Tag: تقرریاں

  • محکمہ صحت: اربوں روپے کی غیر ملکی فنڈنگ والے یونٹ میں منظور نظر شخص تعینات

    محکمہ صحت: اربوں روپے کی غیر ملکی فنڈنگ والے یونٹ میں منظور نظر شخص تعینات

    اسلام آباد: وزارت صحت میں من پسند افسر کو نوازنے کے لیے قواعد بالائے طاق رکھ دیے گئے، سالانہ اربوں روپے کی غیر ملکی فنڈنگ والے یونٹ میں منظور نظر شخص کو تعینات کردیا گیا۔

    تفصیلات کے مطابق وزارت صحت نے 20 گریڈ کی سیٹ پر گریڈ 22 کا افسر تعینات کر دیا، اسپیشل سیکریٹری وزارت صحت افتخار شلوانی کو سربراہ کامن مینجمنٹ یونٹ مقرر کر دیا گیا۔

    ذرائع کا کہنا ہے کہ نیشنل کوآرڈینیٹر کامن مینجمنٹ یونٹ کا عہدہ گریڈ 20 کا ہے، سربراہ سی ایم یو بشیر کھیتران کو گزشتہ روز عہدے سے ہٹایا گیا تھا، افتخار شلوانی کی سربراہ کامن مینجمنٹ یونٹ تعیناتی خلاف قواعد ہے۔

    ذرائع کا کہنا ہے کہ سربراہ سی ایم یو کے لیے امیدوار کی پبلک ہیتھ میں گریجویشن لازم ہے، گریڈ 22 کے افتخار شلوانی کا تعلق پاکستان ایڈمنسٹریٹو سروس گروپ سے ہے، افتخار شلوانی کو جلد مزید اداروں کا چارج بھی دیا جائے گا۔

    ذرائع وزارت صحت کا کہنا ہے کہ افتخار شلوانی کو فیڈرل ڈائریکٹوریٹ ایمونائزیشن کا چارج ملے گا، ڈی جی فیڈرل ڈائریکٹوریٹ آف ایمونائزیشن کو بھی گزشتہ روز تبدیل کیا گیا تھا۔

    افتخار شلوانی کو بلڈ ٹرانسفیوژن اتھارٹی کا چارج دیا جائے گا، ڈی جی ایف ڈی آئی، بلڈ ٹرانسفیوژن اتھارٹی گریڈ 20 کے عہدے ہیں۔

    ذرائع کا کہنا ہے کہ کامن مینجمنٹ یونٹ کو سالانہ اربوں روپے کی غیر ملکی فنڈنگ ہوتی ہے، قومی انسداد ٹی بی، ایڈز اور ملیریا پروگرام کامن مینجمنٹ یونٹ کا حصہ ہیں۔

    ذرائع کے مطابق گریڈ 22 کے افتخار شلوانی کمشنر کراچی اور ایڈیشنل چیف سیکریٹری سندھ رہ چکے ہیں، افتخار شلوانی کا تعلق حیدر آباد سے ہے اور انہیں پیپلز پارٹی کے قریب سمجھا جاتا ہے۔

  • اہم سعودی مالی ادارے میں نئی تقرریاں

    اہم سعودی مالی ادارے میں نئی تقرریاں

    ریاض: سعودی عرب کے اہم مالی ادارے پبلک انویسٹمنٹ فنڈ (پی آئی ایف) میں سینیئر عہدوں پر متعدد نئی تقرریوں کا اعلان کیا گیا ہے، سعودی پبلک انویسٹمنٹ فنڈ نے دسمبر 2020 میں اعلان کیا تھا کہ اس کے مجموعی ملازمین کی تعداد ایک ہزار سے تجاوز کر گئی ہے۔

    سعودی ویب سائٹ کے مطابق سعودی پبلک انویسٹمنٹ فنڈ (پی آئی ایف) نے اتوار کو سینیئر عہدوں پر متعدد نئی تقرریوں کا اعلان کیا ہے۔

