ARYNews.tv | Urdu – Har Lamha Bakhabar

Tag: تصویر وائرل

  • مریم نفیس اپنے ننھے بیٹے کے ہمراہ گراؤنڈ پہنچ گئیں، تصویر وائرل

    مریم نفیس اپنے ننھے بیٹے کے ہمراہ گراؤنڈ پہنچ گئیں، تصویر وائرل

    پاکستان شوبز انڈسٹری کی معروف اداکارہ مریم نفیس اپنے ننھے بیٹے کے ہمراہ پی ایس ایل دیکھنے گراؤنڈ پہنچ گئیں جس کی تصویر وائرل ہوگئی۔

    فوٹو اینڈ شیئرنگ ایپ انسٹاگرام پر پاکستان سپر لیگ کی فرنچائز اسلام آباد یونائیٹڈ نے چند تصویر شیئر کی ہے جس میں اداکارہ کو اپنے بیٹے اور شوہر کے ہمراہ دیکھا جاسکتا ہے۔

     

    View this post on Instagram

     

    A post shared by Red Hot Sheru (@redhotsheru)

    تصویر میں مریم نفیس کے ساتھ ان کے قریبی دوست قومی کرکٹر اور پاکستان سپر لیگ کی فرنچائز اسلام آباد یونائیٹڈ کے کھلاڑی اعظم خان کو بھی دیکھا جا سکتا ہے۔

    سوشل میڈیا پر وائرل تصویر میں اداکارہ مرین نفیس کو شوہر کے ساتھ سیاہ رنگ کے لباس میں ٹوئننگ کرتے ہوئے دیکھا جاسکتا ہے۔

    مریم نفیس نے اس دوران سیاہ کپڑے کی مدد سے اپنا ننھا سا بیٹا منفرد انداز میں اپنی کمر کے ساتھ باندھا ہوا ہے جسے مداح دیکھ کر ان کے اس انداز کی تعریفیں کر رہے ہیں۔

    سوشل میڈیا پر جاری مریم نفیس کی فیملی کی تصاویر لاہور قلندرز اور اسلام آباد یونائیٹڈ کے میچ کے بعد لی گئی ہے جبکہ اس میچ میں اسلام آباد کی ٹیم کو شکست کا سامنا کرنا پڑا تھا۔

  • اداکارہ سائرہ یوسف نے اپنی 37ویں سالگرہ کس کے ساتھ منائی؟ تصویر وائرل

    اداکارہ سائرہ یوسف نے اپنی 37ویں سالگرہ کس کے ساتھ منائی؟ تصویر وائرل

    پاکستان شوبز انڈسٹری کی معروف اداکارہ سائرہ یوسف نے حال ہی میں بیٹی نورے شہروز کے ساتھ اپنی 37 ویں سالگرہ منائی ہے۔

    فوٹو اینڈ شیئرنگ ایپ انسٹاگرام پر پاکستان شوبز انڈسٹری کی معروف اداکارہ سائرہ یوسف کی بیٹی نورے اور صدف کنول کی بیٹی کے ہمراہ ایک تصویر وائرل ہورہی ہے۔

     

    View this post on Instagram

     

    A post shared by Nooreh Syra Shahroz (@noorehshahroz)

    تصویر میں پاکستانی شوبز انڈسٹری کی صفِ اول کی اداکارہ اور ماں کے خوبصورت رُوپ کی عکاس سائرہ یوسف کو اپنی بیٹی اور صدف کنول کی بیٹی کے ساتھ کیک کاٹتے ہوئے دیکھا جاسکتا ہے۔

    سالگرہ کی یہ خوشگوار تقریب انسٹاگرام پر نورے شہروز کے آفیشل اکاؤنٹ سے شیئر کی گئی جس میں ماں اور بیٹی اور چھوٹی بہن کو خوشگوار انداز میں دیکھا جاسکتا ہے۔

    یاد رہے کہ سائرہ یوسف نے 2012 میں معروف اداکار اور ماڈل شہروز سبزواری سے شادی کی تھی جو پاکستانی لیجنڈ اداکار بہروز سبزواری کے بیٹے ہیں۔

