Tag: تنخواہوں

آئندہ مالی سال کے لیے وفاقی بجٹ میں تنخواہوں میں 50 اور پنشن میں 100 فیصد اضافے کی تجاویز صدر زرداری کو پیش کر دی گئی ہیں۔

اے آر وائی نیوز کے مطابق اگلے مالی سال 26-2025 کا وفاقی بجٹ عید تعطیلات کے فوری بعد منگل 10 جون کو پیش کیا جائے گا۔ بجٹ کو حتمی شکل دی جا رہی ہے اور اس حوالے سےمختلف حلقوں سے تجاویز بھی سامنے آ رہی ہیں۔

صدر مملکت آصف علی زرداری سے انچارج پیپلز لیبر بیورو اور ممبر سی ای سی چوہدری منظور نے ملاقات کی۔ اس ملاقات میں بجٹ کے تناظر میں سرکاری ملازمین اور محنت کشوں کے مسائل پر گفتگو کی گئی۔

چوہدری منظور نے سرکاری ملازمین کی نتخواہوں میں کم از کم 50 فیصد اضافے کی تجویز دی گئی جس پر تبادلہ خیال کیا گیا جبکہ پی پی رہنما نے ایڈہاک ریلیف کو بنیادی تنخواہوں میں ضم اور پنشن اصلاحات ختم کرنے کی بھی تجویز دی۔

انہوں نے محنت کشوں کی کم از کم ماہانہ اجرت 50 ہزار مقرر کرنے اور ای او بی آئی پنشن میں 100 فیصد اضافے کا بھی مطالبہ کیا۔

اس موقع پر صدر زرداری نے کہا کہ امید ہے وفاقی حکومت بجٹ میں محنت کش طبقات کی فلاح وبہبود کو اولین ترجیح دے گی۔

آصف زرداری نے مزید کہا کہ پی پی نے ہمیشہ محنت کشوں کے مسائل حل کرنے کے لیے اقدامات کیے، کیونکہ معاشرے کی ترقی محنت کشوں کو ریلیف دیے بغیر ممکن نہیں ہے۔

https://urdu.arynews.tv/budget-2025-26-federal-development-budget-of-rs-1000-billion-approved/

اسلام آباد : اراکین کی تنخواہوں میں اضافے کا بل منظوری کے لئے پارلیمنٹ پیش کیا جائے گا، اضافے کے بعد ارکان کی تنخواہ 5 لاکھ ہو جائے گی۔

تفصیلات کے مطابق مہنگی بجلی، مہنگا پٹرول، بھوک اور غربت میں مسلسل اضافہ ہورہا ہے لیکن عوام کے مسائل کم کرنے کے بجائے عوامی نمائندے اپنی تنخواہ بڑھوانے کی فکر کھائی جارہی ہے۔

اپنی جیبیں بھاری کرنے کیلیے اتحادی واپوزیشن ایک پیج پر آگئے ہیں ، ارکانِ قومی اسمبلی وسینیٹ کی تنخواہیں 200 فیصد اضافے جبکہ اسپیکر اسمبلی اور چیئرمین سینیٹ کی تنخواہ پندرہ لاکھ تک ہونے کا امکان ہے۔

ذرائع نے بتایا کہ ارکان کی تنخواہ اس وقت تقریباً 1لاکھ 67ہزار روپے ہے، جو اضافے کے بعد پانچ لاکھ ہوجائے گی۔

تنخواہوں میں اضافے کا بل سینیٹردینش کمارنے پیش کیا، جسے فوراّ سینیٹ کی فنانس کمیٹی بھیج دیا گیا، بل منظوری کے لئے آج پارلیمنٹ میں پیش کیا جائے گا۔

اس سے قبل پنجاب کے عوامی نمائندوں نے یہی کام دسمبرمیں کیا تھا اور قانون سازی کرکےاپنی تنخواہ لاکھوں روپے بڑھالی تھی۔

اسلام آباد: قومی اسمبلی اراکین کی تنخواہ میں 200فیصد تک اضافے کی تجویز سامنے آگئی ، اراکین موجودہ تنخواہ 1لاکھ 68ہزار کے لگ بھگ ہے۔

تفصیلات کے مطابق وفاقی حکومت نے اراکین قومی اسمبلی اورسینیٹ کی تنخواہوں میں اضافے کا فیصلہ کرلیا، ذرائع نے بتایا کہ قومی اسمبلی سے اراکین کی تنخواہوں میں اضافے کا بل منظور کروایا جائے گا۔

ذرائع کا کہنا تھا کہ اراکین قومی اسمبلی کی موجودہ تنخواہ 1لاکھ 68ہزارکےلگ بھگ ہے اور قومی اسمبلی اراکین کی تنخواہ میں 200فیصد تک اضافے کی تجویز ہے۔

ذرائع نے کہا کہ تنخواہوں اضافے کابل قومی اسمبلی اورسینیٹ سےمنظوری کیلئےمشاورت کرلی گئی، تمام اتحادی اور اپوزیشن جماعتیں تنخواہ بڑھانےکےحق میں ہیں۔

مزید پڑھیں : تنخواہوں میں اضافہ ، حکومتی اور اپوزیشن ارکان یک زبان ہوگئے

،ذرائع نے بتایا کہ وزرااورمشیران کی تنخواہوں میں بھی اضافے سمیت اسپیکرقومی اسمبلی، چیئرمین سینیٹ کی تنخواہ 15 لاکھ کرنے کی تجویز ہے۔

ذرائع کا مزید کہنا تھا کہ حکومتی اور اپوزیشن ارکان میں تنخواہوں میں اضافے کے معاملے پر اتفاق ہے۔

یاد رہے حکومتی اور اپوزیشن ارکان قومی اسمبلی نے تنخواہوں میں اضافے کا مطالبہ کرتے ہوئے کہا تھا کہ مہنگائی ہوگئی اس تنخواہ میں گزارا نہیں ہوتا۔

خیال رہے گذشتہ سال پنجاب اسمبلی کے اجلاس میں عوامی نمائندوں کی تنخواہوں میں اضافے کا بل کثرت رائے سے منظور کیا گیا تھا، جس کت بعد اراکین پنجاب اسمبلی کی تنخواہ 76 ہزار سے بڑھا کر 4 لاکھ کر دی گئی تھی جبکہ صوبائی وزراء کی تنخواہ 1 لاکھ سے بڑھا کر 9 لاکھ 60 ہزار ہوگئی تھی۔