Tag: تصویر پہیلی

  • اس ٹرے میں کتنے انڈے ہیں؟ ذہین افراد بھی اس پہیلی کا درست جواب نہیں دے پائیں گے

    اس ٹرے میں کتنے انڈے ہیں؟ ذہین افراد بھی اس پہیلی کا درست جواب نہیں دے پائیں گے

    انٹرنیٹ پر اکثر منفرد و دلچسپ تصاویر زیر گردش رہتی ہیں جو صارفین کی توجہ کا مرکز بنتی ہیں۔

    گردش کرنے والی تصویر سوالیہ طرز کی بھی ہوتی ہے، اُن میں چند چیزیں بھی پوشیدہ ہوتی ہیں جن کو آپ نے تلاش کرنا ہوتا ہے۔ اس کے علاوہ تصویر میں موجود غلطیاں بھی تلاش کرنی ہوتی ہیں۔

    ہم آپ کے لیے  اس طرح کی ایک دلچسپ تصویر پیش کررہے ہیں اور  یقیناً ذہین افراد بھی اس کا درست جواب نہیں دے سکیں گے کچھ ایسا ہی معاملہ اوپر تصویر میں بھی ہے، آپ نے بتانا ہے کہ تصویر پہلیلی میں موجود اس ٹرے میں کتنے انڈے ہیں؟۔

    تو کیا آپ درست جواب دے سکتے ہیں۔۔۔۔۔؟

    سوشل میڈیا پر وائرل ہونے والی تصویر نظری وہم انڈے کی ٹرے کا ہے۔ اگر آپ ٹرے میں رکھے ہوئے انڈوں کی صحیح تعداد بتا سکتے ہیں تو یقیناً آپ ایک بہت ہی ذہین انسان ہیں۔

    ٹرے میں کتنے انڈے ہیں؟ تصویر پر ایک نظر ڈالیں:

    کیا آپ کو ٹرے میں 16 انڈے نظر آ رہے ہیں؟

    اب آپ سوچ رہے ہوں گے کہ آیا یہی انڈوں کی صحیح تعداد ہے جو آپ تصویر میں دیکھ رہے ہیں لیکن ہم آپ کو بتائیں گے ٹرے میں مزید انڈے چھپے ہوئے ہیں جنہیں آپ گن سکتے ہیں۔

    ٹرے میں انڈوں کی تعداد گننے کا ایک اور موقع لیں۔

    کیا آپ کو لگتا ہے کہ آپ نے اس بار تمام انڈے گن لیے ہیں؟

    .

    .

    .

    .

    صحیح جواب چیک کرنے کے لیے تیار ہیں؟

    .

    .

    .

    .

    نیچے اسکرول کریں!

    .

    .

    .

    جواب

    اس ٹرے میں 30 انڈے ہیں، جی ہاں اس ٹرے میں 16 نہیں 30 انڈے ہیں۔

    ہم آپ کو بتاتے ہیں یہ کس طرح ہے۔

    نیچے 4 انڈوں کی 4 قطاریں ہیں، جس کا مطلب ہے کہ اس میں 4*4 = 16 انڈے ہیں۔

    دوسری تہہ میں 3 انڈوں کی 3 قطاریں ہیں، جس کا مطلب ہے کہ اس میں 3*3 = 9 انڈے ہیں۔

    اس کے اوپر کی تہہ میں 2 انڈوں کی 2 قطاریں ہیں، جس کا مطلب ہے کہ اس میں 2*2 = 4 انڈے ہیں۔

    اوپر کی تہہ میں صرف ایک انڈا ہے۔

    جب آپ انڈوں کو تمام تہوں کو جمع کریں گے تو آپ کو اس کا صحیح جواب مل جائے گا۔

    16+9+4+1  کو جمع کریں گے تو انڈوں کی کل تعداد 30 ہوجائے گی۔

  • دماغ کو چکرا دینے والی ’متحرک‘ تصویر

    دماغ کو چکرا دینے والی ’متحرک‘ تصویر

    کچھ تصاویر ایسی ہمارے سامنے آتی ہیں جو ہمارے دماغ کو چکرا کر رکھ دیتی ہیں، یہ تصویر ان ہی میں سے ایک ہے۔

