ARYNews.tv | Urdu – Har Lamha Bakhabar

Tag: تعلیمی اداروں

  • تعلیمی اداروں میں بڑھتے ہوئے کورونا کیسز، وزارت صحت کا مراسلہ جاری

    تعلیمی اداروں میں بڑھتے ہوئے کورونا کیسز، وزارت صحت کا مراسلہ جاری

    اسلام آباد : تعلیمی اداروں میں بڑھتے ہوئے کورونا کیسز کے پیش نظر وزارت صحت نے اسلام آباد کے مزید تعلیمی اداروں کی بندش کیلئے ضلعی انتظامیہ کو مراسلہ جاری کردیا ہے۔

    تفصیلات کے مطابق وفاقی دارالحکومت کے تعلیمی اداروں میں کورونا کیسز بڑھنے لگے، وزارت صحت نے مزید تعلیمی اداروں کی بندش کیلئے ضلعی انتظامیہ کو مراسلہ جاری کردیا ہے۔

    جس میں 2 یونیورسٹیز کے مختلف شعبے، ایک اکیڈمی اور 3 اسکولوں کو سیل کرنیکی ہدایت کرتے ہوئے کہا ہے کہ نسٹ یونیورسٹی میں 12 کورونا کیسز سامنے آئے ہیں جبکہ کامسیٹس یونیورسٹی کے مختلف شعبوں میں 4کیسز رپورٹ ہوئے۔

    نجی اسکول کے کیمپس اور ایچ نائن میں اکیڈمی میں 2، 2 کورونا کیسزسامنے آنے اور غوری ٹاؤن فیز ٹو میں واقع نجی اسکول میں 2کیسز رپورٹ ہونے پر سیل کرنے کی ہدایت کی ہے۔

    یاد رہے اس سے قبل وفاقی دارالحکومت اسلام آباد کی انٹرنیشنل اسلامک یونیورسٹی اور قائد اعظم یونیورسٹی میں کرونا وائرس کے کیسز رپورٹ ہونے کے بعد یونیورسٹیز کو بند کردیا گیا تھا۔

    خیال رہے  پاکستان میں کورونا وائرس کی دوسری لہر میں شدت آنے لگی ہے اور کورونا سے اموات کی تعداد 7 ہزار تک پہنچ گئی جبکہ ایک دن میں ایک ہزار637 نئے کیسز سامنے آئے، جس کے بعدپاکستان میں کورونا کے ایکٹیو کیسز کی تعداد 20 ہزار 45 ہوگئی۔

  • کراچی: ضلع شرقی کے تعلیمی اداروں میں 216 طلبا و اساتذہ میں کورونا کی تصدیق

    کراچی: ضلع شرقی کے تعلیمی اداروں میں 216 طلبا و اساتذہ میں کورونا کی تصدیق

    کراچی : ضلع شرقی کے تعلیمی اداروں میں 216 طلبا و اساتذہ میں کورونا کی تصدیق ہوگئی جبکہ 363ٹیسٹ کے نتائج آنا باقی ہیں۔

    تفصیلات کے مطابق محکمہ صحت ٹیم کی جانب سے کراچی کے ضلع شرقی کے تعلیمی اداروں میں 9158 کوویڈ ٹیسٹ کئے ، جس میں سے 216 طلباء و اساتذہ کے ٹیسٹ مثبت اور 8939 طلبا واساتذہ کے ٹیسٹ نیگیٹو آئے۔

    ڈسٹرکٹ ہیلتھ آفس شرقی کاکہنا ہے کہ تعلیمی اداروں میں کئے گئے ٹیسٹوں میں سے 363 ٹیسٹ کے نتائج آنا باقی ہیں۔

    یاد رہے گذشتہ روز صوبہ سندھ میں کورونا وائرس کے 556 نئے کیسز رپورٹ ہوئے تھے، جس کے بعد سندھ میں کورنا کیسز کی تعداد بڑھ کر ایک لاکھ 48 ہزار 343 ہو گئی ہے۔

    وزیراعلیٰ سید مراد علی شاہ کا کہنا تھا کہ صوبے میں کورونا وائرس سے مزید 17 افراد اپنی جانوں سے گئے ، جس کے بعد سندھ میں اب تک کورونا وائرس کی وجہ سے ہونے والی اموات کی کل تعداد دو ہزار 664 ہو گئی۔

