Tag: تعلیمی اداروں

کوئٹہ : تعلیمی اداروں میں موسم گرما کی تعطیلات میں توسیع کے حوالے سے ایک اور اہم خبر آگئی۔

تفصیلات کے مطابق سندھ حکومت کی جانب سے تعلیمی اداروں کی موسم گرما کی تعطیلات میں توسیع کے فیصلے کے بعد ایک صوبے نے توسیع کا اعلان کردیا۔

بلوچستان حکومت نے گرم علاقوں کے تعلیمی اداروں یکم اگست کےبجائے 15 اگست سے کھولنے کا فیصلہ کرلیا اور توسیع کے حوالے سے نوٹیفکیشن جاری کردیا۔

نوٹیفکیشن میں کہا گیا کہ وزیراعلیٰ کی ہدایت پر چھٹیوں میں اضافہ لو چلنے کے باعث کیاگیا تاہم 14اگست یوم آزادی کی تقریبات معمول کے مطابق ہوں گی۔

یاد رہے وزیر تعلیم سندھ سید سردار علی شاہ کی ہدایت پر محکمہ تعلیم نے 14 اگست تک اسکولز میں تعطیلات بڑھانے کا نوٹیفکیشن جاری کیا تھا۔

وزیر تعلیم سندھ کا کہنا تھا کہ گرمی اور برسات کے امکان پر تعطیلات میں اضافے کا فیصلہ کیا گیا ہے۔

کراچی : تعلیمی اداروں میں گرمیوں کی چھٹیوں کے حوالے سے ایک اور اہم اعلان کردیا گیا، محکمہ تعلیم سندھ کا کہنا ہے کہ چھٹیاں اسٹیئرنگ کمیٹی کے فیصلے کے مطابق ہی ہوں گی۔

تفصیلات کے مطابق سندھ حکومت نے بھی تعلیمی اداروں میں موسم گرما کی تعطیلات کا اعلان کرتے ہوئے نوٹی فکیشن جاری کردیا۔

محکمہ تعلیم سندھ نے کہا کہ گرمیوں کی چھٹیاں اسٹیئرنگ کمیٹی کے فیصلے کے مطابق ہی ہوں گی، پنجاب کی طرز پر سندھ میں گرمی کی چھٹیاں قبل از وقت کرنے کی تجویز زیر غور تھی لیکن محکمہ موسمیات نے کراچی میں مئی کےمہینے میں ہیٹ ویو نہ ہونے کی وضاحت کی تھی۔

سندھ حکومت کی جانب سے جاری نوٹی فکیشن میں کہا ہے کہ کراچی سمیت سندھ بھر کےتعلیمی ادارے یکم جون سے 31جولائی تک بند رہیں گے۔

گذشتہ روز پنجاب میں شدید گرمی کےباعث اسکول سات روز کیلئے بند کرنے کااعلان کیا گیا تھا اور نجی اور سرکاری اسکول پچیس سے اکتیس مئی تک بند کرنے کا نوٹیفکیشن جاری بھی کردیا تھا۔

صوبائی وزیرتعلیم کے مطابق یہ فیصلہ ہیٹ ویو کے خدشے کے باعث کیا گیا ہے تاہم جن اسکولوں میں امتحان ہورہے ہیں انہیں کھولنے کی مشروط اجازت ہوگی۔

وزیر تعلیم پنجاب رانا سکندر حیات کا کہنا تھا کہ گرمیوں کی چھٹیاں یکم جون کے بجائے 22 مئی سے دینے کا فیصلہ کیا ہے ، اس حوالے سے نجی اسکولز کی بڑی تعداد نے رابطہ کیا اور نجی اسکولز میں امتحانات کے پیش نظر رواں ہفتے کھولنے کی اجازت دی گئی۔

لاہور : تعلیمی اداروں میں گرمیوں کی چھٹی کے حوالے سے طلبا کے لیے بڑی خبر آگئی ، اب چھٹیاں یکم جون کے بجائے کب ہوں گی، تاریخ کا اعلان کردیا ہے۔

تفصیلات کے مطابق ہیٹ ویو کے پیش نظر تعلیمی اداروں میں چھٹیاں دینے کا معاملے پر اہم پیش رفت سامنے آئی، گرمیوں کی چھٹیوں کی تاریخ ایک بار پھر تبدیل کردی گئی ہے۔

شدید گرمی کےباعث اسکول سات روز کیلئے بند کرنے کااعلان کردیاگیا اور نجی اور سرکاری اسکول پچیس سے اکتیس مئی تک بند کرنے کا نوٹیفکیشن جاری بھی کردیا ہے۔

صوبائی وزیرتعلیم کےمطابق یہ فیصلہ ہیٹ ویو کے خدشے کے باعث کیا گیا ہے تاہم جن اسکولوں میں امتحان ہورہے ہیں انہیں کھولنے کی مشروط اجازت ہوگی۔

