Tag: تعزیت

  • وزیراعظم کی جہانگیر بدر کے گھر آمد، فاتحہ خوانی کی

    وزیراعظم کی جہانگیر بدر کے گھر آمد، فاتحہ خوانی کی

    لاہور : وزیراعظم پاکستان میاں محمد نواز شریف آج جہانگیر بدر کے گھر ان کے انتقال پر اپل خانہ سے تعزیت کا اظہار کرنے کے لیے پہنچے ہیں انہوں نے مرحوم کے ایصال ثواب کے لیے فاتحہ خوانی بھی کی۔

    تفصیلات کے مطابق وزیر اعظم پاکستان کے ہمراہ اُن کے صاحبزدے حسن نواز بھی موجود تھے، انہوں نے جہانگیر بدر مرحوم کے اہلِ خانہ کے ساتھ کچھ وقت گذارا اور مرحوم کے ایصالِ ثواب کے لیے فاتحہ خوانی بھی کی۔

    دوران گفتگو وزیراعظم پاکستان نے جہانگیر بدر کے صاحبزادوں سے تعزیت کی اور اُن کے والد جہانگیر بدر کی جمہوریت کے لیے بیش بہا قربانیوں اور ضدمات پر انہیں خراج تحسین پیش کیا اور سیاسی ورکز کے لیے جہانگیر بدر کی زندگی کو عملی نمونہ قرار دیا۔

    وزیراعظم پاکستان نواز شریف نے کہا کہ جہانگیر بدر ملک کا قابل فخر اثاثہ تھے وہ اپنی جماعت پیپلز پارٹی کے ساتھ ساتھ مخالف جماعتوں میں یکساں مقبول اور محترم تھے ان کی جمہوریت کے لیے جدو جہد کو ہمیشہ یاد رکھا جائے گا۔

    میڈیا سے گفتگو کرتے ہوئے کہا کہ میرا جہانگیر بدر سے دیرینہ تعلق تھا میں ان نے کی شادی میں بھی شرکت کی تھی وہ صاف، سادہ اور دلیر شخص تھے ان سے جو تعلق تھا وہ ان کے صاحبزادوں کے ساتھ بھی قائم رہے گا۔

    واضح رہے پاکستان پیپلز پارٹی کے سابق سیکرٹری جنرل اور ذوالفقار علی بھٹو و محترمہ بے نظیر بھٹو کے معتمد ساتھی جہانگیر بدر قضائے الیہ سے چند روز قبل انتقال کر گئے تھے جس کے بعد بلاول بھٹو سمیت ملک کی تمام بڑی سیاسی جماعتوں کے رہنماؤں نے ان کے گھر آکر تعزیت کی۔

  • جمہوریت کےلیےحاجی عدیل کی خدمات کوہمیشہ یاد رکھاجائےگا،وزیراعظم

    جمہوریت کےلیےحاجی عدیل کی خدمات کوہمیشہ یاد رکھاجائےگا،وزیراعظم

    اسلام آباد : وزیر اعظم پاکستان میاں محمد نواز شریف کا کہناہے جمہوریت کے استحکام کےلیے حاجی عدیل کی خدمات قابل تحسین ہیں جنہیں ہمیشہ یاد رکھا جائے گا۔

    تفصیلات کےمطابق وزیراعظم نوازشریف نے عوامی نیشنل پارٹی کے مرکزی رہنمااور سینیئر نائب صدرحاجی محمد عدیل کی وفات پر اظہار افسوس کرتے ہوئے کہا کہ حاجی عدیل جمہوری اصولوں کے فروغ پر یقین رکھتے تھے۔

    وزیراعظم پاکستان میاں محمد نواز شریف نےغم زدہ خاندان کے ساتھ اظہار تعزیت کرتے ہوئے مرحوم کے بلند درجات اور مغفرت کی دعا بھی کی۔

    چیئرمین سینیٹ رضا ربانی نے عوامی نیشنل پارٹی کے رہنما کے انتقال پر اظہار تعزیت کرتے ہوئے کہا کہ جمہوریت کے لیے حاجی عدیل کی خدمات ناقابل فراموش ہیں۔

    رضا ربانی کا کہناہے کہ انہوں نے پوری زندگی جمہوریت کے لیے جدوجہد کی اور ہمیشہ آئین وقانون کی بالا دستی کے اپنی آواز بلند کی۔

