Tag: تنخواہیں

لیڈی ہیلتھ ورکرز کی تنخواہوں کی عدم ادائیگی اورسروس اسٹرکچرسے متعلق سماعت غیرمعینہ مدت تک ملتوی

اسلام آباد: سپریم کورٹ میں لیڈی ہیلتھ ورکرز کی تنخواہوں کی عدم ادائیگی اور سروس اسٹرکچر سے متعلق سماعت کے دوران جسٹس گلزار احمد نے استفسار کیا کہ کیا لیڈی ہیلتھ ورکرز کو تنخواہیں نہیں مل رہی؟۔

تفصیلات کے مطابق سپریم کورٹ آف پاکستان میں لیڈی ہیلتھ ورکرز کی تنخواہوں کی عدم ادائیگی اور سروس اسٹرکچر سے متعلق سماعت ہوئی۔

عدالت عظمیٰ میں سماعت کے دوران جسٹس گلزار احمد نے استفسار کیا کہ کیا لیڈی ہیلتھ ورکرز کو تنخواہیں نہیں مل رہی؟ جس پر درخواست گزار نے جواب دیا کہ ایک سال سے لیڈی ہیلتھ ورکرز کو تنخواہیں نہیں دی گئیں۔

درخواست گزار نے بتایا کہ سپریم کورٹ نے ہر ماہ یکم کو تنخواہیں ادا کرنے کا حکم دے رکھا ہے، جسٹس گلزار نے استفسار کیا کہ کیا حکومتوں نے ابھی تک سروس سٹرکچر بھی نہیں بنایا؟۔

درخواست گزار نے عدالت عظمیٰ کو آگاہ کیا کہ سروس اسٹرکچر کو عدالتی حکم کے مطابق نہیں بنایا گیا، سپریم کورٹ کے 2 جنوری 2018 کے حکم کی خلاف ورزی کی جا رہی ہے۔

سپریم کورٹ آف پاکستان نے وفاقی اور صوبائی حکومتوں کو توہین عدالت کی درخواست پرنوٹس جاری کرتے ہوئے کیس کی سماعت غیرمعینہ مدت کے لیے ملتوی کردی۔

جولائی 1, 2019
سان فرانسیسکو ملازمین کو سب سے زیادہ تنخواہیں دینے والا شہر قرار

برلن : ڈوئچے بنک نے سالانہ رپورٹ میں بتایا ہے کہ دنیا میں سب سے زیادہ تنخواہیں دینے والا شہر سان فرانسیسکو ہے جبکہ دوسرے اور تیسرے نمبر پر زیورخ اور نیویارک ہیں۔

تفصیلات کے مطابق جرمنی کے ڈوئچے بنک کی جانب سے سال 2019ء کی سب سے زیادہ تنخواہیں دینے والے شہروں کی ایک فہرست جاری کی ہے۔

غیر ملکی خبر رساں ادارے کا کہنا تھا کہ اس فہرست میں امریکا کے مغربی ساحل پر واقع کیلیفورنیا ریاست کے شہر سان فرانسیسکو کو سب سے زیادہ تنخواہیں دینے والا شہر قرار دیا گیا ہے۔ اس شہرمیں لوگوں کا معیار زندگی سب سے بہتر اور بلند ہے۔

غیر ملکی میڈیا کا کہنا تھا کہ اس کی بنیادی وجہ امریکا بالخصوص شہر میں ٹیکنالوجی کی منصوعات کی ترقی اور کاروبار ہے۔

عرب نشریاتی ادارے کے مطابق ایک سال قبل یہ اعزاز سوئٹرزلینڈ کے شہرزیورخ کو حاصل تھا مگر سان فرانسیسکو نے پچھلے پانچ سال میں اپنا ریکارڈ مسلسل بہتر بنانے کے بعد تنخواہوں کے حوالے سے دنیا کے نمبر ون شہر کا درجہ حاصل کرلیا۔

رپورٹ میں بتایا گیا ہے کہ تنخواہوں کے اعتبار سے زیورخ اب دوسرے نمبر پر چلا گیا ہے، سال 2019ء کے انڈیکس کے مطابق سان فرانسیسکو کی معیشت میں بہتری میں ٹیکنالوجی اور سائنسی ترقی نے اہم کردار ادا کیا ہے۔