    خیال رہے پاکستان میں کورونا کی ہلاکت خیزی میں تیزی سے اضافہ ہونے لگا، مہلک وائرس چوبیس گھنٹے کے دوران مزید تیس جانیں نگل گیا، جس سے کورونا وائرس سے اب تک اموات کی تعداد چھ ہزار نو سو تئیس ہوگئی جبکہ چوبیس گھنٹے کے دوران تیرہ سو چھہتر نئے کیس بھی رپورٹ ہوئے۔

  • تعلیمی اداروں میں موسم سرما کی چھٹیوں کی مخالفت سامنے آگئی

    تعلیمی اداروں میں موسم سرما کی چھٹیوں کی مخالفت سامنے آگئی

    لاہور : وزیر تعلیم پنجاب مراد راس نے تعلیمی اداروں میں موسم سرما کی چھٹیوں کی مخالفت کرتے ہوئے کہا پہلےزیادہ چھٹیاں ہوچکی ہیں، دسمبرتک کوروناوائرس کی صورتحال دیکھ کرپھرفیصلہ کیاجائےگا۔

    تفصیلات کے مطابق وزیر تعلیم پنجاب مراد راس نے اپنے بیان میں کہا ہے کہ کورونا سےمتعلق پنجاب میں الارمنگ صورتحال نہیں، 2 سو سے زائد ٹیچرز اور طلبا میں کوروناپایاگیا، یہ صورتحال خطرناک نہیں،مرادراس

    مراد راس کا کہنا تھا کہ موسم سرماکی چھٹیوں کےحق میں نہیں، پہلےزیادہ چھٹیاں ہوچکی ہیں، دسمبرتک کوروناوائرس کی صورتحال دیکھ کرپھرفیصلہ کیاجائےگا۔

    گذشتہ روز پنجاب کے وزیر تعلیم مراد راس نے کہا تھا کہ اسکولز میں سب سے زیادہ ایس او پیز پر عمل درآمد کیا جارہا ہے، کورونا کیسز میں مزید اضافہ ہوا ہے لیکن الارمنگ صورتحال نہیں ہے۔ اگر پہلے والی صورتحال ہوئی تو سکول دوبارہ بند کیے جا سکتے ہیں۔

    خیال رہے کورونا کے بڑھتے ہوئے کیسز کے پیش نظر پنجاب کے تعلیمی اداروں میں سردیوں کی چھٹیوں سےمتعلق مشاورت کی گئی، جس میں تعلیمی اداروں میں سردیوں کی چھٹیاں نومبرکےدوسرےہفتےمیں دینے پرغور کیا جارہا ہے ، وزیراعلیٰ پنجاب تعلیمی اداروں میں چھٹیوں سے متعلق فیصلہ آئندہ 2 روزمیں کریں گے۔

    وفاق نے صوبے میں تعلیمی ادارے دسمبر کے بجائے نومبر میں بند کرنے کی سفارش کی تھی۔

  • تعلیمی اداروں میں سردیوں کی چھٹیاں کب سے ہوں گی؟ بڑی خبر آگئی

    تعلیمی اداروں میں سردیوں کی چھٹیاں کب سے ہوں گی؟ بڑی خبر آگئی

    لاہور : پاکستان میں کورونا کی دوسری لہر کے پیش نظر تعلیمی اداروں میں سردیوں کی چھٹیاں نومبرکےدوسرےہفتےمیں دینے پرغور کیا جارہا ہے ، وزیراعلیٰ پنجاب تعلیمی اداروں میں چھٹیوں سے متعلق فیصلہ آئندہ 2 روزمیں کریں گے۔

    تفصیلات کے مطابق کورونا کے بڑھتے ہوئے کیسز کے پیش نظر پنجاب کے تعلیمی اداروں میں سردیوں کی چھٹیوں سےمتعلق مشاورت
    کی گئی ۔

    تعلیمی اداروں میں سردیوں کی چھٹیاں نومبرکےدوسرےہفتےمیں دینے پرغور کیا جارہا ہے ، وزیراعلیٰ پنجاب تعلیمی اداروں میں چھٹیوں سے متعلق فیصلہ آئندہ 2 روزمیں کریں گے۔

    وفاق نے صوبے میں تعلیمی ادارے دسمبر کے بجائے نومبر میں بند کرنے کی سفارش کی تھی۔

    مزید پڑھیں :  بین الصوبائی وزیرتعلیم کانفرنس کل ہوگی 

    یاد رہے وفاقی وزیرتعلیم شفقت محمود کی زیر صدارت بین الصوبائی وزیرتعلیم کانفرنس کل ہوگی ، جس میں تعلیمی اداروں میں موسم سرما کی تعطیلات سے متعلق فیصلہ متوقع ہے۔