محکمہ اسکول ایجوکیشن پنجاب نے نوٹیفیکشن جاری کردیا ، وزیر تعلیم پنجاب رانا سکندر حیات نے بتایا کہ گرمیوں کی چھٹیاں یکم جون کے بجائے 22 مئی سے دینے کا فیصلہ کیا ہے ، اس حوالے سے نجی اسکولز کی بڑی تعداد نے رابطہ کیا اور نجی اسکولز میں امتحانات کے پیش نظر رواں ہفتے کھولنے کی اجازت دی گئی۔

رانا سکندر حیات کا کہنا تھا کہ آئندہ ہفتے گرمی کی شدت زیادہ ہے، جس کے پیش نظر محکمہ تعلیم نے پی ڈی ایم اے سے مشاورت کی، مشاورت کے بعد چھٹیوں کی تاریخ 22 سے 25 مئی کی گئی، چھٹیوں سے متعلق نیا نوٹیفکیشن آج یا کل تک جاری کر دیا جائے گا۔

لاہور : تعلیمی اداروں میں گرمیوں کی چھٹیوں کا اعلان کرتے ہوئے اسکول کے اوقات کار تبدیل کردیے گئے۔

تفصیلات کے مطابق تعلیمی اداروں میں گرمیوں کی چھٹیوں کے حوالے سے بڑی خبر آگئی۔

اسکولز ایجوکیشن پنجاب نے ہیٹ ویو کے پیش نظر گرمیوں کی چھٹیوں کا اعلان کردیا، اس حوالے سے جاری نوٹیفیکیشن میں کہا گیا کہ یکم جون سے چودہ اگست تک گرمیوں کی چھٹیاں ہوں گی۔

محکمہ اسکولز ایجوکیشن نے یکم جون تک اسکول کے اوقات کار تبدیل کردیے اور اسکولوں کے نئے اوقات کار کا نوٹیفیکیشن بھی جاری کردیا گیا۔

نوٹیفیکیشن کے مطابق تعلیمی ادارے صبح سات بجے سے ساڑھے گیارہ بجے تک کھلیں گے، جمعہ کے روز صبح سات بجے سے ساڑھے دس بجے تک اسکول کھلیں گے۔

مظفرآباد : تعلیمی اداروں کو 2 روز کے لیے بند رکھنے کا اعلان کردیا گیا، یہ اعلان شٹرڈاؤن کال پر کیا گیا ہے۔

تفصیلات کے مطابق تمام تعلیمی اداروں کو 2 روز کے لئے بند رکھنے کا فیصلہ کرتے ہوئے نوٹیفکیشن جاری کردیا گیا۔

جس میں کہا ہے کہ تعلیمی اداروں کو بندر کھنےکا فیصلہ عوامی ایکشن کمیٹی کی شٹرڈاؤن کال پر کیا گیا۔

خیال رہے آزاد کشمیر میں فری بجلی اور دیگر مطالبات کیلئے ایکشن کمیٹی کی طرف سے 11 مئی کو ہڑتال اور مارچ کا اعلان کیا ہے۔

آزاد کشمیر میں فری بجلی اور دیگر مطالبات کیلئے گزشتہ ایک سال سے جاری تحریک کے دوران مظاہرین اور وزراء کی مذاکراتی ٹیم کے درمیان کئی مرتبہ مذاکرات ہوئے مگر اس کا کوئی نتیجہ نہیں نکلا۔

جس کے بعد ایکشن کمیٹی نے11 مئی کو آزاد کشمیربھر سے مارچ کرتے ہوئے مظفر آباد پہنچنے کی کال دی ہے۔

دوسری طرف حکومت نے صورت حال سے نمٹنے کیلئے انتظامیہ کو سخت ہدایات جاری کی ہیں اور وفاق سے رینجر کے اضافی دستے آزاد کشمیر میں تعینات کرنے پر غور کیا جا رہا ہے۔

کراچی : عیدالفطر کے موقع پر تعلیمی اداروں میں 9 اپریل سے 14 اپریل تک چھٹیوں کا امکان ہے تاہم وفاقی اور صوبائی حکومتوں کی جانب سے اعلان نہیں کیا گیا۔

تفصیلات کے مطابق رمضان المبارک کا مقدس مہینہ اپنے اختتام کی جانب بڑھ رہا ہے اور لوگ عید الفطر کے تہوار کا بے صبری سے انتظار کر رہے ہیں۔

روایتی طور پر اس خوشی کے موقع کو منانے کے لیے وفاقی اور صوبائی حکومتیں ملک بھر کے اسکولوں، کالجوں، یونیورسٹیوں، دفاتر اور بازاروں میں عام تعطیل کا اعلان کرتی ہے تاہم ابھی کوئی واضح اعلان سامنے نہیں آیا۔

اس سال رمضان میں 29 روزے متوقع ہے، جس کے مطابق عید 10 اپریل بروز بدھ کو ہونے کا امکان ہے۔

سندھ سمیت وفاقی اور صوبائی حکومتوں نے ابھی تک اسکولوں میں عام تعطیلات کا نوٹیفکیشن جاری نہیں کیا ہے تاہم توقع ہے کہ عید 10 اپریل کو پڑنے کی صورت میں تعلیمی ادارے 9 اپریل سے 14 اپریل تک بند رہیں گے۔