ARYNews.tv | Urdu – Har Lamha Bakhabar

Tag: تعینات

  • سعودی عرب کی پہلی خاتون سفیر امریکا میں تعینات

    سعودی عرب کی پہلی خاتون سفیر امریکا میں تعینات

    ریاض : سعودی عرب نے تاریخ میں پہلی مرتبہ ایک خاتون کو سفیر مقرر کردیا، ریما بنت بندر بن سلطان امریکا میں پہلی سعودی خاتون سفیر ہوں گی۔

    تفصیلات کے مطابق سعودی ولی عہد محمد بن سلمان نے وژن 2030 کے تحت سعودی خواتین کو ڈرائیونگ اور کھیل سمیت مختلف شعبوں میں اپنے صلاحیتیں دکھانے کا موقع پر دیا جس کے بعد خواتین نے ہر شعبے میں اپنی صلاحتیوں کا لوہا منوایا۔

    عرب میڈیا کا کہنا ہے کہ گزشتہ روز جاری ہونے والے شاہی فرمان کے مطابق ریما بنت بندر بن سلطان امریکا میں بطور سعودی سفیر خدمات سر انجام دیں گے۔

    سعودی خبر رساں ادارے کا کہنا ہے کہ شہزادی ریما بنت بندر بن سلطان کو امریکا میں شہزادہ خالد بن سلمان کی جگہ سعودی عرب کا سفیر تعینات کیا گیا ہے۔

    عرب خبر رساں ادارے کا کہنا ہے شہزادی ریما بنت بند السعود کو پہلی خاتون ہیں جنہیں امریکا میں سعودی عرب کی پہلی خاتون سفیر تعینات ہونے کا اعزاز ملا ہے۔

    خیال رہے کہ شہزادی ریما بنت بندر سعودی عرب میں ماس پارٹیسپیشن فیڈریشن کی صدر اور ڈیولپمنٹ پلاننگ اسپورٹس اتھارٹی بطور نائب خدمات انجام دے رہی ہیں۔

    غیر ملکی خبر رساں ادارے کا کہنا ہے کہ شہزادی ریما بنت بندر امریکی پالیسیوں، سیاست اور ماحول سے باخوبی واقف ہیں کیونکہ وہ بندر بن سلطان کی بیٹی ہیں اور شہزادہ بندر بن سلطان سنہ 1983 سے 2005 تک امریکا میں سعودی سفیر کی حیثیت سے خدمات انجام دے چکے ہیں۔

     شاہی فرمان جاری ہونے والے شہزادہ خالد بن سلمان بطور نائب وزیر دفاع نئی ذمہ داریاں سنبھالیں گے۔

    واضح رہے کہ شہزادہ خالد بن سلمان اپریل 2017 سے 23 فروری 2019 تک امریکا میں بطور سعودی سفیر سفارتی خدمات سرانجام دے رہے تھے۔

    مزید پڑھیں : عدوا الدخیل سعودی عرب کی پہلی خاتون پائلٹ بن گئیں

    یاد رہے کہ گزشتہ برس تین جون کو ایک تاریخ سا ز فیصلے کے نتیجے میں سعودی خواتین کو گاڑی چلا نے کی اجازت ملی تھی جو کہ ایک قدامت پسند معاشرے میں بڑا اقدام تھا، جس کے بعد متعدد شعبوں میں خواتین اپنی صلاحتیوں کا لوہا منواتی رہیں۔

    عرب میڈیا کے مطابق رواں ماہ سعودی خاتون عدوا الدخیل نے بلندی سے گرنے کے خوف کو شکست دیتے ہوئے پہلی سعودی خاتون پائلٹ بننے کا اعزاز حاصل کیا تھا۔

  • پینٹاگون کا میکسیکو سرحد پر 2ہزار اضافی فوج تعینات کرنے کا اعلان

    پینٹاگون کا میکسیکو سرحد پر 2ہزار اضافی فوج تعینات کرنے کا اعلان

    واشنگٹن : امریکی محکمہ نے غیر قانونی آمد و رفت روکنے کےلیے میکسیکو کی سرحد پر مزید دو ہزار فوجی تعینات کرنے کا اعلان کردیا۔

