Tag: تصویر

    کراچی: (ویب ڈیسک) ہر انسان کی خواہش ہوتی ہے کہ وہ تصاویر میں اچھا نظر آئے لیکن معمولی غلطیوں سے یہ تصاویر بری لگتی ہیں۔ آج ہم آپ کو وہ آسان باتیں بتائیں گے جن پر عمل کرکے اگلی بار آپ کی تصاویربہت خوبصورت ہوں گی۔

تصویر بنواتے وقت بازو کھول کر کھڑے ہوں۔
تصویر بنواتے وقت اس بات کو یقینی بنائیں کہ آپ کے بازو کھلے ہوں۔ اگر بازو پیچھے کی جانب یا لٹکے ہوئے ہوں گے تو یہ تصویر اچھی نہیں لگے گی اور دیکھنے والے کو محسوس ہو گا کہ تصویر بنواتے وقت آپ پر سکون نہیں تھے۔

اپنے چہر ے کو دائیں جانب رکھیں۔
مختلف سا ئنسی تحقیق سے یہ بات ثابت ہوئی ہے کہ ذہنی دباﺅ کے اثرارت چہرے کے بائیں طرف زیادہ واضح ہوتے ہیں لہذا ممکن ہے کہ اگر آپ سیدھی گردن کے ساتھ تصویر اتروائیں گے تو ایسا محسوس ہو گا کہ شاید آپ ذہنی تناﺅ کا شکار ہیں لہذا تصاویر بنواتے وقت اپنے چہرے اس طرح رکھیں کہ دائیں سائیڈ زیادہ نمایاں ہو۔ اس کا ایک اور بڑا فائدہ یہ ہے کہ اگر آپ ذہنی تناﺅ یا پریشانی کا شکار ہوں تو اس ’پوز‘ میں کسی کو علم نہیں ہوگا کہ آپ کسی مشکل میں مبتلا ہیں۔

کیمرے کے لینز کے اوپر دیکھیں
جب بھی تصویر بنوائیں تو اس بات کا خاص خیال رکھیں کہ آپ کو کیمرے کے لینزتھوڑا سا کے اوپر دیکھنا ہے۔ کبھی بھی لینز کی جانب براہ راست مت دیکھیں کیونکہ اس طرح آپ کی تصویر ٹھیک نہیں آئے گی۔جو شخص تصویر بنا رہا ہو تو اس کی جانب بھی دیکھا جا سکتا ہے۔

اپنے جسم کو ہلکاساایک جانب رکھیں
تصاویر بنواتے وقت ہمیشہ اپنے جسم کو ہلکا سا ایک جانب رکھیں کیونکہ اس طرح آپ سمارٹ نظر آئیں گے۔

میک اپ کے بغیر تصاویر
کوشش کریں کہ تصاویر بنواتے وقت میک اپ کا استعمال کم سے کم کیا جائے کیونکہ اس طرح آپ کا چہرہ برا لگے گا۔ اگر آپ کو پروفیشنل فوٹو شوٹ میں حصہ لینا ہو تو یہ علیحدہ بات ہے لیکن عام تصاویر میں میک اپ سے اجتناب کریں۔
لپ سٹک کا استعمال کریں، یہ بات خواتین کے لئے ضروری ہے کہ وہ تصاویر بنواتے ہوئے لپ سٹک یا لپ گلوز کا استعمال کریں کیونکہ بعض اوقات تصاویر میں ہونٹ خشک نظر آتے ہیں اور تصاویر بری لگتی ہیں۔

مسکرائیں
جب بھی تصاویر بنوائیں تو اس بات کو یقینی بنائیں کہ آپ مسکرا رہے ہیں اور کبھی بھی چہرے پر تناﺅ یا تھکاوٹ کے آثار نہ آنے دیں۔