    آپ نے اس تصویر کو کچھ دیر کے لیے غور سے نگاہ جما کر دیکھنا ہے، اس کے بعد آپ کو محسوس ہونے لگے گا کہ آپ کسی بلیک ہول میں گرتے جا رہے ہیں۔

    انٹرنیٹ پر بصری وہم پر مبنی یہ تصویر سامنے آئی تو وائرل ہو گئی، یہ اس طرح بنائی گئی ہے کہ اسے دیکھنے پر آدمی کو محسوس ہوتا ہے جیسے وہ ایک گہری سیاہ سرنگ میں داخل ہو گیا ہو۔

    لوگوں کا یہ بھی کہنا ہے کہ یہ تصویر حیران کرتی ہے اور 10 میں سے صرف 1 شخص کو بے وقوف نہیں بنا پاتی، تو کیا آپ ان میں سے ایک ہیں؟

    بلاشبہ یہ تصویر ساکن ہے، لیکن جب آپ اسے کچھ دیر کے لیے مسلسل دیکھیں تو آپ کو یہ حرکت کرتی نظر آئے گی۔

    نظر جما کر دیکھنے والوں کو ایسا لگتا ہے جیسے سیاہ رنگ پھیلتا جا رہا ہو، ماہرین کا کہنا ہے کہ دراصل اس طرح کی تصویر میں کسی سیاہ مرکز کو دیکھتے ہوئے آنکھوں کی پتلیاں پھیلتی ہیں، جس سے لگتا ہے کہ آپ بلیک ہول میں داخل ہو رہے ہیں۔

  • 8 سیکنڈ میں تصویر میں چھپا شیر تلاش کریں

    8 سیکنڈ میں تصویر میں چھپا شیر تلاش کریں

    ایک اور تصویر پہیلی کے ساتھ حاضر ہیں، اس بار آپ نے اس تصویر میں ایک شیر کو ڈھونڈنا ہے۔

    یہ آپ کی نگاہ کی تیزی کا زبردست امتحان لیتی تصویر ہے، جس میں ایک جگہ شیر چھپا ہوا ہے، اور ہمارا دعویٰ ہے کہ اسے تلاش کرنے کا چیلنج آپ کے لیے بہت مشکل ثابت ہوگا۔

    دراصل یہ ایک اور بصری وہم پر مبنی دل چسپ اور زبردست ذہنی مشق ہے، اگرچہ آپ نے آنکھوں کی صلاحیت سے کام لینا ہے لیکن دماغ کی صلاحیت استعمال کیے بغیر شیر کو ڈھونڈنا آسان بھی نہیں ہوگا۔

    اس آپٹیکل الیوژن سے آپ کی مشاہداتی صلاحیت کی پرکھ ہوگی، اس قسم کی مشقوں میں انسان کے بصری نظام کو دل چسپ انداز میں دھوکا دیا جاتا ہے، تاکہ وہ آسانی سے ہدف تک نہ پہنچ سکے۔ اسٹیڈیز سے پتا چلتا ہے کہ نظری وہم کی باقاعدہ مشق ارتکاز کو بڑھانے اور علمی صلاحیتوں کو بہتر بنانے میں انتہائی فائدہ مند ہے۔

    تو کیا آپ تیار ہیں اس تصویر میں چھپا شیر ڈھونڈ نکالنے کے لیے؟ لیکن آپ نے یہ آپٹیکل الیوژن ٹیسٹ 8 سیکنڈ کے اندر حل کرنا ہے، اور خیال رہے کہ اس طرح کا سرپل پیٹرن ہماری آنکھوں اور دماغ کے ساتھ کھیلتا ہے جس کی وجہ سے نظری وہم پیدا ہوتا ہے، لیکن اگر آپ قریب سے اور توجہ سے دیکھیں تو آپ شیر کو دیکھ سکتے ہیں۔

    وقت کی حد کے اندر شیر کو تلاش کرنے کے لیے آپ کو تصویر کے تمام حصوں کو بغور چیک کرنے کی ضرورت ہے اور دیکھیں کہ کیا آپ کو کوئی ایسی چیز نظر آتی ہے جو شیر کی طرح دکھائی دے رہی ہو۔

