ARYNews.tv | Urdu – Har Lamha Bakhabar

Tag: تنخواہ

  • ای سی سی نے ڈاکٹرز، نرسز کی تنخواہوں میں اضافے کی منظوری دے دی، ظفر مرزا

    ای سی سی نے ڈاکٹرز، نرسز کی تنخواہوں میں اضافے کی منظوری دے دی، ظفر مرزا

    اسلام آباد: معاون خصوصی برائے صحت ڈاکٹر ظفر مرزا نے کہا ہے کہ اقتصادی رابطہ کمیٹی (ای سی سی ) نے ڈاکٹرز، نرسز کی تنخواہوں میں اضافے کی منظوری دے دی۔

    تفصیلات کے مطابق معاون خصوصی برائے صحت ڈاکٹر ظفر مرزا نے کہا ہے کہ حکومت نے شعبہ صحت میں کیے ایک اور وعدے کی تکمیل کر دی، وفاق کے ڈاکٹرز اور نرسز کو مبارکباد پیش کرتا ہوں۔

    ڈاکٹر ظفر مرزا نے کہا کہ ڈاکٹر، نرسز کی تنخواہوں میں اضافے کا دیرینہ مطالبہ پورا ہوگیا، ای سی سی نے ڈاکٹرز، نرسز کی تنخواہوں میں اضافے کی منظوری دے دی۔

    معاون خصوصی برائے صحت نے کہا کہ پمزکے ڈاکٹر، ٹیکنیکل عملے کے لیے 78 کروڑ روپے کی گرانٹ منظور کی گئی ہے، نرسزکی تنخواہ، طالبات کے وظیفے کے لیے 22 کروڑ روپے کی اضافی گرانٹ بھی منظور کرلی گئی۔

    ڈاکٹر ظفر مرزا نے کہا کہ تنخواہوں کے اضافے میں پمز کے ینگ ڈاکٹرز کا اہم کردار ہے، امید ہے ینگ ڈاکٹرز صحت میں اصلاحات کو سپورٹ کریں گے۔ انہوں نے مزید کہا ملکی مستقبل و شعبہ صحت کی بہتری کے لیے سب کو مل کر کام کرنا ہے۔

    اسپتالوں کو دیگر ممالک کی طرح جدید خطوط پر چلانا ضروری ہے: ظفر مرزا

    یاد رہے کہ گزشتہ روز معاون خصوصی برائے صحت ڈاکٹر ظفر مرزا کا کہنا تھا کہ ڈاکٹرز کے مسائل پر اسپتالوں میں اصلاحات کی ضرورت ہے، اسپتالوں کو دیگر ممالک کی طرح جدید خطوط پر چلانا ضروری ہے۔

  • عمران خان بطور وزیراعظم کتنی تنخواہ لیتے ہیں؟ تفصیلات منظرعام پر آگئی

    عمران خان بطور وزیراعظم کتنی تنخواہ لیتے ہیں؟ تفصیلات منظرعام پر آگئی

    اسلام آباد : عمران خان کی بطور وزیراعظم تنخواہ کی تفصیلات سامنے آگئیں ، جس کے مطابق عمران خان کی تنخواہ وفاقی وزرا، اپنے ملٹری سیکرٹری ، صدر مملکت،چیف جسٹس اور وزیراعلیٰ پنجاب سے بھی کم ہے، کٹوتیوں کے بعد عمران خان کو صرف ایک لاکھ چھیانوے ہزار روپے تنخواہ ملتی ہے۔

    تفصیلات کے مطابق وزیر اعظم عمران خان کی سیلری سلپ پہلی بارمنظرعام پرآ گئی، جس کے مطابق عمران خان ملک کے وزیراعظم ہوتے ہوئے وزرا سے بھی کم تنخواہ وصول کرر ہے ہیں، وزیراعظم عمران خان کو ہرماہ ایک لاکھ چھیانوے ہزار روپے تنخواہ ملتی ہے۔

    عمران خان کی بنیادی تنخواہ ایک لاکھ سات ہزار دو سو اسی روپے ہے، وزیراعظم کو مہمانداری الاؤنس کی مد میں پچاس ہزاراورایڈہاک ریلف الاؤنس کےاکیس ہزارچارسو چھپن روپےملتے ہیں۔