    خیال رہے کورونا کی دوسری لہر کے شروع ہوتے ہی اسکولوں میں بھی کورونا کیسز میں اضافہ دیکھنے میں آرہا ہے۔

    اس سے قبل وزیر تعلیم پنجاب ڈاکٹرمراد راس نے اسکولوں کے حوالے سے اپنے بیان میں کہا تھا کرونا صورتحال کاروزانہ کی بنیاد پرجائزہ لیا جا رہا ہے، پنجاب بھر کے اسکولوں میں روزانہ کوروناٹیسٹ کئےجا رہے ہیں۔

    مراد راس کا کہنا تھا کہ گزشتہ ہفتے میں کوروناکیسزمیں اضافہ ہوا،مگر حالات قابومیں ہیں، پنجاب میں اسکولز بندکرنےکاتاحال کوئی فیصلہ نہیں کیا گیا ہے، ایس او پیزپرعملدرآمد کویقینی بناناانتہائی اہم ہے۔

  • تعلیمی اداروں میں موسم سرما کی تعطیلات ہوں گی یا نہیں ؟

    تعلیمی اداروں میں موسم سرما کی تعطیلات ہوں گی یا نہیں ؟

    کراچی: وفاقی وزیرتعلیم شفقت محمود کی زیر صدارت بین الصوبائی وزیرتعلیم کانفرنس5 نومبر کو ہوگی ، جس میں تعلیمی اداروں میں موسم سرما کی تعطیلات سے متعلق فیصلہ متوقع ہے۔

    تفصیلات کے مطابق بین الصوبائی وزیرتعلیم کانفرنس5 نومبرکو ویڈیو لنک پر ہوگی ، وفاقی وزیرتعلیم شفقت محمود کانفرنس کی صدارت کریں گے۔

    اجلاس میں تعلیمی اداروں میں کورونا کی صورتحال کا جائزہ لیا جائے گا اور اپریل سے اگست تک تعلیمی سال پرگفتگو ہوگی جبکہ تعلیمی اداروں میں موسم سرما کی تعطیلات سےمتعلق فیصلہ متوقع ہے۔

    خیال رہے کورونا کی دوسری لہر کے شروع ہوتے ہی اسکولوں میں بھی کورونا کیسز میں اضافہ دیکھنے میں آرہا ہے۔

    گذشتہ روز وزیر تعلیم پنجاب ڈاکٹرمراد راس نے اسکولوں کے حوالے سے اپنے بیان میں کہا تھا کرونا صورتحال کاروزانہ کی بنیاد پرجائزہ لیا جا رہا ہے، پنجاب بھر کے اسکولوں میں روزانہ کوروناٹیسٹ کئےجا رہے ہیں۔

    مراد راس کا کہنا تھا کہ گزشتہ ہفتے میں کوروناکیسزمیں اضافہ ہوا،مگر حالات قابومیں ہیں، پنجاب میں اسکولز بندکرنےکاتاحال کوئی فیصلہ نہیں کیا گیا ہے، ایس او پیزپرعملدرآمد کویقینی بناناانتہائی اہم ہے۔

  • تعلیمی اداروں میں کورونا کا پھیلاؤ، 24 گھنٹے میں 20 کیسز رپورٹ

    تعلیمی اداروں میں کورونا کا پھیلاؤ، 24 گھنٹے میں 20 کیسز رپورٹ

    پشاور : خیبر پختونخواہ کے دارلحکومت پشاور میں 24 گھنٹوں کے دوران تعلیمی اداروں 20 کورونا کیسز سامنے آئے ، جس کے بعد تعلیمی اداروں میں مجموعی طور پر کورونا کیسز کی تعداد 418 ہوگئی۔

    تفصیلات کے مطابق خیبر پختونخواہ کے دارلحکومت پشاور کے تعلیمی اداروں میں کوروناوائرس بڑھنے لگا ، 24گھنٹےمیں تعلیمی اداروں میں کورونا کے 20 نئے کیسز رپورٹ ہوئے ، جس کے بعد  اب تک مجموعی طور پر 418 کورونا کیسز تعلیمی اداروں سے رپورٹ ہوئے۔

