Tag: تقریب حلف برداری

  • وفاقی کابینہ میں توسیع، ایوان صدر میں نئے وزراء کی تقریب حلف برداری کی تیاریاں مکمل

    وفاقی کابینہ میں توسیع، ایوان صدر میں نئے وزراء کی تقریب حلف برداری کی تیاریاں مکمل

    اسلام آباد : وفاقی کابینہ کے نئے وزراء کی تقریب حلف برداری آج ایوان صدر میں ہوگی، صدر مملکت آصف زرداری 10 سے زائد نئے وزراسے حلف لیں گے۔

    تفصیلات کے مطابق وفاقی کابینہ میں توسیع کے پہلے مرحلے میں ایوان صدر میں حلف برداری کی تیاریاں مکمل کرلی گئیں۔

    وزراکی تقریب حلف برداری آج شام5بجےایوان صدر میں ہوگی ، صدر مملکت آصف زرداری 10 سے زائد نئے وزراسے حلف لیں گے

    وزیراعظم اسپیکر، چیئرمین سینیٹ ،ارکان پارلیمنٹ ودیگر افراد شریک ہوں گے ، نئے متوقع وزرامیں حکومت میں شامل اتحادیوں کی نمائندگی بھی شامل ہیں۔

    مسلم لیگ ن کے سینیٹرز کو بھی کابینہ میں شامل کرنے کا عندیہ دیا گیا ہے، پارلیمانی لیڈر عرفان صدیقی نے پارٹی سینیٹرزکےنام بھی وزیر اعظم کو بھجوا دیئے ہیں۔

    وزیراعظم شہباز شریف نے اپنےدورہ حکومت کے ایک سال بعد کابینہ میں توسیع کا فیصلہ کیا ہے، پندرہ سے بیس وفاقی وزراء، وزرائے مملکت اور مشیر کابینہ کا حصہ ہوں گے۔

    نئے وزرا اور وزرائے مملکت میں حنیف عباسی، ڈاکٹر طارق فضل، ایم کیو ایم کے مصطفی کمال شامل ہوں گے جبکہ بیرسٹر عقیل اور حزیفہ رحمان کو بھی کابینہ میں شامل کیا جائے گا۔

    اس کے علاوہ سینیٹر طلال چوہدری، افضل کھوکھر، عبد الرحمن کانجو، سرادر یوسف، نوشین افتخار، رومینہ خورشید عالم، رضاحیات ہراج وفاقی کابینہ میں شامل ہوں گے جبکہ چوہدری ریاض (جج) کو کابینہ میں شامل کیے جانے کا امکان ہے۔

    ڈاکٹر توقیر حسین شاہ وزیراعظم کے ایڈوائزر ہوں گے جبکہ علی زاہد چوہدری جنید انوار رانا مبشر اقبال اور بلال اظہر کیانی وفاقی کابینہ میں شامل ہوں گے۔

    ذرائع کے مطابق حنیف عباسی کو وزارت ریلوے، ڈاکٹر طارق فضل چوہدری کو وزارت قومی صحت کا قلمدان دینے کا امکان ہے۔

    خالد مگسی کو وزارت مواصلات اور مصطفیٰ کمال کو سائنس و ٹیکنالوجی کی وزارت دیے جانے کا امکان ہے تاہم وزیراعظم شہباز شریف کی ازبکستان سے واپسی پر نئے وزراء کی حتمی فہرست سامنے آ جائے گی۔

  • ٹرمپ سیاسی مخالفین سے انتقام لیں گے یا نہیں؟ بڑا اعلان کردیا

    ٹرمپ سیاسی مخالفین سے انتقام لیں گے یا نہیں؟ بڑا اعلان کردیا

    امریکی صدر ڈونلڈ ٹرمپ نے حلف اٹھاتے ہی بڑے حکم نامے جاری کردیئے ہیں ساتھ ہی انہوں نے اپنے سیاسی مخالفین سے انتقام نہ لینے کا اعلان بھی کردیا ہے۔

    غیر ملکی ذرائع ابلاغ کے مطابق ڈونلڈ ٹرمپ کا تقریب حلف برداری کے بعد اپنے افتتاحی خطاب میں کہنا تھا کہ اپنے دور میں امریکا پہلے رکھوں گا، اب امریکا ترقی کرے گا۔

    انہوں نے کہا کہ امریکا بہت جلد مضبوط، عظیم اور پہلے سے کہیں زیادہ کامیاب ملک بنے گا۔