    غیر ملکی خبر رساں ادارے کا کہنا ہے کہ میکسیکو سرحد فوج کے دو ہزار اضافی اہلکار تعینات کرنے کے بعد جنوبی سرحد پر فوجیوں کی تعداد 4300 ہوجائے گی، جو سرحد پر ریزر وائر لگانے اور نگرانی کے کاموں میں پیڑول ایجنٹ کی معاونت کریں گے۔

    پیٹناگون کا کہنا ہے کہ جنوبی سرحد پر فوج کی اضافی نفری تین ماہ کےلیے تعینات کی جائے گی، ہم جنوبی سرحد کو محفوظ بنانے کے مشن کے لیے ضروری طاقت کا استعمال کریں۔

    امریکی صدر ڈونلڈ ٹرمپ کا کہنا ہے کہ میکسیکو سرحد سے غیر قانونی مہاجرین کی آمد و رفت کا سلسلہ روکنا ہے، پناہ گزینوں کو امریکا میں داخل نہیں ہونے دیا جائے گا۔

    مزید پڑھیں : میکسیکو دیوار: امریکی صدرنے ایمرجنسی نافذ کرنے کی دھمکی دے دی

    یاد رہے کہ اس سے قبل امریکی صدر نے میکسیکو کی سرحد پردیوارکی تعمیر میں ڈیموکریٹس کے ساتھ پیش رفت نہ ہونے پر ایمرجنسی عاید کرنے کی دھمکی دی تھی، جبکہ اپوزیشن نے ممکنہ ایمرجنسی کے خلاف عدالت جانے کا اعلان کردیا تھا۔

    امریکی صدر ڈونلڈ ٹرمپ کا کہنا ہے کہ شٹ ڈاؤن کے عارضی خاتمے کے باوجود ڈیموکریٹس کے ساتھ سرحدی دیوار کے معاملے پر مذاکرات بے نتیجہ ثابت ہورہے ہیں۔

    ان کا کہنا تھا کہ ایسا لگتا ہے کہ ڈیموکریٹس امن چاہتے ہی نہیں ہیں۔ امریکی صدر نے مزید کہا کہ جب وہ کہتے ہیں کہ دیواریں فائدہ مند نہیں ہوتیں، تو اندر سے وہ جانتے ہیں کہ دیواریں فائدہ مند ہوتی ہیں۔

  • امریکا میں تعینات وینزویلا کے ملٹری اتاشی نے بھی اپوزیشن رہنما کی حمایت کردی

    امریکا میں تعینات وینزویلا کے ملٹری اتاشی نے بھی اپوزیشن رہنما کی حمایت کردی

    واشنگٹن/کراکس: امریکا میں تعینات وینزویلا کے ملٹری اتاشی نے حکومت کے خلاف تحریک چلانے والے اپوزیشن رہنما جون گائیڈو سے وفاداری کا اعلان کردیا۔

    تفصیلات کے مطابق جنوبی امریکی ملک وینزویلا میں صدر نکولس ماڈورو کے خلاف احتجاج جاری ہے جبکہ حزب اختلاف کے حامیوں کی بڑی تعداد سڑکوں پر سراپا احتجاج ہے اور نکولس ماڈورو سے مستعفی ہونے کا مطالبہ کردیا ہے۔

    غیر ملکی خبر رساں ادارے کا کہنا ہے کہ کرنل جوش لوئس سلوا نے ہفتے کے روز وینزویلا کے صدر ماڈورو سے ٹیلیفونک رابطے کے دوران دستوری حکومت سے علیحدگی کا بتایا۔

    کرنل جوش لوئس نے واشنگٹن میں واقع وینزویلن سفارت خانے میں میڈیا سے گفتگو کرتے ہوئے ملک میں شفاف اور آزادنہ الیکشن کروانے کا مطالبہ کیا۔

    امریکا میں تعینات ملٹری اتاشی نے وینزویلن افواج سے اپیل کی ہے کہ وہ صدر نکولس ماڈورو سے وفاداری ختم کرکے اپوزیشن رہنما (خود ساختہ قائم مقام صدر) جون گائیڈو اظہار وفاداری کریں۔

    کرنل جوش لوئس کا کہنا تھا کہ میری اسلحہ تھامے ہر سیکیورٹی اہلکار سے اپیل ہے کہ وہ عوام پر حملہ نہیں، ہم انہی شہریوں کا حصّہ ہیں۔