    اگر آپ کامیاب نہیں ہو سکے ہیں تو ہم آپ کو بتاتے ہیں کہ اس تصویر میں شیر کہاں چھپا ہے۔ تو چھپے ہوئے شیر کو تصویر کے اوپری بائیں جانب دیکھا جا سکتا ہے۔

  • اس تصویر میں دس سیکنڈ کے اندر غلطی ڈھونڈیں

    اس تصویر میں دس سیکنڈ کے اندر غلطی ڈھونڈیں

    آپ نے اس تصویر میں دس سیکنڈ کے اندر غلطی تلاش کرنی ہے۔

    انٹرنیٹ پر یہ ایک اور تصویر پہیلی سامنے آئی ہے، جس میں دو لڑکیاں ایک ہیئر ڈریسر سے بال کٹواتی نظر آ رہی ہیں، لیکن اس تصویر میں دو غلطیاں چھپی ہوئی ہیں۔

    اگرچہ تصویری پہیلیوں میں تیز دماغ کا بہت اہم کردار ہوتا ہے، کیوں کہ دماغ تیز کام کرے گا تو پہیلی بھی کم وقت میں سلجھے گی، تاہم آج کا یہ چیلنج بہت آسان ہے۔

    اس تصویر میں غلطی تلاش کرنے کا وقت صرف دس سیکنڈ ہے، لیکن یہ بھی کافی ہے، کیوں کہ غلطیاں بہت واضح ہیں۔

    تصویر کو غور سے دیکھیں، ایک ہئیر سیلون میں چار خواتین موجود ہیں جن میں سے دو بیٹھی بال کٹوا رہی ہیں اور باقی دو سیلون میں کام کرنے والی لڑکیاں ہیں۔

    تو بتائیے غلطی کہاں موجود ہے، کیا آپ نے ڈھونڈ نکالی؟

    اگر نہیں تو چلیے اب اس تصویری پہیلی کو حل کرتے ہیں اور آپ کو جواب سے آگاہ کرتے ہیں۔

    مذکورہ تصویر میں دیکھا جا سکتا ہے کہ کرسی پر بیٹھی دونوں لڑکیوں کے بال حقیقت میں کچھ اور آیئنے میں کچھ الگ ہئیر اسٹائل میں نظر آ رہے ہیں جو اس پہیلی کا جواب ہیں۔

    یہ تصویر دیکھیں:

  • تصویر میں 30 سیکنڈ میں سانپ تلاش کریں

    تصویر میں 30 سیکنڈ میں سانپ تلاش کریں

    آپ کی تیز نگاہی کا امتحان لینے کے لیے ایک اور تصویر سامنے آئی ہے۔

    انٹرنیٹ پر وائرل ہونے والا یہ آپٹیکل الیوژن اس بار آپ کو خوب پریشان کرے گا، آپ نے اس تصویر میں بس ایک سانپ کو تلاش کرنا ہے جو پتوں میں ایسے چھپ گیا ہے کہ اسے ڈھونڈنا آسان نہیں رہا۔

    تو چیلنج یہ ہے کہ آپ نے اس تصویر میں چھپے سانپ کو 30 سیکنڈ کے اندر تلاش کرنا ہے، یعنی آدھے منٹ میں۔

    یہ بصری وہم کا ایک ایسا چیلنج ہے جس نے اکثر انٹرنیٹ صارفین کو سر کھجانے پر مجبور کیا، لیکن کچھ لوگوں نے وقت کے اندر اسے تلاش کر کے اپنی تیز نگاہوں کی داد پائی۔

    اگر آپ فوکس ہو کر کام کرتے ہیں تو یقیناً آپ تیس سیکنڈوں میں چھپے ہوئے سانپ کو تلاش کر لیں گے، لیکن اگر آپ کا چیزوں پر فوکس کم زور ہے تو بلا شبہ آپ کو اسے تلاش کرنے میں بہت دشواری ہوگی۔