    وزیراعظم کی تنخواہ پر چار ہزار پانچ سوپچانوے روپےٹیکس بھی کٹتاہے جبکہ بطور وزیراعظم ان کا کوئی کیمپ آفس نہیں اور بنی گالہ میں سیکیورٹی، خاردار تار کے اخراجات بھی خود برداشت کیے۔

    عمران خان نے وزیراعظم ہاؤس کے دو سو ملازمین کم کیے اور دیگراخراجات بھی محدود کردیے ہیں۔

    وزیراعظم کے مقابلے میں وفاقی وزرا کی تنخواہ ڈھائی لاکھ روپے کے قریب ، وزیراعظم کے ملٹری سیکرٹری کی تنخواہ بھی عمران خان سے زیادہ ہے جبکہ چیف جسٹس اور صدر پاکستان کی تنخواہ بھی چھ سے آٹھ لاکھ روپے ہے۔

    گزشتہ روز کے اضافے کے بعد وزیراعلیٰ پنجاب عثمان بزدار سوا چار لاکھ روپےتنخواہ وصول کریں گے۔

    خیال رہے عمران خان نے عہدہ سنبھالتے ہی وزیراعظم ہاؤس کےاخراجات کم کیے، پرتعیش گاڑیاں اور بھینسیں نیلام کیں تھیں۔

  • وزیراعظم کے معاون خصوصی زلفی بخاری کا تنخواہ ڈیم فنڈ میں دینے کا اعلان

    وزیراعظم کے معاون خصوصی زلفی بخاری کا تنخواہ ڈیم فنڈ میں دینے کا اعلان

    اسلام آباد : وزیراعظم کےمعاون خصوصی  زلفی بخاری نے اپنی تنخواہ سپریم کورٹ وزیراعظم ڈیم فنڈ میں دینے کا اعلان کردیا۔

    تفصیلات کے مطابق وزیراعظم کے معاون خصوصی زلفی بخاری نے اپنی تنخواہ سپریم کورٹ وزیراعظم ڈیم فنڈ میں دینے کا اعلان کرتے ہوئے کہا کہ عہدےکی مدت کی تنخواہ ڈیم فنڈمیں جمع کرائی جائے گی۔

    یاد رہے 15 روز قبل ہی وزیراعظم عمران خان نے قریبی ساتھی زلفی بخاری کو معاون خصوصی مقرر کردیا گیا تھا۔

    وزیراعظم عمران خان نے اپنے معاون خصوصی زلفی بخاری کو سمندر پار پاکستانیوں سے متعلق مفصل رپورٹ تیار کرنے کی ہدایت کی تھی جبکہ زلفی بخاری بیرون ملک پاکستانیوں کے ڈیم فنڈ سے متعلق امورکو بھی دیکھیں گے۔

    مزید پڑھیں : زلفی بخاری وزیراعظم عمران خان کے معاون خصوصی مقرر

    واضح رہے کہ 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامیر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔

    چیف جسٹس میاں ثاقب نثار نے سب سے پہلے ڈیموں کی تعمیر کے لئے دس لاکھ روپے کا عطیہ جمع کرایا تھا، جس کے بعد مزید 2 لاکھ جمع کراچکے ہیں۔

    وزیراعظم پاکستان نے اپنے خطاب میں ڈیم بنانے کے لیے قوم سے مدد مانگی تھی اور پیغام میں کہا تھا پاکستان بہت سے مسائل کا شکار ہے مگر سب بڑا مسئلہ پانی کی کمی ہے، ڈیم بنانا ناگزیر ہوگیا ہے، ڈیم نہ بنائے تو 2025میں پاکستان میں خشک سالی شروع ہوجائے گی، پاکستان میں قحط پڑسکتا ہے۔

    خیال رہے 24 ستمبر کو اسٹیٹ بینک کی جانب سے ڈیم فنڈ کا نام تبدیل کرنے سے متعلق درخواست کی گئی تھی ، جسے سپریم کورٹ نے منظور کرتے ہوئے دیامر بھاشا ڈیم فنڈز کے نام میں تبدیلی کی اجازت دے دی تھی۔