    غیر ملکی خبر رساں ادارے کے مطابق وینزویلا کے ملٹری اتاشی کرنل جوش لوئس کی ایک ویڈیو بھی سوشل میڈیا پر جاری ہوئی جس میں وہ نکولس ماڈورو سے علیحدگی اختیار کرتے ہوئے اپوزیشن رہنما جون گائیڈو اعلان وفاداری کررہے ہیں۔

    مزید پڑھیں : وینزویلا کے صدرنکولس میڈورو کا امریکا سے سفارتی تعلقات ختم کرنےکا اعلان

    خیال رہے کہ اپوزیشن لیڈر جون گوئیڈو نے رواں ماں خود کو عوام کے سامنے قیام مقام صدر کا تھا اور جلد ہی فوج کی نگرانی میں صاف اور شفاف الیکشن کرانے کا اعلان کیا ہے، جس کے چند منٹ بعد ہی ڈونلڈ ٹرمپ نے اپوزیشن لیڈر جان گائیڈو کی حکومت کو تسلیم کرلیا۔

    وینزویلا کی حزبِ اختلاف نے اس انتخاب کو تسلیم کرنے سے انکارکیا تھا کیوں کہ انتخاب سے قبل حزبِ اختلاف کے بیشتر رہنماؤں اور امیدواروں کو یا تو قید کردیا گیا تھا۔ اس پر صدر نکولس ماڈور نے امریکا کے ساتھ سفارتی تعلقات ختم کردیے تھے۔

  • عراق میں امریکی فوجیں تعینات رہیں گے، ڈونلڈ ٹرمپ

    عراق میں امریکی فوجیں تعینات رہیں گے، ڈونلڈ ٹرمپ

    واشنگٹن : امریکی صدر ڈونلڈ ٹرمپ نے غیر اعلانئہ دورہ عراق کے موقع پر کہا کہ امریکی افواج میں تعینات رہیں گے انخلاء کا کوئی ارادہ نہیں۔

    تفصیلات کے مطابق ایک روز قبل امریکی صدر ڈونلڈ ٹرمپ اپنی اہلیہ میلانیا ٹرمپ کے ہمراہ کرسمس کے موقع پر عراق پہنچے تھے، ڈونلڈ ٹرمپ نے عراق میں اپنی فوجیو سے ملاقات کے دوران کہا کہ امریکا اپنی فوجیں عراق سے نہیں نکالے گا۔

    امریکی صدر نے عراق میں تعینات فوجیوں کی خدمات کا اعتراف کرتے ہوئے انہیں خوب سراہا، ان کا کہنا تھا کہ عراق میں فوجوں کی تعیناتی برقرار رکھنے کی بڑی وجہ مستقبل میں اٹھائے جانے والے اقدامات ہیں اور شام کی صورتحال ہے۔

    غیر ملکی خبر رساں ادارے کاکہنا تھا کہ امریکی صدر ڈونلڈ ٹرمپ نے اعلان کی اگر شام میں دوبارہ کوئی کارروائی کرنے کی ضرورت  تو عراق کو اگلے مورچے کے طور پر استعمال کریں گے۔

    خیال رہے کہ خانہ جنگی کا شکار ملک عراق میں 5 ہزار امریکی فوجی موجود ہیں جو داعش کے خلاف عراقی حکومت کی معاونت کررہے ہیں

    غیر ملکی میڈیا کے مطابق ڈونلڈ ٹرمپ نے شام سے فوجیوں کے انخلاء سے متعلق گفتگو کرتے ہوئے کہا شام سے فوجیں بلانے کے فیصلے پر بہت سے لوگ خوش ہیں اور میرے فیصلے کی حمایت کررہے ہیں۔

    ٹرمپ کا کہنا تھا کہ میں نے ابتداء میں ہی واضح کردیا تھا کہ امریکا کا مقصد شام میں داعش کو ختم کرنا ہے جو پورا ہوگیا۔

    امریکی صدر نے کہا تھا کہ سابق صدر اوبامہ کے دور میں امریکی افواج صرف تین ماہ کےلیے شام گئی تھی لیکن 8 سال گزار دئیے، اب خود کو اور غلطیوں کو صیحیح کرنے کا وقت ہے۔