    محکمہ صحت کے پی کا کہنا ہے کہ تعلیمی اداروں کے41ہزار 886 ٹیسٹوں میں سے34ہزار738منفی آئے جبکہ 24 گھنٹے کے دوران کورونا کے 57 نئے کیسز رپورٹ ہوئے۔

    رپورٹ کے مطابق صوبےمیں متاثرہ افرادکی تعداد38521ہوگئی ، گزشتہ 24گھنٹےکےدوران کورونا سےایک شخص کاانتقال ہوا ، جس کے بعد کورونا سے اموات کی تعداد 1265 ہوگئی۔

    رواں ماہ کے آغاز میں پشاور کے گورنمنٹ گرلز ہائی اسکول ترناب فارم میں 10 طالبات میں کورونا کی تصدیق ہوئی تھی ، محکمہ تعلیم کےپی کا کہنا تھا کہ اسکول کے 2 کلاس فور ملازمین بھی کورونا میں مبتلا ہوگئے، کورونا کیسز کے بعد متعلقہ اسکول کلاس کو بند کردیا ہے جبکہ اسکول مکمل بند کرنے کی سفارش کر دی ہے۔

    یاد رہے کے مانیٹرنگ اینڈ ایولیشن ڈیپارٹمنٹ نے سرکاری ونجی تعلیمی اداروں کی مانیٹرنگ رپورٹ جاری کی تھی ،جس میں وباکے پھیلنے کا خدشہ ظاہر کیا گیا تھا ، رپورٹ کے مطابق سندھ بھر کے چوالیس ہزارنوسوچوراسی اسکولوں میں تدریسی عمل جاری ہے، دوہزار ایک سوآٹھ تعلیمی اداروں نے ایس او پیزپر عمل ہی نہیں کیا۔

    رپورٹ میں کہاگیا تھا کہ بیس روز کے دوران چونسٹھ ہزارسےزائد ٹیسٹ کیےگئے، جن میں تین سواسی طلبااوراساتذہ میں کورونا کی تصدیق ہوئی، پازیٹو کیسزمیں اکثریت کراچی کی ہے، رپورٹس آنے کے بعد کراچی کے چار اضلاع میں پینتیس اسکولز بند کیے گئے۔

  • تعلیمی اداروں میں کورونا وائرس بڑھنے لگا

    تعلیمی اداروں میں کورونا وائرس بڑھنے لگا

    پشاور : گورنمنٹ گرلز ہائی اسکول ترناب فارم میں 10 طالبات میں کورونا کی تصدیق ہوگئی ، جس کے بعد محکمہ تعلیم کےپی نے اسکول مکمل بند کرنے کی سفارش کر دی ہے۔

    تفصیلات کے مطابق خیبر پختونخواہ کے دارلحکومت پشاور کے تعلیمی اداروں میں کوروناوائرس بڑھنے لگا ، گورنمنٹ گرلز ہائی اسکول ترناب فارم میں 10 طالبات میں کورونا کی تصدیق ہوگئی ہے۔

    محکمہ تعلیم کےپی کا کہنا ہے کہ اسکول کے 2 کلاس فور ملازمین بھی کورونا میں مبتلا ہوگئے، کورونا کیسز کے بعد متعلقہ اسکول کلاس کو بند کردیا ہے جبکہ اسکول مکمل بند کرنے کی سفارش کر دی ہے۔

    دوسری جانب خیبرپختونخوا کے اسکولوں میں کورونا کیسز کی تعداد جاری کردی گئی ہے ، محکمہ صحت کا کہنا ہے کہ 15 ستمبرسے3 اکتوبرتک اسکولوں میں 225کورونا کیسز رپورٹ ہوئے، اسکولوں میں کورونا مثبت کیسز کا تناسب ایک اعشاریہ 25 فیصد ہے۔

    محکمہ صحت کی رپورٹ میں کہا گیا ہے کہ روزانہ 1500 سے زائد سیمپل لئے جارہے ہیں، ابھی تک 22 ہزار 222 اسکول عملے کے ٹیسٹ کئےجاچکے ہیں۔

    یاد رہے کے مانیٹرنگ اینڈ ایولیشن ڈیپارٹمنٹ نے سرکاری ونجی تعلیمی اداروں کی مانیٹرنگ رپورٹ جاری کی تھی ،جس میں وباکے پھیلنے کا خدشہ ظاہر کیا گیا تھا ، رپورٹ کے مطابق سندھ بھر کے چوالیس ہزارنوسوچوراسی اسکولوں میں تدریسی عمل جاری ہے، دوہزارایک سوآٹھ تعلیمی اداروں نے ایس او پیزپرعمل ہی نہیں کیا۔

