کرکٹ پاکستان کا مقبول ترین کھیل ہے جو قوم کو یک جان کرتا ہے، لیکن قوم کو متحد کرنا والا یہ کھیل آج پاکستانیوں کی امنگوں پر پورا نہیں اتر رہا۔
73 سال کی عمر رکھنے والی پاکستان کرکٹ پر پون صدی میں کیا گزری؟ عروج وزوال کی داستان خود اسی کی زبانی سنیے۔ ریحان خان کے آڈیو پوڈکاسٹ میں
انٹرنیشنل کرکٹ کونسل (آئی سی سی) نے ٹی 20 فارمیٹ میں کھلاڑیوں کی رینکنگ جاری کر دی بابر اعطم کی مزید تنزلی ہوئی ہے۔
آئی سی سی نے ٹی ٹوئنٹی فارمیٹ میں کھلاڑیوں کی نئی رینکنگ جاری کر دی ہے۔ نیوزی لینڈ کیخلاف ٹی ٹوئنٹی اسکواڈ سے باہر اسٹار بیٹر بابر اعظم کی تنزلی ہوئی ہے اور وہ ساتویں سے 8 ویں نمبر پر چلے گئے ہیں۔
آئی سی سی ٹی 20 بیٹرز رینکنگ میں آسٹریلیا کے ٹریوس ہیڈ پہلی پوزیشن پر برقرار ہیں۔ پاکستان کے وکٹ کیپر بیٹر محمد رضوان کا فہرست میں نواں نمبر ہے۔
رینکنگ کے مطابق نیوزی لینڈ کے ٹم سیفرٹ 20 درجے ترقی کے بعد 13 ویں نمبر اور نیوزی لینڈ کے فن ایلن بھی 8 درجے ترقی کے بعد 18 ویں نمبر پر آگئے ہیں۔
ٹی 20 بولرز رینکنگ میں ویسٹ انڈیز کے عقیل حسین کا پہلا نمبر اور بھارت کے ورون چکر ورتی کا دوسرا نمبر ہے جب کہ کوئی بھی پاکستانی بولر ٹاپ 20 میں جگہ نہیں پاسکا۔
گرین شرٹس کی جانب سے بولرز میں سب سے اوپر حارث رؤف 6 درجہ ترقی کے بعد 26 ویں نمبر پر آ گئے ہیں جب کہ شاہین شاہ آفریدی 6 درجہ تنزلی کے بعد 30 ویں نمبر پر جا پہنچے ہیں۔
آئی سی سی ٹی ٹوئنٹی رینکنگ میں آل راؤنڈرز میں بھارت کے ہاردک پانڈیا پہلے نمبر پر موجود ہیں۔ آسٹریلیا کے مارک اسٹوئنس دوسرے جب کہ انگلینڈ کے لیونگسٹن تیسرے نمبر پر ہیں۔
https://urdu.arynews.tv/babar-azam-and-naseem-shah-also-failed-in-domestic-matches/
مایوس کن کارکردگی کے بعد پاکستان ٹیم صرف چیمپئنز ٹرافی سے ہی باہر نہیں ہوئی بلکہ کھلاڑیوں کی آئی سی سی رینکنگ میں بھی تنزلی ہوئی ہے۔
آئی سی سی چیمپئنز ٹرافی نے ون ڈے کی نئی رینکنگ جاری کی ہے اور پاکستانی کرکٹرز کو بدترین کارکردگی کا مظاہرہ کرنے پر اس میں تنزلی کا سامنا کرنا پڑا ہے۔
میگا ایونٹ میں مایوس کن کارکرگی پر پاکستانی ٹیم کے بڑے ناموں کپتان محمد رضوان، فخر زمان، شاہین شاہ آفریدی، حارث رؤف کو کئی درجے تنزلی کا سامنا کرنا پڑا ہے جب کہ بابر اعظم اپنی دوسری پوزیشن پر برقرار ہیں۔
پاکستان کے وائٹ بال کپتان محمد رضوان جو چیمپئنز ٹرافی میں نیوزی لینڈ کے خلاف صرف 3 اور بھارت کے خلاف 46 رنز بنا سکے۔ وہ 16 ویں سے 20 ویں نمبر پر چلے گئے۔
پاکستان کے اسٹار فاسٹ بولر کہلانے والے شاہین شاہ آفریدی جو چیمپئنز ٹرافی میں متاثر کن کارکردگی نہ دکھا سکے، پانچ درجے تنزلی کے بعد چوتھے سے نویں نمبر پر جا پہنچے ہیں۔
حارث رؤف بھی 6 درجے کمی کے بعد اب 22 ویں پوزیشن پر ہیں۔ تاہم نسیم شاہ کی دو درجے ترقی ہوئی ہے اور وہ 44 سے 42 ویں نمبر پر آ گئے ہیں۔ بھارت کے خلاف اچھی کارکردگی کا مظاہرہ کرنے والے لیگ اسپنر ابرار احمد 26 درجے ترقی کے بعد 49 ویں نمبر پر پہنچ گئے ہیں۔