    مزید پڑھیں : امریکی افواج کے انخلاء کے حکم نامے پر دستخط کی تصدیق ہوگئی

    واضح رہے کہ کچھ روز قبل ہی صدر ٹرمپ نے شام تعینات امریکی افواج کو واپس بلانے کا فیصلہ کیا تھا، امریکی حکام کے مطابق افواج نے وہاں اپنے اہداف حاصل کرلیے ہیں اس لیے افواج کو واپس بلانے کا فیصلہ کیا جارہا ہے۔

    مزید پڑھیں : صدر ٹرمپ سے اختلافات، امریکی وزیر دفاع مستعفی ہوگئے

    یاد رہے کہ شام سے امریکی فوج کے انخلا سے متعلق بیان پر جیمزمیٹس ناراض ہوئے اور اپنے عہدے سے استعفیٰ دے دیا تھا۔

    امریکی مڈیا کا کہنا ہے کہ ٹرمپ میٹس تعلقات میں حالیہ کچھ مہینوں میں کشیدگی آئی، شام سے امریکی افواج کے انخلا کے معاملے پر اختلافات پیدا ہوئے تھے۔

  • افغان وزارت داخلہ میں پہلی مرتبہ خاتون کلیدی عہدے پر تعینات

    افغان وزارت داخلہ میں پہلی مرتبہ خاتون کلیدی عہدے پر تعینات

    کابل : دنیا بھر میں خواتین مردوں کے شانہ بشانہ اہم حکومتی عہدوں پر فرائض انجام دے رہی ہیں، افغانستان میں پہلی مرتبہ کسی خاتون کو وزارت داخلہ میں عہدے پر فائض کیا گیا ہے۔

    تفصیلات کے مطابق افغان حکومت نے پہلی مرتبی کسی خاتون حسنہ جلیل کو وزارت داخلہ میں پالیسی اور تزویراتی امور کی ڈپٹی مقرر کیا ہے، جو متشدد مذہبی تحریک کےلیے ایک پیغام ہے۔

    وزارت داخلہ میں پالیسی و تزویراتی امور کی نائب حسنہ جلیل اپنے ملک میں امن و امان کے قیام اور اپنے عہدے کے حوالے سے پیش آنے والے مسائل سے نمٹنے کےلیے پرعزم ہیں۔

    حسنہ جلیل کا کہنا ہے کہ میرا تقرر شدت پسندوں اور خواتین کے تعلیم حصول کے سلسلے میں گھر سے نکلنے اور کام کرنے کے کی مخالفت کرنے والوں کے لیے ایک پیغام ہے۔

    ان کا کہنا ہے کہ افغانستان کی سیکیورٹی کے کلیدی شعبے میں خاتون کی تعیناتی ناقدین کے لیے خود ایک پیغام ہے۔

    خیال رہے کہ افغانستان میں سنہ 2001 سے قبل طالبان کے دور حکومت میں خواتین کے اسکول وکالج میں تعلیم حاصل کرنے اور سیاست سمیت زندگی کے دیگر شعبوں میں کام کرنے پر پابندی عائد تھی۔

    غیر ملکی خبر رساں ادارے کے مطابق 2001 میں طالبان کی حکومت کے خاتمے کے بعد خواتین نے مختلف شعبہ ہائے زندگی میں اپنا لوہا منوانا شروع کیا اور اب خواتین پارلیما ن اور نجی و سرکاری شعبوں میں باخوبی خدمات انجام دے رہیں ہیں۔

  • ضمنی انتخابات، پاک فوج کےجوان آج سے پولنگ اسٹیشنز کی سیکیورٹی سنبھالیں گے

    ضمنی انتخابات، پاک فوج کےجوان آج سے پولنگ اسٹیشنز کی سیکیورٹی سنبھالیں گے

    اسلام آباد : ملک بھر میں ضمنی انتخابات کی تیاریاں مکمل کرلی گئی ہے ، پاک فوج کے جوان آج سے پولنگ اسٹیشنز کی سیکیورٹی سنبھالیں گے، فوجی جوان پولنگ اسٹیشن کےاندر اور باہرتعینات ہوں گے۔