    رپورٹ میں کہاگیا ہےکہ بیس روز کے دوران چونسٹھ ہزارسےزائد ٹیسٹ کیےگئے، جن میں تین سواسی طلبااوراساتذہ میں کورونا کی تصدیق ہوئی، پازیٹو کیسزمیں اکثریت کراچی کی ہے، رپورٹس آنے کے بعد کراچی کے چار اضلاع میں پینتیس اسکولز بند کیے گئے۔

  • تعلیمی اداروں میں کورونا کیسز میں اضافہ

    تعلیمی اداروں میں کورونا کیسز میں اضافہ

    لاہور : پنجاب کے تعلیمی اداروں میں 51 طلبہ، 3 اساتذہ اور ایک اسٹاف ممبر میں کورونا وائرس کی تصدیق ہوگئی، جس کے بعد ایس او پیز کی خلاف ورزی پر مختلف اداروں کے 9 کلاس رومز کو سیل کر دیا گیا۔

    تفصیلات کے مطابق پنجاب کے تعلیمی اداروں میں کورونا کیسز میں اضافہ ریکارڈ کیا جارہا ہے، پنجاب کے تعلیمی اداروں میں 51 طلبہ، 3 اساتذہ، ایک سٹاف ممبر میں کورونا وائرس کی تصدیق ہوگئی۔

    ۔سیکرٹری پرائمری اینڈ سیکنڈری ہیلتھ کیئر کیپٹن (ر) محمد عثمان نے کہا کہ ایس او پیز کی خلاف ورزی پر مختلف اداروں کے 9 کلاس رومز کو سیل کر دیا گیا۔

    کیپٹن (ر) محمد عثمان کا کہنا تھا کہ پنجاب کے تعلیمی اداروں میں 28 ہزار 887 کورونا ٹیسٹ کئے گئے، سیکنڈری اسکولوں میں 6168 بچوں کے کورونا ٹیسٹ منفی اور 41 کے پازیٹو آئے۔

    سیکرٹری پرائمری اینڈ سیکنڈری ہیلتھ کیئر کے مطابق ہائر سیکنڈری اداروں میں 20 ہزار 178 کے منفی اور 12 کے نتائج مثبت آئے جبکہ یونیورسٹیوں میں اب تک 1770 کے کورونا ٹیسٹ منفی اور ایک کا مثبت آیا، اسی طرح مدرسوں میں کیے جانے والے سب ہی 154 کے ٹیسٹ نتائج منفی آئے۔

    ترجمان کا کہنا ہے کہ لاہور میں 327 اداروں سے 6538، گجرات میں 39 اداروں کے 1980، فیصل آباد میں 8 اداروں ، ننکانہ صاحب میں 11 اداروں سے 685، بھکرمیں 5 اداروں سے 323، لودھراں میں 18 اداروں سے 688، گوجرانوالہ میں21 اداروں سے 787 اور بہالپور میں 14اداروں سے 958 سیمپلز لئے گئے۔

    کیپٹن (ر) محمد عثمان نے کہا کہ لاہور میں 2، گجرات میں 6، بھکر میں 1، لودھراں 1 گوجرانوالہ اور بہالپور میں 2 اسکولوں کے ایک ایک کلاس رومز کو سیل کیا گیا۔

    پرائمری اینڈ سیکنڈری ہیلتھ کیئر کی جانب سے تمام تعلیمی اداروں کے لیے ایس او پیز جاری کیے جا چکے ہیں، تعلیمی اداروں کو مکمل طور پر کھولنے کے لیے ایس او پیز پر سختی سے مسلسل عمل درآمد یقینی بنانا لازم ہے۔

  • تعلیمی اداروں میں کورونا ٹیسٹ کے‌ حوالے سے اہم خبر

    تعلیمی اداروں میں کورونا ٹیسٹ کے‌ حوالے سے اہم خبر

    لاہور : پنجاب کے تعلیمی اداروں میں کورونا وائرس ٹیسٹ کرنے کا فیصلہ کرلیا گیا ، این سی او سی کی ہدایت کے مطابق صوبہ میں ٹیسٹنگ کی جائے گی۔

