ARYNews.tv | Urdu – Har Lamha Bakhabar

Tag: تعلیم کی خبریں

  • میٹرک کے سالانہ امتحانات کا نیا شیڈول جاری ہوگیا

    میٹرک کے سالانہ امتحانات کا نیا شیڈول جاری ہوگیا

    کراچی: محکمہ تعلیم سندھ کی جانب سے نویں اور دسویں جماعت کے سالانہ امتحانات کا نیا شیڈول جاری کر دیا گیا ہے۔

    تفصیلات کے مطابق نویں اور دسویں جماعت کے ملتوی کیے گئے امتحانات کے نئے شیڈول کا اعلان کر دیا گیا، نویں سائنس بیالوجی کا پرچہ یکم اپریل کو ہوگا۔

    ناظم امتحانات ثانوی تعلیمی بورڈ کراچی کا کہنا ہے کہ یکم اپریل کو نویں سائنس بیالوجی تھیوری اور جنرل سائنس کے پرچوں سے امتحانات کا آغاز ہوگا۔

    پرچے صبح ساڑھے نو بجے شروع ہوں گے اور ساڑھے بارہ بجے تک جاری رہیں گے، میٹرک سالانہ امتحانات کا اختتام 16 اپریل کو ہوگا۔

    نویں اور دسویں جماعت جنرل سائنس گروپ کے امتحانات کا وقت دوپہر ڈھائی بجے سے شام ساڑھے 5 بجے تک ہوگا۔

    واضح رہے کہ محکمہ تعلیم کی جانب سے میٹرک کے امتحانات کے شیڈول کے آغاز کا اعلان 25 مارچ سے کیا گیا تھا، محکمہ تعلیم کے ملازمین کے ہڑتال کے باعث امتحانات ملتوی کر دیے گئے تھے۔

    یہ بھی پڑھیں:  صوبائی وزیرتعلیم کا کراچی کے اسکول کالجز پراچانک چھاپہ

    دریں اثنا، گزشتہ روز صوبائی وزیر تعلیم سید سردار علی شاہ کی زیر صدارت صوبے کے تمام تعلیمی بورڈز کے چیئرمین کا اعلیٰ سطح کا اجلاس ہوا، جس میں بتایا گیا کہ ایجوکیشن بورڈز کے ملازمین گزشتہ 15 روز سے ہڑتال پر ہیں، جس کی وجہ سے 25 مارچ کو شروع ہونے والے نویں اور دسویں جماعت کے امتحانات کے لیے تیاری مکمل نہیں۔

    اجلاس میں متفقہ طور پر فیصلہ کیا گیا کہ نویں اور دسویں جماعت کے امتحانات جو کہ 25 مارچ کو ہونے تھے وہ یکم اپریل سے ہوں گے۔

    وزیر تعلیم نے میڈیا سے گفتگو کرتے ہوئے خبردار کیا کہ امتحانات میں کسی بھی قسم کی نقل، چیٹنگ ہوئی اور کوئی بھی ملوث پایا گیا اس کے خلاف سخت سے سخت کارروائی ہوگی۔

  • بلوچستان میں 25 لاکھ بچے تعلیم سے محروم ہیں: رپورٹ

    بلوچستان میں 25 لاکھ بچے تعلیم سے محروم ہیں: رپورٹ

    کوئٹہ: بلوچ رہنما اور رکن صوبائی اسمبلی ثنا بلوچ نے ایک سرکاری رپورٹ کا حوالہ دیتے ہوئے کہا ہے کہ بلوچستان میں 25 لاکھ بچے تعلیم سے محروم ہیں۔

    تفصیلات کے مطابق بلوچستان اسمبلی اجلاس میں ثنا بلوچ نے کہا کہ رپورٹ کے مطابق بلوچستان میں پچیس لاکھ بچے تعلیم سے محروم ہیں، جب کہ بلوچستان میں کل 13 لاکھ 845 اسکول ہیں۔

    [bs-quote quote=”محروم بچوں کو اسکولوں میں لائیں گے۔” style=”style-7″ align=”left” color=”#dd3333″ author_name=”عبد الرحمان کھیتران” author_job=”صوبائی وزیر”][/bs-quote]