    تفصیلات کے مطابق ملک بھر میں قومی اور صوبائی اسمبلی کے ضمنی انتخابات کی تیاریاں اور سیکیورٹی کے انتظامات بھی مکمل کرلئے گئے ہیں،پاک فوج کےجوان آج سےپولنگ اسٹیشنزکی سیکیورٹی سنبھالیں گے۔

    الیکشن کمیشن کے مطابق کسی ناخوشگوار واقعے سے نمٹنے کیلئے فوج تعینات کی جارہی ہے، فوجی جوان پولنگ اسٹیشن کےاندر اور باہرتعینات ہوں گے۔۔۔

    آرٹیکل 220 اور 245 کے تحت فوج کی تعیناتی کا فیصلہ کیا گیا، فوجی جوان بارہ سے پندرہ اکتوبرتک پینتس حلقوں کے پولنگ اسٹیشن پرتعینات رہیں گے۔

    دوسری جانب ضمنی انتخابات کےلئے بیلٹ پیپرز کی ترسیل مکمل ہوگئی ہے ، تمام حلقوں کےریٹرننگ افسران کوبیلٹ پیپرزپہنچا دیےگئے، ریٹرنگ افسران کل بیلٹ پپیرزپریذائیڈنگ افسران کے حوالے کریں گے۔

    ملک بھر کے35حلقوں کےلئے تقریباً ایک کروڑبیلٹ پیپرز کی ترسیل کی گئی ۔

    خیال رہے قومی اور صوبائی اسمبلیوں کے پینتیس حلقوں میں ضمنی الیکشن کیلئے پولنگ چودہ اکتوبر کوہوگی، قومی اسمبلی کی دس، پنجاب اسمبلی کی بارہ، خیبرپختون خوا اسمبلی کی نو، سندھ اور بلوچستان کی دو دو نشتوں پر ضمنی انتخابات ہوں گے۔

    الیکشن کمیشن کا کہنا ہے کہ انتخابی ضابطہ اخلاق کی خلاف ورزی پرکارروائی کی جائےگی، مانیٹرنگ ٹیمیں حلقے میں سیاسی مہم پرنظر رکھے ہوئے ہیں۔

  • سعودی عرب نے خالد بن بندر کو جرمنی میں سفیر تعینات کردیا

    سعودی عرب نے خالد بن بندر کو جرمنی میں سفیر تعینات کردیا

    برلن/ریاض : سعودی عرب کی حکومت اور جرمنی سے سفارتی تعطل ختم کرتے ہوئے خالد بن بندر بن سلطان کو برلن میں سعودی سفیر تعینات کردیا۔

    تفصیلات کے مطابق چند روز قبل سعودی عرب اور جرمنی کے وزراء خارجہ کے درمیان ہونے والی ملاقات کے بعد سعودی حکام نے خالد بن بندر کو برلن میں سفیر مقرر کر دیا، جنہوں نے ایک مرتبہ پھر جرمنی میں سعودی سفیر کی حیثیت سے ذمہ داریاں سنبھال لی ہیں۔

    غیر ملکی خبر رساں ادارے کا کہنا تھا کہ سعودی وزارت خارجہ کی جانب سے جاری بیان میں تصدیق کی گئی تھی کہ خالد بن بندر نے برلن میں واقع سعودی سفارت خانے میں سفارتی ذمہ داریوں کی انجام دہی شروع کردی ہیں۔

    عرب میڈیا کے مطابق جرمنی کے وزیر خارجہ نے سماجی رابطے کی ویب سائٹ پر ٹویٹ کے ذریعے بتایا سعودی سعودی سفیر خالد بن بندر نے برلن میں وزیر خارجہ ھایکو ماس سے ملاقات کے دوران باہمی دلچسپی کے امور پر گفتگو کی گئی تھی۔

    خیال رہے کہ 26 ستمبر کو اقوام متحدہ کی جنرل اسمبلی کے اجلاس کے موقع پر سعودی عرب اور جرمنی کے وزراء خارجہ کے مابین ملاقات ہوئی تھی، جس میں دونوں ممالک کے وزراء خارجہ نے باہمی دلچسپی کے امور پر تبدلہ خیال اور باہمی تعلقات کی اہمیت کا اعتراف کیا تھا۔