دوسرے نمبر پر زیورخ، تیسرے پرنیو یارک، چوتھے پر امریکی شہر بوسٹن، پانچویں پر شکاگو، چھٹے پر آسٹریلیا کا شہر سڈنی، آٹھویں پر ڈنمارک کا کوپن ہیگن، نویں پر آسٹریلیا کا دارالحکومت ملبرن اور دسویں نمبر پر برطانیہ کا دارالحکومت لندن شامل ہے۔

مئی 22, 2019
سعودی عرب میں تنخواہیں نہ ملنے پر اسپتال ملازمین کی ہڑتال

ریاض: سعودی عرب میں تین ماہ سے تنخواہیں نہ ملنے پر اسپتال کے ملازمین نےاحتجاجاََ کام بند کریااور ہڑتال پر چلے گئے۔

تفصیلات کے مطابق سعودی عرب کے خلیجی ساحلی شہر الخبر میں سعد اسپتال کی نرس نے غیر ملکی خبررساں ادارے کو ٹیلی فون پر بتایا کہ اسپتال کا عملہ ہڑتال پر چلا گیا ہے.انہوں نے اپنی شناخت ظاہر نہ کیے جانے پر بتایا کہ ہمیں ساڑھے تین ماہ سے تنخواہیں نہیں دی گئیں۔

نرس نے بتایا کہ یہ اسپتال سعد گروپ کا حصہ ہے جن کا ناصرف سعودی عرب بلکہ دنیا بھر میں کاروبار ہے۔

اسپتال کی نرس نے بتایا کہ تمام طبی عملے جس میں 1200 نرسیں بھی شامل ہیں احتجاجاََ کام روک دیا ہےاور ہڑتال پر ہیں۔

انہوں نے مزید بتایا کہ اسپتال میں صفائی کرنے والے عملے کو تنخواہیں ادا کردی گئی ہیں لیکن ہمیں عید کے بعد تنخواہیں دینے کا وعدہ کیا گیا تھا جو اب تک نہیں دی گئیں۔

اسپتال کے ملازمین کا کہنا ہے کہ اگر ان کو تنخواہوں کی ادائیگی نہ کی گئی تو وہ گورنر ہاوس کے سامنے احتجاج کریں گے۔

واضح رہے کہ اسپتال عملےکا کہنا ہے کہ تنخواہیں نہ ملنے تک ہڑتال جاری رہے گی تاہم کسی بھی ایمرجنسی میں عملے کی خدمات دستیاب ہوں گی۔

ستمبر 20, 2016
پاکستان اسٹیل کیلئے خام لوہے کے 2 بحری جہازدرآمد کرلئے

کراچی: پاکستان اسٹیل کے لئے ماریطانیہ سے خام لوہا لے کردوبحری جہاز پورٹ قاسم پرپہنچ گئےہیں۔

اسٹیل مل کے ترجمان کے مطابق ستر ہزارمیٹرک ٹن خام لوہا درآمد کیا گیا ہے، رواں ماہ آسٹریلیا سے دو بحری جہازوں کے ذریعے ایک لاکھ دس ہزارمیٹرک ٹن میٹالرجیکل کول لایا گیا تھا، ترجمان کا کہنا تھا کہ اسٹیل ملز کے پاس ایک لاکھ ساٹھ ہزار میٹرک ٹن سے زائد میٹالرجیکل کول اورباون ہزار میٹرک ٹن سے زائد خام لوہا موجود ہے۔

ترجمان کا کہنا ہے کہ پاکستان اسٹیل میں خام مال کی مسلسل درآمد کی بدولت رواں ماہ25 فیصد پیداوار حاصل کرچکی ہے، پاکستان اسٹیل کے چیف ایگزیکٹو آفیسر ظہیر احمد خان کے مطابق پاکستان اسٹیل حکومتی مالیاتی پیکیج کی بروقت حصول کے باعث مقررہ پیداواری اہداف کو حاصل کر لے گی۔