    انہوں نے ملک بھر سے حکومتی سنسرشپ ختم کرنے کا بھی اعلان کیا اور کہا کہ رنگ اور نسل کی بنیاد پر امتیاز کو ختم کردیا جائے گا۔

    صدر ٹرمپ کا کہنا تھا کہ ہم گرین نیو ڈیل ختم کر دیں گے، امریکا میں اس رفتار سے کاریں بنائیں گے جس رفتار سے اس سے پہلے نہیں بنی ہوں گی۔

    واضح رہے کہ امریکا کے صدر ٹرمپ نے اپنے وعدے کے مطابق حلف اٹھاتے ہی کیپٹل ہل حملہ کیس میں ملوث تمام افراد کو عام معافی دینے کا اعلان کردیا۔

    نئے امریکی صدر نے صدارت کا عہدہ سنبھالنے کے بعد انتخابات میں قوم سے کیے گئے وعدوں کو پورا کرنا شروع کردیا۔

    ٹرمپ نے حلف اٹھاتے ہی اہم اعلانات کر دیے، ان کا کہنا تھا کہ 6 جنوری سمیت دیگر کئی ملزمان کی عام معافی کے اعلانات پر دستخط کرنے جارہے ہیں۔

    انہوں نے اپنے وعدے پر عمل درآمد کرتے ہوئے کپیٹل ہل حملہ کیس میں سزا پانے والے تمام افراد کیلئے معافی کا اعلان کردیا۔

    اس کے علاوہ ٹرمپ نے پیرس ماحولیاتی معاہدے سے علیحدگی کے آرڈرز کے علاوہ فیڈرل ملازمین کی بھرتیاں منجمد کرنے کے آرڈرز پر بھی دستخط کردیے۔

    امریکی سینیٹ نے مارکو روبیو کی بطور وزیر خارجہ تقرری کی توثیق کردی گئی، ٹرمپ نے (اے آئی) مصنوعی ذہانت کی پالیسی سے متعلق جوبائیڈن کا ایگزیکٹو آرڈر بھی منسوخ کردیا۔

    ترک صدر نے ٹرمپ کے صدر بننے پر کیا کہا؟

    ٹرمپ نے سابق امریکی صدر بائیڈن کا2030 تک الیکٹرک کاروں کی فروخت کا ہدف50 فیصد کرنے کا آرڈر بھی منسوخ کردیا، اس کے علاوہ انہوں نے اب تک پچھلی حکومت کے کم ازکم 80 ایگزیکٹو آرڈرز منسوخ کردیے۔

  • وزیراعلیٰ خیبرپختونخواعلی امین گنڈا پور چیف جسٹس کی حلف برداری میں شریک ہوں گے

    وزیراعلیٰ خیبرپختونخواعلی امین گنڈا پور چیف جسٹس کی حلف برداری میں شریک ہوں گے

    اسلام آباد : وزیراعلیٰ خیبرپختونخوا علی امین گنڈا پور چیف جسٹس یحییٰ آفریدی کی تقریب حلف برداری میں شریک ہوں گے۔

    تفصیلات کے مطابق پاکستان تحریک انصاف ( پی ٹی آئی ) کے سیکریٹری اطلاعات شیخ وقاص اکرم نے سماجی رابطے کی ویب سائٹ ایکس پر اپنے بیان میں لکھا ‘ علی امین صوبے کے سربراہ کی حیثیت سے تقریب حلف برداری میں شرکت کریں گے۔

    شیخ وقاص اکرم کا کہنا تھا کہ پی ٹی آئی چھبیس ویں ترمیم اورچیف جسٹس کی تعیناتی کے طریقہ کارکوغیرآئینی مانتی ہے، تاہم جب تک سپریم کورٹ ان ترامیم پرفیصلہ نہ دےتب تک یہ’لاآف دی لینڈ‘۔

    خیال رہے نامزد چیف جسٹس یحییٰ آفریدی کی تقریب حلف برداری آج گیارہ بجے ایوان صدر میں ہوگی۔

    مزید پڑھیں : جسٹس یحییٰ آفریدی آج پاکستان کے 30ویں چیف جسٹس کی حیثیت سے حلف اٹھائیں گے

    صدر آصف زرداری نامزد چیف جسٹس سے حلف لیں گے، تقریب میں وزیراعظم اور سروسزچیفس شریک ہوں گے۔