    سعودی وزیر خارجہ عادل الجبیر نے امریکا میں پریس کانفرنس سے جرمن وزیر خارجہ کے ہمراہ مشترکہ خطاب کرتے ہوئے کہا تھا کہ سعودی عرب اور جرمنی کے درمیان کوئی کشیدگی نہیں ہے، سعودی عرب بہت جلد اپنا سفیر جرمنی بھیجے گا۔

    دونوں ممالک کے وزراء خارجہ کا کہنا تھا کہ دونوں ممالک کے درمیان سفارتی کشیدگی محض غلط فہمی تھی۔

    یاد رہے کہ گذشتہ برس جرمن وزیر خارجہ نے کہا تھا کہ سعودی عرب نے لبنانی وزیر اعظم سعد الحریری کی مرضی کے بغیر روکا تھا جس پر سعودی عرب نے برلن میں تعینات اپنے سفیر واپس بلالیا تھا۔

  • سعودیہ میں حجاج کی خدمت کے لیے ہزاروں اہلکارتعینات

    سعودیہ میں حجاج کی خدمت کے لیے ہزاروں اہلکارتعینات

    ریاض : حج کے لیے سعودی عرب کی حکومت نے عازمین حج کی خدمت کے لیے انتظامی اور تکنیکی عملے سمیت 14 ہزار اہلکار اور 400 گاڑیاں مختص کردیں۔

    تفصیلات کے مطابق سعودی عرب  کے شہر مکہ معظمہ کے گورنر شہزادہ خالد الفیصل نے حج 1439 کے آپریشنل منصوبے کا اعلان کرتے ہوئے بتایا کہ رواں برس حج کے دوران دنیا بھر سے آنے والے عازمین حج کی خدمت کےلیے 14 ہزار اہلکار اور 4 سو گاڑیوں کو تعینات کیا گیا ہے۔

    غیر ملکی خبر رساں ادارے کا کہنا تھا کہ حج کے آپریشنل منصوبوں کو عملی جامہ پہنانے اور منصوبے کی نگرانی مشاعر مقدسہ اتھارٹی کے ذمہ لگائی گئی ہے۔

    عرب میڈیا کے مطابق مشاعر مقدسہ اتھارٹی کے ذمہ میں ٹرین، سیورج، عارضی بیت خلاء کا قیام، الجمرات تنصیبات، عازمین حج کو پانی پلانے اور پانی کے فراہمی کے نظام کو مزید بہتر بنانے کا کام بھی ہے۔

    غیر ملکی میڈیا سے گفتگو کرتے ہوئے حج آپریشنل منصوبے کی نگران اتھارٹی کے ترجمان جالل بن عبد الجلیل کا کہنا تھا کہ عازمین حج کو فراہم کی جانے والی سہولیات کے منصوبے کی تکمیل کا کام گورنر مکہ کی نگرانی میں جاری ہے۔

    انجینئر عبدالجلیل کا کہنا تھا کہ رواں برس گورنر مکہ کے حکم پر کسی ناخوش گوار واقعے سے بچنے کے لیے انتظامی اور تکینکی عملے سمیت 14 ہزار افراد کو خدمت پر مامور کیا گیا ہے اور ساتھ ساتھ عازمین حج کی آمد و رفت کو آسان بنانے کے لیے 44 گاڑیاں بھی مختص کی گئی ہیں۔

    نگران اتھارٹی کے ترجمان کا کہنا ہے کہ مشاعر مقدسہ ٹرین 8 ذی الحج کو ساڑھے 3 لاکھ عازمین حج کو منیٰ سے عرفات اور پھر واپس منیٰ لائے گی، جبکہ ایام تشریق میں 20 لاکھ سے زائد حجاج کرام کو مشاعر ٹرین کی سہولت میسر آئے گی۔

    انجینئر عبدالجلیل کعکی نے بتایا کہ حج کے دوران عازمین حج کی سہولت کے لیے مشاعر مقدسہ نے 36 ہزار عارضی غسل خانے قائم کیے ہیں، جبکہ حجاج کرام کے پانی پینے کے لیے 600 پانی کے کولر بھی نصب کیے گئے ہیں جو ایک گھنٹے میں 700 کیوبک فٹ پانی فراہم کریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پیرس: دہشتگردی کاخدشہ،97ہزارسیکیورٹی اہلکار اہم مقامات پرتعینات