    جس کے بعد دیامیر بھاشا ڈیم کے لئے فنڈ کا نیا نام سپریم کورٹ وزیراعظم ڈیم فنڈ رکھ دیا گیا تھا۔

  • ارکان سندھ اسمبلی کی تنخواہوں اور مراعات میں 100 فیصد اضافہ

    ارکان سندھ اسمبلی کی تنخواہوں اور مراعات میں 100 فیصد اضافہ

    کراچی: ارکان سندھ اسمبلی کی تنخواہوں اور مراعات میں 100 فیصد اضافہ کردیا گیا۔

    تفصیلات کے مطابق نگراں سندھ حکومت نے سابقہ اسمبلی کے فیصلے پر عملدر آمد کا فیصلہ کرتے ہوئے ارکان اسمبلی کی تنخواہ اور مراعات میں اضافے کا فیصلہ کیا ہے۔

    ارکان اسمبلی کی مراعات اور تنخواہوں میں اضافہ سابقہ اسمبلی نے کیا تھا۔

    دستاویزات کے مطابق تنخواہوں اور الاؤنسز میں 100 فیصد اضافہ کیا جائے گا۔ ارکان کو ہر ماہ ڈیڑھ لاکھ سے زائد کی تنخواہ ملے گی۔ 50 ہزار روپے تنخواہ جبکہ ایک لاکھ 5 ہزار روپے کے الاؤنسز ملیں گے۔

    دستاویزات کے مطابق ہر منتخب ایم پی اے کو 45 ہزار روپے ہاؤس رینٹ الاؤنس، 10 ہزار روپے موبائل اور اخراجاتی الاؤنس، 15 ہزار روپے آفس مین ٹیننس، گیس اور بجلی کے بل کی مد میں ملیں گے۔

    ارکان سندھ اسمبلی کو سفری الاؤنس کی مد میں 2 لاکھ روپے بھی سالانہ ملیں گے جبکہ ہر سال ڈیڑھ لاکھ روپے کیش الاؤنس کی مد میں ملیں گے۔

    ارکان سندھ اسمبلی کی تنخواہوں اور مراعات میں اضافہ سابقہ حکومت نے کیا تھا تاہم پیپلز پارٹی کے شریک چیئرمین آصف علی زرداری کی ہدایت پر عملدر آمد روک دیا گیا تھا۔

    دوسری جانب ترجمان وزیر اعلیٰ سندھ نے کہا کہ سندھ اسمبلی ممبران کی مراعات کا بل گزشتہ اسمبلی نے منظور کیا تھا جبکہ اس کی منظوری گورنر سندھ نے دی تھی۔

    ترجمان کے مطابق مجوزہ بل کی منظوری سے نگران حکومت کا کوئی تعلق نہیں۔

  • نیب افسران 2اور اہلکار ایک دن کی تنخواہ ڈیمز فنڈ میں عطیہ دیں گے

    نیب افسران 2اور اہلکار ایک دن کی تنخواہ ڈیمز فنڈ میں عطیہ دیں گے

    اسلام آباد : چیئرمین نیب کا کہنا ہے کہ نیب افسران 2 اور اہلکار ایک دن کی تنخواہ ڈیمز فنڈ میں عطیہ دیں‌ گے، یہ اقدام ملک میں پانی کی کمی پوری کرنے کیلئے اٹھایا گیا۔

    تفصیلات کے مطابق سپریم کورٹ آف پاکستان کی جانب سے دیامربھاشا اورمہمند ڈیم کی تعمیر کے لیے قائم فنڈ میں اسٹیٹ بینک و دیگر و نجی بینکوں سمیت دیگر سرکاری و پرائیوٹ اداروں کے ملازمین اور عوام کے کروڑوں روپے عطیہ کرنے کا سلسلہ جاری ہے۔

    چیئرمین نیب جسٹس (ر) جاوید اقبال کی زیرصدارت نیب ہیڈ کوارٹرز میں اجلاس ہوا، جس میں فیصلہ کیا گیا کہ نیب افسران 2 اور اہلکار ایک دن کی تنخواہ ڈیمز فنڈ میں عطیہ دیں گے۔

