Tag: تعمیراتی شعبہ

کراچی: وفاقی وزیر برائے بحری امور علی زیدی کا کہنا ہے کہ تعمیراتی شعبہ ملکی معیشت کی ریڑھ کی ہڈی ہے، تعمیراتی شعبے چلتے ہیں تو روزگار کے مواقع پیدا ہوتے ہیں۔

تفصیلات کے مطابق کراچی میں وفاقی وزیر علی زیدی نے نمائش کی افتتاح کے بعد میڈیا سے گفتگو کرتے ہوئے کہا کہ تعمیراتی شعبے کو ریگولیٹ کرنا ہوگا، دنیا بھر میں تعمیراتی شعبہ اہم سیکٹر ہے۔

وفاقی وزیر کا کہنا تھا کہ کراچی میں جو تعمیرات ہوئی اس میں بہت کچھ غیرقانونی کام بھی ہوئے، کے پی ٹی کی بھی قیمتی زمینوں پر تجاوزات کرلی گئی ہیں، دو تین علاقوں کو لے کر ایک پلان مرتب کیا ہے۔

علی زیدی نے کہا کہ کے پی ٹی کی زمین پر جو گھر بن گئے ہیں ان پر پلان کے تحت کام ہوگا، پہلے پلان کے تحت مارچ میں تجاوزات کے خلاف کام ہوگا، دوسرے مرحلے میں تجاوزات پر کام کیا جائے گا۔

انہوں نے کہا کہ حکومت خاص طور پر غریب افراد کے لیے کام کر رہی ہے، احساس پروگرام اس کا ثبوت ہے، ہم ایک پلان تیار کر رہے جس سے لوگوں کا لائف اسٹائل چینج ہو۔

وفاقی وزیر کے مطابق بہت سارے علاقے ایسے جنہیں ری ڈویلپمنٹ کی ضرورت ہے، کے پی ٹی کی چھتری تلے ایک پراجیکٹ شروع کریں گے، محمدی ہاؤس آئی آئی چندریگر روڈ پر بلڈنگ کو ٹھیک کرنا ہے۔

علی زیدی کا کہنا تھا کہ نیا پاکستان ہاؤسنگ پروجیکٹ کے لیے منصوبے کا اعلان ہوگا، کے پی ٹی کی زمین پر سستے گھروں کی تعمیر کا پلان وزیر اعظم ہاؤسنگ کا حصہ ہوگا۔

وفاقی وزیر برائے بحری امور علی زیدی نے مزید کہا کہ تعمیراتی شعبہ ملکی معیشت کی ریڑھ کی ہڈی ہے، تعمیراتی شعبے چلتے ہیں تو روزگار کے مواقع پیدا ہوتے ہیں۔

اسلام آباد: وزیراعظم عمران خان کا کہنا ہے کہ تعمیراتی شعبے میں حائل رکاوٹیں دور کرنا حکومت کی ترجیح ہے، نیا پاکستان ہاؤسنگ کے لیے سرکاری زمینوں کو استعمال میں لایا جائے۔

تفصیلات کے مطابق وزیراعظم عمران خان کی زیرصدارت حکومتی معاشی ٹیم کا اجلاس ہوا، جس میں ملک کی مجموعی معاشی صورت حال اوراقتصادی معاملات پر غور سمیت حالیہ حکومتی اقدامات کا جائزہ لیا گیا۔

اجلاس میں ہنرمندوں، نوجوانوں کے لیے نوکریوں کے مواقع پیدا کرنے پر بریفنگ سمیت بیرون ملک پاکستانیوں کی جانب سے بھیجی گئیں رقوم پر مراعاتی پیکج پرغور کیا گیا۔ وزیراعظم کو تعمیراتی شعبے کے فروغ اور بلڈرز کو درپیش مسائل سے آگاہ کیا گیا۔

وزیراعظم نے کہا کہ تعمیرات کے شعبے سے 40 کے لگ بھگ صنعتیں وابستہ ہیں، شعبے کے فروغ سے نوکریوں کے بے شمار مواقع پیدا ہوں گے، تعمیراتی شعبے میں حائل رکاوٹیں دور کرنا حکومت کی ترجیح ہے، نیا پاکستان ہاؤسنگ کے لیے سرکاری زمینوں کو استعمال میں لایا جائے۔

انہوں نے کہا کہ بیرون ملک پاکستانی ملک کا اثاثہ ہیں، اوورسیز پاکستانیوں کو رقوم ترسیل میں ہرممکن آسانی فراہم کی جائے، معیشت مضبوط کرنےوالے اوورسیز پاکستانیوں کو مراعات دی جائیں۔

وزیراعظم نے اوورسیز پاکستانیوں کو مراعات دینےکے لیے کمیٹی قائم کر دی، کمیٹی میں حفیظ شیخ، زلفی بخاری، شوکت ترین، سیکرٹری خزانہ اور اسٹیٹ بینک کے نمائندے شامل ہیں۔