    تفصیلات کے مطابق پنجاب حکومت نے تعلیمی اداروں میں کورونا وائرس ٹیسٹ کرنے کا فیصلہ کرلیا ، اس سلسلے میں لیب کی صلاحیت بڑھانے ، پول ٹیسٹنگ کے طریقہ کار اور 3شفٹوں کی منصوبہ بندی کرلی گئی ہے۔

    این سی او سی کی ہدایت کے مطابق صوبہ میں ٹیسٹنگ کی جائے گی۔

    سیکریٹری پرائمری اینڈسیکنڈری ہیلتھ کیپٹن (ر) محمدعثمان کا کہنا ہے کہ 986 ہائی رسک تعلیمی اداروں میں مہم چلائی جائے گی جبکہ 603 اسکول، کالجوں، یونیورسٹیوں کے رینڈم سیمپل لیے جائیں گے۔

    یاد رہے حکومت نے 15 ستمبر سے ملک بھر میں تعلیمی ادارے کھولنے کا اعلان کیا ہے ، شفقت محمود نے کہا تھا کہ 15 ستمبر سے یونی ورسٹیاں اور کالجز کھولے جائیں گے، 15 دن تک حالات ٹھیک رہے تو تمام انسٹی ٹیوشنز کو کھول دیا جائے گا۔

    بعد ازاں صوبائی وزیرتعلیم مرادراس نے پنجاب میں اسکول کھولنے کا شیڈول جاری کیا تھا ، مرادراس کا کہنا تھا کہ نویں، دسویں ،گیارہویں اور بارہویں جماعت 15ستمبر سے شروع ہو گی۔

    وزیرتعلیم پنجاب کا کہنا تھا کہ چھٹی،ساتویں اورآٹھویں جماعت 22 ستمبرسے اور نرسری سےپانچویں جماعت تک کی کلاسیں30ستمبر سے شروع ہوں گی ، اسکولوں میں ڈبل شفٹ نہیں ہو گی، متبادل دن کا شیڈول تمام سرکاری اور پرائیویٹ اسکول فالوکریں گے۔

  • 15 ستمبر سے تعلیمی اداروں کھولنے کے حوالے سے والدین کیلئے بڑی خبر آگئی

    15 ستمبر سے تعلیمی اداروں کھولنے کے حوالے سے والدین کیلئے بڑی خبر آگئی

    کراچی : وزیرتعلیم ومحنت سندھ سعید غنی کا کہنا ہے کہ 15 ستمبر کو تعلیمی اداروں کو مختلف اسٹیج میں کھولا جائے، نہم سے اوپر کی کلاسزاور کلاس 6 سے 8 تک21ستمبر جبکہ پری پرائمری سے 5 تک کی کلاسز 28 ستمبر کوکھولی جائیں گی۔

    تفصیلات کے مطابق وزیرتعلیم ومحنت سندھ سعید غنی کی زیرمحکمہ تعلیم کی اسٹیئرنگ کمیٹی کا اجلاس ہوا ، جس میں تعلیمی اداروں کو کھولنے اور جاری کردہ ایس اوپیز پر تبادلہ خیال کیا گیا۔

    وزیرتعلیم سندھ نے کہا کہ وفاقی وزیرتعلیم کی زیرصدارت صوبائی وزراتعلیم کا اجلاس7 ستمبر کو ہوگا، اجلاس میں تعلیمی اداروں کو کھولنے کے حوالے سے فیصلہ کیاجائےگا۔

    سعیدغنی کا کہنا تھا کہ ملک میں کورونا کی صورتحال الحمدللہ بہت حدتک بہتر ہے، سب کمیٹی نےایس اوپیزکوفائنل کیا اورسفارشات بھی دیں۔

    سفارشات کے مطابق 15 ستمبر کو تعلیمی اداروں کو مختلف اسٹیج میں کھولا جائے، سفارشات کے مطابق نہم سے اوپر کی کلاسز، کلاس6 سے 8 تک21ستمبرتک جبکہ پری پرائمری سے 5 تک کی کلاسز 28 ستمبر کوکھولی جائیں گی۔

    صوبائی وزیر نے کہا کہ صوبے کی جانب سےوفاق کی کمیٹی کوسفارش کریں گے، کوئی اسکول مذکورہ تاریخ سے قبل کھولتاہےتووہ خلاف قانون ہوگا۔

    ان کا کہنا تھا کہ آج کی اسٹیئرنگ کمیٹی کےہونےوالےفیصلےفائنل نہیں ہیں، 7 ستمبرکواین سی اوسی کےاجلاس کےبعدکوئی حتمی اعلان کریں گے۔