    ثناء اللہ بلوچ نے تعلیمی شعبے میں بہتری کے لیے خصوصی کمیٹی کی تشکیل کا مطالبہ کرتے ہوئے کہا کہ بلوچستان میں تعلیمی پس ماندگی کی وجہ سے ترقی نہیں ہو رہی ہے۔

    وزیر برائے سائنس اینڈ انفارمیشن ٹیکنالوجی عبد الرحمان کھیتران نے کہا کہ حکومت کی کوشش ہے کہ اسکولوں کی حالت بہتر، اور محروم بچوں کو اسکولوں میں لائیں، ہم مل بیٹھ کر تعلیم کے مسئلے کو حل کرنا چاہتے ہیں۔

    دریں اثنا اپوزیشن اراکین کی جانب سے کورم پورا نہ ہونے کی نشان دہی پر اسپیکر نے بلوچستان اسمبلی کا اجلاس غیر معینہ مدت تک ملتوی کر دیا۔

    یہ بھی پڑھیں:  ماہرین نے بلوچستان میں غذائی کمی کے مسئلے کو سنگین قرار دے دیا

    خیال رہے کہ صوبے میں غذائی قلت کا مسئلہ بھی سنگین نوعیت کا رخ اختیار کر چکا ہے، جس پر چند دن قبل صوبائی وزیرِ صحت نصیب اللہ مری نے کہا تھا کہ صوبائی نیوٹریشن پروگرام کو دور دراز علاقوں تک لے کر جائیں گے۔

  • 5 ہزار سے زیادہ فیس لینے والے نجی اسکولوں کو 20 فی صد کمی کرنا ہوگی: سپریم کورٹ

    5 ہزار سے زیادہ فیس لینے والے نجی اسکولوں کو 20 فی صد کمی کرنا ہوگی: سپریم کورٹ

    کراچی: سپریم کورٹ آف پاکستان نے ایک بار پھر دو ٹوک الفاظ میں اپنے حکم کی وضاحت کرتے ہوئے کہا ہے کہ 5 ہزار سے زیادہ فیس لینے والے نجی اسکولوں کو 20 فی صد کمی کرنا ہوگی۔

    تفصیلات کے مطابق نجی اسکولوں کی فیسوں کے حوالے سے عدالتی حکم کی وضاحت کرتے ہوئے سپریم کورٹ نے ایک بار پھر کہہ دیا ہے کہ پانچ ہزار سے زائد فیس لینے والے اسکولوں کو بیس فی صد کمی کرنی پڑے گی۔

    [bs-quote quote=”اسکول بند ہو جائیں گے: پرائیویٹ اسکولز کی دہائی
    آپ نے اسکول بند کرنے ہیں تو کر دیں: چیف جسٹس کا جواب” style=”style-7″ align=”left” color=”#dd3333″][/bs-quote]

    عدالت نے کہا پانچ ہزار سے زیادہ فیس لینے پر بیس فی صد کمی ہوگی، یہ عدالتی حکم ہر اسکول پر لاگو ہے۔

    عدالتی حکم پر پرائیویٹ اسکولز ایسوسی ایشن کے صدر نے دہائی دیتے ہوئے کہا کہ اس حکم پر عمل سے اسکول بند ہو جائیں گے۔

    چیف جسٹس میاں ثاقب نثار نے جواب دیتے ہوئے کہا ’معلوم ہے نجی اسکول عدالتی فیصلے کے خلاف ردِ عمل دے رہے ہیں، آپ نے اسکول بند کرنے ہیں تو کر دیں۔‘

    چیف جسٹس نے کہا بچوں کی فیس کم کی تو اب احتجاج شروع کر دیا گیا ہے، ایسے اسکول مالکان کے خلاف مقدمات درج کیے جائیں۔ انھوں نے اسکول مالکان کے پرائیویٹ اکاؤنٹس کے آڈٹ کرانے کا حکم بھی جاری کیا۔

    یہ بھی پڑھیں:  اسکولوں نے فیس کم نہ کی تو انیل کپور کی طرح چھاپے ماروں گا، سید سردار شاہ