چیمپئنز ٹرافی میں زخمی ہونے والے قومی اوپنر فخر زمان نیوزی لینڈ کے خلاف بڑی اننگ کھیلنے میں ناکام رہے جس کی وجہ سے تین درجہ تنزلی کے بعد 17 ویں نمبر پر پہنچ گئے ہیں۔ تاہم سابق کپتان بابر اعظم کی دوسری پوزیشن برقرار رہے۔
زخمی ہونے کے باعث ڈیڑھ ماہ سے کرکٹ سے دور قومی اوپنر صائم ایوب 8 درجہ تنزلی کے بعد 35 ویں نمبر پر آ گئے ہیں۔ تاہم نائب کپتان سلمان علی آغا کی 46 ویں اور امام الحق کی 32 ویں پوزیشن برقرار ہے۔
آئی سی سی رینکنگ میں ٹاپ پر بھارتی نائب کپتان شبھمن گل پہلی اور کپتان روہت شرما تیسری پوزیشن پر ہیں۔ ویرات کوہلی کو پاکستان کے خلاف سنچری اسکور کرنے کا صلہ پانچویں پوزیشن کی صورت میں ملا ہے۔
بولرز رینکنگ میں سری لنکن اسپنر مہیش تھیکشانا بدستور نمبر ون بولر ہیں، جبکہ افغانستان کے راشد خان دوسرے نمبر پر برقرار ہیں۔
جنوبی افریقا کے کیشو مہاراج ایک درجہ ترقی کے بعد چوتھے، نیوزی لینڈ کے میٹ ہنری دو درجے اوپر جا کر چھٹے اور آسٹریلیا کے ایڈم زیمپا دو درجے ترقی کے بعد 10 ویں نمبر پر آ گئے ہیں۔
https://urdu.arynews.tv/champions-trophy-2025-new-record/
انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی ہے جس میں پاکستانی کھلاڑیوں کی تنزلی ہوئی ہے۔
آئی سی سی کی جاری کردہ نئی ٹیسٹ رینکنگ میں پاکستان کے اسٹار بیٹر بابر اعظم، ٹیسٹ ٹیم کے نائب کپتان سعود شکیل، شاہین شاہ آفریدی کی ریکنگ میں کمی ہوئی ہے۔
انٹرنیشنل کرکٹ کونسل کی بیٹر رینکنگ میں پاکستانی ٹیسٹ ٹیم کے نائب کپتان سعود شکیل ایک درجہ تنزلی کے بعد نویں نمبر پر چلے گئے ہیں جب کہ طویل عرصے سے آؤٹ آف فارم بابر اعظم بھی ایک درجہ کم ہونے کے بعد 19 ویں نمبر پر آ گئے ہیں۔
اسٹار فاسٹ بولر شاہین شاہ آفریدی ٹیسٹ بولر رینکنگ میں 15 ویں سے 16 ویں پوزیشن پر چلے گئے ہیں جب کہ حال ہی میں انگلینڈ کے خلاف ٹیسٹ سیریز کے ہیرو اسپنر نعمان علی دو درجے تنزلی کے بعد ٹاپ ٹین رینکنگ سے باہر ہو گئے ہیں اور ان کی پوزیشن 11 ویں ہو گئی ہے۔
آئی سی سی کی جاری تازہ ٹیسٹ رینکنگ ابتدائی دو پوزیشنز پر انگلینڈ کا قبضہ ہے جہاں جو روٹ اور ہیری بروک بالترتیب پہلی اور دوسری پوزیشن پر ہیں۔ نیوزی لینڈ کے کین ولیمن سن تیسری پوزیشن پر ہیں۔
بھارت کے یشوی جیسپال چوتھی، نیوزی لینڈ کے ڈیرل مچل پانچویں، بھارت کے رشبھ پنت چھٹی، سری لنکا کے کمندو مینڈس ساتویں، آسٹریلیا کے اسٹیون اسمتھ آٹھویں، پاکستان کے سعود شکیل نویں اور جنوبی افریقہ کے ٹمبا باووما دسویں نمبر پر ہیں۔
آئی سی سی ٹیسٹ بولنگ ریکنگ میں آسٹریلیا کے خلاف پہلے میچ میں شاندار کارکردگی دکھانے والے بھارت کے جسپرت بمبرا پہلے نمبر پر ہیں۔ جنوبی افریقہ کے کگیسو ربادا دوسرے، آسٹریلیا کے جوش ہیزل ووٹ تیسرے، بھارت کے روی چندر ایشون چوتھے، آسٹریلوی کپتان پیٹ کمنز پانچویں نمبر پر ہیں۔
چھٹی سے دسویں رینکنگ پر بالترتیب بھارت کے رویندر جڈیجہ، آسٹریلیا کے ناتھن لیون، سری لنکا کے پربھات جے سوریا، جنوبی افریقہ کے مارکو جانسن اور نیوزی لینڈ کے میٹ ہنری شامل ہیں۔