     

    View this post on Instagram

     

    A post shared by Nooreh Syra Shahroz (@noorehshahroz)

    سائرہ اور شہروز کی ایک بیٹی ہے نورے، جو دونوں کے درمیان تعلق کی سب سے خوبصورت یادگار ہے تاہم یہ رشتہ 2019 میں علیحدگی اور 2020 میں طلاق پر ختم ہوا۔

    شہروز سبزواری نے بعد ازاں 2022 میں معروف پاکستانی ماڈل و اداکارہ صدف کنول سے شادی کی، جو اب صدف سبزواری کہلاتی ہیں، اس جوڑے کی ایک بیٹی بھی ہے جس کا نام سیدہ زہرا سبزواری ہے۔

    دوسری جانب ’صنفِ آہن‘ میں اپنی اداکاری سے ناظرین کے دل جیتنے والی سائرہ یوسف تاحال سنگل زندگی گزار رہی ہیں اور اپنی بیٹی کے ساتھ خوش و خرم نظر آتی ہیں۔

     

    View this post on Instagram

     

    A post shared by Syra Yousuf (@syrayousuf)

    یاد رہے کہ سائرہ یوسف نے اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں اداکاری کے جوہر دکھائے تھے جسے مداحوں کی جانب سے سراہا گیا تھا۔

  • شہریار منور نے شادی کے فوائد گِنوا دیے، تصویر وائرل

    شہریار منور نے شادی کے فوائد گِنوا دیے، تصویر وائرل

    پاکستان شوبز انڈسٹری کے معروف اداکار شہریار منور صدیقی نے سوشل میڈیا پر اپنی تصویر شیئر کی ہے۔

    حال ہی میں شادی کے بندھن میں بندھے والے شہریار منور صدیقی اپنی اہلیہ ماہین صدیقی کے ساتھ خوشگوار زندگی گزارنے میں مصروف ہیں اب اداکار  شادی کے فوائد گنواتے نظر آ رہے ہیں۔

    فوٹو اینڈ شیئرنگ ایپ انسٹاگرام پر شہریار منور نے اپنی ایک تصویر شیئر کی ہے جس میں انہیں ایک ہوٹل میں پوز دیتے ہوئے دیکھا جاسکتا ہے۔

    اداکار نے تصویر شیئر کرتے ہوئے کیپشن میں لکھا کہ شادی کرنے کا فائدہ نمبر 11،  ناشتے کی میز پر آپ کی تصویر بنانے کے لیے ’کوئی‘ مل جاتا ہے۔

    اداکار شہریار کی اس پوسٹ میں ’کوئی‘ سے مراد ان کی اہلیہ ماہین صدیقی ہیں جنھوں نے ناشتے کی میز پر یہ تصویر بنائی، اداکار کی اس پوسٹ کو مداحوں کی جانب سے پسند کیا جارہا ہے اور صارفین نے جوڑے کے لیے نیک تمناؤں کا اظہار بھی کیا۔

    واضح رہے کہ گزشتہ سال اداکار شہریار منور اور  اداکارہ ماہین صدیقی بڑی دھوم دھام سے شادی کے بندھن گئے، ان کی شادی کی رنگا رنگ تقریبات میں روایتی رسومات کی ادائیگی کے ساتھ ساتھ رقص اور موسیقی کی محافل بھی منعقد کی گئی تھیں۔

  • بابا صدیقی کے قاتل نے گزشتہ ماہ سوشل میڈیا پر کیا لکھا تھا؟ تصویر وائرل

    بابا صدیقی کے قاتل نے گزشتہ ماہ سوشل میڈیا پر کیا لکھا تھا؟ تصویر وائرل

    ممبئی : بھارتی سیاستدان اور سابق رکن پارلیمنٹ مقتول بابا صدیقی کو قتل کرنے والے شوٹر ملزم شیو کمار گوتم کی سوشل میڈیا پر تصویر کا کیپشن وائرل ہوگیا۔