    اجلاس میں کہا گیا کہ نیب کی جانب سے اقدام ملک میں پانی کی کمی پوری کرنے کیلئے اٹھایا گیا۔

    یاد رہے کہ 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامیر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔

    جس کے بعد سپریم کورٹ آف پاکستان نے دیامربھاشا اورمہمند ڈیم کی تعمیر کے لیے فنڈقائم کیا۔

    بعد ازاں چیف جسٹس میاں ثاقب نثار نے سب سے پہلے ڈیموں کی تعمیر کے لئے دس لاکھ روپے کا عطیہ جمع کرایا، جس کے بعد مسلح افواج نے ڈیموں کی تعمیر کے کار خیر میں بڑھ چڑھ کر حصہ لینے کا اعلان کیا۔

    مزید پڑھیں: ڈیموں کی تعمیر، فراخ دل پاکستانیوں نے اب تک کتنے کروڑ روپے فنڈ دیا؟

    چیئرمین سینیٹ صادق سنجرانی نے 15 لاکھ جبکہ قومی کرکٹ ٹیم کے سابق کپتان اور اداکار حمزہ علی عباسی سمیت ملک میں بسنے والے دیگر لوگوں نے بھی ڈیمز کی تعمیر میں حصہ ڈالا، شاہد آفریدی نے اپنی اور فاؤنڈیشن کی جانب سے 15 لاکھ روپے دینے کا اعلان کیا بعدازاں پاکستانی نژاد برطانوی باکسر نے بھی 10 لاکھ روپے عطیہ کیے۔

    سیکیورٹی ایکسچینج آف پاکستان نے ڈیمز کی تعمیر کے حوالے سے 14 جولائی کو اہم فیصلہ کرتے ہوئے سرکلر جاری کیا تھا جس میں تمام رجسٹرڈ کمپنیوں کو کمرشل سماجی ذمہ داری کے تحت ڈیموں کی تعمیر میں عطیات دینے کی ہدایت کی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کری

  • ن لیگ حکومت کے لاڈلے افسران جن کی تنخواہ 3 لاکھ روپے سے کم نہیں

    ن لیگ حکومت کے لاڈلے افسران جن کی تنخواہ 3 لاکھ روپے سے کم نہیں

    لاہور : سابق حکومت میں پبلک سیکٹر کمپنیوں میں تعینات گریڈ 17 سے 21 کے کسی بھی افسر کی تنخواہ 3 لاکھ روپے سے کم نہیں۔

    تفصیلات کے مطابق سابق پنجاب حکومت گریڈ سترہ سے اکیس تک کے لاڈلے افسران کو پبلک سیکٹر کمپنیوں میں تعینات کر کے لاکھوں روپے کی تنخواہوں اور مراعات سے نوازتی رہی، کمپنیوں میں تعینات افسران میں سے کسی کی تنخواہ تین لاکھ روپے سے کم نہیں۔

    سب سے زیادہ لاڈلے افسر احد خان چیمہ بطور سی ای او قائد اعظم تھرمل پاور انیس لاکھ چھہتر ہزار پانچ سو وصول کرتے رہے۔

    بیسویں گریڈ کے مجاہد شیر دل سی ای او آئی ڈیپ کے طور پر گیارہ لاکھ وصول کرتے رہے جبکہ صاف پانی کمپنی میں نبیل جاوید کی تنخواہ چودہ لاکھ روپے مقرر کی گئی۔

    صاف پانی کمپنی میں وسیم اجمل چوہدری دس لاکھ انتالیس ہزار پانچ سو روپے وصول کر رہے ہیں، اسی طرح صاف پانی کمپنی کے سابق سی ای او بیسویں گریڈ کے خالد شیردل پندرہ لاکھ باون ہزار روپے وصول کرتے رہے۔

    بیسویں گریڈ کے کیپٹن عثمان صاف پانی کمپنی کے سابق سی ای او کی حیثیت سے چودہ لاکھ پچاس ہزار تنخواہ وصول کرتے رہے۔

    لاہور نالج پارک کے سی ای او شاہد زمان کی تنخواہ آٹھ لاکھ روپے ہے جبکہ اربن سیکٹر پلاننگ میں بیسویں گریڈ کے ڈاکٹر ناصر جاوید آٹھ لاکھ اسی ہزار روپے وصول کر رہے ہیں۔