    وزیراعلیٰ پنجاب شہبازشریف نے عوامی نیشنل پارٹی کے مرکزی رہنما حاجی محمد عدیل کے انتقال پر اظہار افسوس کرتے ہوئےمرحوم کی مغفرت کے لیے دعا کی۔

    وزیراعلیٰ خیبرپختونخواہ پرویز خٹک نے حابی محمد عدیل کے انتقال پر افسوس کا اظہار کرتے ہوئے کہا کہ وہ ایک متحرک سیاستدان تھے۔انہوں نے کہا کہ سیاست کے میدان میں حاجی عدیل کی کمی ہمیشہ محسوس کی جائی گی۔

    عوامی نیشنل پارٹی کے سربراہ اسفند یار ولی نے پارٹی کے سینیئر رہنما حاجی محمد عدیل کے انتقال پر دکھ کا اظہار کرتے ہوئے کہا کہ پارٹی باصلاحیت سیاستدان محروم ہوگئی۔

    اسفند یار ولی کا کہناتھا کہ حاجی محمد عدیل پارٹی کے لیے ریڑھ کی ہڈی کی حیثیت رکھتے تھے اور ان کی کمی شدت سے محسوس کی جائے گی۔

  • مطالبات نہ مانے گئے تو گو نواز گو مہم شروع کریں گے، بلاول بھٹو

    مطالبات نہ مانے گئے تو گو نواز گو مہم شروع کریں گے، بلاول بھٹو

    لاہور : پا کستان پیپلز پارٹی کے سربراہ بلاول بھٹو نے کہا کہ اگر حکومت نے ہمارے چار مطالبات 27 دسمبر تک نہیں مانے تو گو نواز گو کی تحریک چلائیں گے۔

    بلاول بھٹو زرداری آج پاکستان پیپلز پارٹی کے سابق سیکرٹری جنرل جہانگیر بدر کی کے انتقال پر ان کے اہل خانہ سے تعزیت کے لیے لاہور آئے تھے انہوں نے اہل خانہ کے ہمراہ کچھ وقت گذارا اور مرحوم کے ایصالِ ثواب کے لیے فاتحہ خوانی بھی کی۔

    بعد ازاں جہانگیر بدر کی رہائش گاہ کے باہر میڈیا سے بات کرتے ہوئے انہوں نے کہا کہ جہانگیر بدر گلی محلوں کی سیاست کرنے والے جیالے تھے انہوں نے میرے نانا ، والدہ اور میرے ساتھ بھی سڑکوں پر کام کیا ہے، پارٹی کے لیے ان کی خدمات ناقابلِ فراموش ہیں جس پرانہیں خراجِ تحسین پیش کرتے ہیں۔

    انہوں نے کہا کہ ہم وزیر اعظم اور اداروں کا جمہوری احتساب چاہتے ہیں ہم نے اپنے چار مطالبات حکومت کے سامنے رکھ دیے ہیں اگر 27 دسمبر تک ہمارے مطالبات نہیں مانے گئے تو آج تک صرف گو نثار گو کے نعرے لگاتے ہیں لیکن 27 دسمبر کے بعد گو نواز گو کا نعرہ لگائیں گے۔

    بلاول بھٹو نے مزید نے کہا کہ جب ہم گو نواز گو کے نعرے لگائیں گے تو پھر اس نعرے سے پیچھے نہیں ہٹیں گے کیوں کہ پیپلز پارٹی یو ٹرن نہیں لیتی ہے ہم اپنے 4 مطالنبات سے کسی قیمت پر بھی پیچھے نہیں ہٹیں گے۔

    انہوں نے کہا کہ پنجاب میں تنظیم نو کریں گے اور سندھ کی طرح یہاں بھی تبدیلیاں لائیں گے اور آئندہ الیکشن میں پنجاب سے بھرپور کامیابی حاصل کریں گے۔

  • کشمیری بچےکی شہادت،بھارتی جارحیت کی بدترین مثال ہے،دفترِ خارجہ

    کشمیری بچےکی شہادت،بھارتی جارحیت کی بدترین مثال ہے،دفترِ خارجہ

    اسلام آباد: دفتر خارجہ کے ترجمان کا کہنا ہے کہ 12سالہ کشمیری بچے کی شہادت،بھارتی جارحیت کی بدترین مثال ہے۔عالمی برداری کشمیر کی صورتحال پر فوری مداخلت کرے۔