    یاد رہے کہ تین دن قبل سندھ کے وزیرِ تعلیم سید سردار شاہ نے دل چسپ انداز میں بیان دیا تھا کہ اگر پرائیویٹ اسکولوں نے عدالتی حکم پر فیسوں میں کمی نہ کی تو انیل کپور کی طرح چھاپے مار کر اسکول بند کرا دوں گا۔

  • خیبر پختونخوا کے تعلیمی اداروں میں نسوار پر پابندی عائد

    خیبر پختونخوا کے تعلیمی اداروں میں نسوار پر پابندی عائد

    پشاور: خیبر پختونخوا کے تعلیمی اداروں میں نسوار اور سگریٹ کے خلاف مہم شروع ہو گئی، محکمۂ تعلیم نے تمام تعلیمی اداروں میں نسوار اور تمباکو نوشی پر پابندی عائد کر دی۔

    تفصیلات کے مطابق کے پی تعلیمی اداروں میں نسوار اور تمباکو نوشی کے خلاف مہم کے تحت محکمۂ تعلیم کی جانب سے کینٹینز کی باقاعدگی سے نگرانی کی ہدایت کر دی گئی۔

    [bs-quote quote=”طلبہ کو ہفتہ وار سیشن کے ذریعے نسوار اور سگریٹ سے دور رکھنے کی ترغیب دی جائے گی۔” style=”style-7″ align=”left” color=”#dd3333″][/bs-quote]

    محکمۂ تعلیم کے اعلامیے کے مطابق نسوار اور سگریٹ سے بچاؤ مہم میں یونی ورسٹیوں اور کالجز کی کنٹین کی بھی کڑی نگرانی کی جائے گی۔

    اس سلسلے میں تعلیمی اداروں میں لیکچر بھی دیے جائیں گے جب کہ سیمینار اور آگاہی واک کا بھی انعقاد کیا جائے گا، طلبہ کو ہفتہ وار سیشن کے ذریعے نسوار اور سگریٹ سے دور رکھنے کی ترغیب دی جائے گی۔

    محکمۂ تعلیم کی جانب سے کینٹینز میں فراہم کیے جانے والے جوسز اور کھانے پینے کی اشیا کی سخت چیکنگ کے احکامات بھی جاری کیے گئے ہیں۔

    یہ بھی پڑھیں:  خیبر پختونخواہ میں گرلزاسکولز کے پروگرامز میں مردوں کی شرکت پرپابندی

    واضح رہے کہ خیبر پختونخوا کے اسکولوں اور کالجز میں لگائی جانے والی یہ پابندی صرف سرکاری تعلیمی اداروں ہی تک محدود نہیں ہے بلکہ پابندی کا اطلاق پرائیویٹ تعلیمی اداروں پر بھی ہوگا۔

    واضح رہے کہ پاکستان کے تعلیمی اداروں میں تمباکو نوشی اور منشیات کا استعمال عام ہو چکا ہے، جس کی وجہ سے قوم کے مستقبل پر گہرے منفی اثرات مرتب ہو رہے ہیں، اس تناظر میں یہ اقدام بہت اہمیت کا حامل ہے۔

  • نجی اسکولوں کی اجارہ داری ختم کرنے کے لیے اقدامات کر رہے ہیں، وزیرِ تعلیم سندھ

    نجی اسکولوں کی اجارہ داری ختم کرنے کے لیے اقدامات کر رہے ہیں، وزیرِ تعلیم سندھ

    کراچی: سندھ کے وزیرِ تعلیم سید سردار شاہ نے کہا ہے کہ نجی اسکولوں نے اپنی اجارہ داری قائم کر رکھی ہے، اسے ختم کرنے کے لیے اقدامات کر رہے ہیں۔

    تفصیلات کے مطابق اے آر وائی نیوز کے خصوصی پروگرام میں گفتگو کرتے ہوئے انھوں نے کہا کہ نجی اسکولوں کو فیسوں میں 5 فی صد سے زائد اضافہ واپس لینے اور لی ہوئی اضافی فیس ریفنڈ کرنے کا کہا تھا، لیکن 10 سے 12 بڑے نجی اسکولز اپنی مرضی سے فیصلے کر رہے ہیں۔

    [bs-quote quote=”ٹیوشن فیس کے علاوہ فیسوں میں کسی بھی اضافے کے لیے سرکاری منظوری ضروری ہے۔” style=”style-7″ align=”left” color=”#dd3333″ author_name=”حمود الرب” author_job=”پیرنٹس ایسوسی ایشن”][/bs-quote]