    انیسویں گریڈ کے جاوید قریشی پنجاب پاپولیشن ڈیویلپمنٹ فنڈ میں سات لاکھ تنخواہ ہے اور اکیسویں گریڈ کے ملک علی عامر سیف سٹی اتھارٹی میں سات لاکھ نوے ہزار تنخواہ وصول کر رہے ہیں۔

    گریڈ سترہ کے عبدالرزاق لاہور نالج پارک میں آٹھ لاکھ پچاس ہزار تنخواہ وصول کرتے رہے۔

    چیف جسٹس آف پاکستان نے کمپنیوں میں بھاری تنخواہوں کا ازخود نوٹس لیتے ہوئے اضافی رقوم واپس کرنے کے احکامات جاری کر رکھے ہیں، چیف جسٹس نے بھاری تنخواہوں کا معاملہ نیب کو بھی بھجوایا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • پشاور: سرکاری ملازمین کی تنخواہوں میں 10 فیصد اضافہ

    پشاور: سرکاری ملازمین کی تنخواہوں میں 10 فیصد اضافہ

    پشاور: صوبہ خیبر پختونخواہ کی نگراں حکومت نے سرکاری ملازمین کی تنخواہوں میں 10 فیصد اضافے کا اعلامیہ جاری کردیا۔

    تفصیلات کے مطابق صوبہ خیبر پختونخواہ کی نگراں حکومت نے سرکاری ملازمین کی تنخواہوں میں 10 فیصد اضافہ کردیا۔

    تنخواہوں میں اضافے کا اعلامیہ جاری کردیا گیا ہے۔

    اعلامیے کے متن کے مطابق فیصلے کا اطلاق رواں ماہ کی تنخواہوں سے ہوگا۔

    خیال رہے کہ سرکاری ملازمین کی تنخواہوں میں اضافے کا فیصلہ بجٹ 2018 میں کیا گیا تھا جو سابقہ حکومت نے پیش کیا تھا۔

    بجٹ میں سرکاری ملازمین کی تنخواہوں اور پنشن میں 10 فیصد اضافے کا اعلان کیا گیا تھا جبکہ ایڈ ہاک ریلیف 2010 کو بھی تنخواہوں میں ضم کرنے کا اعلان کیا گیا تھا۔

    بجٹ میں ایک سے 16 گریڈ تک کے ملازمین کو ترقی اور ان کی اپ گریڈیشن بھی کی گئی تھی۔

    سابقہ صوبائی حکومت کے اعلانات کے بعد نگراں حکومت نے ان کی تعمیل کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جب تک ملازمین کوتنخواہ نہیں ملتی، اپنی تنخواہ بھی نہیں لوں گا‘ چیف جسٹس

    جب تک ملازمین کوتنخواہ نہیں ملتی، اپنی تنخواہ بھی نہیں لوں گا‘ چیف جسٹس

    اسلام آباد : سپریم کورٹ آف پاکستان میں پی ڈبلیو ڈی ملازمین کو تنخواہوں کی عدم ادائیگی کیس کی سماعت کے دوران چیف جسٹس نے کہا کہ جب تک ملازمین کو تنخواہیں نہیں مل جاتیں اس وقت تک اپنی تنخواہ بھی نہیں لیں گے۔

    تفصیلات کے مطابق چیف جسٹس ثاقب نثار کی سربراہی میں سپریم کورٹ کے بینچ نے پی ڈبلیو ڈی ملازمین کو تنخواہوں کی عدم ادائیگی کیس کی سماعت کی۔

    عدالت عظمیٰ میں سماعت کے دوران اسپیشل سیکریٹری خزانہ اور اکاؤنٹنٹ جنرل عدالت میں پیش ہوئے۔

    چیف جسٹس میاں ثاقب نثار نے ملازمین کو تنخواہیں نا ملنے تک اپنی تنخواہ نہ لینے کا اعلان کرتے ہوئے کہا جب تک ملک بھر کے پی ڈبلیو ڈی ملازمین کو تنخواہیں نہیں ملتیں میرے اکاؤنٹ میں چیک نہیں آنا چاہیے۔