    ایوان صدر میں حلف برداری کے دعوت نامے جاری کردیے گئے ہیں، ارکان پارلیمنٹ کو بھی دعوت نامے جاری کیے گئے ہیں۔

    واضح رہے خصوصی پارلیمانی کمیٹی نے جسٹس یحییٰ کے نام کی منظوری دی تھی ، وفاقی وزیر قانون اعظم نذیرتارڑ نے بتایا تھا کہ پارلیمانی کمیٹی نے جسٹس یحییٰ کو دو تہائی اکثریت سے نامزد کیا۔

    بعد ازاں صدر مملکت آصف علی زرداری نے سپریم کورٹ کے جج جسٹس یحییٰ کی بطور چیف جسٹس آف پاکستان تعیناتی کی منظوری دی۔

    جسٹس یحییٰ کی تعیناتی 26 اکتوبر سے 3 سال کیلئے کی گئی اور تعیناتی کی منظوری آئین کے آرٹیکل 175 اے (3)، 177 اور 179 کے تحت دی۔

  • جسٹس یحییٰ آفریدی آج پاکستان کے 30ویں چیف جسٹس کی حیثیت سے حلف اٹھائیں گے

    جسٹس یحییٰ آفریدی آج پاکستان کے 30ویں چیف جسٹس کی حیثیت سے حلف اٹھائیں گے

    اسلام آباد : جسٹس یحییٰ آفریدی آج پاکستان کے 30ویں چیف جسٹس کی حیثیت سے حلف اٹھائیں گے، صدر مملکت آصف زرداری حلف لیں گے۔

    تفصیلات کے مطابق نامزد چیف جسٹس یحییٰ آفریدی کی تقریب حلف برداری آج گیارہ بجے ایوان صدر میں ہوگی۔

    صدر آصف زرداری نامزدچیف جسٹس سے حلف لیں گے، تقریب میں وزیراعظم اور سروسزچیفس شریک ہوں گے۔

    ایوان صدر میں حلف برداری کے دعوت نامے جاری کردیے گئے ہیں، ارکان پارلیمنٹ کو بھی دعوت نامے جاری کیے گئے ہیں

    نئے چیف جسٹس آف پاکستان کی حلف برداری تقریب میں چیف جسٹس پشاور ہائیکورٹ جسٹس اشتیاق ابراہیم شرکت کریؓ گے۔

    پروٹوکول آفیسرنے بتایا پشاور ہائی کورٹ کے تمام موجودہ اورسابق ججزکوبھی تقریب میں شرکت کی دعوت دی گئی ہے، جسٹس یحییٰ 2016 سے 2018 تک پشاور ہائیکورٹ کے چیف جسٹس رہے ہیں۔

    گذشتہ روز جسٹس قاضی فائزعیسیٰ بطور چیف جسٹس پاکستان ریٹائر ہوئے تھے، فل کورٹ ریفرنس سے خطاب میں ان کا کہنا تھا کہ کہ ہوسکتا ہے ہم نے بے پناہ فیصلے غلط کیے ہوں، ہم قانون اور کاغذ پر چلتے ہیں اور سچ اوپر والا ہی جانتا ہے، کاغذ پرلکھا لفظ ایک پارٹی کو فائدہ دیتا ہے دوسرے کو نہیں۔

    خیال رہے خصوصی پارلیمانی کمیٹی نے جسٹس یحییٰ کے نام کی منظوری دی تھی ، وفاقی وزیر قانون اعظم نذیرتارڑ نے بتایا تھا کہ پارلیمانی کمیٹی نے جسٹس یحییٰ کو دو تہائی اکثریت سے نامزد کیا۔

    بعد ازاں صدر مملکت آصف علی زرداری نے سپریم کورٹ کے جج جسٹس یحییٰ کی بطور چیف جسٹس آف پاکستان تعیناتی کی منظوری دی۔

    جسٹس یحییٰ کی تعیناتی 26 اکتوبر سے 3 سال کیلئے کی گئی اور تعیناتی کی منظوری آئین کے آرٹیکل 175 اے (3)، 177 اور 179 کے تحت دی۔

  • نامزد چیف جسٹس یحییٰ آفریدی کی تقریب حلف برداری کل ہوگی

    نامزد چیف جسٹس یحییٰ آفریدی کی تقریب حلف برداری کل ہوگی

    اسلام آباد: نامزد چیف جسٹس یحییٰ آفریدی کی تقریب حلف برداری کل ہوگی، جس میں صدرمملکت آصف زرداری ان سے حلف لیں گے۔