    تو دکھائیے مشاہدے کی مہارت، اور تیز نظریں دوڑائیں اس تصویر پر، جس میں کہیں پر تو چھپا ہوا ہے ایک سانپ، جو اس تاک میں ہے کہ خاموشی سے طوطے کا شکار کر کے پیٹ پوجا کر لی جائے۔

    آپ کو یہ بھی بتاتے چلیں کہ صرف ایک فی صد لوگ ہی مقررہ وقت میں اس تصویر میں سانپ ڈھونڈنے میں کامیاب رہے ہیں۔

    تو کیا آپ نے اسے ڈھونڈ لیا؟

    اگر نہیں تو پھر ہمیں آپ کو بتانا پڑے گا کہ سانپ کہاں چھپا ہوا ہے۔

    نیچے دیکھیں:

  • اس تصویر میں 12 پانڈا تلاش کریں

    اس تصویر میں 12 پانڈا تلاش کریں

    آپ کی بصری صلاحیت کو چیلنج کرنے کے لیے ایک اور تصویر پہیلی حاضر ہے۔

    آپ جان چکے ہوں گے کہ کسی تصویر میں چھپی چیزوں کی تلاش نہ صرف تیز نگاہ کا معاملہ ہوتا ہے بلکہ اس میں دماغی صلاحیت کی بھی بہت ضرورت پڑتی ہے۔

    تو آپ کی نگاہ اور دماغ کی تیزی کے امتحان کے لیے ایک اور تصویر پیش خدمت ہے جس میں آپ نے 30 سیکنڈوں میں 12 عدد پانڈا تلاش کرنے ہیں۔

    یقیناً یہ ایک مشکل ہدف ہے، اگر آپ نے اسے آسان سمجھ لیا تو ٹھوکر کھا جائیں گے، بہت سارے لوگ انٹرنیٹ پر وائرل ہونے والے اس معمے کو حل کرنے میں ناکامی کا اقرار کر چکے ہیں۔

    تو آپ کے پاس پورا آدھا منٹ ہے، اور اس تصویر میں اوپر نیچے، دائیں بائیں، ہر کونے میں پھیلے پانڈا تلاش کرنے ہیں۔

    وائرل ہونے والی اس تصویر میں آپ دیکھ سکتے ہیں کہ ایک جنگل کا منظر ہے جہاں جھرنے، ندی اور ڈھیر ساری ہریالی نظر آ رہی ہے، اس کے درمیان آپ بڑے بڑے پانڈا بیٹھے دیکھ سکتے ہیں، آپ نے مزید تلاش کرنے ہیں۔

    چوں کہ ایک ہی تصویر میں مختلف جگہوں پر بہت سارے پانڈا ہیں اس لیے انھیں نشان زد کرتے رہیں تاکہ آپ انھیں یاد رکھ سکیں۔

    کیا مل گئے آپ کو سارے پانڈا؟

    اگر آپ کامیاب ہو گئے ہیں تو خوش ہو جائیں کہ آپ ذہین ہیں، اور ناکامی ہوئی ہے تو کوئی بات نہیں، آپ کی یہ مشق بھی ذہانت تیز کرنے کے لیے ضروری ہے۔

    اب اس تصویر کو دیکھیں، جس میں بارہ کے بارہ پانڈا دکھائے گئے ہیں:

  • اس تصویر میں جانور تلاش کر کے عقاب جیسی نگاہ کی داد پائیں!

    اس تصویر میں جانور تلاش کر کے عقاب جیسی نگاہ کی داد پائیں!

    اگر آپ کو اپنی عقاب جیسی نگاہوں پر ناز ہے تو یہ برین ٹیزر یعنی دماغی ورزش پر مبنی یہ تصویر پہیلی آپ کو چیلنج دے رہی ہے۔

    آپ نے پھولوں والے اس خوب صورت پرنٹ کی تصویر میں ایک جانور کو ڈھونڈ نکالنا ہے، وہ بھی محض 9 منٹ میں، اور یہ چیلنج کوئی آسان نہیں ہے، کیوں کہ پہیلی بہت مہارت کے ساتھ ڈیزائن کی گئی ہے۔