    انہوں نے ایڈیشنل رجسٹراد کو مخاطب کرتے ہوئے کہا کہ ایڈیشنل رجسٹرار صاحب یہ حکم ہے، میرے اکاؤنٹ میں چیک ڈیپازٹ نہیں کرانا۔

    چیف جسٹس ثاقب نثار نے کہا کہ پہلے دیکھوں گا تمام ملازمین کو تنخواہوں کی ادائیگی ہوگئی، پھراپنے اسٹاف کو کہوں گا کہ چیک جمع کرا دیں۔

    ملازمین 3 ماہ میں کیسے گزرا کریں گے، لوگوں کے ساتھ پیٹ لگا ہوا ہے‘ چیف جسٹس

    خیال رہے کہ گزشتہ روزسپریم کورٹ میں تنخواہوں کی عدم ادائیگی سےمتعلق کیس میں جیوکے مالک میر شکیل الرحمٰن نے تنخواہوں کی ادائیگی کے لیے3 ماہ کا وقت مانگا تھا جسے عدالت نے مسترد کرتے ہوئے کمیٹی کی تشکیل کا حکم دیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان اسٹیل کے ملازمین کے لیے 2 ماہ کی تنخواہ منظور

    پاکستان اسٹیل کے ملازمین کے لیے 2 ماہ کی تنخواہ منظور

    کراچی: پاکستان اسٹیل کے ملازمین کے لیے 2 ماہ کی تنخواہ کی منظوری دے دی گئی۔ حکومت تنخواہوں کی ادائیگی کے لیے 76 کروڑ روپے فراہم کرے گی۔

    تفصیلات کے مطابق حکومت نے پاکستان اسٹیل کے ساڑھے 12 ہزار ملازمین کی 2 ماہ کی تنخواہ کے لیے 76 کروڑ روپے جاری کرنے کی ہدایت کردی۔

    وزارت خزانہ ذرائع کے مطابق یہ رقم پاکستان اسٹیل کو قرضے کی مد میں دی گئی ہے۔ اسٹیل ملز ذرائع کے مطابق ملازمین کو اگلے ہفتے اگست اور ستمبر کی تنخواہ کی سلیپ جاری ہوگی۔

    تنخواہ 12 دسمبر کو پاکستان اسٹیل کے بورڈ اجلاس سے قبل دی جارہی ہے۔ 2 ماہ کی تنخواہ ملنے کے بعد بھی پاکستان اسٹیل کے ملازمین اکتوبر اور نومبر کی تنخواہ کے منتظر رہیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آئندہ بجٹ میں تنخواہوں اور پنشن میں اضافے کا امکان

    آئندہ بجٹ میں تنخواہوں اور پنشن میں اضافے کا امکان

    اسلام آباد: آئندہ مالی سال کے بجٹ 18-2017 میں سرکار ی ملازمین کے لیے تنخواہوں اور پنشن میں 15 فیصد اضافے کا امکان ہے۔ ساتھ ہی کم از کم تنخواہ 15 ہزار کیے جانے کے بھی امکانات ہیں۔

    تفصیلات کے مطابق بجٹ کی تیاری آخری مراحل میں داخل ہوگئی ہے۔ رواں مال سال کے بجٹ میں سرکاری ملازمین کی تنخواہوں اور پنشن میں اضافے متوقع ہیں۔

    ذرائع کے مطابق تنخواہوں کی ادائیگی کے لیے مختص رقم 45 فیصد اضافے کے ساتھ 395 ارب روپے تک ہوسکتی ہے۔

    پنشن کی رقم 30 ارب روپے اضافے کے ساتھ 275 ارب روپے متوقع ہے۔ اس کے علاوہ سرکاری ملازمین کے الاؤنسز بھی بڑھائے جانے کا امکان ہے۔

    ذرائع کا کہنا ہے کہ حکومت سالانہ ترقیاتی بجٹ میں بھی اضافے کی کوششوں میں مصروف ہے۔ ترقیاتی بجٹ ساڑھے 8 سو ارب تک ہوسکتا ہے۔ لوڈ شیڈنگ پر قابو پانے کے لیے زیادہ فنڈز توانائی سیکٹر کے لیے مختص کیے جانے کی امید ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