    تفصیلات کے مطابق نئے چیف جسٹس کی تقریب حلف برداری کی تیاریاں جاری ہے، نامزد چیف جسٹس یحییٰ آفریدی کی تقریب حلف برداری کل 11 بجے ایوان صدر میں ہوگی۔

    تقریب میں صدر مملکت آصف زرداری نامزد چیف جسٹس سے حلف لیں گے۔

    تقریب میں وزیراعظم اور سروسزچیفس شریک ہوں گے جبکہ ایوان صدر میں حلف برداری کے دعوت نامے جاری کردیے گئے ہیں، ارکان پارلیمنٹ کو بھی دعوت نامے جاری کیے گئے ہیں۔

    خیال رہے خصوصی پارلیمانی کمیٹی نے جسٹس یحییٰ کے نام کی منظوری دی تھی ، وفاقی وزیر قانون اعظم نذیرتارڑ نے بتایا تھا کہ پارلیمانی کمیٹی نے جسٹس یحییٰ کو دو تہائی اکثریت سے نامزد کیا۔

    بعد ازاں صدر مملکت آصف علی زرداری نے سپریم کورٹ کے جج جسٹس یحییٰ کی بطور چیف جسٹس آف پاکستان تعیناتی کی منظوری دی۔

    جسٹس یحییٰ کی تعیناتی 26 اکتوبر سے 3 سال کیلئے کی گئی اور تعیناتی کی منظوری آئین کے آرٹیکل 175 اے (3)، 177 اور 179 کے تحت دی۔

    صدر مملکت نے جسٹس یحییٰ سے 26 اکتوبر کو چیف جسٹس کے عہدے کا حلف لینے کی بھی منظوری دی تھی۔

    نئےچیف جسٹس پاکستان جسٹس یحییٰ آفریدی کی تقریب حلف برداری کل صبح گیارہ بجے ہوگی،صدر آصف علی زرداری نامزدچیف جسٹس سےحلف لیں گے،وزیراعظم شہبازشریف اورسروسز چیفس تقریب میں شریک ہوں گے،ایوان صدر میں تقریب حلف برداری کےدعوت نامے جاری کردیئے گئ

  • تقریب حلف برداری ، سوشل میڈیا پر نئے چیف جسٹس کے چرچے

    تقریب حلف برداری ، سوشل میڈیا پر نئے چیف جسٹس کے چرچے

    اسلام آباد : سوشل میڈیا پر نئے چیف جسٹس قاضی فائز عیسیٰ کی تقریب حلف برداری کے چرچے ہورہے ہیں ، جسٹس قاضی فائز عیسیٰ نے تقریب میں اسٹیج پر اہلیہ سرینا عیسی کو کھڑا کر کے حلف لے کرنئی روایت ڈالی۔

    تفصیلات کے مطابق نئے چیف جسٹس قاضی فائز عیسی نے ایوان صدر میں ہونے والی تقریب حلف برداری کے دوران اپنی اہلیہ سرینا عیسی کو ساتھ کھڑا کر کے عہدے کا حلف اٹھانے کر نیا ٹرینڈ سیٹ کردیا۔

    قاضی فائز عیسی کی اہلیہ سرینا عیسی نے اپنے شوہر کے ساتھ ان کے خلاف دائر ریفرنس کاسامنا کیا، عدالت میں پیشیاں بھگتیں اورڈٹ کر اپنےموقف کادفاع کیا۔

    سوشل میڈیا صارفین نے چیف جسٹس کے اقدام کو خوب سراہا، کسی صارف نے چیف جسٹس اور انکی اہلیہ کی اسٹیج پرموجودگی کو خوبصورت منظر قرار دیا تو کسی نے اسے نئے دور کا آغاز کہا۔

    ایک صارف نے کہا سرینا عیسی کا اسٹیج پر موجود ہونا تاریخ کا “شارٹ اور سویٹ”انتقام تھا۔

    ایک صارف نے چیف جسٹس کی تعریف کرتےہوئے لکھا کہ آج پیغام گیا خواتین ہماری برابر کی ساتھی ہیں اور ان کی حیثیت تسلیم کرنے کی ضرورت ہے۔