    سعودی پبلک انویسٹمنٹ فنڈ میں یہ تقرریاں اس فنڈ کی توسیع میں مدد دینے کے لیے نائب گورنر کے 2 عہدے تشکیل دینے کے چند دن بعد سامنے آئی ہیں۔

    پبلک انویسٹمنٹ فنڈ نے مینا انویسٹمنٹ ڈویژن میں سینیئر ڈائریکٹر کے طور پر ایاس الدوسری اور عمر الماضی، اور عالمی کیپیٹل فنانس ڈویژن میں بطور سینیئر ڈائریکٹر عبداللہ شاکر کے تقرر کا اعلان کیا ہے۔

    ایاس الدوسری پی آئی ایف میں گولڈ مین سعودی عرب کے لیے مینیجنگ ڈائریکٹر فار انویسٹمنٹ بینکنگ کے سربراہ کی حیثیت سے شامل ہوئے جہاں انہوں نے 2017 سے خدمات انجام دیں۔

    عمر الماضی اس سے قبل عبدالطیف جمیل انویسٹمنٹ، ووکس ویگن گروپ، مکینسی اینڈ کمپنی اور سعودی آرامکو میں سینئیر عہدوں پر فائز تھے۔

    عبد اللہ شاکر سعودی البرکہ بینکنگ گروپ سے پی آئی ایف میں شامل ہوئے ہیں۔ انہیں بینکاری اور مالی خدمات میں تقریباً 25 سال کا تجربہ ہے۔ انہوں نے ڈیلوئٹ، ایچ ایس بی سی سعودی عرب اور سعودی عرب کیپٹل مارکیٹ اتھارٹی کے لیے کام کیا ہے۔

    ترکی النویصر جو بین الاقوامی سرمایہ کاری ڈویژن کے سربراہ ہیں اور یزید الحمید جو مینا انویسٹمنٹ ڈویژن کی قیادت کرتے ہیں اپنی موجودہ ذمہ داریوں کے ساتھ ساتھ پی آئی ایف میں نائب گورنر کے فرائض بھی نبھائیں گے۔

    سعودی پبلک انویسٹمنٹ فنڈ نے دسمبر 2020 میں اعلان کیا تھا کہ اس کے مجموعی ملازمین کی تعداد ایک ہزار سے تجاوز کر گئی ہے جو 2020 کے آغاز میں تقریباً 700 اور پانچ سال پہلے 40 تھی۔

    ادارے کے مطابق اس کے ملازمین میں سے تقریباً 84 فیصد سعودی شہری اور 26 فیصد خواتین ہیں۔

  • ایف بی آر: اہم عہدوں پر بڑے پیمانے پر تبادلے اور تقرریاں

    ایف بی آر: اہم عہدوں پر بڑے پیمانے پر تبادلے اور تقرریاں

    کراچی: فیڈرل بورڈ آف ریونیو(ایف بی آر) میں اہم عہدوں پر بڑے پیمانے پر تبادلے اور تقرریاں ہوئی ہیں۔

    تفصیلات کے مطابق ملک امجد زبیر ٹوانہ کو چیف ایف بی آر ہیڈکوراٹرز اسلام آباد تعینات کردیا گیا۔ جبکہ محمد خالد کی چیف ان لینڈریونیو فیصل آباد کے عہدے پر تقرری ہوئی۔

    فضابلوچ کو کمشنر ان لینڈریونیو اسپیشل زون لاہور کا اضافی چارج دیا گیا۔ ذوالفقار علی کو کمشنر ان لینڈ ریونیواسپیشل زون کراچی کا اضافی چارج دیا گیا ہے۔ ضیغم عباس کمشنر ان لینڈریونیو اپیلز گوجرانوالہ کے عہدے پر براجمان ہوگئے۔

    اسی طرح نعیم بابر کمشنران لینڈریونیو لائلپورزون آرٹی اوفیصل آباد مقرر ہوئے ہیں۔

    دریں اثنا مسعود اسلم کو کمشنر ان لینڈریونیواپیلز سیالکوٹ کے عہدے پر تعینات کردیا گیا ہے۔ عبدالوحیدکوکمشنر ان لینڈ ریونیو اسپیشل زون اسلام آباد کا اضافی چارج دے دیا گیا۔