    بابا صدیقی کے قاتل نے واردات سے تقریباً ڈھائی ماہ قبل انسٹاگرام پر کیپشن کے ساتھ ایک تصویر شیئر کی تھی، جو سوشل میڈیا پر زیرگردش ہے۔

    بھارتی میڈیا کے مطابق بابا صدیقی پرفائرنگ کرنے والے تین حملہ آوروں 23 سالہ گرمل بلجیت سنگھ ، 19 سالہ دھرم راج کشیپ اور شیوکمار گوتم نے بابا صدیقی کو قتل کیا، گرمل بلیجت اور راج کشیب کو گرفتار کرلیا گیا ہے جبکہ تیسرے ملزم شیوکمار گوتم کی تلاش جاری ہے۔

    انسٹاگرام پوسٹ

    بھارتی میڈیا رپورٹس کے مطابق مفرور ملزم شیو کمار گوتم نے انسٹاگرام پر واقعے سے 80 روز قبل ایک تصویر پر کیپشن لکھا تھا جو اب وائرل ہورہا ہے۔

    تصویر میں شیو کمار موٹرسائیکل کے سہارے کھڑا ہے اور تصویر کے کیپشن میں درج ہے ‘یار تیرا گینگسٹر ہے جانی’۔ شیو کمار گوتم کی جانب سے یہ پوسٹ 24 جولائی کو انسٹاگرام پر شیئر کی گئی۔

    واضح رہے کہ 3 مرتبہ رکن پارلیمنٹ رہنے والے ریاست مہاراشٹرا کے سابق وزیر اور نیشنلسٹ کانگریس پارٹی کے رہنما 66 سالہ بابا صدیقی کو ہفتے کے روز ان کے بیٹے کے دفتر سے باہر نکلتے ہوئے فائرنگ کر کے قتل کردیا گیا تھا۔

    بابا صدیقی کا قاتل

    بابا صدیقی بالی ووڈ اسٹارز سے دوستیوں اور ان کو دی جانے والی دعوتوں کے حوالے سے کافی شہرت رکھتے تھے، بابا صدیقی کی جانب سے بالی ووڈ اداکاروں کو ہر سال ماہ رمضان میں افطار پارٹی پر مدعو کیا جاتا تھا۔

    مزید پڑھیں : بابا صدیقی کے قتل کا منصوبہ کب اور کیسے بنایا؟ اہم انکشافات

    بابا صدیقی کے قتل کی ذمہ داری ماضی میں اداکار سلمان خان پر حملہ کرنے والے لارنس بشنوئی گینگ نے قبول کی ہے، اس سلسلے میں پولیس نے حملہ کرنے والے 3 میں سے 2 شوٹرز کو گرفتار کرلیا ہے۔

  • فواد خان کی بھارتی اداکارہ وانی کپور کیساتھ رومانٹک کامیڈی فلم کی تصویر وائرل

    فواد خان کی بھارتی اداکارہ وانی کپور کیساتھ رومانٹک کامیڈی فلم کی تصویر وائرل

    پاکستان شوبز انڈسٹری کے معروف اداکار و ماڈل فواد خان کی بھارتی اداکارہ وانی کپور کے ساتھ رومانوی تصویر وائرل ہوگئی۔

    پاکستان ڈرامہ و فلم انڈسٹری میں اپنی اداکاری سے مداحوں کے دل میں جگہ بنانے والے اداکار فواد خان کی انتہائی متوقع بالی ووڈ میں واپسی کے حوالے سے تصدیق ہوگئی، پاکستانی اداکار بھارتی اداکارہ وانی کپور کے ساتھ اسکرین شیئر کرنے کے لیے تیار ہیں۔

     

    View this post on Instagram

     

    A post shared by Galaxy Lollywood (@galaxylollywood)

    گزشتہ کئی ماہ سے فواد خان کی اداکارہ وانی کپور کے ساتھ فلم کے چرچے ہورہے ہیں تاہم اسی کے دوران فواد خان اور وانی کپور کی رومانوی تصویر نے سوشل میڈیا پر تہلکہ مچا دیا ہے۔ سوشل میڈیا پر وائرل ہونے والی اس تصویر میں فواد خان سفید شرٹ پہنے سبز گھاس پر لیٹے ہوئے ہیں جبکہ ان کے کندھے پر وانی کپور آنکھیں بند اور چہرے پر مسکراہٹ سجائے لیٹی ہوئی ہیں۔