    ایک اور صارف نے چیف جسٹس کی کامیابی کا کریڈٹ ان کی اہلیہ کے مرہون منت قرار دیا۔

  • روس کی طالبان حکومت کی تقریب حلف برداری میں شرکت کے لیے شرط عائد

    روس کی طالبان حکومت کی تقریب حلف برداری میں شرکت کے لیے شرط عائد

    ماسکو: روس نے طالبان حکومت کی تقریب حلف برداری میں شرکت کے لیے شرط عائد کر دی ہے۔

    روسی میڈیا کے مطابق پیر کو روسی وزیر خارجہ سرگئی لاوروف نے کہا ہے کہ روس افغان حکومت کی حلف برداری تقریب میں شرکت اور طالبان حکومت کی معاونت کرے گا، لیکن صرف تب ہی جب حکومت سازی تمام دھڑوں کو ملا کر کی گئی ہو۔

    واضح رہے کہ کابل پر طالبان کے قبضے کے بعد اب ماسکو محتاط انداز میں یہ جائزہ لے رہا ہے کہ مستقبل میں اپنے پڑوسی ملک افغانستان سے کیسے تعلقات رکھے اور صورتِ حال سے کیسے فائدہ اٹھائے؟

    خیال رہے کہ طالبان کی جانب سے پاکستان، چین، روس اور دیگر ممالک کو حکومت سازی کی تقریب میں شرکت کی باقاعدہ دعوت دی گئی ہے، یہ دعوت ایک ایسے دن دی گئی ہے جب طالبان نے افغانستان کے آخری جنگی محاذ پنجشیر کو بھی فتح کرنے کا اعلان کیا۔

    طالبان نے وادی پنجشیر پر قبضہ کرلیا، ذبیح اللہ مجاہد

    طالبان کی جانب سے ٹوئٹر پر کہا گیا کہ اسلامی امارات نے پاکستان، ترکی، قطر، روس، چین اور ایران کو نئی حکومت کی تقریب میں شرکت کی دعوت دی ہے۔

    آج طالبان نے کابل کے شمال میں وادی پنجشیر پر قبضہ کر نے کا دعویٰ کیا ہے، ترجمان نے دعویٰ کیا کہ کچھ باغی ہلاک اور باقی تمام فرار ہوگئے، ترجمان افغان طالبان ذبیح اللہ مجاہد نے کہا کہ افغان طالبان نے پنجشیر وادی کو فتح کر لیا ہے، علاقے پر قبضے کے بعد جنگ اب ختم ہوگئی ہے۔

  • جسٹس گلزار احمد نے چیف جسٹس آف پاکستان کا حلف اٹھا لیا

    جسٹس گلزار احمد نے چیف جسٹس آف پاکستان کا حلف اٹھا لیا

    اسلام آباد: جسٹس گلزار احمد نے ملک کے 27 ویں چیف جسٹس آف پاکستان کا حلف اٹھا لیا۔

    تفصیلات کے مطابق ایوان صدر میں چیف جسٹس آف پاکستان کی حلف برداری کی تقریب منعقد ہوئی، جس میں جسٹس گلزار احمد نے ملک کے ستائیسویں چیف جسٹس پاکستان کا حلف اٹھایا۔

    صدر مملکت ڈاکٹر عارف علوی نے نئے چیف جسٹس سے حلف لیا، وہ یکم فروری 2022 تک پاکستان کے چیف جسٹس کے عہدے پر براجمان رہیں گے۔

    یہ بھی پڑھیں:  چیف جسٹس آصف سعید کھوسہ سبکدوش ہوگئے

    اسلام آباد میں منعقدہ تقریب میں وزیر اعظم عمران خان سمیت تینوں مسلح افواج کے سربراہان، وفاقی وزرا، گورنرز، چیئرمین سینیٹ، اسپیکر قومی اسمبلی، سابق چیف جسٹسز، سینئر ججز اور وکلا بھی شریک تھے۔

    دریں اثنا، سپریم جوڈیشل کونسل اور ججز کی تقرری کے لیے جوڈیشل کمیشن کی تشکیل میں بھی تبدیلی کر دی گئی ہے، چیف جسٹس گلزار احمد کے حلف اٹھانے کے بعد آئینی باڈیز کی تشکیل تبدیل ہوئی، جسٹس گلزار سپریم جوڈیشل کونسل کے چیئر مین بن گئے۔