    تفصیلات کےمطابق اسلام آباد میں دفترخارجہ سے جاری بیان میں کہا گیا ہے کہ پاکستان 12 سال کے کشمیری بچے جنید احمد کی شہادت کی شدید مذمت کرتا ہے اور اس کے لواحقین سے تعزیت کا اظہار کرتا ہے۔

    دفتر خارجہ کے ترجمان نفیس زکریا کا کہنا ہےکہ کشمیری بنیادی حقوق اور حق خودا رادیت کا مطالبہ کر رہے ہیں جبکہ جنید احمد کی شہادت بھارت کی ریاستی دہشت گردی کی بدترین مثال ہے۔

    دفترخارجہ کے ترجمان کا مزیدکہنا ہے کہ گزشتہ ماہ سے اب تک 115 افراد شہید اور 15000 ہزار زخمی ہوئے ہیں جبکہ پیلٹ گن کے استعمال سے سینکڑوں کشمیریوں کی بینائی جا چکی ہے۔

    مزید پڑھیں: مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    یاد رہےکہ گزشتہ روز سری نگر میں بھارتی فوج نے پیلٹ گنز سے فائرنگ کی،چھرے لگنے سے بارہ سالہ لڑکا شہید ہوگیاتھا جس کے بعد سری نگر میں کشیدگی پھیل گئی،لوگ کرفیو توڑتے ہوئے گھروں سے نکل آئے اور احتحاج شروع کردیاتھا۔

    واضح رہے کہ کشمیری رہنما برہان وانی کی شہادت کے بعد مقبوضہ کشمیر بدستورکشیدگی کی لپیٹ میں ہے،بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے ہیں۔

  • چیئرمین سینیٹ رضا ربانی کی کراچی آمد،ایدھی صاحب کی عیادت اور امجد صابری کے اہل خانہ سے تعزیت

    چیئرمین سینیٹ رضا ربانی کی کراچی آمد،ایدھی صاحب کی عیادت اور امجد صابری کے اہل خانہ سے تعزیت

    اسلام آباد: چیئرمین سینٹ میاں رضا ربانی نے کراچی سے تعلق رکھنے والے تین سینیٹرز کے ہمراہ ممتاز سماجی کارکن عبدالستار ایدھی کی عیادت کی اور ان کی جلد صحت یابی کیلئے دعا کی بعد ازان وہ امجد صابری کے اہل خانہ سے تعزیت کے لیے اُن کے گھر بھی گئے۔

    تفصیلات کے مطابق چیئرمین سینیٹ میان رضا ربانی نے عوامی نیشنل پارٹی کے سینیٹر شاہی سید، پیپلز پارٹی سے تعلق رکھنے والے سینیٹر سعید غنی اور متحدہ قومی موومنٹ سے تعلق رکھنے والے سینیٹر طاہر مشہدی کے ہمراہ ممتاز سماجی کارکن عبدلاستار ایدھی کی عیادت کی اور اُن کی جلد صحت یابی کے لیے دعا کی ،چہیرمین سینیٹ نے انسانیت کے لئے انہوں نے عبدالستار ایدھی کی انسانیت کے لئے بے مثال خدمات پر انہیں زبردست خراج عقیدت پیش کیا۔

    وہ بعد ازاں تینوں سینیٹرز کے ہمراہ لیاقت آباد میں واقع امجد صابری کے گھر تعزیت کے لیے گئے،اُنہوں نے شہید امجد صابری کی قتل کو قومی سانحہ قرار دیتے ہوئے کہا کہ امجد کسی ایک شہر کا گلوکار نہ تھا وہ پورے پاکستان میں یکساں مقبول اور دنیا بھر میں پاکستان کی شناخت تھا۔

    امجد صابری کے اہل خانہ سے گفتگو کرتے ہوئے انہوں کہا کہ امجد صابری کے قاتلوں کو قانون کے کٹہرے میں لا کر قرار واقعی سزا دلوائیں گے،انہوں نے کہا کہ امجد صابری سے میرے دیرنہ تعلقات تھے اور اکثر ملاقاتیں بھی رہتیں تھیں چند روز قبل ہی میری امجف صابری سے فون پر بات ہوئی تھی،اندازہ نہ تھا کہ ٹیلی فون پر ہونے والی بات آخری ثابت ہو گی اور آئندہ کبھی میں اپنے بھائی سے بات نہیں کر سکوں گا۔