    دریں اثنا اسکول فیسوں سے متعلق اے آر وائی نیوز کی اسپیشل ٹرانسمشن میں پیرنٹس ایسوسی ایشن کے نمائندے حمود الرب نے کہا کہ نجی اسکول حکومتی قوانین پر بالکل بھی عمل نہیں کر رہے تھے، ٹیوشن فیس کے علاوہ کسی بھی اضافے کے لیے سرکاری منظوری ضروری ہے، سندھ میں اس حوالے سے احکامات نہیں آئے جب کہ پنجاب میں آ چکے ہیں۔

    پرائیویٹ اسکولوں کے نمائندے کاشف مرزا نے کہا کہ پنجاب میں فیصلوں سے متعلق واضح احکامات دیے گئے، تعلیمی میدان میں ریاست اپنی ذمے داری پوری نہیں کر پا رہی، بیش تر نجی اسکولوں کا فیس اسٹرکچر 1500 روپے سے بھی کم ہے، نجی اسکولوں کے خلاف شکایات چند سو سے زائد نہیں، عام نجی اسکولوں کے حوالے سے شکایات سامنے نہیں آئی ہیں۔

    یہ بھی پڑھیں:  عدالتی احکامات نظرانداز‘ پرائیوٹ اسکولوں کی جانب سے اضافی فیسوں کی وصولی جاری

    پیرنٹس ایسوسی ایشن کے نمائندے کا کہنا تھا کہ فیصلہ اگر سپریم کورٹ میں چیلنج ہوا تو اس کا مطلب یہ نہیں کہ ہائی کورٹ کا فیصلہ کالعدم ہو گیا، نجی اسکولوں کے خلاف شکایات سیکڑوں میں نہیں ہزاروں ہیں، کیا نجی اسکولوں پر کوئی قانون لاگو نہیں ہونا چاہیے، کوئی پوچھنے والا نہ ہو۔ نجی اسکول قانون پرعمل کریں تو والدین کو کوئی شکایت نہیں ہوگی۔

    [bs-quote quote=”سرکاری اسکولوں کو ٹھیک کرنے کی ضرورت ہے، اچھی تعلیم اور سیکورٹی کی فراہمی اسکول انتظامیہ کی ذمے داری ہے۔” style=”style-7″ align=”right” color=”#dd3333″ author_name=”شہزاد رائے” author_job=”گلو کار”][/bs-quote]

    اس موقع پر گلوکار شہزاد رائے نے کہا کہ سرکاری اسکولوں کو ٹھیک کرنے کی ضرورت ہے، اچھی تعلیم اور سیکورٹی کی فراہمی اسکول انتظامیہ کی ذمے داری ہے، ملک بھر میں سرکاری اسکولوں کی کمی ہے، حکومت سرکاری اسکول ریگولیٹ نہیں کر پاتی تو پرائیوٹ اسکولوں کو کیسے کرے گی۔

    شہزاد رائے کا کہنا تھا کہ سرکاری و نجی اسکولوں میں پڑھائی کا نظام بہتر بنانے کی ضرورت ہے، سپریم کورٹ اسکولوں کی انتظامیہ کو بلا کر تعلیمی نظام بہتر بنانے کی ہدایت کرے، اسکولوں میں بچوں کی پڑھائی کا معیار بہتر بنانے کا نوٹس لینا ضروری ہے۔

    پرائیوٹ اسکولز ایسوسی ایشن کے نمائندے کاشف مرزا نے کہا کہ حکمرانوں کو چاہیے اپنے بچے سرکاری اسکولوں میں بھیجیں، پرائیوٹ اسکول غلط کر رہے ہیں تو ان کے خلاف کارروائی کریں، حکومت اسکولوں میں تعلیمی معیار کی بہتری کے لیے نگرانی کا نظام لائے۔

  • پنجاب یونی ورسٹی کے سابق وی سی مجاہد کامران کی ضمانت منظور

    پنجاب یونی ورسٹی کے سابق وی سی مجاہد کامران کی ضمانت منظور

    لاہور: قومی احتساب بیورو (نیب) کے ہاتھوں گرفتار پنجاب یونی ورسٹی کے سابق وائس چانسلر مجاہد کامران کی ضمانت منظور ہو گئی۔