    پیرس: دہشتگردی کاخدشہ،97ہزارسیکیورٹی اہلکار اہم مقامات پرتعینات

    پیرس : فرانس میں کرسمس اور سال نو پر ممکنہ دہشت گردی کےپیش نذر سیکیورٹی ہائی الرٹ کردی گئی۔

    تفصیلات کے مطابق فرانسی وزارت داخلہ کا کہنا ہے کہ کرسمس اور سال نوپر دہشتگردی کے خدشے پیش نذر اہم مقامات پر ستانوے ہزار سیکیورٹی اہلکار تعینات کر دئیے گئے ہیں۔

    سیکیورٹی اہلکاروں میں چون ہزار پولیس اہلکار، چھتیس ہزار پیراملٹری فورسز اور سات ہزار فوجی شامل ہیں، جو شاپنگ سینٹرز، ریستوران ، نائٹ کلب اور پبلک مقامات پر ہیپی نیو ائیر تک اپنے فرائض سرانجام دینگے۔

    وزارت داخلہ کہنا ہے دہشتگردی کے خدشات کے باعث سیکیورٹی کوالرٹ کیا گیا ہے۔

    یاد رہے کہ امریکی حکام نے کرسمس اور نئے سال کے موقع پر دہشت گردی کے ممکنہ خدشے کے پیش نظر اپنے شہریوں کو یورپ نہ جانے کا انتباہ جاری کیا ہے۔

    حکام نے پیغام میں شہریوں کو خبردار کیا تھا کہ یورپی ممالک میں کرسمس اور نئے سال کی تقریبات میں دہشت گردوں کے ممکنہ حملوں کے پیش نظر شہری اور دیگر ممالک کے مسافر مذکورہ ممالک کا سفر نہ کریں۔

    واضح رہے کہ گزشتہ برس دسمبر میں دہشت گردوں کی جانب سے برلن مارکیٹ اور استنبول کے نائٹ قلب جبکہ ترکی میں نئے سال کی تقریبات پر حملے کیے گئے جن میں متعدد افراد ہلاک ہوئے تھے۔

    جرمنی کے علاقے برلن میں کرسمس کے موقع پر دہشت گردوں نے ہجوم پر ٹرک چڑھا دیا تھا، جس کے نتیجے میں 12 افراد جبکہ استنبول میں ہونے والے اسی طرح کے حملے میں 39 افراد ہلاک ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لاہور میں 19 سال بعد خاتون ایس ایچ اوتعینات

    لاہور میں 19 سال بعد خاتون ایس ایچ اوتعینات

    لاہور: صوبہ پنجاب کے دارالحکومت لاہور میں 17سال بعد خاتون پولیس آفیسر کو ایس ایچ او تعینات کردیاگیاہے۔

    تفصیلات کےمطابق پنجاب کےصوبائی دارالحکومت لاہور میں پہلی خاتون پولیس آفیسرغزالہ شریف کو ایس ایچ او رنگ محل تعینات کیا گیا ہے.صوبائی دارالحکومت میں 19سال کے طویل عرصے بعد کسی خاتون افسر کو ایس ایچ او بنایا گیا ہے۔

    غزالہ شریف کے ایس ایچ او تعینات کئے جانے سے 19 سال قبل بشریٰ غنی نے بطور ایس ایچ او یکی گیٹ چارج سنبھالا تھا۔

    ایس ایچ او غزالہ شریف کا کہناہےبہت سی خواتین پولیس اسٹیشن آنے میں ہچکچاہٹ کا شکار ہوتی ہیں لیکن خاتون تھانے دار کی تعیناتی سے ان کے اس رویے میں تبدیلی رونما ہوگی۔

    واضح رہےکہ ڈی آئی جی آپریشنز حیدر اشرف کے مطابق تھانہ کلچر میں تبدیلی کی جانب یہ ایک بڑا اقدام ہے۔ ان کا کہناہےکہ خواتین کی تھانوں میں بطور ایس ایچ او تعیناتی سے محکمہ پولیس کا سافٹ امیج سامنے آئے گا اور عوام کا پولیس پراعتماد بحال ہو گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