  • پاک فوج میں اعلیٰ سطح پر تقرریوں کا اعلان

    پاک فوج میں اعلیٰ سطح پر تقرریوں کا اعلان

    اسلام آباد: پاک فوج میں اعلیٰ سطح پر تقرریوں کا اعلان کیا گیا ہے۔ لیفٹیننٹ جنرل اظہر عباس کو کور کمانڈر راولپنڈی تعینات کیا گیا ہے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ پاک فوج میں اعلیٰ سطح پر تقرریوں کا اعلان کیا گیا ہے۔ لیفٹیننٹ جنرل وسیم اشرف کو کمانڈر سدرن کمانڈ تعینات کیا گیا ہے۔

    آئی ایس پی آر کے مطابق لیفٹیننٹ جنرل اظہر عباس کو کور کمانڈر راولپنڈی اور لیفٹیننٹ جنرل خالد ضیا کو انسپکٹرجنرل آرمز اور کیا گیا ہے۔

    اسی طرح لیفٹیننٹ جنرل چراغ حیدر کو ڈائریکٹر جنرل جے ایس (جوائنٹ اسٹاف) ہیڈ کوارٹر اور لیفٹیننٹ جنرل بلال اکبر کو چیئرمین پاکستان آرڈیننس فیکٹری تعینات کیا گیا ہے۔

    خیال رہے کہ چند روز قبل پاک فوج کے سپہ سالار جنرل قمر جاوید باجوہ کی مدت ملازمت میں 3 سال کی توسیع کی گئی تھی۔ جنرل قمر جاوید باجوہ کی مدت ملازمت میں توسیع خطے کے حالات کو مدنظر رکھتے ہوئے کی گئی تھی۔

    وزیر اعظم عمران خان نے جنرل قمر باجوہ کی مدت ملازمت میں توسیع کا فیصلہ ملک کی مشرقی سرحد کی موجودہ صورتحال کے پیش نظر کیا تھا۔

    ذرائع کے مطابق جنرل قمر باجوہ کی توسیع کا فیصلہ کرتے ہوئے بھارت کی جانب سے ایٹمی ہتھیاروں کے استعمال کی دھمکیوں کو بھی مدنظر رکھا گیا۔

  • سندھ پولیس میں تقرریاں اور تبادلے

    سندھ پولیس میں تقرریاں اور تبادلے

    کراچی : ڈاکٹر آفتاب احمد پٹھان کو ایڈیشنل آئی جی سندھ مقرر کردیا گیا ہے جب کہ عامر فاروقی کو ڈی آئی جی سی ٹی ڈی تعینات کردیا گیا ہے۔

    تفصیلات کے مطابق سندھ پولیس میں بڑے پیمانے پر تقرریاں و تبادلوں کا سلسلہ جاری ہے جس کے تحت ڈاکٹرآفتاب احمدپٹھان کوایڈیشنل آئی جی سندھ، ڈاکٹر ولی اللہ دل کو ایڈیشنل آئی جی اسپیشل برانچ سندھ، اقبال دارا کو ڈی آئی جی ٹریننگ سندھ، مظہرنواز شیخ کو ڈی آئی جی ٹریفک لائسنس اینڈ ٹرینگ اور عامرفاروقی کوڈی آئی جی سی ٹی ڈی تعینات کردیاگیا ہے۔

    یہ بھی پڑھیں : درگاہ لعل شہباز قلندر پر خودکش حملہ،76افراد شہید، 250 زخمی

    سیہون میں درگاہ لعل شہباز قلندر میں خود کش دھماکے کے بعد سندھ حکومت کی جانب سے انتظامی عہدوں اور محکمہ پولیس میں اکھاڑ پچھاڑ کا سلسلہ جاری ہے اور سندھ پولیس میں حالیہ ہونے والی تقرریاں اور تبادلے پولیس محکمے کی کارکردگی کو مزید موثر اور بہتر بنانے کے لیےکی گئی ہیں۔