    چیف جسٹس گلزار ججز کی تقرری کے جوڈیشل کمیشن کے بھی چیئر مین بن گئے ہیں، جب کہ جسٹس عمر عطا بندیال جوڈیشل کونسل کے رکن، اور جسٹس مقبول باقر ججز تقرری کے جوڈیشل کمیشن کے رکن بن گئے ہیں۔

    جسٹس گلزار احمد کون ہیں؟

    2 فروری 1957 کو کراچی میں نام ور وکیل نور محمد خان کے گھر پیدا ہونے والے جسٹس گلزار احمد نے ابتدائی تعلیم شہر قائد کراچی میں حاصل کی، ایس ایم لا کالج سے ایل ایل بی کی ڈگری لی اور 1986 میں بہ طور وکیل کیریئر کا آغاز کیا، اور ہائی کورٹ اور پھر 1988 میں سپریم کورٹ کے وکیل بنے، 2001 میں بطور وکیل سپریم کورٹ کا لائسنس حاصل کیا، 2 اگست 2002 کو بہ طور جج سندھ ہائی کورٹ حلف اٹھانے تک جسٹس گلزار احمد کا شمار کراچی کے پانچ بڑے وکلا میں ہوتا تھا۔ انھوں نے 2 اگست 2002 کو سندھ ہائی کورٹ کے جج کا حلف اٹھایا اور 16 نومبر 2011 کو سپریم کورٹ کے جج بنے۔

    2011 میں سپریم کورٹ کے جج بننے کے بعد جسٹس گلزار احمد نے کئی اہم بینچز میں شامل ہوتے ہوئے تاریخ ساز فیصلے سنائے۔ 20 اپریل 2017 کو اس وقت کے وزیر اعظم نواز شریف کے خلاف پانامہ لیکس کیس فیصلے میں موجودہ چیف جسٹس آصف سعید کھوسہ کے ہم راہ اختلافی نوٹ لکھا، جس میں جسٹس گلزار نے سابق وزیر اعظم کو نا اہل قرار دیا تھا۔ جسٹس گلزار احمد نے سابق رکن قومی اسمبلی طلال چوہدری کو توہین عدالت کے مقدمے میں سزا سنائی۔

    کراچی میں تجاوزات کے خاتمے سے متعلق حکم جاری کیے اور سندھ حکومت کی کارکردگی پر متعدد بار تحفظات کا اظہار بھی کیا۔ جسٹس گلزار کو دیوانی، بینکنگ، اور کمپنی قوانین میں مہارت حاصل ہے۔ 2018 میں سابق چیف جسٹس ثاقب نثار کے ہم راہ امریکا میں دیامیر بھاشا ڈیم فنڈ ریزنگ میں حصہ لے چکے ہیں۔ ان کے بارے میں عام طور پر یہ خیال کیا جاتا ہے کہ جسٹس گلزار احمد کے چیف جسٹس بننے کے بعد سپریم کورٹ میں ایک مرتبہ پھر سے جوڈیشل ایکٹو ازم نظر آئے گا۔ وہ دو سال کی طویل مدت تک اس عہدے پر قائم رہیں گے۔

    خیال رہے سپریم کورٹ کے جج کی ریٹائرمنٹ کی عمر  65سال مقرر ہے، چیف جسٹس کی ریٹائرمنٹ کے بعد سینئر ترین جج کو چیف جسٹس کا عہدہ تفویض کیا جاتا ہے، اس لحاظ سے سپریم کورٹ کے ججوں کی موجودہ سنیارٹی لسٹ کے مطابق جسٹ گلزار کو چیف جسٹس پاکستان مقرر کیا گیا۔ جسٹس گلزار احمد کے بعد جسٹس عمر عطا بندیال چیف جسٹس کا منصب سنبھالیں گے اور  16ستمبر 2023 تک اس عہدے پر براجمان رہیں گے۔

  • مودی کی تقریب حلف برداری میں عمران خان کو دعوت نہیں دی جائے گی

    مودی کی تقریب حلف برداری میں عمران خان کو دعوت نہیں دی جائے گی

    نئی دہلی : بھارتی وزیراعظم نریندر مودی کی تقریب حلف برداری کے لیے مختلف ممالک کے سربراہان کو شرکت کے دعوت نامے بھیجنے کا فیصلہ کیا گیا ہے۔