    تفصیلات کے مطابق غیر قانونی بھرتیوں کے الزام میں نیب کے ہاتھوں گرفتار جامعہ پنجاب کے سابق وی سی مجاہد کامران کی ضمانت منظور کر لی گئی۔

    [bs-quote quote=”پروفیسرز کو پانچ پانچ لاکھ کے مچلکوں کے عوض رہا کرنے کا حکم” style=”style-7″ align=”left” color=”#dd3333″][/bs-quote]

    لاہور ہائی کورٹ نے سابق وی سی کے ساتھ ساتھ پروفیسر کامران عابد، ڈاکٹر لیاقت اور امین اطہرکی بھی ضمانت منظور کر لی ہے۔

    عدالت نے تمام گرفتار پروفیسرز کو پانچ پانچ لاکھ کے مچلکوں کے عوض رہا کرنے کا حکم دیا۔

    خیال رہے کہ دو روز قبل پنجاب یونی ورسٹی میں غیر قانونی بھرتیوں کے الزام میں گرفتار ہونے والے سابق وی سی سمیت 6 ملزمان کے جوڈیشل ریمانڈ میں بیس نومبر تک توسیع کردی گئی تھی۔ اس سے قبل ڈاکٹر مجاہد کامران 12 روزہ جسمانی ریمانڈ پر نیب کے حوالے کیے گئے تھے۔

    یہ بھی پڑھیں:  لاہور: پروفیسر مجاہد کامران سمیت چھ ملزمان کے جوڈیشل ریمانڈ میں 20 نومبرتک توسیع

    نیب پراسیکیوٹر کا کہنا ہے کہ 5 سابق رجسٹرار بھی وائس چانسلر کے غیر قانونی کاموں میں معاون تھے، ڈاکٹر مجاہد کامران پر مالی بے ضابطگیوں کا بھی الزام ہے، ذرائع کے مطابق وائس چانسلر کی ملی بھگت سے 550 غیر قانونی بھرتیاں کی گئیں، یہ بھرتیاں گریڈ 17 اور ا س سے اوپر کے گریڈز میں کی گئیں۔

    وی سی نے اپنی اہلیہ شازیہ قریشی کو بھی غیر قانونی طور پر یونی ورسٹی لا کالج کی پرنسپل تعینات کیا، 9 سالہ دور میں غیر قانونی بھرتیوں کے علاوہ پپرا رولز کے خلاف من پسند کنٹریکٹرز کو ٹھیکے بھی دیے۔

  • اساتذہ کی تربیت کے لیے عالمی اسکالرز کو پاکستان بلائیں گے: صوبائی وزیر تعلیم

    اساتذہ کی تربیت کے لیے عالمی اسکالرز کو پاکستان بلائیں گے: صوبائی وزیر تعلیم

    لاہور: صوبہ پنجاب کے وزیر برائے تعلیم و سیاحت راجہ یاسر سرفراز کا کہنا ہے کہ اساتذہ کی تربیت کے لیے عالمی اسکالرز کو پاکستان بلائیں گے۔ لیپ ٹاپ اسکیم پر 20 ملین خرچ کر دیے گئے۔

    تفصیلات کے مطابق وزیر برائے اعلیٰ تعلیم اور سیاحت راجہ یاسر سرفراز نے پریس کانفرنس کرتے ہوئے کہا کہ 20 بلین لیپ ٹاپ پر خرچ کر دیے گئے، اعلیٰ تعلیم میں بہتری کا 100 روزہ منصوبہ تیار کر لیا۔

    انہوں نے بتایا کہ سب سے پہلے پالیسی پر مسودہ تیار کیا جا رہا ہے، طے کر رہے ہیں کہ یونیورسٹی کہنا کسے ہے۔ ہر ڈویژن میں عالمی معیار کی یونیورسٹی ہوگی۔ کچھ کالج کمیونٹی کالجوں میں تبدیل کریں گے۔

    انہوں نے کہا کہ کالجوں کا الحاق صرف ڈویژن کی یونیورسٹی سے ہو سکے گا۔ اساتذہ کی تربیت کے لیے تربیتی ادارے قائم کر رہے ہیں۔ ’ان کی تربیت کے لیے عالمی اسکالرز کو پاکستان بلائیں گے‘۔

