شناخت بدل کر سفر کر رہا تھااورحالیہ ڈرون حملے میں ملا اختر منصور کی ہلاکت ہوئی ہے، ڈرون حملے میں ملنے والے تمام اشارے ملا اختر منصور کی جانب ہیں۔

    انہوں نے کہا کہ علم نہیں کہ ایرانی حکام کو ملا اختر منصور کی بطور ولی محمد ایران موجودگی سے واقف تھے یا نہیں۔ہم ملا اختر منصور کے ڈی این اے ٹیسٹ کے نتائج کا انتظار کر رہے ہیں ملا اختر منصورایک جعلی نام سے سفر کر رہا تھا لہذا یہ کہنا غلط ہو گا کہ ہماری ایجنسیوں کو اس کے حوالے سے معلومات تھیں۔

    مشیر خارجہ نے کہا کہ ڈرون حملہ پاکستان کی سالمیت کی خلاف ورزی ہے۔2001سے 390ڈرون حملے ہوئے۔2010 سے2012میں اوسط 70سے 80ڈرون حملے ہوتے تھے۔ہماری پریس ریلیز میں یہ چیز واضح تھی کہ ڈرون حملہ سے قبل پاکستان کو اعتماد میں نہیں لیا گیا۔

    ان کا کہنا تھا کہ جولائی 2015 کو طالبان اور افغان حکومت کے مزاکرات ملا عمر کی ہلاکت کی خبر سے متاثر ہوئے۔ہمارے جن لوگوں کے طالبان سے رابطے تھے ان کو اشارے تھے کہ افغان طالبان مزاکرات کی میز پرآجائیں گے،طالبان کی نئی قیادت کے سامنے آنے کے بعد جائزہ لیا جائے گا کہ مزاکرات کیسے آگے بڑھیں گے۔

    مشیر خارجہ نے کہا کہ حالیہ ڈرون حملے نے افغان امن عمل کو بری طرح متاثر کیا ہے اور یہ ڈرون حملہ افغان امن عمل کے مقاصد کی خلاف ورزی ہے۔ہمارے حکومت میں آنے کے بعد ڈرون حملوں میں کمی میں کامیابی ہوئی،افغانستان میں امن عمل کے لیے کیو سی جی ممالک اپنی اپنی امن مزاکرات کی کوشیشیں جاری رکھیں گے۔ کیو سی جی میں امریکی تعاون بہت اہم ہے۔

    پاکستان میں مقیم افغان مہاجرین کی موجودگی پر مشیر خارجہ کا کہنا تھا کہ پاکستان میں بڑے پیمانے پر افغان مہاجرین کی موجودگی پاکستان کی سلامتی کے لئے خطرہ ہے،انہوں نے کہا کہ ایران نے تردید کی اس وجہ یہ تھی کہ ملا اختر منصور دوسرے نام سے سفر کر رہا تھا۔ملا اختر منصور کی پاکستان آمد ایک جعلی نام سے تھی۔ڈرایور کی کمپنی مقامی تھی تو لاش لواحقین کے حوالےکر دی گئی،ملا اختر منصور کی نعش کسی کے حوالے نہیں کی گئی۔

    سرتاج عزیز نے کہا کہ چینی سی پیلک علاقائی منسلکی کا ایک ذریعہ ہے اسی طرح جاہ بہار بھی علاقائی رابطے کا منصوبہ ہےپاکستان ایران اور پاکستان افغانستان تجارت مزید مضبوط ہو گی،پاکستان چاہ بہار کو علاقائی منسلکی کا منصوبہ سمجھتا ہے۔

  • احمد شہزاد نے پی سی بی کی جانب سے پاسپورٹ مانگنے کی خبر کی تصدیق کردی

    احمد شہزاد نے پی سی بی کی جانب سے پاسپورٹ مانگنے کی خبر کی تصدیق کردی

    اسلام آباد: احمد شہزاد نے پی سی بی کی جانب سے پاسپورٹ مانگنے کی خبر کی تصدیق کردی، کہتے ہیں برا وقت ضرور ہے مگر ہمیں کپتان اور منیجمنٹ کو سپورٹ کرنا چاہیے، بنگلادیش میں کنڈیشن بیٹنگ کے لیے آسان نہیں تھی۔

    اسلام آباد میں میڈیا سے گفتگو کرتے ہوئے احمد شہزاد نے کہا کہ ایشیاء کپ کے دوران بنگلہ دیش میں پچ کنڈیشن بیٹنگ کے لیے آسان نہیں تھیں،، بیٹسمین بھی کنڈیشنز کو نہ سمجھ سکے۔

    احمد شہزاد نے تصدیق کی کہ پی سی بی نے ان سے ٹی ٹونٹی ورلڈ کپ کے لئے پاسپورٹ مانگا ہے،اوپننگ بلے باز کا کہنا تھا کہ اچھا برا وقت ہر ٹیم پر آتا ہے آگے ورلڈکپ ہے ہمیں اپنے کپتان اور منیجمنٹ کو سپورٹ کرنا چاہیے۔

    احمد شہزاد کو ورلڈ ٹی ٹوئنٹی اور ایشیا کپ کی ٹیم سے ڈراپ کردیا گیا تھا، مگر اب ان کی واپسی کے امکانات روشن ہیں۔