    بھارتی میڈیا رپورٹس کے مطابق فواد خان اور بالی ووڈ اداکارہ وانی کپور نے لندن میں اپنے آنے والی رومانوی کامیڈی فلم ’عبیر گلال‘ کی شوٹنگ کا باضابطہ آغاز کر دیا ہے، فلم میں دونوں بطور جوڑی نظر آئیں گے۔

    فواد خان کی بھارتی اداکارہ وانی کپور کیساتھ رومانٹک کامیڈی فلم کی تصویر وائرل

    بھارتی میڈیا کے مطابق فلم عبیر گلال کی ہدایتکاری کے فرائض آرتی بگدی نبھائیں گی جس کی کہانی کے حوالے سے انہوں نے انکشاف کیا کہ فلم میں دو لوگ  انجانے میں ایک دوسرے کے زخم پر مرہم رکھنے کا کام کریں گے اور یہی  انکے درمیان محبت ہوجانے کی وجہ بنے گا۔

    بھارتی میڈیا کا کہنا ہے کہ لندن میں فلم میں شوٹنگ کا آغاز 28 ستمبر کو ہوا، کاسٹ اور عملہ 10 نومبر تک لندن میں شوٹنگ کرے گا، اس دوران اداکارہ و ڈانسر ملائکہ اروڑہ اور ردھی ڈوگرا لندن میں ٹیم کو جوائن کریں گے، اس کے بعد فواد خان پاکستان واپس آجائیں گے جب کہ فلم کی ٹیم ممبئی میں ایک ہفتے تک شوٹنگ دوبارہ شروع کرے گی۔

  • عامر خان کی بہن کے ہمراہ پوچا کرنے کی تصویر وائرل

    عامر خان کی بہن کے ہمراہ پوچا کرنے کی تصویر وائرل

    ممبئی: بالی وڈ سپر اسٹار عامر خان کی اپنی بہن نکہت اور ان کے شوہر سنتوش کے ساتھ گنیش چتورتھی کے موقع پر پوجا کی تصاویر سامنے آئی ہیں۔

    بھارتی میڈیا کے مطابق اداکار عامر خان نے حال ہی میں اپنی بہن نکہت اور ان کے شوہر سنتوش ہیگڈے کے ساتھ ممبئی کی رہائش گاہ پر تہوار منائی ہے جس کی تصویر سوشل میڈیا پر وائرل ہے۔

    وائرل ہونے والی تصویر مین اداکار عامر خان کو اپنی بہن کے گھر پر روایتی رسومات میں حصہ لیتے ہوئے دیکھا گیا، اس تقریب میں عامر خان نے روایتی لباس میں شرکت کی۔

    واضح رہے کہ اداکار عامر خان اپنی آنے والی فلم ’ستارے زمین پر‘ کی تیاری میں مصروف ہیں، جس میں وہ جنیلیا دیشمکھ کے ساتھ اداکاری کرتے نظر آئیں گے۔

    عامر خان اس فلم کو خود ہی پروڈیوسر کررہے ہیں، جو ان کی پروڈکشن کمپنی ’عامر خان پروڈکشنز‘ کے بینر تلے بن رہی ہے، یہ فلم 25 دسمبر کو ریلیز ہوگی۔

  • شان شاہد کی بیٹی کے ہمراہ ارشد ندیم سے ملاقات، تصویر وائرل

    شان شاہد کی بیٹی کے ہمراہ ارشد ندیم سے ملاقات، تصویر وائرل

    پاکستانی فلم انڈسٹری کے معروف اداکار شان شاہد نے پیرس اولمپکس 2024 میں سونے کا تمغہ جیتنے والے اولمپئین ارشد ندیم سے ملاقات کی تصویر شیئر کی ہے۔