    یاسر سرفراز کا کہنا تھا کہ میٹرک، انٹر میڈیٹ سسٹم کو او لیول اور اے لیول سے بہتر کریں گے۔ تبادلے اور تقرریوں کا کام آن لائن کریں گے۔ ہر سطح پر تقرری کا معیار 100 فیصد میرٹ پر ہوگا۔

    انہوں نے کہا کہ سیاحت کے لیے بھی پالیسی بنا رہے ہیں۔

  • پنجاب یونی ورسٹی میں غیر قانونی بھرتیاں، سابق وی سی سمیت 6 ملزمان گرفتار

    پنجاب یونی ورسٹی میں غیر قانونی بھرتیاں، سابق وی سی سمیت 6 ملزمان گرفتار

    لاہور: قومی احتساب بیورو (نیب) نے غیر قانونی بھرتیوں کے الزام میں پنجاب یونی ورسٹی کے سابق وی سی مجاہد کامران اور رجسٹرار سمیت 6 ملزمان کو گرفتار کر لیا۔

    تفصیلات کے مطابق نیب نے پنجاب یونی ورسٹی کے سابق وی سی ڈاکٹر مجاہد کامران کو گرفتار کر لیا، سابق وائس چانسلر پر بے ضابطگیوں کا الزام ہے، مجاہد کامران نے بڑے پیمانے پر یونی ورسٹی میں خلاف ضابطہ بھرتیاں کیں۔

    [bs-quote quote=”مجاہد کامران نے اہلیہ کو غیر قانونی طور پر یونی ورسٹی لا کالج کی پرنسپل تعینات کیا” style=”style-7″ align=”left” color=”#dd3333″][/bs-quote]

    ذرائع کا کہنا ہے کہ مجاہد کامران نے اہلیہ کو غیر قانونی طور پر یونی ورسٹی لا کالج کی پرنسپل تعینات کیا، اور من پسند طلبہ کو اسکالر شپس دیں، سابق وی سی نے اپنے 9 سالہ دور میں غیر قانونی بھرتیاں بھی کیں۔

    ذرائع کے مطابق نیب ایگزیکٹو بورڈ مجاہد کامران کے خلاف انکوائری کی منظوری دے چکا ہے، سابق وائس چانسلر نے پپرا رولز کے خلاف من پسند کنٹریکٹر کو ٹھیکے بھی دیے۔

    یہ بھی پڑھیں:  سپریم کورٹ نےلاہورکالج فارویمن یونیورسٹی کی وی سی کوعہدے سےفارغ کردیا

    دریں اثنا قومی احتساب بیورو نے پنجاب یونی ورسٹی میں بے ضابطگیوں کے خلاف اپنی کارروائی کو وسعت دیتے ہوئے رجسٹرار سمیت مزید پانچ ملزمان کو گرفتار کر لیا ہے۔

    نیب کے ہاتھوں گرفتار ملزمان میں ڈاکٹر اورنگ زیب عالمگیر، ڈاکٹر لیاقت علی، ڈاکٹر کامران، ڈاکٹر راس مسعود، اور امین اطہر بھی شامل ہیں۔

    نیب کا کہنا ہے کہ ان ملزمان نے غیر قانونی بھرتیوں میں اہم کردار ادا کیا۔ ذرائع کے مطابق وائس چانسلر کی ملی بھگت سے 550 غیر قانونی بھرتیاں کی گئیں، یہ بھرتیاں گریڈ 17 اور ا س سے اوپر کے گریڈز میں کی گئیں۔

  • جامعہ کراچی میں بھینسوں کے باڑے قائم، 5 باڑے مسمار

    جامعہ کراچی میں بھینسوں کے باڑے قائم، 5 باڑے مسمار

    کراچی: شہرِ قائد کی مادرِ علمی میں بے حسی کی انتہا ہو گئی، سندھ کی بڑی جامعہ میں ملازمین نے بھینسوں کے باڑے قائم کر لیے، انتظامیہ بے بس ہو گئی۔