ستمبر 26, 2014
اسٹیل ملزکومالیاتی پیکیج کی پانچویں قسط جلد ملے گی

کراچی: ملازمین کو عیدالاضحی سے قبل تنخواہیں ادا کرنے کیلئے اسٹیل ملز کو مالیاتی پیکیج کی پانچویں قسط رواں ہفتے مل جائے گی ، قسط کا حجم ایک ارب پچھتر کروڑ روپے ہے۔

پاکستان اسٹیل کے اعلامیہ کے مطابق حکومت کے منظور کردہ اٹھارہ ارب پچاس کروڑ روپے کا مالیاتی پیکیج کی پانچویں قسط ایک ارب پچھتر کروڑ روپے رواں ہفتے مل جائے گی۔

اس رقم سے ملازمین کو ڈیڑھ ماہ کی تنخواہیں ادا کردی جائیں گی ، اسٹیل ملز کے چیف ایگزیکٹو آفیسر ظہیراحمد خان کا کہنا تھا کہ حکومتی مالیاتی پیکیج کی بدولت خام مال کی مسلسل آمد سے رواں ماہ ستمبرمیں اسٹیل ملز کی پیداوار تیس فیصد تک پہنچ گئی ہے۔ آئندہ ماہ کیلئے پیداواری ہدف چالیس فیصد مقرر کیا گیا ہے۔

ستمبر 22, 2014
تنخواہوں کیلئے ڈیڑھ ارب روپے کی ضرورت ہے،ترجمان پاکستان اسٹیل

جنوری 25, 2014
تنخواہوں کی ادائیگی جلدازجلد کی جائے، اسٹیل ملز ملازمین

جنوری 25, 2014
لاہور:ایپکا کا مہنگائی کیخلاف احتجاجی مظاہرہ

لاہور میں آل پاکستان کلرک ایسوسی ایشن کے کارکنوں نے مہنگائی کیخلاف مظاہرہ کیا۔ رہنماؤں نے اعلان کیا کہ مطالبات تسلیم نہ ہوئے تو 5 مارچ کو صوبے بھر میں دھرنے دینگے۔ آؤٹ فال روڈ پر ہونے والے احتجاجی مظاہرے کی قیادت ایپکا پنجاب کے صدر حاجی ارشاد نے کی۔

مظاہرین کا کہنا تھا کہ سرکاری ملازمین کی تنخواہیں سال میں صرف ایک بار بجٹ کے موقعے پر بڑھائی جاتی ہیں جبکہ بجلی اور گیس کے نرخوں میں ماہانہ بنیادوں پر اضافہ کیا جاتا ہے۔

انہوں نے وزیر اعلٰی پنجاب سے مطالبہ کیا کہ مہنگائی کے تناسب سے ان کی تنخواہیں بڑھائی جائیں، مطالبات تسلیم نہ ہوئے تو 5 مارچ کو پنجاب بھر میں دھرنے دیئے جائیں گے۔

جنوری 21, 2014
سکھر:فائربریگیڈ کے عملےکا تنخواہوں کی عدم فرا ہمی کیخلاف احتجاج

فائر بر یگیڈ کے عملے نے گزشتہ تیرہ ماہ سے تنخواہیں نہ ملنے کے خلاف ہا تھوں میں بینر اٹھا کر سکھر پر یس کلب کے سامنے احتجاجی مظاہرہ کیا، احتجاج کر تے ہو ئے فا ئر بر یگیڈ کے عملے کا کہنا تھا کہ انہیں تیرہ ماہ سے تنخواہیں نہیں دی جا رہی ہیں جس کی وجہ سے انکے گھروں میں فاقے پڑ گئے ہیں اور وہ مقروض بن چکے ہیں ۔

ان کا مزید کہنا تھا کہ حادثے کی جگہ پر پہنچنے کے لئے گاڑیوں میں ڈیزل بھی نہیں دیا جا رہا ہے جس کے لئے وہ گورنمنٹ آف سندھ سے اپیل کر تے ہیں کہ مذکورہ مسائل حل کرکے انہیں روکی گئی تنخواہیں فوری فراہم کی جا ئیں۔

جنوری 13, 2014