    بھارتی میڈیا کے مطابق بھارتی وزیراعظم نریندر مودی کی تقریب حلف برداری 30 مئی کو ہوگی۔ نریندرمودی کی تقریب حلف برداری کے لیے مختلف ممالک کے سربراہان مملکت کو مدعو کرنے کا فیصلہ کیا گیا ہے۔

    میڈیا رپورٹس کے مطابق تقریب حلف برداری میں شرکت کے لیے سری لنکا، روس اور فرانسیسی صدور کے علاوہ اسرائیلی وزیر اعظم کو بھی مدعو کیا جائے گا۔

    بھارتی میڈیا کے مطابق ولی عہد ابوظبی محمد بن زاید النہیان اور بنگلا دیشی وزیراعظم شیخ حسینہ واجد کو بھی تقریب حلف برداری میں مدعو کیا جائے گا۔

    بھارتی میڈیا سے بی جے پی ذرائع کے حوالے سے بتایا ہے کہ نریندرمودی کی تقریب حلف برداری میں وزیراعظم پاکستان عمران خان کو مدعو نہیں کیا جائے گا۔

    خیال رہے کہ بھارت میں سات مراحل میں ہونے والے لوک سبھا کے انتخابات میں مودی کی بی جے پی اور ان کے اتحادیوں نے کامیابی حاصل کی ہے۔

    عمران خان کی بھارتی وزیر اعظم مودی سے ٹیلی فون پر رابطہ، انتخابات میں کامیابی پر دوسری بار مبارک باد

    وزیراعظم عمران خان نے پہلے سوشل میڈیا پر اور پھر ٹیلی فون کر کے بھارتی وزیراعظم کو الیکشن میں کامیابی پر مبارکباد دی۔

  • ڈاکٹرعارف علوی نےصدرپاکستان کےعہدے کا حلف اٹھا لیا

    ڈاکٹرعارف علوی نےصدرپاکستان کےعہدے کا حلف اٹھا لیا

    اسلام آباد: صدرمملکت ڈاکٹرعارف علوی نے ملک کے 13 ویں صدر کی حیثیت سے حلف اٹھا لیا۔

    تفصیلات کے مطابق ایوان صدر میں تقریب حلف برداری میں چیف جسٹس پاکستان میاں ثاقب نثار نے صدرڈاکٹرعارف علوی سے حلف لیا۔ حلف اٹھانے کے بعد صدرمملکت نے حلف نامے پردستخط کیے جس کے ساتھ ہی ممنون حسین کی 5 سالہ مدت صدارت ختم ہوگئی۔

    تقریب حلف برداری میں وزیراعظم عمران خان، چیف جسٹس میاں ثاقب نثار، تینوں مسلح افواج کے سربراہان، چیئرمین جوائنٹ چیفس آف اسٹاف جنرل زبیرمحمود حیات شریک تھے۔

    وزیرخارجہ شاہ محمود قریشی، گورنرسندھ عمران اسماعیل اور شاہ فرمان، وزیراعلیٰ سندھ مراد علی شاہ، وزیراعلیٰ پنجاب سردار عثمان بزدار، وزیراعلیٰ بلوچستان جام کمال، اسپیکرقومی اسمبلی اسد قیصر بھی ایوان صدر میں موجود تھے۔

    یاد رہے کہ ڈاکٹرعارف علوی گزشتہ ہفتے ہونے والے صدراتی انتخاب میں بھاری اکثریت سے کامیاب ہوکر ملک کے آئندہ صدرمنتخب ہوئے تھے۔ صدرمملکت ڈاکٹرعارف علوی پیشے کے اعتبار سے ڈینٹسٹ ہیں، وہ پہلی بار 2013 کے انتخابات میں کراچی سے رکن قومی اسمبلی منتخب ہوئے تھے۔


    ممنون حسین ایوان صدر سے رخصت‘ الواداعی گارڈ آف آنر


    واضح رہے کہ گزشتہ روزممنون حسین صدارتی مدت پوری ہونے کے بعد سبکدوش ہوگئے تھے۔ صدارتی مدت ختم ہونے پرممنون حسین کو گارڈ آف آنرپیش کیا گیا تھا جبکہ انہوں نے ایوان صدر کے عملے سے الوداعی ملاقاتیں کی تھیں۔

    ممنون حسین کا کہنا تھا کہ پاکستان کی تعمیروترقی قانون کی حکمرانی اور آئین کی بالادستی میں ہے۔