    اس طرح کی پہیلیاں موڈ کو اچھا کرتی ہیں، اور آپ کے دماغ کو انتہائی ضروری فریشنر فراہم کرنے کا ایک آزمودہ طریقہ ہے۔

    یہ صرف نگاہ کا امتحان ہی نہیں ہے بلکہ دماغ کی صلاحیت کا بھی ہے، کیوں کہ یہ دماغ ہی ہے جو آپ کے نگاہ کی رہنمائی کر رہا ہوتا ہے۔

    تو آپ تیار ہیں نا اس تصویر میں جانور تلاش کرنے کے لیے، اسے اپنی مشاہداتی صلاحیت کا امتحان سمجھیں اور جانور کو کم سے کم وقت میں تلاش کریں۔

    اگر آپ کو مشکل پیش آ رہی ہے تو ہم ایک اشارہ دے سکتے ہیں، چلیں ہم بتا دیتے ہیں کہ اس تصویر میں ایک رینگنے والا جانور چھپا ہوا ہے۔

    ایک ایسا جانور جو اپنے آس پاس چیزوں اور پس منظر کے حساب سے خود کو بہ آسانی چھپا لیتا ہے۔

    جی، آپ بالکل ٹھیک سمجھے اشارہ، یہ ایک گرگٹ ہے، جسے آپ نے تلاش کرنا ہے، تو کیا اب آپ نے اس کے چھپنے کی جگہ ڈھونڈ لی ہے یا اب بھی آپ ناکام رہے؟

    ٹھیک ہے، ہم بتا دیتے ہیں کہ گرگٹ نے آپ کی ’دشمن نگاہ‘ سے کہاں ’پناہ‘ لے لی ہے، گرگٹ آپ کو اس تصویر کے سب سے نچلے حصے میں ملے گا۔

    یہ دیکھیں …….. اس تصویر میں !

  • تصویر میں 3 فرق تلاش کریں

    تصویر میں 3 فرق تلاش کریں

    اس تصویر میں آپ نے 3 فرق تلاش کرنے ہیں لیکن وہ بھی صرف 11 سیکنڈز میں۔

    آپ کی تیز نگاہی کے لیے آج یہ نیا معمہ پیش کیا گیا ہے، انٹرنیٹ پر یہ تیزی سے وائرل ہو رہا ہے، اور صارفین ذوق و شوق سے اپنی تیز نظر کا امتحان لے رہے ہیں۔

    اگر آپ کو لگ رہا ہے کہ یہ دونوں تصاویر بالکل ہی ایک جیسی ہیں تو آپ کا خیال بالکل غلط ہے، اس میں تین عدد غلطیاں یا فرق موجود ہیں، جسے محدود وقت میں تلاش کرنا آپ کے لیے ایک چیلنج ہو سکتا ہے۔

    کیا آپ اب اپنی مشاہداتی صلاحیتوں کی جانچ کرنا چاہیں گے؟

    بہت اچھا، آئیے شروع کریں۔

    مذکورہ تصویر میں اسٹڈی روم کا منظر دکھایا گیا ہے جس میں آپ دو بچوں کو پڑھتے ہوئے دیکھ سکتے ہیں، ساتھ ہی اسی طرح کی دوسری تصویر ہے، لیکن دونوں کے درمیان تین فرق ہیں جو آپ کو 11 سیکنڈ میں تلاش کرنے ہیں۔

    اگر آپ ناکام ہو گئے ہیں تو ہم آپ کو بتاتے ہیں کہ ان تصاویر میں کیا تین فرق ہیں۔

    نمبر ایک: تصویر کے دائیں جانب والے لڑکے کے کپڑوں پر کوئی گڑیا نہیں سلی ہوئی ہے۔

    نمبر دو: لڑکی کی میز پر تصویر کے دائیں جانب ایک ربر موجود ہے۔

    نمبر تین: تصویر کے دائیں جانب لڑکی کی اسٹڈی ٹیبل کی ٹانگوں کی لمبائی بائیں جانب والی سے مختلف ہے۔