    فوٹو اینڈ شیئرنگ ایپ انسٹاگرام پر اداکار شان شاہد نے ارشد ندیم سے ملاقات کی تصویر پوسٹ کی جس میں اُن کے ہمراہ اداکار کی بیٹی بہشت بھی موجود ہے۔

     

    View this post on Instagram

     

    A post shared by Shaan Shahid (@official.shaanshahid)

    شان شاہد کی بیٹی کے ہمراہ ارشد ندیم سے ملاقات کی تصویر کھیل کے کسی گراؤنڈ کی ہے، پوسٹ میں اداکار نے ارشد ندیم سے مخاطب ہوتے ہوئے کہا کہ بھائی! ہم سب کو آپ پر فخر ہے، میری بیٹی بہشت اور میں ہمارے چیمپئین کے ساتھ۔

    پیرس اولمپکس میں ریکارڈ بنانے اور پاکستان کو پہلا انفرادی گولڈ میڈل جتوانے والے جیولن ہیرو ارشد ندیم کی ہر جگہ ستائش کی جا رہی ہے۔ ان کی وطن آمد پر ان کا شایان شان استقبال کیا گیا۔

    واضح رہے کہ ارشد ندیم نے پیرس اولمپکس کے نیزہ بازی مقابلے میں 92.97 میٹر کی ریکارڈ تھرو کرکے پاکستان کے لیے سونے کا تمغہ جیتا تھا۔

    ارشد ندیم نے نہ صرف اولمپک کا 118 سالہ ریکارڈ توڑا بلکہ انفرادی حیثیت میں میں پاکستان کو پہلا گولڈ میڈل جتوایا جب کہ اس میڈل کے ساتھ ہی پاکستان کا 32 سالہ میڈل کا قحط بھی ختم ہوا۔

    اس سے قبل 1992 اولمپکس میں ہاکی میں پاکستان نے آخری بار کانسی کا تمغہ جیتا تھا جب کہ 1984 کے اولمپکس میں پاکستان نے ہاکی میں گولڈ میڈل حاصل کیا تھا۔

  • درفشاں سلیم نے ساتھی فنکار کے مشورے کو سنجیدہ لے لیا، تصویر وائرل

    درفشاں سلیم نے ساتھی فنکار کے مشورے کو سنجیدہ لے لیا، تصویر وائرل

    پاکستان شوبز انڈسٹری کی معروف اداکارہ درفشاں سلیم نے اپنے ساتھی فنکار کے مشورے کو سنجیدہ لے لیا۔

    پاکستان شوبز انڈسٹری کی معروف اداکارہ درفشاں سلیم نے فوٹو اینڈ شیئرنگ ایپ انسٹاگرام اسٹوری پر تصویر جاری کی جس میں اداکارہ ورک آؤٹ کرتے نظر آرہی ہیں۔

    اداکارہ کی اسٹوری میں دو تصاویر کا کلاج دیکھا جاسکتا ہے جن میں سے ایک میں درِفشاں مسکرا رہی ہیں جبکہ دوسری تصویر میں وہ سنجیدہ کھڑی ہیں۔

     

    View this post on Instagram

     

    A post shared by Durefishan Saleem (@durefishans)

    واضح رہے کہ ایک نجی ٹی وی کے شو کے دوران درِ فشاں سلیم کے ساتھی اداکار علی گُل ملاح نے ایک سوال کے جواب میں اداکارہ کو وزن کم کرنے کا مشورہ دیا تھا۔

    درفشاں سلیم سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    یاد رہے کہ درفشاں سلیم نے حال ہی میں اے آر وائی ڈیجیٹل کے ڈرامہ سیریل ’جیسے آپ کی مرضی‘ میں ’علیزے‘ کا کردار نبھایا تھا جس میں ان کے ہمراہ میکال ذوالفقار مرکزی کردار میں شامل تھے۔

    اس سے قبل درفشاں سلیم ڈرامہ سیریل ’بھڑاس‘۔ ’پردیس۔‘ اور ’کیسی تیری خود غرضی۔‘ میں اداکاری کے جوہر دکھا چکی ہیں۔