  • ایم کیوایم میں جرائم پیشہ افراد کیلئے قطعاً کوئی گنجائش نہیں،واسع جلیل

    ایم کیوایم میں جرائم پیشہ افراد کیلئے قطعاً کوئی گنجائش نہیں،واسع جلیل

    کراچی : متحدہ قومی موومنٹ کے مرکزی رہنماء واسع جلیل نے کہا ہے کہ ہمیں نہیں پتہ کہ اندھیرے میں رینجرز اہلکار کس کو لے گئے اورکس کو چھوڑ کر چلے گئے۔

    انہوں نے کہا کہ وقاص رینجرز کی ہوائی فائرنگ کے دوران گولی لگنے سے جاں بحق ہوئے۔ان خیالات کا اظہار انہوں نے  وقاص شاہ کے گھر پر ان کے اہل خانہ سے  تعزیت کے بعد میڈیا سے گفتگو کرتے ہوئے کیا۔

    واسع جلیل کاکہنا تھا کہ وقاص شاہ  خواتین کی بے عزتی کو روکنا چاہتے تھے، اس دوران رینجرز کی ہوائی فائرنگ سے ایک گولی وقاص شاہ کے سر میں جالگی ، جس کے باعث وہ جاں بحق ہوئے۔

    انہوں نے کہا کہ ایم کیو ایم میں جرائم پیشہ افراد کیلئے قطعاً کوئی گنجائش نہیں ہے ،واسع جلیل کاکہنا تھا کہ اسلحہ لائسنس یافتہ تھا جسے وزارت داخلہ نے جاری کیا تھا۔

    ایک سوال کے جواب میں انہوں نے کہا کہ ہمارے دفاتر کو توڑ پھوڑ کرکے کمیونیکیشن کو نقصان پہنچایا گیا ہے،ایم کیو ایم ذمہ دار سیاسی جماعت ہے۔

  • سوبھوگیان چندانی کی ادبی خدمات ناقابلِ فراموش ہیں،الطاف حسین

    سوبھوگیان چندانی کی ادبی خدمات ناقابلِ فراموش ہیں،الطاف حسین

    لندن : متحد ہ قومی موومنٹ کے قائد الطاف حسین نے معروف دانشور و مصنف اور نامور ترقی پسند ادیب کامریڈسوبھوگیان چندانی کے انتقال پر گہرے دکھ اور افسوس کا اظہار کیا ہے ۔

    اپنے تعزیتی بیان میں انہوں نے کہا کہ سوبھو گیان چندانی نے اپنی تمام عمر ادب کے فرو غ ،محروم عوام کے حقوق اورطبقاتی تفریق کے خلاف جدوجہد کے لئے وقف کردی تھی جس کے جرم میں انہیں متعد د بار پابند سلاسل کیا گیا ۔

    ان کے انتقال سے ترقی پسند ادب کا ایک باب بند ہوگیا ہے ۔ الطاف حسین نے سوبھو گیان چندانی کے انتقال پر ان کے اہل خانہ اورتمام احباب سے دلی تعزیت اور ہمدردی کا اظہار کیا ہے۔

  • صدرمملکت ممنون حسین کی شہید چوہدری اسلم کی بیوہ سے تعزیت

    صدرمملکت ممنون حسین کی شہید چوہدری اسلم کی بیوہ سے تعزیت

    صدرمملکت ممنون حسین نے چوہدری اسلم کی بیوہ سے تعزیت کی ، ان کا کہنا ہے کہ چوہدری اسلم نے قوم کی خاطر جان کی قربانی دی۔

    چوہدری اسلم کی بیوہ کو ٹیلی فون میں صدرمملکت ممنون حسین نے چوہدری اسلم کی بہادری کی تعریف کی اور کہا کہ چوہدری اسلم شہیدنےقوم کی خاطرجان کی قربانی دی۔

    وزیر اعلی پنجاب میاں شہباز شریف کا کہنا ہے کہ چوہدری اسلم نے پوری قوم کا سر فخر سے بلند کردیا ہے،انہوں نے ثابت کیا کہ پولیس فورس میں بہادروں کی کمی نہیں، وزیر اعلیٰ سندھ قائم علی شاہ کا کہنا تھاکہ وہ ایک دلیر اور بہادر پولیس افسر تھے۔

    کے پی کے اسمبلی میں چوہدری اسلم کی مغفرت کے لیے فاتحہ خوانی کی گئی۔ رکن صوبائی اسمبلی نگہت اورکزئی کا کہنا تھاکہ چوہدری اسلم سیکیورٹی فورسز کے جوانوں کے لئے قابل تقلید مثال ہیں۔