  • چیلنج: 8 سیکنڈ میں 8 کے ہندسوں کے درمیان چھپا 3 کا ہندسہ تلاش کریں

    چیلنج: 8 سیکنڈ میں 8 کے ہندسوں کے درمیان چھپا 3 کا ہندسہ تلاش کریں

    ہم ایک نیا چیلنج لے کر آئے ہیں، آپ کو 8 سیکنڈ میں 8 کے ہندسوں کے درمیان چھپا 3 کا ہندسہ تلاش کرنا ہے۔

    اس بار امتحان ہے آپ کی نظروں کے فوکس کا، کم زور فوکس والے افراد کو اس تصویر میں تین کا ہندسہ تلاش کرنا بہت مشکل معلوم ہوتا ہے۔

    لیکن جن لوگوں کا فوکس اچھا ہوتا ہے، اور وہ اپنا روزہ مرہ کا کام پوری توجہ کے ساتھ کرتے ہیں، وہ چند ہی سیکنڈز کے اندر اس تصویر میں تین کا ہندسہ تلاش کر لیتے ہیں۔

    یہ بھی دراصل بصری دھوکے پر مبنی ایک پہیلی ہے، آٹھ کے بہت سارے ہندسوں کے بیچ تین کا ہندسہ تلاش کرنا اتنا بھی آسان نہیں ہوتا، کیوں کہ بناوٹ میں ایک دوسرے سے قریب ہونے کی وجہ سے آپ دھوکا کھا سکتے ہیں۔

    مزا تب ہے جب آپ محض آٹھ سیکنڈوں میں تین کا ہندسہ تلاش کریں، اسی سے معلوم ہوگا کہ آپ کا فوکس کتنا اچھا ہے۔

    سوشل میڈیا پر یہ پہیلی بہت وائرل ہو رہی ہے، اور صارفین نے اسے بہت پسند کیا ہے، اور انھوں نے اس چیلنج کو قبول کر کے تین کی نشان دہی بھی کی، کئی افراد کو اس تصویر میں تین کا ہندسہ بہت تلاش کے باوجود نہیں مل سکا۔

    تو کیا آپ تیار ہیں اس میں تین کا ہندسہ تلاش کرنے کے لیے، اور کیا آپ نے تلاش کر لیا ہے۔ اگر نہیں تو نیچے تصویر کو دیکھیں، جس میں ہم نے آپ کی مشکل آسان کر دی ہے۔

  • تیز نگاہ والے ہی اس تصویر میں‌ کارٹون تلاش کر سکتے ہیں

    تیز نگاہ والے ہی اس تصویر میں‌ کارٹون تلاش کر سکتے ہیں

    آپ نے اس تصویر میں ایک مشہور کارٹون کریکٹر تلاش کرنا ہے، لیکن صرف تیز نگاہ والے افراد ہی ایسا کر سکتے ہیں۔

    یہ آپٹیکل الوژن ایک کڑے امتحان کی طرح ہے، کیوں کہ اس میں کارٹون کو تلاش کرنا بالکل بھی آسان نہیں ہے، اکثر لوگ اس میں ناکام بھی ہو جاتے ہیں۔

    اس تصویر کے ذریعے آپ زبردست قسم کے بصری دھوکا کا سامنا کریں گے، اور ہو سکتا ہے کہ آپ کو کارٹون کریکٹر تلاش کرنے میں کافی دیر لگ جائے، لیکن اگر آپ نے یہ چیلنج قبول کر لیا ہے تو پھر ہمت مت ہاریں۔

    یہ آپٹیکل الوژن بڑے پیمانے پر سوشل میڈیا پر شیئر کیا جا رہا ہے، اور بہت سے لوگ اس چیلنج کو قبول کرتے ہیں، تاہم، کئی لوگوں نے دعویٰ کیا ہے کہ یہ کافی مشکل ہے۔

    تو کیا آپ اس تصویر میں کارٹون کردار تلاش کر سکتے ہیں؟

    چلیں، ہم آپ کو بتاتے ہیں کہ اس تصویر میں کون سا کارٹون کریکٹر چھپا ہوا ہے، تو اس میں آپ نے تلاش کرنا ہے مشہور مکی ماؤس کو۔