    تفصیلات کے مطابق جامعہ کراچی کے اندر بھینسوں کے باڑے قائم کر کے جامعہ کے ملازمین نے بے حسی کی ایک نئی مثال قائم کر دی، انتظامیہ باڑے قائم کرنے سے نہ روک سکی۔

    [bs-quote quote=”آپریشن کے باوجود یونیورسٹی میں کئی باڑے اب بھی قائم ہیں۔ باڑے جامعہ کے ملازمین نے قائم کیے۔” style=”style-7″ align=”left” color=”#dd3333″][/bs-quote]

    بھینسوں کے باڑوں کے خلاف جامعہ کراچی میں آپریشن کرنا پڑ گیا، مادرِ علمی میں تجاوزات کے خلاف آپریشن کے دوران پانچ باڑے مسمار کر دیے گئے۔

    بھینسوں کے باڑے جامعہ کراچی کی حدود میں جامعہ ہی کے ملازمین نے قائم کیے تھے، ملازمین نے جامعہ کی نرسری کی زمین پر بھی قبضہ جما لیا تھا، تجاوزات کے خلاف آپریشن میں نرسری کی زمین بھی واگزار کرا لی گئی۔

    یہ بھی پڑھیں:  کراچی : شاہراہ قائدین پر تجاوزات کیخلاف گرینڈ آپریشن، کیبن اور پتھارے ضبط

    جامعہ کراچی میں قائم بھینسوں کے باڑوں کے خلاف آپریشن کے باوجود تا حال جامعہ میں بھینسوں کے کئی باڑے قائم ہیں، آپریشن میں صرف پانچ باڑے مسمار کیے گئے ہیں۔ کراچی یونی ورسٹی میں پہلے بھی عجیب واقعات ہوتے رہے ہیں۔

    خیال رہے کہ کراچی میں مختلف علاقوں میں تجاوزات کے خلاف آپریشن کیا جا رہا ہے، دو ہفتے قبل محکمہ انسدادِ تجاوزات کی ٹیم نے شاہراہِ قائدین پر بھی گرینڈ آپریشن کرکے فٹ پاتھ پر موجود کیبن اور پتھارے ضبط کرلیے تھے اور کئی فٹ باہر نکلے شیڈز کو گرا دیا گیا تھا۔

  • انجینیرنگ ٹیکنالوجی کی تعلیم کے لیے رہبرِ جامعہ کا خواب پورا ہوگیا، آرمی چیف

    انجینیرنگ ٹیکنالوجی کی تعلیم کے لیے رہبرِ جامعہ کا خواب پورا ہوگیا، آرمی چیف

    راولپنڈی: آرمی چیف جنرل قمرجاوید باجوہ نے کہا ہے کہ ملک میں جدید انجینیرنگ ٹیکنالوجی کی تعلیم کے لیے رہبرِ جامعہ کا خواب پورا ہوگیا ہے۔

    تفصیلات کے مطابق آرمی چیف کی زیرصدارت نیوٹیک یونیورسٹی کے بورڈ آف گورنرز کے منعقدہ اجلاس میں آرمی چیف نے کہا کہ نوجوانوں میں اعلیٰ تکنیکی مہارت کو فروغ دیا جارہا ہے۔

    چیف آف آرمی اسٹاف کا کہنا تھا کہ نیوٹیک یونیورسٹی سختی سے میرٹ پرعمل کر کے تعلیم کا معیار بلند تر رکھے، دریں اثنا انھوں نے یونی ورسٹی انتظامیہ کی کارکردگی کو سراہا۔

    جنرل قمرجاوید باجوہ نے بورڈ آف گورنرز کی صدارت کرتے ہوئے کہا کہ نیوٹیک یونیورسٹی مقامی اور اوورسیزمارکیٹ کے ساتھ ساتھ سی پیک کی ضروریات بھی پورا کرے گی۔

    آرمی چیف نے یونی ورسٹی انتظامیہ کی کاوشوں کو قابل تحسین قرار دیتے ہوئے کہا کہ نیوٹیک جدید ٹیکنالوجی سکھانے والی ملک کی پہلی قومی ٹیکنالوجی یونی ورسٹی ہوگی۔

    بھارت امن کی خواہش کو ہماری کم زوری نہ سمجھے، میجرجنرل آصف غفور

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