  • فلم ’رامائن‘ کے سیٹ سے ایک بار پھر رنبیر کپور کی تصویر وائرل

    فلم ’رامائن‘ کے سیٹ سے ایک بار پھر رنبیر کپور کی تصویر وائرل

    ممبئی: بالی ووڈ فلم ’رامائن‘ کے سیٹ سے ایک بار پھر معروف اداکار رنبیر کپور کی تصویر سوشل میڈیا پر وائرل ہوگئی۔

    بالی ووڈ کے معروف اداکار رنبیر کپور ان دنوں اپنی آنے والی فلم رامائن کی شوٹنگ میں مصروف ہیں، جہاں سے اداکار کی سیٹ سے تصویر وائرل ہوگئیں لیکن اس تصویر میں انہیں ایک منفرد ٹی شٹ میں دیکھا گیا۔

    کاسٹیوم ڈیزائنر رمپل نرولا نے فوٹو اینڈ شیئرنگ ایپ انسٹاگرام پر تصویر شیئر کی ہے جس میں رنبیر کپور کو پیاری ٹی شرٹ پہنے دیکھا جاسکتا ہے۔

     

    View this post on Instagram

     

    A post shared by Rimple Narulah (@rimple_narulah)

    کاسٹیوم ڈیزائنر رمپل نرولا کے ساتھ رنبیر کپور کو پوز دیتے ہوئے دیکھا جاسکتا ہے، اداکار کی ٹی شرٹ پر ہندی میں سیاہ فونٹ میں ان کی بیٹی کا نام لکھا ہوا ہے، راحہ کے نام کے علاوہ ایک پیارا اینیمیٹڈ پانڈا بھی نظر آ رہا ہے۔

    واضح رہے کہ فلم’رامائن‘ میں رنبیر کپور اور سائی پلوی مرکزی کردار ادا کرتے نظر آئیں گے اور اسے ممکنہ طور پر 2026ء میں سینما گھروں میں ریلیز کیا جائے گا۔

    اس فلم کا بجٹ 835 کروڑ بھارتی روپے یعنی 100 ملین ڈالرز تک پہنچ گیا، فلم کی پوسٹ پروڈکشن میں 600 دن لگیں گے جبکہ فلم کی شوٹنگ جون میں مکمل ہونے کی توقع ہے۔

  • آئی پی ایل: شاہ رخ خان کی سگریٹ نوشی کرتے ہوئے تصویر وائرل

    آئی پی ایل: شاہ رخ خان کی سگریٹ نوشی کرتے ہوئے تصویر وائرل

    کولکتہ: بالی ووڈ کے اداکار شاہ رخ خان کی انڈین پریمیئر لیگ (آئی پی ایل) کے میچ میں سگریٹ نوشی کرتے ہوئے تصویر سوشل میڈیا پر وائرل ہوگئی۔

    بھارتی میڈیا کے مطابق 23 مارچ ہفتے کے روز کولکتہ کے ایڈن گارڈنز اسٹیڈیم میں سن رائزرز حیدرآباد اور کولکتہ نائٹ رائیڈرز کے درمیان آئی پی ایل 2024 کا میچ کھیلا گیا۔

    اس میچ میں کولکتہ نائٹ رائیڈرز کے شریک مالک شاہ رخ خان نے شرکت کی جہاں انہیں میچ کے دوران اسٹیڈیم میں سگریٹ پیتے ہوئے دیکھا گیا۔

     

    View this post on Instagram

     

    A post shared by Shah Rukh Khan (@srkking1172)

    بھارتی میڈیا کا کہنا ہے کہ بالی ووڈ کے میگا اسٹار شاہ رخ خان نے اسٹیڈیم میں وی آئی پی باکس کے اندر سگریٹ نوشی کی، تصویر سوشل میڈیا پر وائرل ہونے کے بعد بالی ووڈ اسٹار کو شدید تنقید کا نشانہ بنایا جارہا ہے۔

    واضح رہے کہ اس میچ میں شاہ رخ خان کی ٹیم کولکتہ نائٹ رائیڈرز نے سن رائزرز حیدرآباد کو شکست دی۔